ئه‌ڤرۆنیۆز، ئه‌یاد به‌رواری
په‌یڤدارێ سه‌رۆكاتیا كۆمارا توركیا راگه‌هاند، توركیا پێدڤی ب گوهۆرینا دستوورێ خوه‌یه، ژ به‌ر كو ئه‌و دستوورێ نوكه كار پێ دهێته‌كرن یێ كوده‌تایا له‌شكری یا سالا 1980 ێ یه.
ل دووڤ رۆژناما (یه‌نی شه‌فه‌ق) یا توركی، ئیبراهیم كالن په‌یڤدارێ سه‌رۆكاتیا كۆمارا توركیا ل دۆر پرسا سیسته‌مێ حوكڕانیێ ل توركیا، گوت” پێدڤیێن توركیا دێ دیاركه‌ن كا وه‌لاتێ مه پێدڤی سیسته‌مێ سه‌رۆكایه‌تی یه، یان سیسته‌مێ په‌رله‌مانی”.
ئه‌ڤرۆ نیوز:
ئێڤارییا ئه‌ڤرۆ 7/11/2015 شانده‌كێ بلند یێ هه‌رێما كوردستانێ بسه‌رۆكاتیا نێچیرڤان بارزانی سه‌رۆك وه‌زیرێن هه‌رێما كوردستانێ، قوباد تاڵەبانی جێگرێ سەرۆك وەزیران، فازل میرانی سكرتێری مەكتەبا سیاسییا پارتی دیموكراتی كوردستان، فەرهاد ئەترووشی پارێزگارێ دهۆكێ، د. ڕۆژ نوری شاوەیس و ئازاد بەرواری ئەندامانی مەكتەبی سیاسیی پارتی ، دەرباز کۆسرەت ڕەسووڵ وەزیرێ ئاڤه‌دانكرنێ و ئاكنجیكرنێ، سەفین دزەیی په‌یڤدارێ حکوومەتێ، بۆ پشكداریكرن د به‌هییا سیاسەتمەدارێ عێراقی یێ به‌ری چه‌ند رۆژان وه‌غه‌ركری ئەحمەد چەلەبی، گەهشتنە بەغدایا پایتەختا ئیراقێ و سه‌ره‌خۆشی ل كه‌سوكارێن چه‌له‌بی كر.
نێچیرڤان بارزانی ب نوونه‌راتییا مه‌سعود بارزانی سه‌رۆكێ هه‌رێما كوردستانێ ژی سه‌ره‌خۆشی و هه‌ڤخه‌می ل كه‌سوكارێن چه‌له‌بی كر.
ئه‌ڤرۆ نیوز:
نه‌جمه‌دین كه‌ریم پارێزگه‌رێ كه‌ركووكێ دبێژیت كو بێگۆمان كه‌ركووك كوردستانه و دڤێت رێفراندوما ڤه‌گه‌ریانا وێ بۆ سه‌ر هه‌رێما كوردستانێ بهێته‌كرن .
د هه‌ڤپه‌یڤینه‌كێ دا بۆ مالپه‌رێ (ئه‌لمۆنیته‌ر) نه‌جمه‌دین كه‌ریم خویاكر كو پێشمه‌رگه ب چ شێوه‌كێ ئه‌و جهێن كۆنترۆل كرین به‌رناده‌ت، سۆپایێ ئیراقی ره‌ڤییه و جهێ میلیشیایێن شیعه ل كه‌ركووكێ نینه و پشتی كۆنترۆلكرنا ناوچێن كوردستانی دڤێت رێفراندوم بهێته‌كرن .
هه‌روه‌سا نه‌جمه‌دین كه‌ریم راگه‌هاند: پێنگاڤا داهاتی دڤێت رێفراندوم بهێته كرن بۆ وێ یه‌كێ كه‌ركووك ب فه‌رمی بچیته سه‌ر هه‌رێما كوردستانێ ڤه، لێ به‌ریا هنگی دڤێت چه‌ند پێنگاڤ ژ ئالیێ سه‌ركردێن كوردستانێ و په‌رله‌مانێ كوردستانێ بهێنه هاڤێتن، بمه‌ره‌ما وێ یه‌كێ بریار ل سه‌ر رۆلێ توركمان و عه‌ره‌ب و كوردێن كه‌ركووكێ بفه‌رمی د سه‌ركردایه‌تی و په‌رله‌مان و وه‌زاره‌تێن حكومه‌تا هه‌رێمێ دا بهێته دان ، ژبه‌ركو كه‌ركوكێ ره‌وشه‌كا تایبه‌ت یا هه‌ی و وه‌كی پارێزگه‌هێن دی یێن هه‌رێما كوردستانێ نینه. “
ئەڤرۆ نیوز، سالار دۆسکی:
د.خەلیل غازی، مامۆستایێ زانکۆیێ بۆ ئەڤرۆ نیۆز گۆت: ئاخفتنێن بەرپرسێن مە ھەموو گاڤا جھێ باوەریێ نە و ئەوا دبێژین ئەگەر بھێتەکرن و ئەگەر رێکەفتنێ ل گەل حوکمەتا عیراقێ بکەن و دەرھینانا پەترۆلێ زێدە بکەن، دیسان گرێبەست فرۆتن و ڤەگوھاستنا پەترۆلێ ژ ھندەک کومپانیان دەربێخێن و کار بکەن رێژەکا مەزن یا وێ پەترۆلێ بۆ حوکمەتێ بیت وی دەمی دێ گەلەک ئاریشە چارەسەربن چونکە کوردستانێ ئابوورەکێ گەلەکێ گرێدایی نینە کو بزحمەت ئاریشە چارەسەربن، لێ ئەڤێ چەندێ ژی شەفافیەت و کێمکرنا رێژا گەندەلیێ پێ دڤێت.
مامۆستایێ زانکۆیێ ھێشتا گۆت: رێژا بەغدا داخاز دکەت گەلەک کێمتر ژ شیانێن ھەرێما کوردستانێ، دشێت دو مفا ژ وەربگریت، رێکەفتن ل گەل بەغدا باشە چونکە پەیوەندیێن ھەرێمێ ل گەل بەغدا بھێز بکەڤن د ھەموو بیاڤ دا دێ وەرەرێ کەت و دیسان ئەڤ پەیوەندیە چێترە ل گەل وەلاتەکێ دیرتر بکەت، دڤێت پشستا مە ب بەغدا گەرم کەین و چێترە پەیوەندیا نەخوەش بکەین یان ببرین، دیسان رێژا ب رێکا بەغدا دچیت دێ داھاتێ وێ پتر بیت یا راستەوخۆ دھێـە فرۆتن چونکە ھەر تشتەک دێ ل سەر سومو بیت، ئەگەر ب سەربەخۆ بھێـتە فرۆتن دێ بھایێ چوونێ و ڤەگوھاستنێ گەلەک کەڤیت و ھەرێم دێ کێم قازانجێ کەت.
مامۆستایێ زانکۆیێ زێدەتر گۆت: ئەگەر ئەڤە بھێـتە بجھئینان دێ قەیرانا ئابووری ل سالا ٢٠١٦ بەر ب نەمانێ یت و ئەگەر نە نابینم ل سالا داھاتی ژی ئەڤ قەیرانە ل سەر مللەتێ کورد دا دەرباز بیت
ئەڤرۆ نیوز،بارزان مزووری:
ژێدەرەکى ژ رێکخراوا چەکدارێن ئازاد د ناڤ باژێرێ مووسل دا بۆ مالپەرێ ئەڤرۆ نیوز ئاشکرا کر کو ل رۆژا ئەینیا بوری ٦-١١-٢٠١٥ چەکدارێن تیرورستێن داعش شەش شوفێرێن تەکسیا یێن ڤەگوھاستنا وەلاتییان بۆ دەرڤەی باژێرێ مووسل ل بەر دەرگەھێ زیندانیا کەڤن یا مووسل ل پێش چاڤێن زیندانیا سەر ژێکرن ل دووڤ دا تەرمێن وان بو گورەپانێن راوەستیاتا تەکسیا ڤەگوھاستن ژ بەر کو دا چ شوفێرێن دی ل بن دەستھەلاتا وان نەدەرکەڤیت.
ناڤبری دیار کر کو ئەو شوفێر ئەڤە ماوەیەکێ کێمە ھات بوونە دەستەسەرکرن ب مەرەما سیخوری کرنێ و دانا زانیارێن داعش ل ده‌مێ ده‌ركه‌فتنا وان بۆ دەرڤەی باژێری ب هێزێن ئێمناهيێ.
ناڤبری گۆت ژى: “ئەو شوفێر ل پێش چاڤێن زیندانیا سەر ژێکرن دا کو ئەو زیندانی ئەوێن ھاتینە دەستەسەرکرن دان ب تاوانا خو نەکربیت ب ترسن و دان ب تاوانا خوه بكەن”.
ئه‌ڤرۆ نيوز:
به‌رپرسێن هێزێن ئه‌سمانى يێن فره‌نسى كو پشكه‌كن ژ ڤه‌كۆلينا تايبه‌ت ب ئه‌گه‌رێ كه‌فتنه خوارا فرۆكا رۆسى ل گزيرتا سيتا راگه‌هاند كو ب گۆره‌يى ڤه‌كۆلينێن هه‌تا نوكه هاتينه كرن ئه‌گه‌رێن كه‌فتنێ په‌يوه‌ندى ب شياشيێن ته‌كنيكى ڤه نينه، به‌لكو ژ نيشكه‌كێ ڤه ته‌قينه‌ك يا د ناڤ فرۆكێ دا روودايى و فرۆكه يا پارچه پارچه بووى.
ده‌رئه‌نجامێن ڤان ڤه‌كۆلينان گۆمانێن ئه‌گه‌رێ هێرشا توندوتيژى بۆ سه‌ر فرۆكێ زێده‌تر لێ دكه‌ن كو پێشتر داعش به‌رپرساتيا خوه ژ ڤێ كريارێ ده‌ربڕيبوو، گه‌له‌ك ژ وه‌لاتيێن رۆسى ژى دڤێت ڤه‌گه‌رنه رۆسيا، به‌لێ ئه‌وى وه‌لاتى گه‌شتێن خوه ل مسرێ راوه‌ستاندينه.
نوكه گۆمانا وێ چه‌ندێ دهێته كرن فرۆكا رۆسى يا 31ى چريا ئێكێ ب 224 كه‌س ڤه كو هه‌موو گه‌شتيارێن رۆسى بوون ل ده‌ڤه‌را سينا يا مسرێ كه‌فتيه خوار و ب تنێ ژنه‌ك ژێ رزگار بووى گۆمانا وێ چه‌ندێ لێ دهێته كرن كو به‌رى ئه‌و فرۆكه ب فريت چه‌ند كه‌سێن سه‌ر ب داعش بۆمبه د ناڤ وێ فرۆكێ دا دانابيت.
ئه‌ڤرۆ نيوز:
عه‌ره‌فات كه‌ريم، ئه‌ندامێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان راگه‌هاند: شاندێ بلندێ هه‌رێمێ ئه‌ڤرۆ دێ ب سه‌رۆكاتيا نێچيرڤان بارزانى سه‌ره‌دانا به‌غدا يا پايته‌خت كه‌ت”.
دا زانين ژى كو مه‌ره‌ما سه‌ره‌كى يا سه‌ره‌دانێ پشكداريكرنه د پرسا ئه‌حمه‌د چه‌له‌بى يێ سه‌رۆكێ كۆنگرێ نشتيمانى”.
په‌رله‌مانتارێ پارتى زێده‌تر گۆت: “د ڤێ سه‌ره‌دانێ دا، شاندێ هه‌رێمێ دێ چاڤ ب حه‌يده‌ر عه‌بادى يێ سه‌رۆك وه‌زيرێن عيراقێ و ژماره‌ك به‌رپرس و كه‌ساتيێن سياسى كه‌ڤيت و د وێ چاڤپێكه‌فتنێ دا، دوسيێن هه‌لپسارتى يێن ناڤبه‌را هه‌رێمێ و حوكمه‌تا فيدرال دێ كه‌ڤنه به‌ر دانوستاندنێ”.
شاندێ هه‌رێمێ ب سه‌رۆكاتيا نێچيرڤان بارزانى سه‌رۆكێ حوكمه‌تا هه‌رێمێ يه و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ و ئامانج ره‌حيم سه‌رۆكێ ديوانا حوكمه‌تێ و سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێمێ و رۆژ نورى شاويش جێگرێ سه‌رۆك وه‌زيران و فازل ميرانى سكرتێرێ مه‌كته‌با سياسى يا پارتى و فه‌رهاد ئه‌ترووشى پارێزگارێ دهۆك بيت.
ئەڤرۆ نیوز: کاروان باعەدری:
ئەو کۆچبەرێن ئێزدی ئەوێن ل ڤێ دووماھیێ کۆچبەری ئەلمانیا بووین د رەوشەکا خراب دا دژین.
کۆچبەرەکێ ڤێ دووماھیێ گەھشتیە ئەلمانیا و ل باژێرێ شتوتگارتێ ب ناڤێ پێشوان شێرزاد بۆ ئەڤرۆ نیوز دبێژیت: “پشتی ئەو رەوشا نەخۆش یا ب سەرێ مە ھاتی ل عیراقێ ئەم کۆچبەری وەلاتێ ئەلمانیا بووین و ل ئەلمانیا ژی رەوشا مە گەلەک یە خرابە و ئەم دبن خیفەتا داینە و ئەو ژی سەقایێ ئەلمانیا گەلەکێ سارە ئەم نیزیکی ٤٠٠ کۆچبەر دڤێ کەمپێ داینە”.
زێدەتر گۆت: “مە ئاریشێن دادگەھێ ژی یێن ھەین، ھەتا نھا ھندەک کەس د ناڤ مە دانە ھەتا نھا چو چافپێکەڤتنێن دادگەھێ ل گەل نە ھاتینە کرنە”.
نيشاندان