ئەڤرۆ نیوز، ئەیاد بەرواری:
رۆژنامەکا تورکی بەلاڤکر د کۆمبوونا دوھی یا حوکمەتا تورکیا دا، ھاتە دووپاتکرن کو تورکیا پاشڤەچوونێ ژ مووسلێ ناکەت، سەرەرای زێدەبوونا ئالۆزیێن د ناڤبەرا عیراقێ و تورکیا دا، کو بەغدا راگەھاندیە ئەو دێ داخوازێ ژ روسیا و ئیرانێ کەت کو مایێ خوە د بابەتی دا بکەن.
رۆژناما (ینی شەفەق) یا تورکی بەلاڤکر” حوکمەتا تورکی دوھی ل کۆچکا (جانکایا) ل ئەنقەرە کۆمبوو ژ بۆ دانوستاندنێ ل سەر ھەبوونا لەشکرێ تورکی ل نێزیک مووسلێ، کو د وێ کۆمبوونێ دا ھەر ئێک ژ بلی سەرۆکێ وەزیرێن تورکی و ھاریکارێن وی و شیرەتکارێ ھەوالگیریێ (ھاکان فیدان)، فەرماندێ گشتی یێ ھێزێن چەکدارێن تورکی و ھژمارەکا فەرماندێن لەشکرێ تورکی تێدا پشکدار بوون و پشتی کۆمبوونێ، سەرۆک وەزیرێن تورکیا (ئەحمەد داود ئوگلۆ) دیارکر کو بریار ھاتە دان بەردەوامی ب مەشقێن ل نێزیک مووسلێ دھێنە کرن بھێتە دان و پاشڤەچوون تێدا نەبیت”.
سایتێ ( تورکیا پۆست) ژ وێ رۆژناما تورکی ڤەگوھاستیە ژی کو” چەندین کۆمبوون دوھی ل ئاڤاھیێ بالیۆزخانا ئیرانێ ل ئەنقەرە ھاتینە ئەنجامدان و ئیران عیراقێ دژی تورکیا ھانددەت”.

ئه‌ڤرۆ نيوز:

ب گۆره‌ى ليستا سالانه‌ يا شه‌فافيه‌تا نێڤده‌وله‌تى ل دۆر ئاستێ گه‌نده‌ليێ ل جيهانێ ل سالا 2015ێ عيراقێ وه‌كو وه‌لاتێ سيێ يێ خرابترين وه‌لاتێن جيهانێ ژ روويێ به‌لاڤبوونا گه‌نده‌ليێ ناساند.

ب گۆره‌ى ليستا رێكخراوا شه‌فافيه‌تا نێڤده‌وله‌تى بۆ سالا 2015ێ عيراق ل پلا 173 يا وێ ليستێ دايه‌ و ب ڤێ چه‌ندێ ژى عيراق پشتى پۆرما و كوريا باكوور دهێت وه‌كو وه‌لاتيێ سيێ ژ خرابترين وه‌لاتێن جيهانێ ژ روويێ به‌ربه‌لاڤبوونا گه‌نده‌ليا سياسى و كارگێرى و دارايى.

رێكخراوا نێڤده‌وله‌تى ئاماژه‌ ب وێ چه‌ندێ ژى كريه‌ كو ژ ئه‌گه‌رێ به‌ربه‌لاڤبوونا گه‌نده‌ليێ ل عيراقێ و ده‌ست ب سه‌رداگرتن و ب كارئينانا ده‌سته‌لاتێن سياسى ژ لايێ مه‌زنه‌ به‌رپرسان و سياسه‌تمه‌دارێن وى وه‌لاتى.