ئەڤرۆ نیۆز، قائید میرۆ
تیرۆرستێن داعش 30 وەلاتیێن باژێڕێ مووسل گوللە بارانکرن، کو تێدا دکتۆرەکا ئافرەت ھەبوو.
غەیاس سورچی، پەیڤدارێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” سپێدەھیا ئەڤرۆ چەکدارێن داعش ل سەنتەرێ باژێڕێ مووسل، ب تۆمەتێن جۆدا 30 وەلاتیێن سڤیل گوللە بارانکرن و سزایێ خوە بسەردا سەپاند.
سورچی دیارکر، حەفت ژوان 30 وەلاتیان ئافرەتبوون و دکتۆرەکا ژافرەت بناڤێ دکتۆر ئەحلام ھەبوو، کو ئێکە ژ دکتۆرێن ناڤ و دەنگێن باژێڕی و بسپۆر و شەھرەزایا نەخۆشیان بوویە.
ئه‌ڤرۆ نیوز:
سه‌رۆك بارزانى سوپاسیا ئه‌لمانیا كر به‌رامبه‌ر هه‌ڤكاریا وان بۆ هێزێن پێشمه‌رگه‌ى و وه‌رگرتنا په‌نابه‌ران و ئاوارێن شه‌رى.
ئه‌ڤرۆ سه‌رۆك بارزانى پێشوازیا ئورسلا ڤون دێرلان وه‌زیرا به‌ره‌ڤانیا ئه‌لمانیا كر، ددیداره‌كێ دا سه‌رۆك بارزانى سوپاسیا ئه‌لمانیا كر به‌رامبه‌ر هه‌ڤكاریا وان بۆ هێزێن پێشمه‌رگه‌ى و وه‌رگرتنا په‌نابه‌ران و ئاوارێن شه‌رى.
وه‌زیرا به‌ره‌ڤانیا ئه‌لمانیا راگه‌هاند هه‌تا نوكه وان راهێنان ب زێده‌تر ژ 4500 پێشمه‌رگان كریه و دێ د به‌رده‌وام بن ل هه‌ڤكاریكرنا پێشمه‌رگه‌ى ل شه‌رێ دژى داعش.
ئه‌ڤرۆ نیوز: ڤه‌ده‌ر ره‌شاڤایی:
واشنتۆن ئاشكرا كر كو لدووڤ زانیارییان، ئیرانێ دده‌مێ نها دا پتری ئێك هزار سه‌رباز ل ئیراقێ هه‌نه، هه‌روه‌سا نێزیكی 2 هزاران ل سوریا هه‌نه.
جه‌نه‌رالێ ئه‌مریكی و سه‌رۆك ئه‌ركانێ هێزێن هه‌ڤپشك یێن ئه‌مریكا جه‌نه‌رال جۆزێف دانفۆرد خویاكر: ئه‌و د باوه‌رێدانه هه‌ژمارا سه‌ربازێن ئیرانی ل ئیراقێ گه‌هشتیه نێزیكی ئێك هزاران، و ل سوریا گه‌هشتيه نێزكی 2 هزاران، و ببۆرینا ده‌می هه‌ژمارا سه‌ربازێن ئیرانی ل ئیراقێ زێده‌بووینه.”
ئه‌ڤرۆ نیوز: ڤه‌ده‌ر ره‌شاڤایی:
رێكخراوا (Reputation) د لێنێرینا خوه یا سالانه دا ئه‌نجامێ راپرسییا رێزبه‌ندییا باژێران بۆ باشترین و خراپترین ناڤوده‌نگی ل جیهانێ ئاشكرا كر.
لدووڤ راپۆرتێ 101 وه‌لات هاتینه ده‌ستنیشانكرن، و راپرسی ژ 19 هزار كه‌سان ل خه‌لكێ فره‌نسا، ئیتالیا، ئه‌لمانیا، بریتانیا، ژاپۆن، كه‌نه‌دا، ئه‌مریكا و رووسیا لسه‌ر بنه‌مایێ (باوه‌ری، قه‌در، داخباری و رێزگرتن) هاته كرن، باژێرێ سیدنی ل رێزا ئێكێ خۆدان باشترین ناڤوده‌نگی بده‌ستڤه‌ئینا و باژێرێ به‌غدا رێزا 101 وه‌ك خودان خرابترین ناڤوده‌نگی ل جیهانێ بده‌ستڤه‌ئینایه.
باژێرێن خۆدان باشترین ناڤۆده‌نگی:
سیدنی، ئوسترالیا
مێلبوورن، ئوسترالیا
ستۆكهۆلم، سوێد
ڤیه‌نا، نه‌مسا
به‌رشه‌لۆنا: ئیسپانیا
ڤانكۆڤه‌ر، كه‌نه‌دا
ئێدینبه‌ره، بریتانیا
جێنێڤ، سویسرا
كۆپێنهاگن، دانیمارك
ڤێنس، ئیتالیا
باژێرێن خۆدان خرابترین ناڤۆده‌نگی:
به‌غدا، ئیراق
ته‌هران، ئیران
مۆسكۆ، رووسیا
نایرۆبی، كێنیا
بۆگۆتا، كۆلۆمبیا
مێكسیكۆ، مه‌كسیك
قاهیره، مسر
كیێڤ، ئوكراینا
كاراكاس، ڤێنزوێلا
ته‌ل ئه‌ڤیڤ، ئیسرائیل
ئه‌ڤرۆ نیوز: ڤه‌ده‌ر ره‌شاڤایی:
سه‌رۆك وه‌زیرێن توركیا ئه‌حمه‌د داود ئوغلو بۆ ئێكه‌م جار پشتراستكر كو توركیا دو هێرش لسه‌ر یه‌په‌گێ ل رۆژئاڤا كوردستانێ كرینه و خویاكر كو توركیا هێلێن سۆر بۆ كوردان ل باكۆرێ سوریا داناینه.
داودئوغلو گۆت: په‌یه‌دێ ده‌ربازی رۆژئاڤا رووبارێ فورات نابیت، هه‌كه‌ر وێ یه‌كێ بكه‌ن دێ ئێكسه‌ر توركیا ته‌قێ لێكه‌ت و وان كه‌ته ئارمانج”
ناڤهاتی د دیداره‌كا تێله‌ڤزۆنی ئه‌ڤ یه‌ك ئینا زمان و گۆت كو توركیا رۆلێ سه‌ره‌كی ل سوریا هه‌یه لێ دیار نه‌كر ل چ به‌روار هه‌ردو هێرش ئه‌نجام داینه.
یه‌په‌گێ به‌رییا ده‌م خویاكر بوو كو توركیا هێرش هێرش كرییه سه‌ر وان لێ وان به‌رسڤ نه‌داییه.
ئەڤرۆنیۆز، سالار دۆسکی:
غازی سەعید ئەندامێ سەرکرداتیا ئێکگرتوو ئیسلامی کوردستان بۆ ئەڤرۆ نیۆز گۆت: ئێکگرتوو چ پوستێن وەزارەتێن بزاڤا گوران دحوکمەتێ دا وەرناگریت، دیارکر بزاڤەک ھەیە گوران و پارتی ئاریشان چارەکەن.
غازی گۆت: بزاڤ ھەنە ئاریشا دناڤبەرا پارتی دیموکراتی کوردستان و بزاڤا گوران دا بھێتە چارەسەکرن و حوکمەتا بەردەوامە و ھێشتا چ پێنگاڤێن دی ل سەر حوکمەتەکا نوو نەھاتینە ھاڤێتن.
ھێشتا گۆت: کومبوونا سێ قولی دناڤبەرا (ئێکەتیێ و ئێکگرتوو و کومەلێ) ھاتبوو گرێدان و مە رونشتن ل گەل بزاڤا گوران و پارتی دیموکراتی کوردستان ھەنە.
ھەمان ئەندام سەرکرداتیا ئێکگرتوو گۆت: ئەگەر ل نافخوە نەگەھشتینە چ چارەسەریا لایەنێ دەرڤە کارتێکرنا خوە ھەنە
ھەمبەر پوستێن بەر ب ئێکگرتوو ئیسلامی کەفتین ل پارێزگەھا دھۆکێ د حوکمەتا خوجھی دا غازی سەعید ئاشکراکر کو ھێشتا دانوستاندن دبەردەوام و رۆژێن بھێت دێ دیاربن و گۆت: مە کاغەزەک رادەستی شاندنێ پارتی ل دھۆکێ کریە و ھێشتا نەگەھشتینە دووماھی ئەنجام.
ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشتمانیا كوردستانێ راگه‌هاند” ئه‌گه‌ر ئێك ملیون به‌رمیلان رۆژانه بهنێرینه ده‌رڤه، هه‌ر كێشێن مه چاره‌سه‌ر نابن”
سه‌باره‌ت ب پرۆژێ چار حزبان بۆ پرسى سه‌رۆكایه‌تیا هه‌رێما كوردستانێ، مه‌لا به‌ختیار گوتى: ئێكه‌تى نیشتمانى كوردستان پابه‌نده ب پرۆژێ هه‌ڤپشكێ چار لایه‌نان و ئه‌م درژدین ل سه‌ر و لێ په‌شیمان نابین”.
ئه‌ڤرۆ نیوز:
نوره‌دین وه‌یسى رێڤه‌به‌رێ گشتى یێ سازیا كوردستان 24 راگه‌هاند: ل ده‌مژمێر 8 شه‌ڤێ ئێڤاریا رۆژا 2015/10/31 دێ ته‌له‌فزیون و رادیو و وێبسایتێ كوردستان 24 وه‌ك سازیه‌كا ده‌نگوباسان هێته به‌لاڤكرن و ل ده‌ستپێكێ ژى دێ په‌خشا كه‌نالى ب روومالكرنا هه‌لبژارتنێن په‌رله‌مانێ توركیا ده‌ست پێ كه‌ت.
ئه‌ڤرۆ نیوز:
لدۆر ئه‌نجامدانا روونشتنان بۆ چاره‌سه‌ركرنا كێشێن دناڤبه‌را پارتی و گۆران دا، بزاڤا گۆران به‌رسڤا مه‌كته‌با سیاسییا پارتی دیمۆكراتی كوردستان دا و راگه‌هاند: ” مه داخازا روونشتان لگه‌ل پارتی نه‌كرییه و دڤێ ره‌وشێ دا چ پێنگاڤان لگه‌ل پارتی ناهاڤێژین.”
په‌یڤدارێ بزاڤا گۆران محه‌مه‌د ته‌وفیق ره‌حیم گۆت: گۆران چ پێنگاڤان لگه‌ل پارتی ناهاڤێژیت هه‌تا سه‌رۆكێ په‌رله‌مانی و وه‌زیرێن گۆران نه‌ڤه‌گه‌رنه هه‌ولێرێ و ره‌وشا په‌رله‌مانی ئاسایی دبیت” لدووڤ وه‌سفا وی.
ئه‌ڤرۆ مه‌كته‌با سیاسییا پارتی ژی لدۆر باسێ ناڤبه‌ركاریێ دناڤبه‌را پارتی گۆران به‌ییاننامه‌ك به‌لاڤكر و خویا كر كو: پارتی داخازا ناڤبه‌ركاریێ ژ چ ئالیه‌كێ نه‌كرییه و ب په‌سه‌ند نزانیت، و یا ئاشكرایه ئه‌ڤ روودانێن داویێ ژ ئه‌نجامێ ره‌فتارێن نه ژ هه‌ژی و دژی به‌رژه‌وه‌ندیێن بلند یێن نیشتمانی و دوور ژ عورفێن سیاسی یێن گۆران په‌یدابوویه.”
ئه‌ڤرۆ نیوز: ڤه‌ده‌ر ره‌شاڤایی:
ئاژانسا نێڤده‌وله‌تی بۆ لێكۆلینێن په‌نجه‌شێرێ سه‌ر ب رێكخراوا ساخله‌میا جیهانی یا نه‌ته‌وێن ئێكگرتی راگه‌هاند كو پشتی 800 شرۆڤه‌كاری كرین به‌لگه‌یێن رۆن بۆ دیاربوون كو گوشتێ (ده‌ستكرد، هشككری، قۆتۆكری”معلبات”،هنده‌ك جۆرێ قیمه‌كری، و رانێن به‌رازی) دبیته ئه‌گه‌رێ په‌یدا بوونا نه‌خۆشیا په‌نجه‌شێرێ.
رۆژانه خارنا هه‌ر 5 گراما گۆشتێ (ده‌ستكرد، هشككری، قۆتۆكری”معلبات”،هنده‌ك جۆرێ قیمه‌كری، و رانێن به‌رازی) برێژا 18 سه‌دێ ئه‌گه‌رێ تۆشبوونا په‌نجه‌شێرا قۆلۆن و رێڤیك و پرۆستاتان زێده دكه‌ت و سالانه 34 هزار كه‌س پێ دمرن، ئه‌ڤ یه‌كه ب لێكۆلین هاتیه ئاشكرا كرن، هه‌روه‌سا گۆشتێ سور یێ ئاسایی ژی لێ برێژه‌كا كێمتر په‌نجه شێرێ په‌یدا دكه‌ت.
هه‌ر ئێكسه‌ر پشتی به‌لاڤبوونا ڤێ راپۆرتێ كو 22 پسپۆر ژ 10 وه‌لاتان پێ راببوون، پیشه‌سازی و به‌رهه‌مئینه‌رێن گۆشتی ئه‌ڤ لێكۆلینه ره‌خنه‌كر .
ئاژانسێ وه‌سا به‌لاڤكریه ژی كو سالانه ئێك ملیۆن كه‌س ژ په‌نجه‌شێرا كو جگاره‌كێشان په‌یدا دكه‌ت و 600 هزار ژ یا ڤه‌خارنێن كحۆلی په‌یدا دكه‌ت و 200 هزار ژ یا هه‌وایێ پیس په‌یدا دكه‌ت دمرن.
نيشاندان