NO IORG
نووترين نووچه

ئەڤرۆ نیوز:

پشتی سەرەدانا سەرۆکێ ھەرێما کوردستانێ و سەرۆک وەزیرێن ھەرێما کوردستانێ بۆ تورکیا د پێشەوازیێ دا ئالایێ کوردستانێ ھاتە دانان و ب رەنگەکێ گەرم پێشەوازی ل سەرۆکێ ھەرێمێ و سەرۆکێ حوکمەتا ھەرێما کوردستانێ ھاتە کرن و چاڤدێرێن سیاسی یێن تورکیا ژی دیار دکەن کو تورکیا ب رەنگەکێ ئاشکرا دانپێدان ب دەولەتا کوردی کریە و ھەکە ل عیراقێ دەولەتا کوردی بھێتە راگەھاندن دێ تورکیا پشتەڤانیێ لێ کەت.
سینان چفت یورەک نڤیسەر و بسپۆرێ کاروبارێن سیاسی یێن تورکیا و رۆژھەلاتا ناڤین دیار دکەت کو تورکیا دبینیت کو ئێدی نەخشێ رۆژھەلاتا ناڤین ھاتیە گوھۆرین و کوردان ل عیراقێ ھەبوونا خوە سەلماندیە و رۆژ ب رۆژێ ژی ب ھێزتر دبن، کورد شیاینە ل گەل جیھانا دەرڤە پەیوەندیێن گەلەک باش دروست بکەن و رۆژانە سەرکردێن ئورۆپا و ئەمریکا سەرەدانا ھەولێرێ دکەن و وەک دەولەتەکێ سەرەدەریێ ل گەل ھەرێما کوردستانی دکەن، ژ بەر ھندێ ژی تورکیا دخوازیت د گوھۆرینێن ل رۆژھەلاتا ناڤین دا مفادار بیت و باش دزانیت کو دڤێت بەری ھەر تشتەکێ راستیا نھا قەبوول بکەت و ئەو ژی ھەبوونا کوردانە و دێ ل عیراقێ دەولەتا کوردی ھێتە راگەھاندن و تورکیا ژی ژ نھا ڤە بەرھەڤیان بۆ وێ یەکێ دکەت و گۆت: (دەمێ سەرۆکێ ھەرێما کوردستانێ مەسعود بارزانی سەرەدانا تورکیا کری و پاشی ژی سەرۆک وەزیرێن ھەرێما کوردستانێ نێچیرڤان بارزانی سەرەدانا تورکیا کری د پێشەوازیێ دا وەک سەرۆکێ دەولەتان پێشەوازی ل وان ھاتە کرن و ئالایێ کوردستانێ ژی ھاتە دانان، ئەو یەک دانپێدانەکا فەرمی یە ب ھەبوونا دەولەتا کوردی و ئەو ھەلویستێ تورکیا دێ کاریگەریا خوە ل وەلاتێن دی یێن رۆژھەلاتا ناڤین ژی کەت و دڤێت کورد مفایەکێ باش ژ رەوشا نھا ل دەڤەرێ ببینن).
ل ئالیێ دی شاھین ئالپای نڤیسەرێ ناڤدارێ تورکیا ژی د نڤیسەکا خوە دا دوھی راگەھاند کو تورکیا ھەست ب رۆلێ گرنگ یێ کوردان ل عیراقێ کریە و دخوازیت خوە پتر نێزیکی کوردان بکەت، ژ بەر ھندێ ژی دەمێ سەرۆکێ ھەرێما کوردستانێ و سەرۆک وەزیرێن وێ ھەرێمێ سەرەدانا تورکیا کرن وەک سەرۆکێ دەولەتان پێشەوازی ل وان ھاتە کرن و ئالایێ کوردستانێ بۆ جارا یەکێ ل کۆچکا سەرۆک کۆماری و سەرۆک وەزیرێن تورکیا ھاتە بلند کرن. ئەو یەک شۆرەشەک مەزن بوو و ھەکە تورکیا شیا ڤێ گوھۆرینێ ل ھەمبەر کوردان بکەت و ئیرادا وان قەبوول کەت دێ ئیران و سووریا ژی نەچار بن دانپێدانێ ب مافێ کوردان بکەن و گۆت: (تورکیا دبینیت کو ھەکە بخوازیت ل رۆژھەلاتا ناڤین خوەدان گۆتن و سەنگ بیت دڤێت پشتەڤانیێ ل کوردان بکەت، چونکو نھا نەخشێ دەڤەرێ دھێتە گوھۆرین و تورکیا و وەلاتێن دی یێن ھەرێمێ نەشێن ئاستەنگیان ل ھەمبەر ئاڤابوونا دەولەتا کوردی دروست بکەن، چونکو ئەمریکا و روسیا ژ بۆ بەرژەوەندیێن خوە نەچارن ھەبوونا کوردان قەبوول بکەن، واتە زۆرداریا کو د چەرخێ بیستێ دا ل کوردان ھاتیە کرن ئێدی ب دووماھی ھات و دێ کورد ژی گەھنە مافێن خوە، ژ بەر ھندێ ژی تورکیا ئەو یەک دیت و دخوازیت پەیوەندیێن خوە ل گەل کوردان باش بکەت، ل گۆر نێرینا من ژی ھەبوونا دەولەتەکا کوردی ل عیراقێ چو مەترسیێن خوە بۆ تورکیا نینن و ئەزموونا چەند سالێن بۆری ژی ئەو یەک سەلماندیە).
ل ئالیێ دی چەندین دەزگەھێن راگەھاندنا تورکیا ژی پشتی سەرەدانا نێچیرڤان بارزانی یا بۆ تورکیا دیار کرن کو تورکیا پێدڤی ب گازا سروشتی و پەترۆلا کوردستانێ ھەیە، پەیوەندیێن تورکیا ل گەل ھەموو جیرانێن وێ خراب بووینە و تنێ جیرانا تورکیا کو دشێت مفایەکێ باش بگەھینتێ ھەرێما کوردستانێ یە و بەرپرسێن نھا یێن تورکیا ژی باش دیتن کو ھەکە وان بڤێت ل دەڤەرێ ب ھێز کەڤن دڤێت ھەبوونا دەولەتا کوردی ل عیراقێ قەبوول بکەن و دانانا ئالایێ کوردستانێ د دەمێ سەرەدانا سەرۆکێ ھەرێما کوردستانێ و سەرۆک وەزیرێن وێ ھەرێمێ ژی دا نیشا ددەت کو ئێدی تورکیا ب رەنگەکێ فەرمی ھەبوونا دەولەتەکا کوردی ل عیراقێ قەبوول کریە.

ئه‌ڤرۆ نیوز: ڤه‌ده‌ر ره‌شاڤایی:
ل ده‌ڤه‌را جزیرێ ل باكۆرێ كوردستانێ كو دبن قه‌ده‌غه‌كرنا ده‌ركه‌فتنا كولانان دایه‌، شه‌ر دناڤبه‌را سۆپایێ توركیا گه‌رم بوو د ئه‌نجام دا زارۆیه‌كا ساڤا یا 3 مه‌هی دگه‌ل باپیرێ خوه‌ د مال دا هاتنه‌ كوشتن.
خێزانا زارۆیا ساڤا یا بناڤێ (میرای ئینجه‌) هه‌ر زوو په‌یوه‌ندی ب ئه‌مبولانسێ كر ژبه‌ركو هێشتا زارۆیێ هه‌ناسه‌ ددا، لێ هه‌تا گه‌هشتنا وان، ساڤا ژی گه‌هشته‌ رێزا باپیرێ خوه‌ خوه‌ یێ 73 سالی و بوونه‌ قوربانیێن شه‌رو په‌ڤچوونێن سۆپایێ توركیا دگه‌ل په‌كه‌كێ.
لدووڤ گۆتنا خێزانا زارۆیێ، ئه‌و ته‌قه‌كرنا ل مالا وان هاتییه‌ كرن ژ ره‌خێ نه‌خۆشخانا ده‌وله‌تێ بوویه‌ كو دبن كۆنترۆلا هێزێن ئێمناهییا توركیا دایه‌.
هه‌ر ئه‌ڤ شه‌ڤه‌ ل جزیرێ شه‌رڤانێن په‌كه‌كێ سێ سه‌ربازێن تورك ل جزیرێ كوشتن.

zaro

ئه‌ڤرۆ نیوز:
به‌رپرسه‌كێ مه‌زن یێ وه‌زاره‌تا به‌ڕه‌ڤانیا ئه‌مریكا “پنتاگۆن” راگه‌هاند، ل چه‌ند حه‌فتیێن بهێت ئه‌مریكا دێ چه‌كی و كه‌لوپه‌لێن له‌شكری بۆ هێزێن پێشمه‌رگه‌ی هنێریت و گۆت:(ئه‌و كه‌لوپه‌ل پێك دهێن ژ چه‌ندین جۆرێن چه‌كی و ترۆمبێلێن دژی گولله‌یان و موه‌لیدێن كاره‌بێ و ئامیرێن په‌یوه‌ندیكرنێ و جلكێن له‌شكری یێن دژی گولله‌یان).

ئه‌ڤرۆ نيوز:
د. پشتيوان سادق، وه‌زيرێ په‌روه‌ردێ ل حوكمه‌تا هه‌رێما كوردستانێ ئه‌ڤرۆ د چارچۆڤێ پشكداريكرن د رێزلێنانا ژماره‌كا مامۆستايێن سلێمانيێ راگه‌هاند، هه‌ر چه‌نده‌ هه‌تا نوكه‌ رۆژ يا ديار نينه‌، به‌لێ ب هه‌بوون يا وه‌رگێرانا داهاتێ په‌ترۆلا فرۆتى بۆ وه‌زاره‌تا دارايى، ئێكسه‌ر دێ مووچێ په‌روه‌ردێ و مامۆستايان هێته‌ به‌لاڤكرن.
گۆتژى: “د هه‌يڤێن بۆرى دا و پشتى وه‌زاره‌تا پێشمه‌رگه‌ ئێكسه‌ر مووچێ په‌روه‌ردێ و مامۆستايان هاتيه‌ به‌لاڤكرن و بۆ داهاتى ژى دێ ب وى ره‌نگى بيت”.

ئه‌ڤرۆ نيوز:
شيره‌تكارێ رۆژنامه‌ڤانى يێ نڤيسينگه‌ها سه‌رۆكێ هه‌رێما كوردستانێ، كيفاح شنگالى، ئه‌ڤرۆ رۆژا شه‌مبى د داخۆيانيه‌كێ دا ره‌تكر كو هه‌رێما كوردستانێ په‌ترۆلا داعش بكريت، دده‌ته‌ زانين ژى كو ئه‌ڤ داخۆيانيه‌ “زۆلمه‌ و تێكدانا راستيانه‌”، نه‌ڤه‌شارت ژى كو پشتى بڕينا به‌هرا هه‌رێما كوردستانێ ژ بودجا عيراقێ ب ره‌نگه‌كێ به‌رده‌وام ترێلێن ڤه‌گوهاستنا په‌ترۆلێ د ناڤبه‌را هه‌رێم و توركيا دا هاتنوچوونێ دكه‌ن.
كيفاح شنگالى بۆ سومه‌ريه‌ نيوز گۆت: “ب هزارا ترێل خالا سنورى يا ئيراهيم خه‌ليل بكار دئينن بۆ ڤه‌گوهاستنا كه‌رستان ژ بۆ هه‌رێما كوردستانێ و هنده‌ك ژى په‌ترۆلا هه‌رێما كوردستانێ بۆ به‌ندرێن توركى ڤه‌دگوهێزيت بۆ پارزنينكرنێ و دووباره‌ ڤه‌گه‌راندنا وێ يان ژى فرۆتنا وێ”.
زێده‌تر گۆت: “ئه‌ڤ كرياره‌ ژى يا ده‌سپێكرى پشتى حوكمه‌تا عيراقێ به‌هرا هه‌رێما كوردستانێ ژ بودجێ بۆ ماوێ دو سالايه‌ راوه‌ستاندنى، مووچێن فه‌رمانبه‌ران ژى نه‌مه‌زاختى”.
شنگالى ئاماژه‌ ب وێ چه‌ندێ ژى كر كو رۆسيا باش دزانن هه‌رێما كوردستانێ و گه‌لێ وێ و هێزێن وێ شه‌رێ چه‌كدارێن داعشا تيرۆرست دكه‌ن ب درێژاهيا زێده‌ترى هزار كيلۆمه‌تران و هه‌تا نوكه‌ 95% ژ ئه‌ردێ بنده‌ستكريێ خوه‌ ژ چه‌كدارێن داعش ڤه‌گه‌رانديه‌ و گۆت: “چاوان دێ هه‌رێما كوردستانێ بۆ كاره‌كێ ژ ڤى ره‌نگى هێته‌ بكارئينان”.
شيره‌تكارێ راگه‌هاندنێ يێ سه‌رۆكێ هه‌رێما كوردستانێ نه‌ڤه‌شارت ژى كو نه‌ دادى يه‌ ژ به‌ر هه‌بوونا ئاريشێن سياسى يێن د ناڤبه‌را توركيا و رۆسيا دا، كوردستان و گه‌لێ وێ ب ڤان ره‌نگه‌ تۆمه‌تا بهێنه‌ تۆمه‌تباركرن و گۆتژى: “راوه‌ستاندنا فرۆكا ژى ل فرۆكخانێن مه‌ده‌نى و گه‌ف كرنه‌ سه‌ر ئێمناهى و سلامه‌تيا ئابوور و خه‌لكێ وێ ب بورينا مووشه‌كێن وێ ئه‌وێن دبێژن ئه‌و بۆ بۆردۆمانا باره‌گايێن چه‌كدارێن داعش و ئۆپۆزسيۆنا سورى دهێنه‌ ب كارئينان”، خۆيا كرژى كو تۆمه‌تێن رۆسيا بۆ سه‌ر هه‌رێمێ “زۆلمن و تێكدانا راستيايه‌”.
ده‌سته‌يا ئه‌ركانێن گشتيا رۆسى وێنێن ئه‌سمانى يێن ده‌ڤه‌رێن ده‌وروبه‌رێن زاخۆ به‌لاڤكرينه‌ كو تێدا نێزيكى 12 هزار ترۆمبێلێن ڤه‌گوهاستنا په‌ترۆلێ ل سه‌ر هێلا سنورى يا ناڤبه‌را عيراق و توركيا وێنه‌كرن و ئاماژه‌ ب وێ چه‌ندێ كريه‌ كو ئه‌ڤه‌ په‌ترۆلا داعشه‌ د ڤێ ده‌ڤه‌رێ را بۆ توركيا دهێته‌ ره‌وانه‌ كرن.
4 1 2 3

ئەڤرۆ نیۆز، قائید میرۆ:
رەڤینا وەلاتی و چەکدارێن بن کۆنتڕۆلا تیرۆرستێن داعش بەردەوامە و لڕۆژێن بۆری ھەتا شەڤا بۆری ھژمارەک وەلاتیان ل قەزا مەخموور خوە رادەستی ھێزێن پێشمەرگەیکر.
ژێدەرەکێ ل میحوەرێ مەخموور ب ئەڤرۆ نیۆز راگەھاند” ددەمێ سێ رۆژێن بۆری دا ھژمارەک چەکدار و وەلاتیێن بن کۆنتڕۆلا تیرۆرستێن داعش خوە رادەستی ھێزێن پێشمەرگەیکریە و ھاتن و رەڤینا وەلاتیان یا بەردەوامە، گورەی زانیاریێن ئەڤان وەلاتیان ژیانا دەڤەرێن بن کۆنتڕۆلا گروپا داعش ب زەحمەتە و نەشێن بژین.
ژێدەری کو نەڤیا ناڤێ وی بھێتە بەلافکرن دیارکر، رەڤینا وەلاتیێن عەرەب یێن بن کۆنتڕۆلا داعش بۆیە دیاردەیەکا رۆژانە و پشتی پشتڕاستبوونێ، ژلایێ دەزگەھێن پەیوەندیدار ڤەکۆلین دگەل تێتەکرن، ھەتا بتەمامی پشتڕاستبین ئەف وەلاتی رێکخستی و چەکدارێن داعش نینە.

ئەڤرۆ نیۆز، قائید میرۆ
لیژنا ساخلەمی ل جڤاتا پارێزگەھا ھەولێرێ بھەماھەنگیا لیژنەیێن پەیوەندیدار جھێن ساخلەمی و دەرمانخانە کۆنتڕۆلکرینە.
خانزاد مام وەسو، سەرۆکا لیژنا ساخلەمی ل جڤاتا پارێزگەھا ھەولێرێ ب ئەڤرۆ نیۆز راگەھاند” لیژنا ساخلەمی ل جڤاتا پارێزگەھا ھەولێرێ بەردەوام دوڤچوونا جھێن خراپ دھێنە بکارئینان ژلایێ ساخلەمی ڤە دکەت و بۆڤێ مەرەمێ ئەندامێن لیژنا ب ھەماھەنگیا لیژنەیێن پەیوەندیدار چەندین جھێن سەرپێچیکرین دائێخستینە و ھاتینە سزادان.
خانزادێ گۆتژی” لیژنەیەکا تایبەت چاڤدێریا دەرمانخانە و جھێن بارزگانیی یێن ساخلەمی دکەت، ھەتا چو کەسەک دەرمانێ دەم بسەر ڤەچوویی نەدەتە وەلاتیان و بھایێ دەرمانیژی گورەی رێنمایێن وەزارەتێ ھاتینە کۆنتڕۆلکرن، لەوڕا چو دەلیڤە نەمایە بۆ کەسێن خراپکار ھەتا دەرمانێ بسەرڤەچوویی بدەنە نەساخا.

وێنه‌: AA

ئه‌ڤرۆ نيوز:

ئه‌ڤرۆ رۆژا شه‌مبى 26ى كانوونا يا 2015ێ، نێچيرڤان بارزانى، سه‌رۆكێ حوكمه‌تا هه‌رێما كوردستانێ ب سه‌ره‌دانه‌كا فه‌رمى گه‌هشته‌ وه‌لاتێ توركيا و ل گه‌ل ره‌جه‌ب ته‌يب ئه‌ردۆگان، سه‌رۆك كۆمارێ وى وه‌لاتى كۆم بوو.

ب گۆره‌ى پێزانينێن ل به‌ر ده‌ست، چه‌نده‌كێ به‌رى نوكه‌ كۆمبوونا د ناڤبه‌را سه‌رۆكێ حوكمه‌تا هه‌رێمێ و سه‌رۆك كۆمارێ توركيا دا ب دووماهى هات.
وه‌كو پێشتر هاتيه‌ گۆتن، ئه‌جنيدا سه‌ره‌كى يا كۆمبوونا سه‌رۆكێ حوكمه‌تا هه‌رێما كوردستانێ پێكهاتيه‌ ژ بزاڤێن وان بۆ وه‌رگرتنا قه‌رزان بۆ هه‌رێما كوردستانێ و چاوانيا هنارتنا گازا سرۆشتى يا هه‌رێما كوردستانێ بۆ توركيا و دانوستاندنێ ل سه‌ر ده‌رگه‌هێ نێڤده‌وله‌تى يێ ئيبراهيم خه‌ليل ژ ئه‌گه‌رێ كاودانێن باكوورێ كوردستانێ و هنده‌كجاران بۆ ماوه‌كێ زێده‌ دهێته‌ دايخستن.

ئه‌ڤرۆ نيوز:

په‌نتاگۆن راگه‌هاند كو ئه‌مريكا هه‌ڤكاريا رۆسيا ل دۆر سوريا ناكه‌ت هه‌كه‌ مۆسكۆ هه‌لويستى خوه‌ ل هه‌مبه‌ر “ئه‌سه‌د” نه‌گوهۆڕيت، سه‌ره‌راى به‌رهه‌ڤيا رۆسيا بۆ لێكگوهاڕتنا پێزانان ل دۆر داعش.

د داخۆيانيه‌كێ دا بۆ ئاژانسا “سبۆتينك” ميشێل بالدانس ئاخفتنكه‌رێ فه‌رمى يێ ب ناڤێ وه‌زاره‌تا به‌ره‌ڤانيا ئه‌مريكا گۆت: “هه‌لويستێ وه‌زاره‌تا به‌ره‌ڤانيا ئه‌مريكا يێ جێگره‌ و نه‌هاتيه‌ گوهۆڕين، ئه‌م هه‌ڤكاريێ ل گه‌ل رۆسيا ل دۆر سۆريا ناكه‌ين، هه‌تا موسكۆ ستراتيژيه‌تا خوه‌ ل هه‌مبه‌ر پشته‌ڤانيكرنا ئه‌سه‌د نه‌گوهۆڕيت، كار ژ بوو ژناڤبرنا داعش ناكه‌ين هه‌كه‌ بۆ ب هێزبوونا ئه‌سه‌د بيت”.

ژ لايێ خوه‌ ڤه‌ فه‌ريق “سێرگى رۆدسكۆى” سه‌رۆكێ ئيداره‌يا كرياران ل يه‌كا ئه‌ركانێن گشتى يا هێزێن چه‌كدارێن رۆسى رۆژا ئه‌ينى 25ى كانوونا ئێكێ ته‌كست ل سه‌ر به‌رهه‌ڤيا رۆسيا كر بۆ دانا پێزانينان ل دۆر بنگه‌هێن داعش ل سوريا بۆ هه‌ڤپه‌يمانيا نێڤده‌وله‌تى ب سه‌رپه‌رشتيا واشنتۆن دژى تيرۆرێ ل سوريا و عيراقێ، هيڤى ژى خواست كو ئه‌و ژى بشێن مفاى ژ وان وه‌ربگرن بۆ پێزانيان ل سه‌ر باره‌گايێن چه‌كدارێن داعش.

ئەڤرۆ نیۆز، قائید میرۆ:
وەزارەتا کاروبارێن شەھید و ئەنفالکریان ئاشکراکر، دگەل بەلافکرنا پارچەیێن ئەردی بسەر کەس و کارێن شەھید و ئەنفالکریان دێ پارچێن ئەردی ب سەر زیندانێن سیاسی ھێنە بەلافکرن.
ئەحمەد مام رەسول ریڤەبەرێ گشتیێ زیندانێن سیاسی ل وەزارەتا شەھید و ئەنفالکریان ب ئەڤرۆ نیۆز راگەھاند” ب ھەماھەنگیا سەرۆکایەتیا جڤاتا وەزیران نوکە وەزارەتا شەھیدان یا کار بۆ بەلافکرنا پارچێن ئەردی بۆ کەس و کارێن شەھیدان دکەت، د چوارچوڤێ بەلافکرنا پارچەیێن ئەردی بۆ کەس و کارێن شەھیدان، دێ زیندانیێن سیاسی ژی مفاداربن بۆ وەرگرتنا پارچێن ئەردی.

ئەحمەدی دیارکر، بەلافکرنا پارچێن ئەردی بسەر زیندانێن سیاسی لسالێن بۆری ژی ھەبوویە و دێ بەردەوام ھەتا ھەموو زیندانیەک گورەی قانوونێ پارچەکا ئەردی مفادارببیت.

website security
WP Facebook Auto Publish Powered By : XYZScripts.com