ئەڤرۆ نیۆز، قائید میرۆ
کادرەکێ پێشکەفتیێ پارتی دیموکراتی کوردستان ئاشکراکر، پارتی ل خوینا شەھید و بریندارێن خوە یێن بەر ھێرشێن گۆڕان کەفتی خوەشنابیت و دێ سکالایێ تۆمارکەن

خەسرۆ ھەرکی، کادرێ پێشکەفتیێ پارتی ب ئەڤرۆ نیۆز راگەھاند” د خۆنیشاندان و ھێرشێن سەر بارەگایێن پارتی ھژمارەک کادرو ئەندامێن پارتی شەھید و برینداربووینە و ئەم وەکی پارتی ب چو شێوەیەکی ل خوینا کادرو ئەندامێن خوە خۆشنابین و دێ ل دادگەھێ سکالایێ تۆماربکەین.
ھەرکی گۆتژی” ئەم پشتڕاستین ئەندام و لایەنگرێن گۆڕان تۆمەتبارن ب ھێرشێن سەرپارتی و شەھیدکرن و بریندارکرنا ئەندام و لایەنگرێن پارتی ھەر دێ سکالا لسەر وانابیت، بۆ نموونە د ھێرشا سەر بارەگایێ پارتی ل قەلادزێ ئەندامەکێ جڤاتا پارێزگەھا سلێمانیێ بناڤێ ھاوسەر پشدەری ل حزبا گۆڕان دگەل بوویە.

بەرپرسێ مەلبەندێ ئێەکێ ئێکەتی ل سلێمانیێ راگەهاند” رێکەفتنا خو دگەل گۆران جێبەجێ دکەین و بەرهەڤین پۆستێ پاریزگارێ سلێمانیێ رادەستێ گۆڕان بکەین”.
لەتیف شێخ عومەر ئەندامێ سەرکرداتیا ئێکەتی و بەرپرسێ مەلبەندێ ئێکێ ئێکەتی ل سلێمانیێ ب دیجیتال میدیا ئێن ئار تی راگەهاند، “پابەندین ب جێبجیکرنا ریکەفتنا بارڤەکرنا پۆستێن سنوورێ پارێزگەها سلێمانیێ دگەل گۆڕان دا و ل دەما خودا پۆستێ پارێزگاری رادەستێ تەڤگەرا گۆران دکەین و رێکەفتنا مە نەهاتیە هەلوەشاندن”.
گۆت ژى” هیچ دەمەک مە نەخازتیە ریکەفتن دگەل لایەنێن دی دا ئێکلایەنە هەلبوەشینین و پابەندین ب جێبەجێکرنا ریکەفتنا ناڤبەرا مەدا”.
تەڤگەرا گۆران و ئێکەتیا نشتیمانیا کوردستانی ل سەر پارڤەکرنا پۆستین سنووری پارێزگەها سلێمانیێ رێکەفتن، ب رەنگەکی دوو سالێن ئێکەم پۆستێ پارێزگارێ سلێمانیێ بۆ ئێکەتی بیت و دوو سالێن دووێ بۆ تەڤگەرا گۆران بیت.
ل بەروارێ ٢٠١٤/١٢/١١ و پشتى هەشت هەیڤان ب سەر دەربازبوونا هەلبژارتنان، ئاسۆ فەریدون ژ پشکا ئێکەتى ل جڤاتا پارێزگەها سلێمانیێ ب پرانیا دەنگان بۆ پوستێ پارێزگارێ سلێمانیێ هاتە هەلبژارتن.

ژێده‌ر: NRT

ئەڤرۆ نیۆز، قائید میرۆ
جێگرێ سەرۆکێ لیژنا نافخۆیا پەرلەمانێ کوردستانێ تەکەزکر، بەلگە ھەنە تاقما نەوشیروان مستەفای گەنج و سنێلە پالداینە ھێرشی سەر بارەگایێن پارتی بکەن.
نازم کەبیر، جێگرێ سەرۆکێ لیژنا نافخۆیا پەرلەمانێ کوردستانێ ب ئەڤرۆ نیۆز راگەھاند” لیژنا نافخۆ ل پەرلەمانێ کوردستانێ دەسپێکا ئالۆزیێن پارێزگەھا سلێمانیێ و ھێرشێن سەر بارەگایێن پارتی دەست ب کۆمکرنا بەلگەیانکریە و ھەتا نوکە چەندین بەلگە ھاتینە کۆمکرن و تێدا خویا دکەت کی ھێرشی سەر بارەگایێن پارتی ئەنجامداینە.
کەبیر گۆتژی” گورەی بەلگەیێن بەردەستێ مە تاقما نەوشیروان مستەفای دەست ھەبوویە ل پالدانا خەلکی و بتایبەتی گەنج و سنێلان بۆ ھێرشکرنە سەر بارەگایێن پارتی، لەوڕا دێ ھەموو ئەف بەلگە ھێنە ھنارتن بۆ دادگەھێ ھەتا کەسێن تۆمەتبار بھێنە سزادان.