ئه‌ڤرۆ نیوز:
نڤیسینگه‌ها سه‌رۆك وه‌زیرێن عیراقێ راگه‌هاند بریارا خشتێ نوو یێ مووچێن فه‌رمانبه‌ران، ده‌رمالێن فه‌رمانبه‌رێن حكومه‌تێ ناڤه‌گریت و بریار ب تنێ بۆ مووچێ بنه‌ره‌تى ڤه‌دگریت.
سەعد حەدیسی په‌یڤدارێ نڤیسینگه‌ها سه‌رۆك وه‌زیرێن عیراقێ بۆ (سۆمەریە نیوز) دیاركر كو خشته و سیسته‌مێ نوو یێ مووچێن فه‌رمانبه‌ران، ده‌رماله‌یێن فه‌رمانبه‌ران ڤه‌ناگریت، كو به‌رى نوكه ب وان هاتینه دان.
ئەڤرۆ نیۆز، قائید میرۆ:
پارێزەرەکى ئیماژه ب وێ چەندێ دكه‌ت كو دەرکرنا وەزیرێن گۆڕان ژ لایێ پارتی ڤە ب قانوونێ بوویە.
بلند مستەفا، نڤیسەر و پارێزەر بۆ ئەڤرۆ نیۆز راگەھاند” دەرکرنا وەزیر و بەرپرسێن گۆڕان ل کابینا حوکمەتێ ژلایێ قانوونی ڤە چو ئاریشە نینە، چونکە پارتی لیستا ئێکێ بووینە دھەلبژارتناندا و خەلکێ دیکە ھاتینە ناڤا حوکمەتا پارتی”.
بلندی گۆتژی” گورەی پەیڕەی نافخۆیێ جڤاتا وەزیران سەرۆکێ جڤاتا وەزیران دەستھەلات ھەیە ئەگەر وەزیرەک وەکی پێدڤی نەبوو جھێ ب وەکالەت تژی بکەت و وەزیرێن دیژی دێ ھەر وەزیربت ھەتا دوماھیا کابینێ بەلێ دێ کارێن وان راگرتن”.
ئەڤرۆ نیوز، کاروان باعەدرى:
پشتی ھەلبژاتنێن پێش وەختێن تورکیا ھاتینە ئەنجام دان یێن ئێکی ھەر چەندە ھەدەپێ دەنگ و کورسێن خۆ کێم کرن، لێ دو پەرلەمانتارێن کوردێن ئێزدی گەھشتنە پەرلەمانێ تورکیا ئەو ژی عەلی ئاتالان و فەلەکناس ئوجە بوون .
بۆ زانین ئەڤە بۆ جارا دویێ یە ھەردو پەرلەمانتار دھێنە ھەلبژارتن و بۆ جارا ئێکی مەھەپێ ھەشتێ کورسی ب ەست خۆڤە ئینابوون و لێ ژبەر نەتەمامبوونا زۆرینە کورسیکێن ئاکبارتی نەکاری ب تنێ حکومەتەکا زۆرینە پێک بھینت لێ ھەلبژارتنێن پێش وەخت ھاتن کرن و ھەردو پەرلەمانتارێن کوردین ئێزدی دووبارە گەھشتنە پەرلەمانێ تورکیا.
فەلەکناس ل سالا ١٩٩٩ ژی بووە ئەندداما ئێکەتیا ئەرورپا ل سالا ١٩٩٩ ێ بۆ دووجارا ل سەر ئێک ھەتا سالا ٢٠٠٩ ێ
عەلی ئاتالان ژی ئەندمێ پەرلەمانێ ئەلمانیا بوو ل سالا ٢٠١٠ھەتا ٢٠١٢
ئه‌ڤرۆ نيوز:
ئه‌ڤرۆ نيوز بۆ جارا ئێكێ ديمه‌نێن ناڤا باژێرێ شنگال به‌لاڤ دكه‌ت كو ب رێيا چاڤكێ كاميرا رۆژنامه‌ڤانێ وێنه‌گر سه‌ربه‌ست باجلۆرى ڤه هاتينه گرتن.
د ڤان گرته‌يێن وێنان دا، ب ره‌نگه‌كێ گه‌له‌ك به‌رچاڤ ئه‌و تالانكارى و رێرانكارى ديار دبيت يا د ماوێ بۆرى دا ب سه‌ر باژێرێ شنگال دا هاتى، هه‌ر تشته‌ك وێران بوويه.
ئەڤرۆ نیۆز، قائید میرۆ:
بزاڤا گۆڕان مەکۆیا سەرەکیا خوە لباژێڕێ ھەولێرێ ڤەکر، ئەڤەژی پشتی چولکرنا وێ ژلایێ بەرپرس و کادرێن گۆڕان ژبەر ئالۆزیێن دگەل پارتی.
ھەنگاو ھاشم، بەرپرسێ راگەھاندنا مەکۆیا گۆڕان ل ھەولێرێ ب ئەڤرۆ نیۆز راگەھاند” دوھی بزاڤا گۆڕان جارەکادی مەکۆیا خوە یا سەرەکی لباژێڕێ ھەولێرێ ڤەکر و نوکە کادرێن گۆڕان ب ئاسایی دەواما خوە یا حزبی دکەن.
ھەنگاوی گۆتژی” ڤەکرنا مەکۆیا گۆڕان ل ھەولێرێ پشتی ئالۆزیێن ناڤبەرا پارتی و گۆڕان دھێت، کۆ ژ بەر رەوشا ئەمنی مەکۆیا ھەولێرێ ھاتبوو چولکرن و ژ لایێ ھێزێن ئەمنی دھاتە پاراستن، بەلێ ھێشتا مەکۆیا دھۆکێ نەھاتیە ڤەکرن.
ئه‌ڤرۆ نيوز:
ئه‌ڤرۆ سپێدێ ل مالا خوه، سه‌رۆكێ كۆنگرێ نشتيمانى يێ عيراقێ يه و يێ پشكداره د جڤاتا نوونه‌رێن عيراقێ دا و ژ ئه‌گه‌رێ جه‌لتا دلى گيانێ خوه ژ ده‌ست دايه.
ئه‌ڤرۆ نيوز:
بەرپرسێ ھۆبا قانوونی ل رێڤەبەریا ھاتن و چوونا ئاکرێ راگەھاند، پشتی وی پشکداری د خۆلەکا نێڤدەولەتی دا ل وەلاتێ کۆریا کری بۆ وی دیار بوو، وەلاتێ کۆریا دھێتە ھژمارتن باشترین وەلات بۆ نە پەیدابوونا روودانێن ھاتن و چوونێ و روودان گەلەک کێم لێ پەیدا دبن، ژ بەر سیستەمێ پێشکەفتی یێ ھاتن و چوونێ و گۆت: بەروڤاژی وێ کوردستان ئێکەمینە بۆ پەیدابوونا روودانان.
پێشەنگێ مافپەروەر کاوە ئەحمەد ئیسماعیل، بەرپرسێ ھوبا قانوونی ل رێڤەبەریا ھاتن و چوونا ئاکرێ و یێ بەشدار د خولێ دا بۆ رۆژناما ئەڤرۆ دیار کر، مەرەم ژ بەشداربوونا ڤێ خۆلێ ئەو بوو کو ئەو سیستەمێ ھاتن و چوونا کوریا دھێتە جێبەجێکرن ل کوردستانێ ژی بھێتە جێبەجێکرن و ١٤ ئەفسەرێن ھاتن و چوونێ یێن ھەرێما کوردستانێ بەشداری ڤێ خولێ بوون، دو ژ وان یێن پارێزگەھا دھۆک بوون.
زێدەتر دبێژیت: خولەکا گەلەک بھێز بوو و رۆژانە برگەیەک ژ خولێ د ناڤ بنگەھێن وان یێن ھاتن و چوونێ دگەریان کا کارێ وان چاوا دھێتە کرن ھەتا ل سەر وان رێیا دگەریان ئەوێن کامیرا ھاتن و چوونێ لێ دھێتە دانان کا چو سیستەم دھێتە بکارئینان، ئەگەر ئەو سیستەمێ کۆری ل کوردستانێ بھێتە جێبەجێکرن دێ ٨٥% روودان ھاتن و چوونێ کێم بن، چونکو سیستەمێ وان یێ سەرکەفتیە، ئەم داخواز ژ حوکمەتێ دکەین ئەو سیستەمە بلەز بھێتە جێبەجێکرن و بکەڤیتە کاری، چونکو ئەگەرێ سەرەکی یێن ڤان روودانان ڤەدگەرێت بۆ نەبوونا سیستەمێن پێشکەفتی یێن ھاتن و چوونێ.
ناڤبری دیار کر، چەندین وەلاتێن گرنگ بەشداری ڤێ خولێ بوون، ھەر وەلاتەکێ بەشدار ئامارەکا تایبەت ل دور روودانێن وەلاتێ خوە بەرھەڤکر بوو، ل دور روودانێن ھاتن و چوونێ ئەوێن سالێن بۆری و ئەڤ سالە رووداین و رادەستێ ھندەک ژ پرۆفیسورێن د بوارێ ھاتن و چوونێ دا کرنـ ل دووماھیا خۆلێ وان شارەزایان ھەلسەنگاندنەک کر کا کیژ وەلات پتری ھەموو وەلاتان روودان دروست دبن، ئاشکرا کوردستان ئێکەم وەلاتە د پەیدابوونا زێدە یا روودانێن ھاتن و چوونێ دا ل جیھانێ، ژ بە ر کو ئەو کەسێن بەرھەڤ سەرسۆرمان بوون، ئەڤە ژی ئەنجامێن ھەلسەنگاندنێ نە، ل کوردستانێ کوردستان ٢٣,٣، ل ئەمریکا ٢,٨٩، ل فەرەنسا ١,١، ل ئەلمانیا ٠,٨٤، کوریا کێمترین وەلاتە بۆ روودانێن ھاتن و چوونێ کو روودان گەلەک دکێمن ژ بەر سیستەمێ پێشکەفتی یێ ھاتن و چوونێ ب رێژا ٠,٧.
ناڤبری دیار کر، ل ھەرێما کوردستانێ ملیونەک و ٣٥٠ ھزار ترۆمبێل لێ ھەنە و بوویە بارگرانیەک ل سەر رێیێن ھاتن و چوونێ و گۆت: ئەڤ خۆلە ل وەلاتێ کوریا ھاتبوو ڤەکرن، ئەفسەرێن ھاتن و چوونێ ژ ھەموو وەلاتێن جیھانێ بەشداری ڤێ خولێ بوون و ١٤ ژ وان یێن ھەرێما کوردستانێ بوون.
ئەڤرۆ نیوز:
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ، حسێن سەبری بۆ ئەڤرۆ دیارکر ل سەرانسەرێ پارێزگەھا دھۆکێ دێ ملیۆنەک و121 ھزار و 830 وەلاتی، کوژمی زێدەتر ژ 20 ملیار دینارێن عیراقی وەرگرن ل شوونا وان جۆرێن ئاھێن خوارنێ یێن سالا بۆری ل ھەیڤا 9 و10 و 11و 12 وئەو جۆرێن ئاھێن خۆارنێ یێن ئەڤ سالە ژێ نەھاتینە بەلاڤکرن دێ شوونا وان ژێ پارە ب وەلاتیان ھێتە دان.
حسێن سەبری رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ دیارکر دووڤ بریارا ئەنجومەنێ وەزیران ل حوکمەتا عیراقا فێدرال ھەر جۆرە ئاھەکێ خۆارنێ یێ نەھێتە بەلاڤکرن ل سەر وەلاتیان ل شوونا وی جۆرێ ئاھێن خۆارنێ پارە بھێتە دان، وەکو قەرەبووکرن ئەوژی ھەکەر ئەو جۆرێ ئاھێن خۆارنی نەھێتە بەلاڤکرن د ماوەیێ زێدەتر ژ سێ ھەیڤاندا دڤی حالەتی دا لژنەک دھێتە دانان بۆ دەست نێشانکرنا پارێ قەرەبووکرنێ ئەڤ قەرەبووکرە ژی ھەموو پارێزگەھێن عیراقی بخوڤەدگریت، لێ رەنگە پارێ دھێتە دان نە وەکو ئێک بیت ل ھەموو پارێزگەھان،چونکو قەرەبووکرن ل سەر وان جۆرێن ئاھێن خۆارنێ دمینیت یێن نەھێنە بەلاڤکرن ل سەر وەلاتیان.
حسێن سەبری ئەو چەندە ژی بۆ لاپەرێ بازار گۆت: دووماھیک قەربووکرن 17 ھزار دینار ھاتبوونە دان بۆ وەلاتیان ئەوژی یێن سالا 2014 ھەتا ھەیڤا ھەشت بوون و نوکە بریار یا ھاتیە دان دەست ب قەرەبووکرنا وەلاتیان بھێتە کرن ئەوژی دێ ھەیڤێن 9 و10 و11 و12 بیت ژ سالا 2014 ھەر وەلاتیەکێ پارێزگەھا دھۆکێ دێ کوژمێ 18 ھزار دیناران وەرگریت و بەرھەڤی ژی ھاتینە کرن وھەر دەمێ پارە ژ بەغدا گەھشت دێ ئێکسەر دەست بەلاڤکرنێ ب ریێا بریکارێن ئاھێن خوارنێ ل سەر وەلاتیان ھێتە کرن.
حسێن سەبری رێڤەبەرێ ئاھێن خوارنێ ئەو ئێکە ژی دیارکر پشتی قەرەبوویا سالا 2014 پێش وان جۆرێن ئاھێن خۆارنێ یێن نەھاتینە دان ب دووماھیی دھێت، دێ دەست ب قەربووکرنا وەلاتیان ھێتە کرن بۆ سالا 2015 ژێ چونکو ئەڤ سالە ژێ ھندەک ھەیڤا رەنگە ھندەک ئاھێن خۆارنێ نەھاتبنە بەلاڤکرن.
رێڤەبەرێ ناڤبری ئەو چەندەژی گۆت: ل پارێزگەھا دھۆکێ بەرھەڤیێن پێدڤی یێن ھاتینە کرن دێ ملیۆنەک و 121 ھزار و830 وەلاتی،دێ قەربوویا ئاھێن خۆارنێ ل سەرانسەری پارێزگەھا دھۆکێ وەرگرن و کوژمێ 20 ملیار و 192 ملیۆن و 940 ھزار دینار دێ ل شوونا ئاھێن خۆارنی یێن نەھاتینە دان ئەڤ کوژمێ پارەی ل سەر وەلاتێن پارێزگەھا دھۆکێ ھێتە بەلاڤکرن و ئەم ئێکەم پارێزگەە بووینە ھەموو بەرھەڤیێن پێدڤی ھاتینە کرن بتنێ ئەلیاتێن گەھشتنا پارێ ژ بەغدا یا مایی،لێ وەزارەتا بازرگانیێ ل عیراقێ سوز یا دایی د وەختەکێ نیزیکدا پارێ رەوانەی ھەرێمێ بکەت، ھەر دەمێ پارێ پێدڤی ھەبیت دێ دەست ب قەرەبووکرنا وەلاتیان بۆ سالا 2015 ژێ ھێتە کرن.
رێڤەبەرێ رێکخستنا پلێتێن ئاھێن خوارنی ئاشکرا کر ھەتا نوکە بۆ ئاواران چوو قەربووکرن دیارنینە و راستی ژێ ئاوارە گەلەک مەغدورن، بەلکو ھەیڤ و سالان ژێ گەلەک ئاواران ئاھێن خوارنێ نە وەرگرتین، لەورا ژێ ھێشتا چوو دیارنینە و ئەرێ دێ بۆ ھەر ئاوارەکی ژی کوژمێ چەند پاری ھێتە تەرخانکرن ل شوونا وان جۆرێن ئاھێن خوارنی یێن نەھاتینە بەلاڤکرن ل سەر ئاواران یان نە .
حسین سەبری ئەو چەندە ژی گۆت: داتایێن پارێزگەھا دھۆکێ بۆ قەبووکرنێ ھاتینە رەوانەکرن بۆ بەغدا ئەم د بزاڤ و ھەولێن بەردەوام داینە بۆ گەھشتنا پارەی و میکانزمەکا باش بۆ بەلاڤکرنا پارێ قەبووکرنێ ل سەر وەلاتیان ب ھەڤکاریا چەند رێڤەبەریێن پەیوەندیدار ھاتیە دانان.
رێڤەبەرێ رێکخستنا پلێتێن ئاھێن خوارنی دھۆکێ گۆت ئەڤ قەرەبووکرنا بتنێ وان وەلاتیان ڤەدگریت یێن ئاھێن خوارنێ وەردگرن وان زارۆیان ڤەناگریت یێن شیری وەردگرن،چونکو قەربووکرنا وان زارۆیان جۆدا دھێتە کرنک و چەند ھەیڤان شیر نەھاتیە بەلاڤکرن شوونا وان ھەیڤان پارە دھێتە دان بۆ زارۆیێن شیری دخۆن.
ئەڤرو نیوز ، نەوزاد زادە ھلوری :
شەڤا بوری فروکێن تورکی ل دەمژمێر ٩ێ شەڤێ ھەتا ٥ێ سپێدێ بارەگایێن چەکدارێن پەکەکێ ل چەند دەڤەرێن باشوورێ کوردستانێ بوردومانکرن.
عەکان عەبدولسەلام وەلاتیەکێ گوندێ ( شەھیێ) یا سەر ب دەڤەرا زێبارێ یە بو ئەڤرۆ نیوز گۆت : ( شەڤا بووری فروکێن تورکی ھەر ئێک ژ گوندێن ” شەھێ ، سیانێ ، ئارگن ، چەمسەرتێ ، دزگیرە ) یا سەر ب دەڤەری زێبارێ و دەڤەرا نەھلێ بوردومانکرنو ل دوڤ زانیاریێ، مە زێدەتری ١٠ ئێرش بوو سەر بارەگایێن پەکەکی َھاتینەکرن و گەلەک زیان ب گوندێن دەڤەرێ دوارێ چاند و رەز و بیستانان گەیاندینە ).
ژلایەکێ دنڤە ل گورەی زانیاریێن ئەڤرو نیوز فروکێن تورکی گوندێ ” دێویکێ ” کو بتنێ کیلومەترەکێ ژ سەنتەری َناحیا شێلادزی َدویرە بوردومانکرن و ئەڤە ژ بلی بوردومانکرنا چیایێ گارە و مەتین و چەند دەڤەرەکێن ناحیا چەمانکێ ، و دیسان فروکێن تورکی ل ھنداڤا روویێ شین و دەڤەرا نێروە و رێکان ژی ب نێزیکی دفرین.
شڤیدی فروکین تورکی ھەر ئێک ژ بنارێ قەندیل و دەڤەرا سەنگەسەر و ناحیا وەرتێ ژی بوردومانکرینە و ل گورەی زانیارێن ئەڤرو نیوز کو ژ وەلاتیێن دەڤەرێ وەرگرتینە ژ سەدەما بوردومانێ کارەبا ناحیا وەرتێ و ٢٢ گوندێن سەر ب وێ ڤە ھاتینە برین.
بوردومانکرنا فروکێن تورکی ل باشوورێ کوردستانێ ژ ٢٤ی َتەمووزا ئەڤ سالە دەستپێکریە و ئەو ژی پشتی کو ئاگربەست دناڤبەرا پەکەکی َو حکومەتا تورکیا ھاتیە برین و ژ ئەنجامێ ڤێ یەکێ ٩ شەھیدبوینە و ١٣ ژی برینداربوینە و زێدەباری زیانەکا زورا مادی ب رەز و بیستان و چاندنا وەلاتیان و سووتنا ئاقارێن دەڤەرێن ھەرێمێ.
ئەڤرۆ نیوز:
فەرماندەکێ پێشمەرگەی ل دەڤەرا شنگالێ بۆ ئەڤرۆ دیار کر کو د ھەیاما بۆری دا ھەتا نوکە پتری ٧٠٠ تێرورستێن داعش ل شنگالێ و دەوروبەرێن وێ ھاتینە کوشتن، تیرۆرست ل شنگالێ گەلەک لاوازبووینە، نوکە تیرۆرستێن داعش بریندارێن خوە دبەنە نەخۆشخانا تەلەعفەر دا کو بشێن بەرەڤ سووریا ببەن.
قاسم شەشۆ، فەرماندێ پێشمەرگەی ل دەڤەرا شنگالێ ئاشکرا کر، گەلەک جاران تیرۆرستێن داعش بزاڤکرینە خوە نێزیکێ سەنگەرێن پیشمەرگێ قەھرەمان بکەن، لێ ھەموو جاران ھێرشێن وان ھاتینە شکاندن و گۆت: “د نوکە دا تیرۆرستێن داعش شیانێن بەرگریکرنێ نەماینە، ھەردەمێ بڕیار ھاتە دان کو ھێرشی شنگالێ بھێتە کرن، پیشمەرگێن قەھرەمان گەلەک ب سەناھی دێ شێن شنگالێ ژ دەستێ تیرۆرستان رزگارکەن”.
ناڤھاتی خویا ژی کر، د ناڤ وان تیرۆرستێن داعش دا یێن ھاتینە کوشتن، ھژمارەکا زۆر یا ئەمیر و بسپۆرێن سەربازی و بەرپرسێن مەزن یێن داعش ھەبووینە و گۆت: “پتریا کوشتیان ژی خەلکێ تەلەعفەر و بیانی بوون، لێ نوکە تیرۆرستێن بیانی کێم بووینە و ب تنێ عەرەبێن دەوروبەرێن شنگالێ ئەوێن گەھشتینێ یێن ماین و د ناڤ شنگالێ دا شەرێ پێشمەرگەی دکەن، ئەو ژی نەشێن بەرگریێ بکەن و ب تنێ ب قەناس و بۆمبەیان شەری دکەن، ئەڤە ژی نیشانێن دووماھیا تیرۆرستانە ل دەڤەرا شنگالێ”.
قاسم شەشو ئاماژە ب وێ چەندێ ژی کر، بەرھەڤیێن باش بۆ رزگارکرنا شنگالێ ھاتینە کرن و گۆت: “ئەم چاڤەرێی فەرمانا سەرۆک بارزانی نە، نوکە فرۆکێن ھەڤپەیمانان ب شێوەکێ بەرفرەە ھێرشێن خوە بۆ سەر بارەگەھێن تیرۆرستان ل شنگالێ زێدەکرینە”.
نيشاندان