ئەڤرۆ نیوز:
ئەندامەکێ جڤاتا نوونەرێن عیراقێ بۆ ئەڤرۆ دیارکرکو کار بۆ پێکئینان و راگەھاندنا ھەرێما سونی ل عیراقێ یێ دھێتە کرن و پێشبینی دھێتە کرن گوھۆرینەکا نوو ل دەڤەری دروست ببیت، ب تایبەت ژی ل عیراقێ وسووریێ، ئەڤ بزاڤە ژی دێ بیتە پێنگاڤەک ئەڤ ئالۆزیین نوکە عیراق ڤەگرتی، ھەکە نەمینن ژی، دێ کێم بن ودێ عیراقەکا ئارام دروست بیت و سونەیان پلانا خوە ژی یا دانای و یێ بەرھەڤیان دکەن و نوکە دو یان سێ سیناریو ژی یێن ھەین بۆ راگەھاندنا ھەرێما سونی.
د. لویس کارۆ ئەندامێ جڤاتا نوونەرێن عیراقێ بۆ رۆژناما ئەڤرۆ گوت” سونەیێن عیراقێ د رژدن ل سەر پێکئینانا ھەرێما سونی ل عیراقێ وسونەیان پلان ژی بۆ ڤی چەندێ یا دارێشتی و یێ کار ل سەر دکەن و ئەو یێ ب ھیڤیا وێ چەندی کو ھەموو دەڤەرێن وان بھێنە ئازادکرن پاشی پلانا خوە رابگەھینن، چونکی ھندی دەڤەرێن سونەیان دبن کونترۆلا تیرۆرستێن داعشێ دا بن، ئەو نەشێن ھەرێما سونی رابگەھینن”.
ڤی ئەندامێ جڤاتا نوونەرێن عیراقێ دیارکرکو دستووری عیراقێ ڕێ ددەت ھەرێم بھێنە پێکئینان و دەمێ پرۆژی سونەیان یێ پێکئینانا ھەرێما سونی دھێتە راگەھاندن، ڕێگری لێ ناھێتە کرن، چونکی دستووری ڕێ ب ڤی چەندێ یا دایێ وبەردەوام سونە یێ کارێ خوە دکەن بۆ پێکئینانا ھەرێما خوە و دڤێ قۆناغێ دا ئەو تنێ یێ چاڤەڕێی ئازادکرنا دەڤەرێن خوە دکەن.
د. لویس کارۆی ئەوژی خۆیا کرکو ل ھندەک جھان یا ھاتیە ئاشکراکرن کو سەرۆکێ وەقفێ سونی یێ ھاتیە بەربژارکرن بۆ پوستی سەرۆکێ ھەرێما سونەیان، بەلێ ھێشتا ب فەرمێ چو ل سەر ڤێ چەندێ یێ دیار نینە، ھەرچەندە ئەز ڤی دەنگوباسی ب دوور دببینم، چونکی ژلایێ سیاسی ڤە، پێدڤیە جھێ رازیبونا ھەموو سونەیان بیت و ئەز باوەر ناکەن سەرۆکێ وەقفێ سونی ھاتبیتە بەربژارکرن، ھەر چەندە ھێشتا سونەیان بابەتەکێ وەسا لجڤاتا نوونەرێن عیراقێ دیارنەکریە.
ناڤبری ئاشکراکر ژی کو دو، یان سێ سیناریۆ بۆ راگەھاندنا ھەرێما سونی یێن ھەین ئەوژی دبیت ھەموو ئەو پارێزگەھێن سونی ( نەینەوا و ئەنبار و سەلاحەدین) ھەر ئێک ب ڕەنگەکێ جودا بۆ خوە داخوازا ھەرێمبوونا خوە بکەت ودبیت ژی ھەر سێ پارێزگەە ل گەل ئێک بن وداخوازا ھەرێما سونی بکەن ل گەل پشکەکێ ژ پارێزگەھا دیالا و ب کارئینانا ڤان دو ، ان سی سیناریویان دمینیت ل سەر دەمی و بریارا سونەیان وئازادکرنا ھەموو دەڤەرێن سونی ژ دەستێ داعشێ.
ب دیتنا ڤی ئەندامێ جڤاتا نوونەرێن عیراقێ، ھەکە سونە ھەرێما خوە رابگەھینن، دبیت ئارامی ل عیراقێ بەر ب باشبوونێ ڤە بچیت، ئەڤە چەندین سالە زیانێن مەزن دگەھنە وەلاتیێن عیراقێ و ئێدی خەلک یێ بەرھەڤە دەستان ژ ھەموو تشتەکی بەردەن و نامینن ل ھیڤیا عیراقەکا پێکڤە گرێدای و ل گۆرەی دستووری، دێ ھەر عیراق مینیت پێکڤە گریدای و چو ئاریشە نابن ب تنێ دێ عیراق بیتە سێ ھەرێم، ئەوژی ھەرێما سونەیان و ھەرێما شیعی و ھەرێما کوردستانێ، بەغدا ژی دێ مینیت پایتەختێ ھەموو عیراقێ و ئەز باوەردکەم پشتەڤانی ژی بۆ ڤی پرۆژەی یا ھەی.
ناڤبری گۆت ژی” سونەیێن عیراقێ ئەڤە زێدەترە ژ سالەکێ یێ کار دکەن بۆ ھاتنا لەشکرێ ئەمریکێ و دەست ب ھێرشین ئەردی بکەن ل دەڤەرێن سونەیان و ئەڤە 100 سال ب سەر ڕێککەفتنا سایکس- بیکۆی ڤە دەربازبوون و دێ تشتەکێ نوو ل دەڤەرێ چێبیت ب تایبەتی ژی ل عیراقێ و سووریێ.

ئه‌ڤرۆ نیوز: ڤه‌ده‌ر ره‌شاڤایی:
داخویانییا بالیۆزێ سعودیه‌ ل ئیراقێ تامر ئه‌لسه‌بهان ل دۆر بۆچوونا كوردان بۆ حه‌شدا شه‌عبی باهۆزه‌كا نه‌رازیبوونان ل سه‌رئاستێن بلند ل ئیراقێ ل دووڤ خوه‌ ئینان.
ئه‌لسه‌بهان د هه‌ڤپه‌یڤینه‌كا  تێله‌ڤزیۆنییا تایبه‌ت دا گۆت بوو: ره‌تكرنا كوردان و هه‌روه‌سا خه‌لكێ پارێزگه‌ها ئه‌نبار بۆ حه‌شدا شه‌عبی رامانا وێ ئه‌وه‌ جڤاكا ئیراقی حه‌شدا شه‌عبی قه‌بوول ناكه‌ت”
پشتی ڤێ گۆتنێ وه‌زاره‌تا ده‌رڤه‌یا ئیراقێ بالیۆزێ سعودیه‌ گازی كرییه‌ بۆ وێ یه‌كێ نامه‌كا نه‌رازیبوونێ بده‌نێ، ژ ئالیێ خوه‌ڤه‌ ئه‌حمه‌د سه‌عدی په‌یڤدارێ حه‌شدا شه‌عبی داخازا ده‌رێخستن و سزادانا بالیۆزی كرییه‌.
هه‌روه‌سا وه‌زیرێ ڤه‌گوهاستنا ئیراقێ باقر زوبه‌یدی ئه‌ڤ گۆتنێن ئه‌لسه‌بهان ب مایتێكرن د كارۆبارێن ناڤخۆ یێنئیراقێ ل قه‌له‌م دا.
تێ زانین بۆ ده‌مه‌كێ درێژ نینه‌ بالیۆزخانا سعودیه‌ ل ئیراقێ هاتیه‌ ڤه‌كرنڤه‌، و پشتی ل سێداره‌دانا مه‌لایێ شیعه‌ مه‌زهه‌ب نه‌مر ئه‌لنه‌مر چه‌ندین گه‌ف بۆ بالیۆزخانا سعودیه‌ ل ئیراقێ چووبوون هه‌روه‌كی بالیۆزی دیاركری.