ئه‌ڤرۆ نيوز:

ژماره‌كا به‌رپرسێ بلندێنب زاڤا گۆڕان ده‌ست ژ كاركێشا و به‌رپرسه‌كێ ڤێ بزاڤێ ژى به‌حس ل وێ چه‌ندێ دكه‌ت كو ب تنێ دووركه‌فتنا نه‌وشيروان مسته‌فا ب ئێكجارى دێ گۆڕان لاواز بيت.

پشتى د ماوێ بۆرى دا، شه‌مال عه‌بدلوه‌فا، به‌رپرسێ ژوورا په‌يجۆرى يا بزاڤا گۆڕأن ب فه‌رمى ده‌ست ژ كاركێشانا خوه‌ راگه‌هاندى، باسينوز به‌لاڤكريه‌ كو هه‌ر ئێك ژ باژێرڤانێ دوكان و ئه‌ندامێ جڤاتا نشتيمانى هشيار عابد، به‌رپرسێ رێكستنا بزاڤا گۆڕان ده‌ست ژ كار كێشايه‌.

د ڤێ ده‌ربارێ دا، دلاوه‌رێ حاجى عوسمان، كه‌ساتيێ ديارێ گۆڕان بۆ باسنيوز راگه‌هاند: گۆڕان چو كه‌سان ب زێده‌هى نابينيت، ئه‌وێن ده‌ستان ژ بزاڤا گۆڕان به‌ردده‌ن ژى د ئازادن، چونكو ژ ده‌سپێكا دامه‌زراندنا گۆڕان و هه‌تا نوكه‌ ب ده‌هان سه‌ركردێن پله‌ بلند ده‌ست ژ ڤێ بزاڤێ به‌رداينه‌ و گۆڕان كێم نه‌كريه‌.

ئاماژه‌ ب وێ چه‌ندێ ژى كر كو ب تنێ ژ ده‌ست ژ كاركێشان يان هێلانا نه‌وشيروان مسته‌فا بۆ ڤێ بزاڤێ دێ كارێن وێ ئيفليج كه‌ت.

سالا بۆرى ژى عوسمان بانيمارانى، ئه‌ندامێ ده‌سته‌يا دمه‌زراندنا بزاڤا گۆڕان ده‌ست ژ كار كێشابوو و چوو بوو ناڤ رێزێن ئێكه‌تى نشتيمانى كوردستان.

ئه‌ڤرۆ نیوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 24ى كانوونا ئێكێ يا 2015  ئه‌سمانێ دهۆكێ دێ ساهى بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانى دهۆكێ دێ ساهى بيت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 4 بۆ 16 پلان دا بيت.