ئەڤرۆ نيوز:
پەیڤدارێ جڤاتا سەرکردایەتیا پارتی دیموکراتی کوردستان ل سلێمانیێ راگەھاند، ئەگەرێ رادەستکرنا بارەگایێن پارتی ب ھێزێن ئەمنی ل دەڤەرا سلێمانیێ، ژبێ دەستھەلاتیێ نەبوو، بەلێ تاقمێ گۆڕان دخواست جادێ بکەتە دەژمن ل گەل پارتی و مە ھەر زوو ئەو چەندە زانی و بارەگایێن خوە چۆلکرن و رادەستی ھێزێن ئەمنی کر بۆ وێ چەندێ خوینا زارۆیێن خەلکی نەھێتە رشتن، ئاشکراکر ژی، ل دەمەکێ نێزیکدا دێ بارەگایێن خوە وەرگیرین.
فارس نەورۆلی پەیڤدارێ جڤاتا سەرکردایەتیا پارتی ل سلێمانیێ بۆ مالپەرێ فەرمیێ پارتی گوت” ھەرچەندە پێنگاڤا مە ھاڤێتی یا رادەستکرنا بارەگایێن مە ب ھێزێن ئەمنی ژ بێ دەستھەلاتیێ نەبوو، بەلێ ئەوێن زارۆیێن خەلکی پالددان بۆ سەر بارەگایێن پارتی دیموکراتی کوردستان، مەرەما وان ئەوبوو پارتی و جادێ بکەنە دەژمنێن ھەڤدو، بەلێ ھەر زوو ئەم د پلانا تاقمێ گۆڕان گەھشتین و مە بارەگایێن خوە رادەستی ھێزێن ئەمنی کر و ل دەڤ مە بلا بارەگا ھاتبانە سۆتن، نەکو خوینا زارۆیێن خەلکی بھێتە رشتن”.
فەیرۆز تاھا جێگرا سەرۆکێ لژنا مافێن مرۆڤی ل پەرلەمانێ کوردستانێ ژ فراکسیۆنا پارتی راگەھاند، ھەرسێ لژنێن مافێ مرۆڤی و ناڤخوە و کاروبارێن جڤاکی ل پەرلەمانێ کوردستانێ دێ سەرەدانا وان جھێن تێکدان لێ ھاتیە کرن ل دەڤەرا سلێمانیێ ب مەرەما دووڤچوونێ و بەرھەڤکرنا راپۆرتەکێ ل سەر وان روودانان.
زێدەتر گوت” دەمێ سەرەدانا ڤان ھەرسێ لژنان گەلەک یێ درەنگە و پێدڤی بوو ل رۆژێن ئێکێ و دویێ یێن وان روودانان، مە سەرەدانا وان جھان کربا یێن تێکدان تێدا ھاتیە کرن و پێدڤی بوو ژی ھەرسێ لژنێن ناڤخوە و مافێن مرۆڤی و کاروبارێن جڤاکی و خێزان و زارۆ دناڤ روودانان دا بان، چونکی راستەوخوە پەیوەندی ب وان ھەرسێ لژنان ڤە یا ھەی”.
فەیرۆزێ گوت ژی” ٩٥% یێن کارێن تێکدانێ کری و بارەگایێن پارتی سۆتین و کادرێن پارتی شەھیدکرین، زارۆیێن ژیێ وان ١٨ سالی بەر ب خوارتر بوون کو تاقمێ نەوشیروان موستەفای بۆ ئەنجامدانا وان کارێن تێکدەرانە پالدابوون”.
پەیڤدارێ پارتی ل سلێمانیێ: ل نێزیک دێ بارەگایێن خوە وەرگرین
نيشاندان
