ئەڤرۆ نیوز:
رێکخراوا چاڤدێریا مافێ مرۆڤی یا سەر ب نەتەوێن ھەڤگرتی راپۆرتەک بەلاڤ کر و د راپۆرتێ دا ھاتیە دیار کرن کو د زیندانێن سووریێ دا ھێزێن رژێمێ دەست ب کۆمکوژیا گرتیان کرینە و ب شێوەیێن جودا جودا گرتیان دکوژن و ئەو یەک بنپێکرنا مافێ مرۆڤی یە و دڤێت جڤاتا نێڤدەولەتی ل ھەمبەر کریارێن نە مرۆڤی و تیرۆرستی یێن رژێما سووریێ بێدەنگ نەبیت.
د بەردەوامیا راپۆرتێ دا ھاتیە دیار کرن کو ھەتا نھا ب ھزاران گرتی ل زیندانێن رژێما سووریێ ب رەنگێن جودا جودا جانێ خوە ژ دەست داینە و گەلەک گرتی ژ بەر برسیبوونێ دمرن، ھژمارەک زێدە ژ وان کەسان دەمێ ھاتنە گرتن بریندار بووینە و برینێن وان ناھێنە دەرمان کرن و ل گرتیخانان وەسا دمرن، رژێما سووریێ گەلەک شێوەیێن دوور ژ بھایێن مرۆڤاتیێ ل ھەمبەر خەلکێ مەدەنی ژی بکار دئینیت.
د دووماھیا راپۆرتێ دا ئەو یەک ژی ھاتیە دیار کرن کو ھەر دو رێکخراوێن تیرۆرستی داعش و جەبھەت ئەلنوسرا ژی دەست ب کوشتنا گرتیان کرینە و ب رەنگەکێ جودا جودا کەسێن کو بەری نھا ھاتبوونە گرتن، دکوژن و ئەو یەک ژی نیشا ددەت کو نھا چو جوداھیەک د ناڤبەرا رژێما سووریێ و وان ھەر دو رێکخراوا دا نینە و ھەموو پێکڤە کریارێن تیرۆرستی ئەنجام ددەن و نابیت جڤاتا نێڤدەولەتی ل ھەمبەر وان بێدەنگ بیت.
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 11ى شۆباتا 2016ێ ئه‌سمان دێ ل ده‌مێ سپێدێ زوو يێ ئه‌ورى بيت و پاشان بۆ ساهياتى و ئه‌وره‌كێ كێم هێته گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ل ده‌مێ سپێدێ زوو يێ ئه‌ورى بيت و پاشان بۆ ساهياتى و ئه‌وره‌كێ كێم هێته گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 9 بۆ 10كم بيت، پلێن گه‌رمێ ژى دێ د ناڤبه‌را (3 بۆ 13) پلان دا بيت.
تورکیا ژ داخۆیانیەکا ئەمریکا توورە بوو
ئەڤرۆ نیوز:
پەیڤدارێ وەزارەتا دەرڤە یا ئەمریکا جۆن کێربی د داخۆیانیەکێ دا راگەھاند کو تورکیا YPG وەک رێکخراوەکا تیرۆرستی دبینیت و دژبەریا وێ دکەت، لێ ھەلویستێ مە گەلەک جودایە و ئەم YPG وەک رێکخراوەکا تیرۆرستی نابینن، چونکو ئەو شەرێ داعشێ دکەن و چو تشتەک نینە ببیتە ئەگەر ئەم وان وەک رێکخراوەکا تیرۆرستی ببینین و گۆت: (ئەمریکا دێ ژ بۆ شەرێ ل دژی داعشێ ل سووریێ ھاریکاریێ YPG کەت و ئەو ھاریکاریێن مە یێن بەرێ ژی دێ بەردەوام بن و نھا چو گوھۆرینەک د ھەلویستێ مە دا نینە).
پشتی داخۆیانیا پەیڤدارێ وەزارەتا دەرڤە یا ئەمریکا وەزارەتا دەرڤە یا تورکیا د داخۆیانیەکێ دا راگەھاند کو دڤێت ئەمریکا پێداچوونەکا جدی د ھەلویستێ خوە دا بکەت، چونکو ھەکە ئەمریکا دڤێت شەرێ تیرۆرێ بکەت و داخوازێ ژ تورکیا ژی دکەت کو ھاریکاریا وان بکەن وی دەمی دڤێت وەک ئێک سەرەدەری ل گەل ھەموو رێکخراوێن تیرۆرستی بھێتە کرن. چونکو YPG لقەکە ژ رێکخراوا تیرۆرستی یا PKK و دڤێت ئەمریکا ھاریکاریا وێ رێکخراوێ نەکەت و ھەلویستێ نھا یێ ئەمریکا بوویە جھێ دلگرانیا مە و ب چو رەنگەکێ ئەم وێ یەکێ قەبوول ناکەین و دڤێت ئەمریکا پێداچوونێ د ھەلویستێ خوە دا بکەت، ھەکە وەسا نەبیت تورکیا نەشێت د شەرێ ل دژی تیرۆرێ پشتا خو ب ئەمریکا گەرم بکەت.
هه‌رێم ئه‌گه‌رێن نه‌مانا ڤيزا ئه‌لكترۆنيا توركيا ئاشكه‌را دكه‌ن
ئەڤرۆ نيوز:
فەلاح مستەفا بەرپرسێ پەیوەندیێن دەرڤە یێ حوکمەتا ھەرێما کوردستانێ سەبارەت راکرنا ڤیزا ئەلکترونی د ناڤبەرا ھەرێم و تورکیا دا دیارکر : تورکیا ژبەر فشارێن ئێکەتیا ئورۆپا ئەو بریارە دایە و دانانا مەرجان ل سەر ڤیژا پەیوەندی ب ئاسایشا نەتەوەیی ڤە ھەیە.
ل دووماھیا ھەیڤا چوویی، قونسولخانا تورکیا ل ھەرێما کوردستانێ چەند مەرجەک سەبارەت دانا ڤیزان داناینە ژ وان ژی پرکرنا فورمێ و ڤەکرنا ژمارەکا بانکی و پشتەڤانیا کۆمپانیەکێ و تاپویا خانی و دانانا ژڤانێ دیدارێ، ئەڤە ددەمەکێ دایە کو بەری نوکە دانا ڤیژا تورکیا بێی مەرج بوو و راستەوخو ب رێیا ئەنتەرنێتێ و تژیکرنا فورمەکێ دھاتە دان.
ئه‌ڤرۆ ئه‌ڤ جهه دێ مووچه‌ى وه‌رگرن
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند كو ب ڤى ره‌نگێ ل خوارێ يه دياركرى يه، دا كو ب زووترين ده‌م ليستا مووچێ فه‌رمانبه‌ران ژ لايێ يه‌كێن ژمێريارى يێن داموده‌زگه‌هێن حوكمه‌تا هه‌رێمێ ڤه بهێته ئاماده‌كرن.
ب گۆره‌ى خشته‌ى ئه‌ڤرۆ رۆژا چارشه‌مبى رێكه‌فتى 10ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ فه‌رماندا پێشمه‌رگێ زێره‌ڤانى و هێزا ئاماده هێته به‌لاڤكرن.
مه‌سرور بارزانی گۆتنا “موعجیزه” ل دۆر ره‌وشا پێشمه‌رگه بكاردئینیت
ئه‌ڤرۆ نیوز: ڤه‌ده‌ر ره‌شاڤایی:
شیرەتکارێ ئەنجوومەنا ئاسایشا ھەرێما کوردستانێ مه‌سرور بارزانی داخازا هاریكاریێن دارایی یێن نێڤده‌وله‌تی بۆ هێزێن پێشمه‌رگه‌یێن كوردستانێ كر بۆ به‌رهنگاربوونا تیرۆرستێن داعش.
د هه‌ڤپه‌یڤینه‌كێ دا بۆ ئاژانسا (Associated Press) مه‌سرور بارزانی گۆت كو هاریكاریێن نێڤده‌وله‌تی بۆ پێشمه‌رگه‌ی د پێدڤینه و خویاكر كو د ڤێ بێ مووچه‌ییا ڤی هه‌می ده‌می پێشمه‌رگه تێدا “موعجیزه‌یه” كو هێشتا پێشمه‌رگه د به‌روكێن شه‌ری دا ماینه.
هه‌روه‌سا ناڤهاتی دیاركر ژی كو حكومه‌تا هه‌رێمێ د زه‌حمه‌تییان دایه بۆ دابینكرنا مووچه‌یێ پێشمه‌رگێن كوردستانێ، ئه‌ڤه ژی ژ ئه‌نجامێن ناكوكیێن به‌غدا و هه‌ولێرێ ل سه‌ر هه‌نارده‌كرنا نه‌فتێ، داكه‌فتنا بهایێن نه‌فتێ و قه‌یرانا ئابۆری.
گه‌نه‌ل ئێنێرجی بریاره‌كا نوو ل هه‌رێما كوردستانێ دا
ئه‌ڤرۆ نیوز: ڤه‌ده‌ر ره‌شاڤایی:
پشتی ساله‌كێ ژ راگرتنا هه‌لكۆلانێ، كۆمپانیا گه‌نه‌ل ئێنێرجی بریار دا كۆلانا زه‌ڤیێن نه‌فتا ته‌ق ته‌ق ل هه‌رێما كورستانێ ده‌ستپێبكه‌ته‌ڤه، ب مه‌ره‌ما زێده‌كرنا به‌رهه‌م ئینانا نه‌فتێ.
بێن مۆناگان به‌رپرسێ دارایێ گه‌نه ئێنێرجی راگه‌هاند: بۆ زێده‌كرنا به‌رهه‌مئینانێ ل زه‌ڤیێن نه‌فتێ یێن ئه‌و به‌رهه‌میئینانێ لێ دكه‌ن ل هه‌رێما كوردستانێ، ئه‌و د چه‌ند حه‌فتیێن داهاتی دا دێ ئۆپه‌راسیۆنێن كۆلانێ بۆ ده‌رئینانا نه‌فتێ ده‌ستپێكه‌نه‌ڤه و دێ د ئه‌ڤ ساله دا ب بهایێ 80 هه‌تا 120 ملیۆن دۆلاران وه‌به‌رهێنانێ ل هه‌رێمێ كه‌ن.”
یه‌ده‌گێ ته‌ق ته‌ق 541 ملیۆن به‌رمیلن، و ئه‌ڤ بریارا گه‌نه‌ل دده‌مه‌كێ دایه بهایێن نه‌فتێ ب رێژا 40 سه‌دێ داكه‌فتینه.
تێ زانین ل داوییا سالا بۆری هه‌رێما كوردستانێ ده‌ست ب پێدانا پارێ كۆمپانیێن نه‌فتێ كرییه.
حکومەتا ھەرێمێ دەربارەی مەساجان ئەڤ بریارە دا
ئەڤرۆ نیوز، نەوزاد زادە ھلۆری:
ئاخفتنکەرێ وەزارەتا ساخلەمیێ یا حکومەتا ھەرێما کوردستانێ دیارکر کو د دەمێ بوری دا ب دەھان جھێن مەساجێ ھاتینە دائێخستن و لیژنەیێن تایبەت ژی د بەردەومن ل سەر دائێخستنا وان جھان ژ بەر کو مولەتێن وان تمام بووینە.
دکتور خالس قادر بو خەلک ئاماژە ب وێ یەکێ کر کو مولەتێن جھێن مەساجێ بو سالا 2016 نەھاتینە نووکرن، ب تنێ ئوتێلێن چوار ستێر و پێنج ستێر مافێ مەساجێ ھەیە و جھێن دن نینە.
گۆتژی: (د دەمێ بوری دا رێگری ل چەندین ژنان ھاتیە کرن کو بھێنە ھەرێما کوردستانێ چونکی د پشکنینێن وەزارەتا ساخلەمیێ دا دەرنەچووینە و وەسا باشترە کو گەنج خوە ل وان ژنان دوور بکەن ژ بەر کو ھندەک ژ وان ھەلگرێن نەخوشیانن).
ئاخفتنکەرێ وەزارەتا ساخلەمیێ رونکر ژی کو جھێن مەساجێ ھەتا رۆژا 31 کانویا ئێکێ یا سالا بووری مولەت ھەبوویە و دووڤ دا مولەتێن وان نەھاتینە نووکرن، نھا لیژنێن سەر ب حکومەتێ ڤە بەردەوامن ل سەر دائێخستنا وان جھان.
ل گورەی زانیاریان د دەمێ بوری دا ب تنێ ل ھەولێرێ 44 جھێن مەساجێ و جھێن گشتی بو لەشفروشیێ ھاتینە بکارئینان، بەلێ پشکەک ژی ژ وان د بەردەوامن ل سەر کارێن خوە و ئەو ژی ب بوچوونا شارەزایێن نوشداری مەترسیێن مەزنن بو سەر گەنجان ل ھەرێما کوردستانێ.
پێشتر تورا میدیایی یا خەلک د دووڤچونەکا تایبەت دا ئەو یەک سەلماند کو رۆژانە دەھان ئافرەت ل دەرگەھێن سنوری و فروکخانەیێن ھەرێما کوردستانێ دھێنە ھەرێمێ و ل باژێر و باژێرکان دا لەشفروشیێ ب وان ددەن کرن.
جڤاتا وه‌زيران ده‌رباره‌ى سيسته‌مێ نوو يێ مووچان ئه‌ڤ بڕياره دا
ئه‌ڤرۆ نيوز:
د كۆمبوونا ئه‌ڤرۆ رۆژا سێشه‌مبى رێكه‌فتى 9ى شوباتا 2016ێ لژنا ئيدارا قه‌يرانان ل هه‌رێما كوردستانێ بڕيار دا بۆ هه‌يڤا بهێت سيسته‌مێ نوو يێ مووچان گورانكارى تێدا هێته كرن.
ژێده‌ره‌كى ژ جڤاتا وه‌زيرێن حوكمه‌تا هه‌رێما كوردستانێ بۆ خه‌ندان گۆت: “د كۆمبوونا ئه‌ڤرۆ دا بڕيار هاته دان هه‌ر وه‌زاره‌ته‌ك يان ده‌سته‌يه‌ك يا سه‌ر ب حوكمه‌تێ ليستا مووچێن خوه ئاماده بكه‌ت و ب گۆره‌ى سيسته‌مێ نوو يێ مووچه‌ى سه‌ره‌دانا گه‌نجينان بكه‌ن بۆ وه‌رگرتنا مووچێن خوه”.
گۆتژى: “بڕيار ژى دا د هه‌يڤا بهێت دا، پێداچوون د سيسته‌مێ پاشخستنا مووچان دا بهێته كرن دا كو پتر ل گه‌ل كاودانێن نوكه يێن ئابوورى ب گۆنجيت”.
فراكسيۆنا پارتى مزگينيه‌ك يا بۆ كارمه‌ندێن ڤێ وه‌زاره‌تێ هه‌ى
ئه‌ڤرۆ نيوز:
جێگرێ سه‌رۆكێ لژنا ناڤخۆ ل په‌رله‌مانێ كوردستانێ دبێژيت: “به‌رده‌وام ل سه‌ر هێلێ ينه ل گه‌ل لايه‌نێن په‌يوه‌نديدار دا كو هه‌ڤره‌نگێ هێزێن پێشمه‌رگه‌ى و هێزێن ئه‌منى مووچێ پۆليسێن ناڤخۆ و هاتنوچوونێ نه‌هێته پاشخستن و گه‌شبينين كو حوكمه‌ت دێ ره‌زامه‌نديێ ل سه‌ر داخوازيێن مه ده‌ت.
نازم كه‌بير هه‌ركى جێگرێ سه‌رۆكێ لژنا ناڤخۆ ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان گۆت: “مووچێ پێشمه‌رگه‌ى و هێزێن ئاسايش و ئاماده و زێره‌ڤانى نه‌هاتيه كێمكرن و ب تنێ هێزێن پۆليسێن ناڤخۆ و هاتنوچوونێ هاتيه پاشخستن، به‌لێ ئه‌و ژى وه‌كو هێزێن دى ئه‌ركێ وان يێ گرانه و پێدڤيه مووچێ وان نه‌هێته پاشخستن و ب ته‌مامى پێ بهێته دان”.
جێگرێ سه‌رۆكێ لژنا ناڤخۆ ل په‌رله‌مانێ كوردستانێ گۆتژى: “ئه‌م وه‌كو لژنا ناڤخۆ ل گه‌ل وه‌زاره‌تا ناڤخۆ و ئه‌و ژى ل گه‌ل جڤاتا وه‌زيران ل سه‌ر خه‌تن و به‌رده‌وامين دا كو كێشێن وان چاره بكه‌ن و مووچێ وان ژى نه‌هێته پاشخستن و گه‌شبينين كو وه‌زاره‌ت ره‌زامه‌نديێ ل سه‌ر مووچێ پۆليسێن ناڤخۆ و هاتنوچوونێ ژى ده‌رببڕيت”.
نيشاندان
WP Facebook Auto Publish Powered By : XYZScripts.com