NO IORG
نووترين نووچه
نووترين نووچه

ئەڤرۆ نیوز:
قایمقامێ قەزا شنگالێ بۆ ئەڤرۆ دیار کر کو ھێزێن پێشمەرگەی ل رۆژا ئەینیا بۆری 22/1/2016 ل گوندێ کەنعان یێ نێزیک سەربازگەھا دۆمیز یا رۆژئاڤایێ شنگالێ سێ گۆرێن دی یێن ب کۆم دیتن، کو تەرمێن 170 کوردێن ئێزدی تێدانە، ھەموو ژی خەلکێ کۆمەلگەھێن گرعزیر و گرزەرکن و زارۆ و ژن ژی د ناڤ دا ھەنە.
مەحما خەلیل، قایمقامێ قەزا شنگالێ ئاشکرا کر، ھەتا نوکە چو بۆ ڤەکرنا گۆرێن ب کۆم یێن دەڤەرا شنگالێ نەھاتیە کرن و گۆت: “چەندین جاران مە داخوازا ڤەکرنا گۆرێن ب کۆم کریە، لێ مخابن ھەتا نوکە نەھاتینە کۆلان، چونکو رۆژان خەلک قەستا مە دکەن و داخواز دکەن رێز ل ھەستیکێن کوشتیێن وان بھێتە گرتن، ژ بەرکو بارنێن ڤێ دووماھیێ بارین ھەستیکێن د ناڤ گۆرێن ب کۆم دا ئینانیە دەر و دگەل خوە برینە، لەو ھەکەر ب رەنگی بمینن نابنە بەلگەنامە ل سەر جینۆسایدا شنگالێ و دێ بەرزە بن”.
ناڤھاتی خویا ژی کر، د ناڤ وان ھەر سێ گۆرێن ب کۆم دا تەرمێن 170 کۆردێن ئێزدی ھەنە و ھەموو ژن، زارۆ و زەلامن و خەلکێ کۆمەلگەھێن گرعزیر و گرزەرکن و گۆت: “ب دیتنا ڤان سێ گۆران ژی ھژمارا دیتنا گۆرێن ب کۆم ل دەڤەرا شنگالێ گەھشتنە 24 گۆران”.
گۆتژی: “ل سەر فەرمانا نێچیرڤان بارزانی، سەرۆک وەزیرێن ھەرێما کوردستانێ گورەستانەکا نشتیمانی ل نێزیک مەزارگەھێ شەرفەددین بۆ ڤەشارتنا تەرمێن وان گۆرێن ب کۆم ھاتیە دروستکرن، ئەم گەلەک یێ بزاڤان دکەین دەست ب کۆلانا گۆرێن ب کۆم بھێتە کرن و ھوسا نەمینن، دا کو ژ بەرزەبوونێ بھێنە پاراستن”.
قایمقامێ قەزا ئامێدیێ ئاماژە دا وێ چەندێ ژی کر، ئەو گۆرێن ب کۆم یێن دھێنە دیتن ھەکەر نوکە نەھێنە کۆلان ژی، پێدڤی یە ھەر چو نەبیت بھێنە پەرژانکرن ھەتا کار د کۆلانا وان دا دھێتە کرن، لێ مخابن ھەتا نوکە ھێژ نەھاتینە پەرژانکرن و گۆت: “رۆژانە کەسوکارێن قوربانیان داخوازێ ژ مە دکەن گۆرێن ب کوم بھێنە کۆلان و رێز ل ھەستیکێن مریێن وان بھێتە گرتن، مە ژی چەندین جاران ئەڤ داخوازیا وان گەھاندیە وەزارەتا شەھید و ئەنفالکریان، لێ دبێژن جارێ بودجە بۆ کۆلانا وان ل بەر دەست نینە”.

ئه‌ڤرۆ نيوز:

ماریا زاخارۆڤا پەیڤدارا وەزارەتا دەرڤە یا روسیا ل ئاڤاھیێ وەزارەتا دەرڤە د پرێس کۆنفرانسەکی دا پشتەڤانیا حوکمەتا خوە بۆ کوردان ئینا زمان. زاخارۆڤا ل سەر رەوشا تورکیا راگەھاند کو تورکیا ھەڤکارێ یەکێ یێ تیرۆرستێن داعشێ و کۆمێن سەر ب قاعیدەیە و گۆت: (د دەستێ مە دا بەلگەیێن کو ھاریکاریا تورکیا بۆ داعشێ و قاعیدە دسەلمینن، ھەنە و تورکیا یاریان ب ئاگری دکەت و دڤێت دەستێوەردانێ د رەوشا ناڤخوە یا سووریێ دا نەکەت و جارەکا دی سەروەریا ئاخا جیرانێ خوە بنپێ نەکەت).
ل دۆر رەوشا گشتی یا کوردان و ھەلویستێ روسیا ل ھەمبەر راگەھاندنا دەولەتا کوردی ل ھەرێما باشورێ کوردستانێ ژی زاخارۆڤێ راگەھاند کو کوردێن عیراقێ ل گەل عەرەبان پێکھاتەیا سەرەکینە ل عیراقێ و ھەر دەمێ بریارێ ل سەر ئاڤاکرنا دەولەتەکا سەربخوە وەربگرن ئەو دێ رێزێ لێ گرن و گۆت: (نەتەوا کورد د جۆگرافیا کو نھا تێدا دژیت ب ھزاران سال ھەنە و ھەبوونا وان د ھەموو پشکێن دیرۆکێ دا دیارە و ب سالان بۆ ئازادیا خوە خەبات کرینە و ھەر دەمێ دەولەتا خوە یا سەربخوە راگەھینن ئەم دێ رێزێ لێ گرن و ل دووڤ ھزرا مە مافێ کوردایە ل تورکیا، عیراقێ و سووریێ چارەنڤیسێ خوە دیار بکەن و ئەڤ مافێن وان یێن سروشتینە).
ل سەر شەرێ ل ھەمبەر داعشێ و کۆمێن سەر ب قاعیدە ڤە ژی ماریا زاخارۆڤا راگەھاند کو ھەکە تورکیا، قەتەر و ھندەک وەلاتێن دی ھەڤکاریا وان رێکخستنێن تیرۆرست نەکەن ئەو نەشێن خوە ل سەر پیان رابگرن و درێژە ب کریارێن تیرۆرستی بدەن و گۆت: (مە گەلەک جاران ھۆشداری دا وان وەلاتان دا کو دەست ژ ھەڤکاریا داعشێ و قاعیدە بەردەن و بەنزینێ نەکەنە سەر ئاگری، ژ بەر کو ھەر وەلاتەکێ ئاگری بلند بکەت ئەو ژی دێ تێدا سۆژیت و تشتێ مە ماتمای دھێلیت ئەمریکا، ئورۆپا و نەتەوێن یەکگرتیە ل ھەمبەر تورکیا، قەتەر و ھەڤکارێن دی یێن تیرۆرستان د بێدەنگن).
ل ئالیێ دی رابرت فیسک پەیامنێرێ ناڤدار یێ رۆژناما بریتانی ئیندێپێندێنت ل سەر رەوشا داویا سووریێ و عیراقێ و شەرێ ل دژی داعشێ راگەھاند کو د دەستێ وی دا بەلگە ھەنە کو ھندەک ئەندامێن داعشێ ب نھێنی د ناڤ حوکمەت و دەولەتا تورکیا دا کار دکەن و گۆت: (ئەز دێ د دەمەکی نێزیک دا بەلگەیێن د دەستێ خوە دا بۆ رایا گشتی ئاشکرا کەم و دیسان ل ئالیێ دی ھەکە ھندەک وەلات دەستێوەردانێ د کۆنگرێ سێیێ یێ جنێڤێ دا نەکەن ئەز باوەر دکەم دێ چارەکا سیاسی ژ کۆنگرێ دەرکەڤیت و دڤێت د کۆنگرێ دا نوونەرێن رۆژئاڤایێ کوردستانێ، عەرەبێن سوننە و عەلەوی جھێن خوە بگرن و مەرجێ دەست ژ کارکێشانا ئەسەدی ژی نەمینیت و بێی مەرج کۆنگرە بھێتە سازکرن).

ئه‌ڤرۆ نیوز: ڤه‌ده‌ر ره‌شاڤایی:
ئه‌ڤ وێنێ ڤێ كچێ كو ته‌نۆره‌كێ كورت ل به‌ره‌ و ب پێلاڤا چمك بلند و برێیه‌كا سه‌رنج راكێش روونشتییه‌، ل ئه‌ورۆپا بۆ كۆچبه‌ران دهێته‌ نیشاندان و بۆ دهێته‌ گۆتن كو “رامانا وێ ئه‌و نینه‌ وێ سێكسكرن دڤێت ”
پشتی و پێلا كۆچبه‌ران بۆ ئه‌ورۆپا و هێرشێن بكۆم یێن سێكسی ژ ئالیێ هنده‌ك كۆچبه‌ران ڤه‌ بۆ سه‌ر چه‌ند ژنێن ئه‌لمانی ل باژێرێ كۆلۆن ل ئه‌لمانیا و چه‌ند ده‌ستدرێژیێن دی ل ئه‌ورۆپا، چه‌ندین ئالییان كورسێن فێركرنا ره‌فتاران ژ ئالیێ سێكسی ڤه‌ بۆ كۆچبه‌ران ڤه‌كرینه‌.
لیندا هه‌یگن ژ رێكخستیا (هیرۆ) كو به‌رپرسه‌ ژ به‌رهه‌ڤكرنا 40 سه‌دێ یا كورسێن بۆ په‌نابه‌ران دهێنه‌ ڤه‌كرن ل نه‌رویج بۆ رۆژناما (express) یا بریتانی گۆت: ئه‌ڤ كۆرسه‌ بۆ وان كۆچبه‌رانه‌ كو ژ وه‌لاتێن ئیسلامی ل رۆژهه‌لاتا ناڤین و باكۆرێ ئه‌فریقیا دهێن، هه‌كه‌ر كچه‌كێ كوره‌ك ماچی كر یان هه‌مبێز كر رامانا وێ ئه‌و نینه‌ وێ دڤێت ئێكسه‌ر سێكسێ دگه‌ل بكه‌ت، ئه‌ڤه‌ و گه‌له‌ك بابه‌تێن دی كو ل قۆتابخانێن دواناوه‌ندی دهێنه‌ خاندن بۆ كۆچبه‌ران دهێنه‌ نیشاندان، ژبه‌ر كو ئه‌و ژ هنده‌ك وه‌لاتان هاتینه‌ كو كلتۆرێ وان گه‌له‌گ دگه‌ل كلتۆرێ ئه‌ورۆپا یێ جودا یه‌.

Hagen-446096

international-446214

Migrants-446094

series-446095

ئه‌ڤرۆ نیوز: ڤه‌ده‌ر ره‌شاڤایی:
باكووزیر و پێله‌كا به‌فر و سه‌رمایێ سه‌ر ب ویلایه‌تێن رۆژهه‌لاتا ئه‌مریكا دا گرت و هه‌تا نها 11 ویلایه‌تان بارێ نه‌ئاسایی راگه‌هاندییه‌ و ویلایه‌تا نیویۆرك گه‌شتكرن ل چه‌ند ناوچێن ویلایه‌تێ قه‌ده‌غه‌كرییه‌، پتری 70 سه‌نتیمان ل هنده‌ك ناوچان به‌فر بارییه‌ و كاریگه‌رییه‌كا خراب ل سه‌ر چالاكیێن بازرگانی كرییه‌،  پتری ده‌هـ كه‌سان د روودانێن ژ ئه‌نجامێ به‌فری روودای هاتینه‌ كوشتن.

_87866935_87866934 _87867464_59d07a95-1eb8-4a00-974e-424d0caea9a7 _87867624_dc_gaholder81 _87867964_8c8ebac0-c5fb-4bd5-8524-cb6f91e35d0b 88921807 160122125001-01-snow-storm-0122-super-169 blizzard BN-MF719_0122US_M_20160122143206 usa_weather_blizzarda-19

ئه‌ڤرۆ نیوز: ڤه‌ده‌ر ره‌شاڤایی:
جۆ بایدن جێگرێ سه‌رۆكێ ئه‌مریكا راگه‌هاند كو پارتا كاركه‌رێن كوردستانێ (په‌كه‌كێ) وه‌كی داعش گه‌فه‌ بۆ توركیا، و خویاكر كو ب كورتی و رۆنی په‌كه‌كێ گرۆپه‌كا تیرۆری یه‌.
د سه‌ره‌دانه‌كێ دا ل توركیا، بایدن په‌كه‌كێ ئیدانه‌كر و گۆت: بتنێ داعش گه‌ف نینه‌ بۆ توركیا به‌لكو په‌كه‌كێ ژی ب هه‌مان شێوه‌ گه‌فه‌، ب كورتی و رۆنی په‌كه‌كێ گرۆپه‌كا تیرۆری یه‌، و كارێن ئه‌و ب به‌رده‌وامی دكه‌ن جهێ ئیدانه‌كرنێ نه‌”

ئه‌ڤرۆ نيوز: ره‌وان نهێلى:

مەولود باوەموراد، وه‌زيرێ هه‌رێمێ بۆ كاروبارێن حكومه‌ت و په‌رله‌مانێ ئاماژه‌ ب وێ يه‌كێ كر كو ئه‌ڤرۆ د كومبوونا جڤاتا وه‌زيران دا، پێشنيازه‌كا نوو هاته‌ به‌رچاڤكرن سه‌باره‌ت دانا موچان.

مەولود باوەموراد، وه‌زيرێ هه‌رێمێ بۆ كاروبارێن حكومه‌ت و په‌رله‌مانێ ئاماژه‌ د وروكشوپێ دا ئاماژه‌ ب وێ يه‌كێ هاته‌ كرن كو كێمترين زيان ب موچه‌خوارێن حكومه‌تا هه‌رێمێ بكه‌ڤيت ب تايبه‌ت موچه‌خورێن پله‌ نزم، ژبه‌ر هندێ بريارا دانا نيڤ موچه‌ دێ گوهۆرين ب سه‌ر دا هێن و گۆت: ل دووڤ وى پرۆژێ پێشنياز كرى، ئه‌و كه‌سێ بلندترين پلا موچه‌ى هه‌ى، دێ زورترين كوژمێ پاره‌ى ژێ هێته‌ برين، ئه‌وێن خودانێن موچێن كێمن دێ كێمتر پاره‌ ژێ هێته‌ برين.

ئه‌ڤرۆ نيوز، نيوار محه‌مه‌د سه‌ليم:

به‌رپرسێ لقێ 12 يێ پارتى ديموكراتى كوردستان راگه‌هاند كو سێ ژ باره‌گايێن پارتى راده‌ستى هێزێن ئه‌منى كرن هه‌تا كو خوونا چو كه‌سه‌كى نه‌هێته‌ رێتن و دده‌ته‌ زانين ژى كو ئه‌و كه‌سێن ڤى كارى دكه‌ن زێده‌تر ژ لايێ بزاڤا گۆڕان ڤه‌ دهێنه‌ پالدان، به‌لێ ئێكه‌تى ژى د ناڤ دانه‌.

فازل به‌شاره‌تى، به‌رپرسێ لقێ 12 يێ پارتى ديموكراتى كوردستان بۆ ئه‌ڤرۆ نيوز گۆت: “جاره‌كا دى ل گه‌ل خرڤه‌بوونێن وه‌لاتيان وه‌كو نه‌رازيبوون به‌رامبه‌ر مووچه‌ى، جاره‌كا دى هێرش كره‌ سه‌ر باره‌گايێن پارتى و ل قه‌زا سه‌يدسادق ب به‌ران هێرش كره‌ سه‌ر باره‌گايێ پارتى ديموكراتى كوردستان”.

به‌شاره‌تى زێده‌تر گۆت: “مه‌ وه‌كو پارتى ديموكراتى كوردستان نه‌ڤێت خوينا چو كه‌سه‌كى بهێته‌ رێتن، چونكو پاراستنا خوينا هه‌ر تاكه‌كێ كورد ئارمانجا مه‌يه‌، ژ به‌ر هندێ ژى مه‌ باش زانى جاره‌كا دى ئه‌وان باره‌گايێن خوه‌ راده‌ستى هێزێن ئه‌منى يێن ناڤخۆى بكه‌ين”.

پێشتر ژى ل گه‌ل هێرشێن هه‌يڤا 10 يێن خونيشانده‌ران ئه‌وێن ژ لايێ گۆڕان ڤه‌ هاتينه‌ پالدان، پارتى ديموكراتى كوردستان ل پارێزگه‌هێن سلێمانيێ و هه‌له‌بچه‌ باره‌گايێن خوه‌ راده‌ستى هێزێن ئه‌منى كربوون”.

ئاماژه‌ ب وێ چه‌ندێ ژى كر كو ل ناڤ هه‌له‌بچه‌ ئه‌و كێشه‌ نينه‌ و باژێرێ هه‌له‌بچه‌ يێ جودايه‌ ژ هه‌موو وان باژێرێن دى يێن وێ ده‌ڤه‌رێ و يێ ئارامه‌ و چو كێشه‌ تێدا نينن.

به‌رپرسێ لقێ 12 يێ پارتى ئاماژه‌ ب وێ چه‌ندێ ژى كر كو نوكه‌ ژى دا كو كێشه‌ مه‌زنتر لێ نه‌هێن ل سێ ده‌ڤه‌ران پارتى ديموكراتى كوردستان باره‌گايێن خوه‌ راده‌ستى هێزێن ئه‌منى كرينه‌ و ب تايبه‌ت ژى ل سه‌يد سادق و پێنجوين ئه‌ڤ مه‌ترسيه‌ هه‌يه‌.

نه‌ڤه‌شارت ژى كو ل هه‌ر جهێ پشته‌ڤان و حه‌زژێكه‌رێن بزاڤا گۆڕان لێ بن ل وێ ده‌ڤه‌رێ باره‌گايێن پارتى زێده‌تر ل بن مه‌ترسيێ نه‌، چونكو ئه‌و ب ره‌نگه‌كێ پلان دارێتى ڤى كارى ئه‌نجام دده‌ن و “گۆڕان ب ڤى ره‌نگى دژاتيا پارتى دكه‌ت”، دا زانين ژى كو كه‌سانێن ناڤ ئێكه‌تيێ ژى يێن ل گه‌ل هه‌ين، “به‌لێ ئه‌و نه‌ سياسه‌تا حزبێ يه‌ ب تنێ چه‌ند كه‌سه‌كێن ناڤ ئێكه‌تيێ ڤێ رێخۆشكرنێ دكه‌ن”.

ئەڤرۆ نیوز، زنار تۆڤی:
پشتی دابەزینا په‌ترۆلێ ب رەنگەکێ بەرچاڤ، ئەڤرۆ رۆژا شەمبی رێكه‌فتى 23ى كانوونا دويێ 2016ێ بۆھایێ په‌ترۆاێ بلندبوونەکا باش ب خۆ ڤەدیت، بۆھایێ ھەر بەرمیلەکێ گەھشتە 32 دۆلاران.
ل دووڤ دووماھیک گۆھرینێن بازارێ نەفتێ بۆھایێ ئێک بەرمیلێ نەفتا خاڤا برێنت بوویە 32.12 دۆلارا، هەروەسا بۆھایێ ئێک بەرمیلا نەفتا خاڤ ژی بلندبوویە بۆ 32.23 دۆلاران.

ئەڤرۆ نێوز، زنار تۆڤی:
رێڤەبەرێ بەرھنگاریا تۆندوتیژیا دژی ژنان ل ھەولێرێ دبێژیت،دناڤ کەمپێن تایبەت یێن ئاواران،چەندین سکالا ھاتینە تۆمارکرن،دبێژیت شوودانا کچان ب زۆری و تۆندوتیژیا خێزانی دناڤ کەمپان دا ھەیە.
مۆقەدەمێ مافپەرەر ژیلەمۆ عەبدۆلقادر رێڤەبەرێ بەرھنگاڕیا تۆندوتیژیا دژی ژنان ل ھەولێرێ دبێژیت،مە زۆربەیا کەمپان ھۆبە ھەنە،بتایبەتی د کەمپا کەورگوسک و بەحرکێ ئەڤ دیاردە ب رەنگەکێ بەرچاڤ ھەیە،ھەر چەندە رێکخراوێن نێڤدەولەتی ھەریکاریا مە دکەن ل بابەتێ تۆندوتیژیا د ژی ژنان دناڤ کەمپاندا.
ناڤھاتی دیاردکەت ژی، زۆر جار کێشێن تۆندوتیژیێ و ب زۆری شوودانا کچان دناڤ کەمپان دا ھەیە،بەلێ سکالا تۆمارناکەن و دناڤ خۆدا چارەدکەن، ئەم بەردەوام ب رێیا ھۆبێن خۆ و ڤەکۆلەرێن جڤاکی دناڤ کەمپاندا چاڤدێریا کارێن تۆندوتیژیێ دژی ژنان دکەین.

ئەڤرو نیوز، بارزان مزووری:
ل سالا 2014ێ 11 رۆژان به‌نداڤا مووسل كه‌فته‌ ده‌ست چەکدارێن تیرورستێن، پاشان ژ لايێ پێشمەرگەیێن کوردستانێ ب ھەڤکاری د گەل فروکەیێن ھەڤپەیمانا دووبارە ھاتە کونترول کرن و کەفتە لبن کونترولا پێشمەرگەی.
وەزارەتا دەرڤە یا ئەمریکا راگەھاند، بەنداڤا مووسل بەر ب مەترسیێ ڤە دچیت ژ بەر دەرنەکەفتنا ئاڤا وێ نەدانانا چ ژێده‌رێ ئابووری وەکو کارگەھان یان چ ژێدەرێن دی یێن پروژێن ئاڤێ بو چ باژێرێن دی بەرەڤ مەترسیەکا مەزن دچیت بو سەر پارێزگەھا تکریت و مووسل و سامەرا ژیانا ملیونەھا کەسا د ئێخستیە مەترسیێ دا.
مالپەرێ بی بی سی دا دیار کریە کو دو ئەگەرێن سەرەکی پتر مەترسی خستیە سەر ژ وانا نەبونا چ ژێدەرێن دارایی ژبو نوێژەنکرن و بەرفرەکرنا بەنداڤێ و ئەگەرێ ململانێ دناڤبەرا حکومەتا بەغدا و حکومەتا ھەرێما کوردستانێ ،ژمارا کارمەندێن بەنداڤێ ژی بەرەڤ کێم بونێ چوینە ژبەر نەدانا موچێن وان یێن پێنج ھەیڤان .
ژ بوو مفا وه‌رگرتن ژ ئاڤێ و ب كارخستنا وێ د خزمه‌تا وه‌لاتيان دا، ل سالا 1984ێ به‌نداڤا مووسل هاتيه‌ دروستكرن.
.

website security
WP Facebook Auto Publish Powered By : XYZScripts.com