ئەڤرۆ نیوز:
ل ٦-١١- ٢٠١٥ ێ ، دو سال دەبازبوون ل سەر خۆلا چارێ یا پەرلەمانی کو ھەموو فراکسیۆن پشکدارببون د کابینا ھەشتێ یا پەرلەمانی دا، ب دیتنا چاڤدێرێن سیاسی لیستێن ئۆپۆزسیۆنێ ھەمان رۆلێ خۆلا سیێ ھەبوو و خوە ژبیرکربوو کو پشکدارن د حوکمەتێ دا.
دیندار نەجمان چاڤدێرێ سیاسی بۆ رۆژناما ئەڤرۆ گوت” نابینم دو سالێن خولا چارێ چو جوداھیەکا مەزن ھەبیت ل گەل خولێن دی، چونکی لیستێن ھەر سێ فراکسیۆنێن ئۆپۆزسیۆنێ ھەمان رۆلێ خۆلا بەرێ ھەبوویە و ھەر بکارێ بەرھنگاریبوونا حوکمەتێ رادبوون وەکو پشکداری دکابینا حوکمەتێ دا و لەوما بوو ئەگەرێ قەیرانا نوکە یا ھەرێم تێدا دبوریت”.
دیندار نەجمان ھێشتا ژی گۆت” سەرۆکاتیا پەرلەمانی بەرپرسە ژ وێ قەیرانا سیاسی یا مەزن ل ھەرێما کوردستانێ ھەی، رۆژا ێ٢٣ خزیرانێ ل سەر پرسا سەرۆکاتیا ھەرێما کوردستانێ کو گومان تێدا نەبوو ئەڤ پرسە ل پەرلەمانی دا ناھێتە چارەسەرکرن و تایبەتی ب پەراوێزخستنا ھێزەکا مەزن وەک پارتی دیموکراتی کوردستان”.
ل دۆر نە پەیدابوونا چار سالێن ئارامیێ دبن سیبەرا حوکمەتا بنکە فراوان دا، دیندار نەجمان دۆسکی گۆت”دروستبوونا بزاڤا گۆڕان ل سەر دژایەتیکرنا ھەر دو حزبێن دەستھەلاتدار بوو و خەلکەک ل دۆر کومبوو چونکی نەیێ رازیبوو ژ وان ھەردو حزبان، دەمێ گۆڕان ھاتیە دحوکمەتا بنکە فراوان دا، ژ قۆناغا دژایەتیێ ھاتە د قۆناغا (تەوافق) دا، وێ سیاسەتێ کارتێکرنەکا نەرێنی ل سەر جەماوەرێ گۆڕان کر، ب دیتنا وان گۆڕان پێ گوھۆرا پارتی و ئێکەتی یە و ڤێ چەندێ وەکر کو سیاسەتا گۆڕان خوەیا نەبیت دناڤبەرا حوکمەت و ئۆپۆزسیۆنێ دا.
ب دیتنا نەجمانی حوکمەتێن بنکەفراوان د سەرکەفتی نابن و دبێژیت” حوکمەتێن بنکەفراوان دلاوازن و گەلەک جاران درێژخایەن نابن و دھێنە ھەلوەشاندن و ئەڤ نموونێن حوکمەتان ل وەلاتێن فرە حزبی پەیدا دبن، چونکی چو حزبەک نەشێت پتریا دەنگان ب دەست خوەڤە بینیت”.
سەبارەت ئەگەرێ پێکئینانا حوکمەتێ د ناڤبەرا پارتی و ئێکەتی و ئێکگرتوو دا، حکمەت نەجمانی گوت” درەوشەکا وەک نوکە دا کو ھەرێم تێدا دبوریت، ئێکرێزیا پارتێن سیاسی یا گرنگە و گوھۆرینا حوکمەتێ ب رێیێن قانوونی تشتەکێ نورمالە، لێ دڤێت بەری ڤێ پێنگاڤێ ئاسایکرنا رەوشێ ل ھەرێما کوردستانێ بھێتەکرن و ب دیتنا من گوھۆرینا حوکمەتێ دڤان کاودانان دا د بەرژەوەندا مللەتی دا نینە” لێ گوت ژی” ل دووڤ پێزانینێن من، چو سیناریۆ بۆ ھەلوەشاندنا حوکمەتێ و ئاڤاکرنا حوکمەتەکا نوو نینن و ھەکە ئەڤ نیازە ھەبن، گەلەک سیناریۆ یێن ھەین بۆ حوکمەتەکا نوو، ئەوژی پێکئینانا حوکمەتێ د ناڤبەرا پارتی و ئێکەتیێ دا، یان پارتی و ئێکەتی ل گەل ئێکگرتوو”.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سه‌ره‌كى نووترين نووچه
ئه‌ڤرۆ نيوز ڤيديۆيه‌كا شنگال به‌لاڤ دكه‌ت
خواندنا بلند: نه‌چنه ڤان زانكۆيان
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌وانه‌كريه، تێدا داخواز ژ قوتابيان دكه‌ن نه‌چنه وان زانكۆيێن ده‌رڤه‌ى ئيدارا هه‌رێما كوردستانێ “حه‌دبا، نۆر، قه‌له‌م كتاب” ب به‌هانه‌يا وێ چه‌ندێ كو شێوازێ ده‌وامێ ل وان كوليژ و په‌يمانگه‌هان ب گۆره‌ى پێدڤياتيا زانستى و كارگێرى نينه.
د به‌هانه‌كا دى يا وه‌زاره‌تا خواندنا بلند و ڤه‌كۆلينێن زانستى دا ئاماژه ب وێ چه‌ندێ كريه كو پێوه‌رێ وه‌رگرتنا نمران ل وان زانكۆيان گه‌له‌ك كێمتره ژ پێوه‌رێ وه‌رگرتنێ ل زانكۆيێن تايبه‌ت يێن هه‌رێما كوردستانێ.
ده‌قێ راگه‌هاندنێ:
دەقی راگەیەندراوەکەی وەزارەتی خوێندنی باڵای هەرێمی کوردستان:
ڕاگه‌یاندراوی وه‌زاره‌تى خوێندنى باڵا له‌باره‌ى زانكۆكانى (حه‌دبا، نور، قه‌ڵه‌م، كتاب) وه‌زاره‌تى خوێندنى باڵا و توێژینه‌وه‌ى زانستى ئاگادارى سەرجەم ئەو خوازیارانە دەکات کە دانیشتوى پارێزگەکانى هەرێمى کوردستان و دەیانەوێ لە زانکۆ تایبەتەکانى ناوچە کوردستانیەکانى دەرەوەى ئیدارەى هەرێمى کوردستان بخوێنن، وەک کولێژە زانکۆییەکانى (حه‌دبا، نور، قه‌ڵه‌م, كتاب و…هتد)، کە ڕوو لەو کۆلێژە زانکۆیانە نەکەن، چونکە شێوازی دەوامكردن لەو کۆلێژە زانكۆیانە بەگوێرەی پێویستى زانستى و کارگێڕى نییە، لەگەڵ ئەوەشدا، پێوەری وەرگرتن زۆر نزمترە بەراورد لەگەڵ پێوەری وەرگرتن لە زانكۆ تایبەتیەكانی هەرێمی کوردستان.
وەک پیشتر ڕامانگەیاندوە وەزارەتى خوێندنى باڵا و توێژینەوەى زانستى بەهیچ شیوەیەک مامەڵە لەگەڵ ئەو کولێژە زانکۆیانە ناکات و، لە نوسراوەکەشماندا بەژمارە (٦٨٣١) كه له ڕێكه‌وتى (6/4/2015) بۆ ئه‌نجومه‌نى وه‌زیران بەرزمان کردوەو و، و ئەنجومەنى وەزیرانیش بەنوسراوى ژمارە (٣١٩٣) لە ڕێکەوتى (٢٢/٤/٢٠١٥) گشاتاندى بۆ سەرجەم وەزارەت و دەزگاو دامەزراوەکانى هەرێمى کوردستان پێکردوە, لە ئیستاو داهاتوشدا ئیمتیاز بەهەڵگرانى بڕوانامەى ئەو کۆلێژە زانکۆیانە نەکرێت.
بۆیە ئەوانەى ئێستا لەو کۆلێژە زانکۆیانە دەخوێنن کاتى خۆیان بەفیڕۆ دەدەن و پارەکەشیان بەهەدەر دەچێت، بۆیە داواش لەو کەسانە دەکەن کە دەیانەوێ لەو کولێژە زانکۆیانە بخوێنن با ئەوانیش پارەو کاتى خۆیان بەفیڕۆ نەدەن و، باوەڕیش بەو ڕێکلامانە نەکەن کە لە شارو شارۆچکەکانى هەرێمى کوردستان بڵاویان دەکەنەوە، بەڵکو لە بڕى ئەوە باشترە ڕوو لە زانکۆ تایبەتەکانى هەرێمى کوردستان بکەن، کە مۆڵەتى خوێندن و کارکردنیان لە وەزارەتى خوێندنى باڵا و توێژینەوەى زانستى هەرێمى کوردستان وەرگرتوە و، لە چوارچێوەى سیاسەت و بریار و ڕێنماییەکانى وەزارەتەکەمان کار دەکەن.
ڕاگەیاندنى
وەزارەتى خوێندنى باڵا و توێژینەوەى زانىستى
٨/١١/٢٠١٥
راسته دێ 15 رۆژان بيته تارى و رۆژ ده‌رناكه‌ڤيت؟
ئه‌ڤرۆ نيوز، نيوار محه‌مه‌د سه‌ليم:
پشتى به‌لاڤبوونا نووچێ وێ چه‌ندێ كو ئه‌رد دێ بۆ ماوێ 15 رۆژان د تاريێ دابيت هه‌ر ژ رۆژا 15\11\2015 و ھەتا 29\11\2015ێ ئه‌ڤرۆ نيوز شيا نووترين پێزانينان ل سه‌ر ڤێ بوويه‌رێ ب ده‌ست خوه بێخيت.
د. ره‌مه‌زان حه‌مزه، مامۆستايێ زانكۆيا دهۆك د داخويانيه‌كا تايبه‌ت دا، بۆ ئه‌ڤرۆ نيوز گۆت: “پشتى زێده‌بوونا ده‌زگه‌هێن ميديايى و هه‌بوونا ژێده‌رێن زێده يێن به‌لاڤكرنا نووچان، گه‌له‌ك بابه‌تێن بێ بنه‌ما دهێنه به‌لاڤكرن”.
زێده‌تر گۆت: “به‌لاڤبوونا نوچێ تاريبوونا ئه‌ردى بۆ ماوێ 15 رۆژان كو ژێده‌رێ وێ ژى كربوو ئاژانسا ناسا، چو راستى بۆ نينه و هه‌كه ته‌ماشه‌ى مالپه‌رێ فه‌رمى يێ ئاژانسا ناڤبرى ژى بكه‌ن چو تشتێ ژ وى ره‌نگى تێدا نينه”.
ئاخفتنێن نه‌وشيروان مسته‌فا دچنه دخانا تيرۆرێ دا
ئه‌ڤرۆ نيوز:
ب گۆره‌يى پارچه‌كا ڤيديۆيێ كو به‌لاڤ بوويه، نه‌وشيروان مسته‌فا، به‌حس ل چاوانيا تێكدانا ره‌وشا هه‌رێما كوردستانێ دكه‌ت و داخواز دكه‌ت ته‌قێ ل كونسلخانه‌يان بكه‌ن و ئه‌نده‌زيارێن كۆمپانيێن په‌ترۆلێ بره‌ڤينن، جێگرێ سه‌رۆكێ لژنا ناڤخۆ و ئاسايشێ ل په‌رله‌مانێ كوردستانێ ژى دبێژيت: “ئه‌و گۆتن دچنه خانه‌يا تيرۆرێ، ژ به‌ر هندێ پێدڤيه ل دووڤ قانوونا دژى تيرۆرێ مامه‌لێ ل گه‌ل بكه‌ن”.
نازم كه‌بير هه‌ركى، جێگرێ سه‌رۆكێ لژنا ناڤخۆ و ئاسايشێ ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان راگه‌هاند: گۆتنێن نه‌وشيروان مسته‌فا ده‌رابه‌رى تێكدانا ره‌وشا هه‌رێما كوردستانێ و ته‌قه‌كرن ل فونسلخانان، ره‌ڤاندنا ئه‌نده‌زيارێن كۆمپانيێن په‌ترۆلێ و چه‌ند كارێن دى يێن تێكده‌رانه، زۆر د مه‌ترسيدارن و پێدڤيه داواكاريا گشتى بێده‌نگ نه‌بيت و كه‌يسى بلڤينيت، چونكو ئه‌ڤه دچيته د خانا تيرۆرێ دا، ژ به‌ر هندێ پێدڤيه ب گۆره‌ى قانوونا دژى تيرۆرێ سه‌ره‌ده‌ريێ ل گه‌ل بكه‌ن.
هه‌ركى گۆتژى: “ئه‌ڤ ئاخفتنێن كرين، ترس يا د ناڤ خه‌لكێ هه‌رێما كوردستانێ و بيانيان دا دروست كرى، چونكو به‌حس ل گه‌ل تشتێن مه‌ترسيدار دكه‌ت، ژ به‌ر هندێ پێدڤيه ژبلى داواكاريا گشتى، كونسلخانه و كۆمپانيێن په‌ترۆلێ ژى خوه بێده‌نگ نه‌كه‌ن، چونكو گه‌ف يێن ل وان ژى كرين”.
جێگرێ سه‌رۆكێ لژنا ناڤخۆ و ئاسايشێ ته‌كست ل سه‌ر وێ چه‌ندێ ژى كر كو پێدڤيه هه‌موو لا د ده‌بارێ وان گۆتنان دا بهێنه ده‌نگ و نابيت ب ئاسايى ببورن، چونكو ئه‌ڤه گه‌فه‌كا مه‌زنه بۆ سه‌ر ئاسايشا هه‌رێما كوردستانێ و زيانه‌كا زۆر ب هه‌رێما كوردستانێ د گه‌هينيت.
د گرته‌يه‌كا ڤيديۆى دا، كو تله‌ڤزيۆنا زاگرۆس به‌لاڤكريه، رێكخه‌رێ بزاڤا گۆڕان، ب گڤاشتن ل سه‌ر هه‌رێما كوردستانێ گه‌فان ل سه‌قامگێريا هه‌رێما كوردستانێ دكه‌ت و دبێژيت: “ته‌قێ ل دو كۆنسلخانان بكه‌ن و دو ئه‌نده‌زياريێن كۆمپانيێن په‌ترۆلێ ب ره‌ڤينن”.
سيستانى پێشوازى ل عه‌بادى نه‌كر
ئه‌ڤرۆ نيوز:
عه‌لى سيستانى، مه‌رجه‌عێ بلندێ شيعان ل عيراقێ، ديدارا حه‌يده‌ر عه‌بادى سه‌رۆك وه‌زيرێن عيراقێ ره‌تكر، عه‌بادى و سه‌در ژى ته‌كست ل سه‌ر چاكسازيان دكه‌ن.
دوهى حه‌يده‌ر عه‌بادى، سه‌رۆك وه‌زيرێن عيراقێ ب مه‌ره‌ما ب ده‌ستڤه‌ئينانا پشته‌ڤانيا مه‌رجه‌عێ بلندێ شيعا سه‌ره‌دانا باژێرێ نه‌جه‌ف كر.
رۆژناما “الشه‌رق الاوسط” به‌لاڤكر كو حه‌يده‌ر عه‌بادى شكه‌ستن ئينا د ب ده‌ستڤه‌ئينانا پشته‌ڤانيا مه‌رجه‌عيه‌تێ بلندێ شيعان و ل د سه‌ره‌دانا خوه يا دوهى دا، هه‌كه چ چاڤ ب سێ مه‌رجه‌عێن بلندێن ئاينى كه‌فت، به‌لێ نه‌شيا عه‌لى سيستانى مه‌رجه‌عێ بلندێ شيعان ل عيراقێ ببينيت و ئه‌وى چاڤپێكه‌فتنا ل گه‌ل عه‌بادى ره‌تكر.
د ڤێ ده‌ربارێ دا، حه‌يده‌ر غه‌رابى زه‌لامێ ئاينى يێ شيعان و مامۆستا ل حه‌وزا علمى يا نه‌جه‌ف بۆ رۆژناما ناڤبرى راگه‌هاند: “سه‌رۆك وه‌زيران د كۆمبوونێ دا ل گه‌ل مه‌رجه‌عێ ئاينى، چو ب ده‌ست نه‌كه‌فت، چونكو گلۆپا كه‌سك ژ لايێ مه‌رجه‌عێ بلند ڤه بۆ نه‌هاته هه‌لكرن و ديدار ب تنێ بۆ لێكگوهاڕتنا بيرۆبۆچوونان بوون.
غه‌رابى گۆتژى: “د ماوێ بۆرى دا، مه‌رجه‌عێ ئاينى يێ شيعان پشته‌ڤانيه‌كا زۆر ل حه‌يده‌ر عه‌بادى كربوو بۆ روو ب رووبوونا گه‌نده‌لى و گه‌نده‌لكاران، به‌لێ سه‌رۆك وه‌زيران شكه‌ستن ئينا و نه‌شيا ره‌زامه‌نديا مه‌رجه‌عى ب ده‌ست ڤه بينيت”.
كوردێن رۆژئاڤا ل دژى په‌يه‌دێ خۆنيشاندانان دكه‌ن
ئه‌ڤرۆ نيوز:
سه‌ركرده‌كێ پارتى ديموكراتى كوردستان- سوريا راگه‌هاند: “ل دژى سياسه‌تا پارتيا ئێكه‌تيا ديموكراتى كوردستان (په‌يه‌ده) ل رۆژئاڤايێ كوردستانێ، خونيشادان ئه‌نجام ده‌ده‌رێت و داخواز دكه‌ت زيندانيێن سياسى ئازاد بكه‌ت”.
سه‌عيد عومه‌ر ئه‌ندامێ كۆميتا ناڤه‌ندى يا پارتى ديموكراتى كوردستان- سوريا بۆ باسنيوز راگه‌هاند كو به‌سى عه‌بدى به‌رپرسێ حزبا وان ل باژێرێ دێركێ يێ رۆژئاڤايێ كوردستانێ و محه‌مه‌د عه‌لى ئه‌بۆ نادور ئه‌ندامێ مه‌كته‌با سياسى و سێ كادرێن حزبا وان ژ لايێ ئاسايشا په‌يه‌دێ ڤه هاتينه ده‌سته‌سه‌ركرن”.
زێده‌تر گۆت: “ل دژى سياسه‌تا په‌يه‌دێ و ئاسايشا رۆژئاڤا بڕياره ئه‌ڤرۆ رۆژا ئێكشه‌مبى خۆنيشاندنه‌كا به‌رفره‌هـ ل باژێركێ دێركێ بهێته ئه‌نجام دان، ئه‌و ژى بۆ ره‌تكرنا سياسه‌تا په‌يه‌دێ و گرتنا چالاكڤانێن سياسى و سه‌رداگرتنا باره‌گايێن وان”.
ئه‌و ئێك ژى ئاشكه‌را كر كو ده‌سته‌لاتدارێن رۆژئاڤا ده‌ست ب گه‌فان كريه و چاڤێن خوه سۆر كرينه ل دژى خه‌لكێ بێ تاوان.
به‌فر دێ باريت
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 8ى چريا دويێ 2015 ئه‌سمانێ دهۆكێ دێ ژ ئه‌وره‌كێ كێم بۆ ئه‌ورێن تمام هێته گوهۆڕين و باران ل ده‌ڤه‌رێن جودا يێن پارێزگه‌ها باريت و ل ده‌ڤه‌رێن جودا يێن چيايى ئه‌گه‌رێ به‌فر بارينێ ب دره‌نگى شه‌ڤ هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا سۆر كو هه‌وايه‌كێ هه‌تا راده‌كى سار ل گه‌ل هه‌يه بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ ژ ئه‌وره‌كێ كێم بۆ ئه‌ورێن تمام هێته گوهۆڕين و باران ل ده‌ڤه‌رێن جودا يێن پارێزگه‌ها باريت و ل ده‌ڤه‌رێن جودا يێن چيايى ئه‌گه‌رێ به‌فر بارينێ ب دره‌نگى شه‌ڤ هه‌يه.
پشكا پێشبينيان دايه زايه زانين كو دێ ئاراستێ باى ژى دێ د گوهۆڕينێ دا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ دێ 10كم بيت و پلێن گه‌رمێ ژى دێ د ناڤبه‌را 10 بۆ 20 پلان دا بيت.
پتریا خوەکۆژێن ل عیراقێ خوە پەقاندین فلستینی نە
ئەڤرۆ نیوز، ئەیاد بەرواری:
ل دووڤ ئامارەکا ئەمنی یا عیراقی ل دۆر وان خوەکۆژێن پشتی سالا ٢٠٠٣ ێ ل عیراقێ خوە پەقاندی، ھژمارا خوەکۆژێن فلستینی ل سەرێ لیستێ دھێن کو ١٢٠١ کەسێن فلستینی خوە پەقاندیە و خوەکۆژێن سعودی ل رێزا دویێ دھێن کو ھژمارا وان ٣٠٠ کەس بوون و پاشی یەمەنی ٢٤٦ کەس و سووری ١٩٧ کەس و تونسی ٤٤ کەس و مسری ٨٨ کەس و لیبی ٤١ کەس و ئیماراتی و بەحرێنی و قەتەری ٢٠ کەس بوون.
ل دۆر ھژمارا قوربانیێن وان کریارێن تیرۆرستی ئەوێن ئەڤ خوەکوژە پێ رابووین، رێکخراوا Iraq Body count یا بریتانی دیارکریە کو ھژمارا قوربانیان د ناڤبەرا ١١٢ – ١٢٢ ھزار کەسان دایە، ئاژانسا ئەسوشێتد پرێس دیاردکەت کو ھژمارا وان ھەتاکو نیسانا ٢٠٠٩ ێ، ئانکو د شەش سالاندا گەھشتیە ١١٠ ھزار کەسان، د ھەمان دەمدا کۆڤارا (لانسیت) یا نوژداری ل سالا ٢٠٠٦ ێ دیارکربوو کو ھژمارا وەلاتێن عیراقی ئەوێن ھاتینە کوشتن د دەمێ سێ سالان ب تنێ دا ٢٠٠٣ – ٢٠٠٦ یێن گەھشتینە ٦٠٠ ھزار وەلاتیان.
ئەڤرۆ نیوز گەندەلیێن یوسف محەمەد ئاشکرا دکەت
ئەڤرۆ نیوز:
ئەندامەکا پەرلەمانێ کوردستانێ ژ فراکسیۆنا پارتی دیموکراتی کوردستان، ب ڕیێا رۆژناما ئەڤرۆ چەند سەرپێچی و گەندەلیێن سەرۆکێ بەرێ یێ پەرلەمانێ کوردستانێ ئاشکرا دکەت .
مەدینا ئەیۆب شەرنەخی ئەنداما پەرلەمانێ کوردستانێ ژ فراکسیۆنا پارتی بۆ رۆژناما ئەڤرۆ گۆت” ل سەردەمێ یوسف محەمەد سەرۆکێ بەرێ پەرلەمانێ کوردستانێ چو کێشێن خەلکی نەھاتینە چارەسەکرن، بەلکو وی ھەموو بزاڤ دکرن کو بۆ بەرژوەندیێن خوە یێن حزبی کار بکەت و ھەر ئاگەە ژ ھەژار و دەست کورت و زارۆیێن شەھیدان و ئەنفالکریان نەبوویە، ئەڤە ددەمەکی دا گەلەک پرۆژێن باش ل بەر دەستی ھەبوون، لێ نەدکرە د بەرنامێ کارێ پەرلەمانێ کوردستانێ دا”.
مەدینایێ زێدەتر گوت” یوسف محەمەد سەرۆکێ بەرێ یێ پەرلەمانێ کوردستانێ ١٥ ترومبێل ل گەل خوە یێن برین و دڤێت ب زووترین دەم ئەڤ ترومبێلە ڤەگەرنە پەرلەمانێ کوردستانێ، چونکی ئەئەو ترومبێل مولکێ گشتی نە، ب چو رەنگان نابیت ئەڤ ترومبێلە بھێنە بکارئینان، چونکی یوسف محەمەد شەرعیەت نەمایە و نوکە سەرۆکێ پەرلەمانی نینە”.
ڤێ پەرلەمانتارا فراکسیۆنا پارتی دیارکر ژی کو ئەندامەکێ خۆلا بۆری یا پەرلەمانێ کوردستانێ ب ناڤێ (ک،م، ب) کو شیرەتکارێ یوسف محەمەدی یە، مووچێ خانەنشینیێ وەردگریت و یوسف مەحمەد ب شیرەتکارێ خوە دانا بوو، وەسا دیارکربوو ژی کو ئەو شیرەتکار خوەبەخشە و بەرپرسێ نڤسینگەھا شیرەتکاریا قانوونی یە، ئیمزا ژی ل سەر نڤیسارێن فەرمی دکرن و ژلایێ یوسف محەمەد ڤە ترومبێلەک وەرگرتبوو، مەزاختیێ ترومبێلێ ھەموو ل سەر کیستێ پەرلەمانی بوو، سێ زێرەڤان ل گەلن و مەزاختیێ ھەر ھەموویان ژی ل سەر پەرلەمانی بوو، ھەیڤانە (٣٠٠) ھزار لیترێن پانزینێ ل سەر کیستێ پەرلەمانی وەردگریت، نوزانم ئەڤە چ خوەبەخشی یە و دبینم پەرلەمانێ کوردستانێ چو پێدڤی ھەر ب شیرەتکاران نینە”.
مەدینایێ خویاکر ژی “پەرلەمانێ کوردستانێ ٥٢ راوێژکار یێن ھەین و دبینم پێدڤی ب خوەبەخشان ناکەت، بەلکو مە پێدڤی ب خوەبەخشانە ل شەڕێ دژی داعشێ، نە ل پەرلەمانێ کوردستانێ و ببنە بارگرانی ل سەر پەرلەمانی”.
مەدینا ئەیوب زێدەتر گەندەلیێن سەرۆکێ بەرێ یێ پەرلەمانی ئاشکراد کەت و دیاردکەت کو شیرەتکارەکێ دی ب ناڤێ(س،ق،ک) مووچێَ ھەیڤانە وەردگریت ئەوژی چار ملیۆن و ٧٤١ ھزار دینارن، یوسف محەمەد شوقا ھژمار ھەشت ژ وان شوقێن تایبەت ب ئەندام پەرلەمانێن کوردستانێ یا دایێ، ئەڤە ددەمەکی دا ئەو شوقە مولکێ پەرلەمانێ کوردستانێ نە و تنێ ئەندامێن پەرلەمانی تێدا دھێنە ئاکنجیکرن بۆ وێ خۆلا پەرلەمانی و کەسەکێ دی ئەو ماف نینە شوقێ وەربگریت، دیسان ھەیڤانە ٤٠٠ ھزار دیناران وەکو مەزاختی ل سەر کیستێ پەرلەمانی بۆ دھێنە مەزاختن و ئەڤە ل دووڤ نڤیسارا ھژمار (٣-٨-٣٤٩٩) کو ل رێککەفتی ٢١-١٠-٢٠١٤ ێ یادەرچووی بۆ کریێن خانیێن شیرەتکاران و ھەیڤانە ملیۆنەک و ٦٠٠ ھزار دیناران وەردگرن.
نيشاندان
WP Facebook Auto Publish Powered By : XYZScripts.com