ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا دو شەمبی رێککەفتی 1/2/2016 دێ بڤی رەنگێ خوارێ بن لسەرانسەری پارێزگەھا دھۆکێ
ل ناڤ سەنتەرێ باژێرێ دھۆک دێ بڤی شێوەی بن:
سپێدێ : 1- جاددا زرکا نێزیک گولخانا مالتا
2 – جاددا بارزان قایمقامیێ
ب شەڤ : 3- جاددا بارزان شندوخا
4- جاددا بارزان گەڤەرکێ
5- جاددا قازی محەمەد نێزیک یاریگەھا برا

تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت

رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک کومەلگەھا مەھەت
2- جاددا سەرەکی یا شێخان گوندێ دووشیڤان

رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا کەلەک نێزیک گوندێ گەویلان
2- جاددا بەردەرەش بو ناحیا رۆڤیا نێزیک گوندێ ئامیان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا میرزەند دناڤبەرا ترافیکما قەلعێ بو ترافیکا بەلدێ
2- لسەر جاددا سەرەکی یا رۆڤیا دناڤبەرا زلگەھا ئاکرێ بو دووریانا گەرەکا رۆڤیا
رادارێن قەزا سێمێل دێ لڤان جھان ھێنە دانان
1- جاددا سەرەکی یا تەناھی بو سێمێل نێزیک فاملی موول
2- جاددا سەرەکی دناڤبەرا سێمێل بو کومەلگەھا دوومیز
راداراێن قەزا زاخو دێ لڤان جھان ھێنە دانان
1- جاددا سەرەکی یا بێدارێ
2- جاددا سەرەکمی یا گەلیێ زاخۆ نێزیک گوندێ حەسەن ئاڤا
رادارێن قەزا ئامێدیێ دێ لڤانا جھان ھێنە دانان
1- جاددا سەرەکی سیارەتیکا بو ناحیا سەرسنک
رادارێن ناحیا زاویتە دێ لڤان جھان ھێنە دانان
1- جاددا زاویتە بو دھۆک
2- جاددا ئێتیت بو دھوک

ئەڤرۆ نيوز:
وەزارەتا پەروەردێ یا حوکمەتا ھەرێما کوردستانێ دیار کر، بانکا نێڤدەولەتی دێ ھاریکاریا کەرتێ پەروەردێ ل ھەرێما کوردستانێ کەت و چەند پرۆژان د ڤی واری دا ل ھەرێما کوردستانێ ب جھئینیت، دا کو پرۆسا پەروەردە و فێرکرنێ نەھێتە ڕاوەستاندن.
ل دووڤ ڕاگەھاندنەکا وەزارەتا پەروەردێ یا حوکمەتا ھەرێما کوردستانێ، دوھی 31/1/2016 دکتۆر پشتیوان سادق، وەزیرێ پەروەردێ د گەل شاندەکێ بانکا نێڤدەولەتی ب سەرۆکاتیا (تومی می) رێڤەبەرا ئۆفیسا رۆژھەلاتا ناڤەراست یا بانکا ناڤبری کۆمبوو، تێدا بەحسی ھاریکاریکرنا کەرتێ پەروەردێ ل ھەرێمێ ھاتە کرن.
تومی می، رێڤەبەرا ئۆفیسا رۆژھەلاتا ناڤەراست یا بانکا نێڤدەولەتی دیار کر، مەرەم ژ ھاتانا وان بۆ ھەرێما کوردستانێ ئەوە، بزانن وەزارەتا پەروەردێ پێدڤە ب چ ھەیە و چەوا ھاریکاریا کەرتێ پەروەردێ بکەن و گۆت: “مە چەند پرۆژە و پلان و ھاریکاری بۆ وەزارەتا پەروەردێ ھەنە و بڕیارە ل ھەرێمێ ئەنجام بدەین”.
د ڕاگەھاندنا وەزارەتێ دا ھاتیە: “بانکا ناڤەندی ل بەرە چەند پرۆژان ل ھەرێما کوردستانێ ئەنجام بدەت، وەکو: گرنگیدان ب گەشەیا زارۆیێن پێشوەخت، چەوانیا گرنگیدان ب گەشەیا شیانێن مامۆستایان، دیتنا میکانزما پەیوەندیێ د ناڤبەرا کەرتێ تایبەت و گشتی د کاروبارێن پەروەردەیی دا و ھەلسەنگاندنا قوتابیان”.
ل دووڤ وێ ڕاگەھاندنێ وەزیرێ پەروەردێ داخواز کر، بانکا نێڤدەولەتی ھاریکاریا ھەرێما کوردستانێ بکەت، دا کو پرۆسا پەروەردە و فێرکرنێ نەھێتە ڕاوەستاندن.

ئه‌ڤرۆ نيوز:

چاڤدێرەکێ سیاسی بۆچوونێن خوە ل دۆر سەرە‌دانا سەرۆکێ حوکمەتا ھەرێما کوردستانێ بۆ بەغدا دیاردکەت و دبێژیت، دەمەکێ درێژبوو پەیوەندیێن ھەرێمێ و بەغدا دباش نەبوون.
دیندار نەجمان، چاڤدێرێ سیاسی بۆ رۆژناما ئەڤرۆ گۆت” پەیوەندیێن ھەرێما کوردستانێ و بەغدا دەمەکێ درێژبوو دباش نەبوون، ئەڤە ژی ژبەر کێشێن پەترۆلێ و بودجا پێشمەرگەی و بڕینا بۆدجا ھەرێما کوردستانێ ژلایێ حوکمەتا عیراقێ ڤە و نەھنارتنا مووچێ فەرمانبەرێن ھەرێمێ ژ بەغدا و پێدڤیە دانوستاندن د ناڤبەرا ھەر دو حوکمەتان دا بھێنە ئەنجامدان بۆ چارەسەرکرنا کێشێن ناڤبری، چونکێ ھەر دو حوکمەت یێن تووشی قەیرانەکا ئابووری یا دژوار بووین ب تایبەت پشتی ھاتنا خوارا بھایێ پەترۆلێ ل سەرانسەری جیھانێ”.
دیندار نەجمان زێدەتر گۆت” قەیرانا ئابووری یا نوکە ھەرێم کەفتیە تێدا گەلەک یا مەترسیدارە و دڤێت حوکمەتا ھەرێمێ ب زووترین دەم چارەکێ بۆ ببینت و تایبەت دابینکرنا مووچێن فەرمانبەران کو ژیانا خەلکی ل سەر ئەڤان مووچانە و دڤێـت ھەموو مللەت ملێ خوە بدەتە بەر ڤێ قەیرانێ و تایبەت ژی پارتی دیموکراتی کوردستان و ئێکەتی نشتیمانی کوردستان، راستە حوکمەتێ ھندەک بریارێن باش یێن داین بۆ کێمکرنا خەرجیان، بەلێ مە پێدڤی ب ھندەک بریارێن دی ژی یا ھەی بۆ زێدەکرنا داھاتی و دیسا کار بھێتەکرن بۆ وەرگرتنا قەران ژ کومپانیێن مەزن”.
ھەمبەر نێزیکبوونا پارتێن سیاسی ژی، دیندار نەجمان دبێژیت” ئەو لژنا دکۆمبوونا سەرۆکێ ھەرێما کوردستانێ دا ھاتیە پێکئینان، ب دیتنا من دێ ڕۆلەکێ باش ھەبیت بۆ نێزیکرنا لایەن و پارتێن سیاسی ل کوردستانێ”.
ل دۆر رێککەفتنا (سایکس – بیکۆ) کو ئەڤ 100 سال دێ ب سەرڤە چن، گۆت” گەلەک سەنتەر و کەسایەتیێن سیاسی ل سەرانسەری جیھانێ پێشبینیا نەمانا رێککەفتنا (سایکس – بیکۆ) ی دکەن و پێشبینیا دروستبوونا دەولەتا کوردی دکەن، بەلێ ھەتا نوکە چو دەولەتێن زلھێز ئەجندە رانەگەھاندینە، وەکو ئەم دزانین ددیرۆکێ دا پشتی روودانێن مەزن پەیدادبن، بەردەوام نەخشێ جوگرافی یێ دەڤەرێ ھاتیە گوھۆرین، لەوما ئەز یێ گەشبینم ئەڤ قۆناغە باشترین دەلیڤەیە بۆ دروستبوونا دەولەتا کوردی” خویاکر ژی” مە نوکە پێدڤی ب خورتکرنا ناڤمالا کوردی چارەکرنا کێشان یا ھەی و کارکرن بۆ نەھێلانا گەندەلیێ و دادپەرەوەریا جڤاکی و خوەشکرنا بارێ وەلاتیان و ھەکە ئیرادا نێڤدەولەتی ھەبیت و دبەرژوەندیا وان دابیت، دبینم دێ دەولەتا کوردی دێ دروست بیت”.
ھەمبەر چێکرنا پارتەکا سیاسی کو بەحس ھەبوو ل گەل (ئەدھەم بارزانی) پێک بینیت، دینداری ئەڤ چەندە رەتکر و گۆت” ھەتا نوکە چو راستی بۆ ڤێ چەندێ نینن و ھەتا نوکە چو بەحس ژی نینە”.