ئه‌ڤرۆ نیوز:
محه‌مه‌د تۆفیق ڕه‌حیم رێكخه‌رێ په‌یوه‌ندیێن دبلوماسى یێن بزاڤا گۆران بۆ رۆژناما حه‌یات راگه‌هاند: ب وى مه‌رجى دێ ده‌ست ب دانوستاندنان ل گه‌ل پارتى كو سه‌رۆكێ په‌رله‌مانى و وه‌زیرێن مه‌بزڤرنه سه‌ر كارێن خوه.
رێكخه‌رێ په‌یوه‌ندیێن دبلوماسى یێن بزاڤا گۆران هه‌روه‌سا دیاركر كو پێنگاڤا ئێكێ و سه‌ره‌كى بۆ چاره‌كرنا قه‌یرانێن هه‌رێما كوردستانێ ڤه‌گه‌ریانا سه‌رۆكێ په‌رله‌مانى و وه‌زیرێن گۆرانه بۆ سه‌ر كارێن خوه، یان دڤێت ئه‌و ره‌وش هه‌ر هوسا بمینیت و بێى چاره‌سه‌رى.
ئەڤرۆ نیۆز، قائید میرۆ:
ژ ئەگەرێ فرۆتنا دەرمانێن دەم ب سەرڤەچوویی لیژنا چاڤدێریا دەرمانان ل باژێڕێ ھەولێرێ چوار کۆگایێن دەرمانا و دەرمانخانەیەک گرتن.
دکتۆر رێکەوت حەمە رەشید، وەزیرێ ساخلەمیێ بۆ ئەڤرۆ نیۆز راگەھاند: “لیژنا چاڤدێریا بازاڕی یا کۆنتڕۆلا جۆرێ دەرمانی ل باژێڕێ ھەولێرێ ب پشکداریا نوونەرێن ساخلەمی و سەندیکا دەرمانسازان ب ھەڤکاریا پۆلیسێن باژێڕڤانیێ سەرەدانا ٢٠ کۆگەھێن ھەلگرتنا دەرمانان و سێ دەرمانخاناکرن”.
دکتۆر رێکەوت گۆتژی: “ژ ئەگەرێ ھەبوونا دەرمانێن سەختە، لیژنێ بڕیاردا چوار کۆگاھێن دەرمانا و دەرمانخانەیەک بھێنە گرتن، ھەروەسا دەست ب سەر رێژەیەکا دەرمانێن سەختە و گومانلێکریدا ھاتەگرتن”.
ئەڤرۆ نیوز،زنار تۆڤی:
ژ ئەگەرێ بارینا رێژەیەکا مەزن یا بارانێ رێیا دناڤبەرا بەنداڤا باوەشاسوار و کفری ھاتیە گرتن و شۆفێر نەشێن ھاتن و چوونێ لێ بکەن، ھەروەسا قائیمقامیا کفری ھۆشداری دایە وەلاتیێن چه‌ندین تاخێن کفری کو مالین خوە بجهـ بھێلن ژ بەر مەترسیا ئاڤ رابوونێ و لەورا ژ ئەگەرێ لافاوێ ژمارەکا زۆر یا تاخێ ئیمام حەمەد و ل وی باژێری مالێن خۆ چۆلکرینە ژ ترسا ھندێ کو مالێن بکەڤنە ژێر ئاڤێ،چونکی ئاڤا بەنداڤا باوەشاسوار بلند بوویە ب رێژەیەکا مەزن.
ھەروەسا ژ ئەگەرێ باران بارینێ رێیا سەرەکی یا دناڤبەرا کەلار و خانەقین ژی ھاتیە گرتن و ژ ئەگەرێ ئاڤ رابوونێ شۆفێر نەشێن ھاتنوچۆنێ لێ بکەن.
ئه‌ڤرۆ نیوز:
نورى مالكى سه‌رۆكێ ئیتیلافا ده‌وله‌تا قانوونێ راگه‌هاند: پۆستێ جێگرێن سه‌رۆك كومار نه‌هاتینه هه‌لوه‌شاندن و دێ سكالایه‌كێ پێشكێشى دادگه‌هێكه‌ت.
مالكى ددیداره‌كێ دا ل گه‌ل كه‌نالێ سومه‌ریه، راگه‌هاند: جێگرێن سه‌رۆك كومارێ عیراقێ نه‌هاتینه هه‌لوه‌شاندن و دێ ل دادگه‌ها فیدرالى سكالایه‌كێ بۆ ئێكلاكرنا ڤێ كێشێ پێشكێش كه‌م.
مالكى گوت ژى: بریارێن حه‌یده‌ر عه‌بادى سه‌رۆك وه‌زیرێن عیراقێ سه‌باره‌ت ڤان پوستان نه ددستورى نه، له‌ومان ژى نوكه دانوستاندن ل دور ڤێ پرسێ یێ هه‌ى و هه‌تا دادگه‌ه بریارێ نه‌ده‌ت، ئه‌و كێشه دێ ب هه‌لاویستى مینیت”
ئه‌ڤرۆ نيوز:
شاندەکێ رێکخراوا GIZیا ئەلمانی سەرەدانا بنگەھێ گولان یێ ساخلەمیێ ل سێمێلێ و رێڤەبەریا گشتی یا ساخلەمیێ ل پارێزگەھا دھۆکێ کرن و رێکخراوا ناڤبری د گەلەک بیاڤان دا پشتەڤانیێ ل کەرتێ ساخلەمیێ دکەت و بڕیارە دو ھولێن نشتەرگەریێ ل سێمێلێ بھێنە ڤەکرن.
د.نزار عصمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو رێکخراوا GIZ یا ئەلمانی ھەتا نوکە گەلەک داخوازیێن وان بجھئیناینە بۆ پێشڤەبرنا رەوشا ساخلەمیێ د وارێ چاڤدێریا چر و دانا کارگەھێن ئوکسجینی و چارەسەریا ئاڤرێژێن گرتن و گۆت: ئارمانجا مە ل گەل رێکخراوا ناڤبری ئەوە ئەم بشێین خزمەتێن ھەوارھاتنێ پتر پێشڤەببەین و ژبەرکو ل کەرتێ سێمێلێ چو نەخوشخانێن گشتی نینن، لەورا ل دووڤ داخوازیا مە رێکخراوا ناڤبری رابوویە ب بەرفرەھکرنا بنگەھێ گولان بۆ پێشوازیا حالەتێن تەنگاڤیا کو تێدا دێ پێشوازی ل نەخوشێن تەنگاڤیان ھێتە کرن و چاڤدێریا چر دێ بۆ ھەبیت و دو ھولێن نشتەرگەریێ ژی نوکە یێ دھێنە ئاڤاکرن و ل دەمەکێ نێزیک دێ ھێنە ڤەکرن، دیسا ھولا زارۆبوونێ و تاقیگەھەک ژی کەتینە کاری.
رێڤەبەرێ گشتیێ ساخلەمیا پارێزگەھا دھۆکێ ئەوژی دیارکر کو رێخراوا ناڤبری ترۆمبێلڕێن ئەمبولانس دابینکرینە و دو کارگەھێن ئوکسجینی ژی ل سنورێ پارێزگەھێ دێ دانیت.
ئەڤرۆ نیوز: کاروان باعەدری:
پشتی ژمارەکا زۆر یا خەلکی کۆچبەری ئورۆپا بووین و چەندین کێشە بۆ وان پەیدا بووینە.
ھەژا مودیر بەرپرسێ راگەھاندنا بنگەھێ لالش ل ئەلمانیا بۆ ئەڤرۆ نیوز گۆت: “پشتی ئەو ژمارە زۆرا کۆچبەرا ھاتینە وەلاتێن ئورۆپی ھندەک ژ وان کۆچبەران ل ھندەک وەلاتان ھاتینە دەستەسەرکرن و پەنجەمۆر بۆ وان ھاتیە دان ل ھندەک وەلاتان ئەوێن نە ل دووڤ حەزا وان دا کو لێ بژین و پشتی کۆچبەری ھندەک وەلاتێن دی بووین پەنجەمۆرا وان ل ھندەک وەلاتێن دی دەردکەڤیت و ئەگەرێن زڤرینا وان ھەنە”.
ناڤھاتی زیدەتر گۆت: “ھندەک پرۆژە ھاتینە پیش بۆ ھندەک پەرلەمانا کو ڤێ ئاریشێ نەھێلن و ھەر کەس ل دووڤ حەزا خۆ ل وی وەلاتی ھەلبژێریت یێ دڤێت لێ بژیت”.
ئه‌ڤرۆ نیوز: ڤه‌ده‌ر ره‌شاڤایی:
چه‌ند به‌رپرسێن ئیراقی وه‌سا دده‌نه خویاكرن كو 15 مۆشه‌كێن ئیرانێ ئاراسته‌ی بنگه‌هه‌كێ سه‌ربازیێ به‌رێ یێ ئه‌مریكی ل ناڤ ئاخا ئیراقێ كو نێزیكی فرۆكخانا نێڤده‌وله‌تیا به‌غدا یا نها یه هاتینه كرن.
ئه‌ڤ مۆشه‌كه ل كه‌مپا لیبرتی كه‌ڤتینه كو چه‌ند ئه‌ندامێن ژ ئیرانێ ده‌ركری یێن ئۆپۆزسیۆنا ئیرانی پشتی 2011 هه‌تا نها تێدا دژین كو ب رێكخستیا موجاهدین ئه‌لخه‌لق دهینه نیاسین و ژ ئالیێ ئیرانێ ڤه ب رێكخستیه كا تیرۆری دهێـه دانان.
ژێده‌رێن ئیراقی وه‌سا خویادكه‌ن ژی كو پتری 20 ئيرانی ژ ئه‌نجامێ به‌ركه‌ڤتنا وان مۆشه‌كان هاتینه كوشتن.
هێشتا چ ئالیه‌كێ فه‌رمی یێ ئیرانی به‌رپرساتیا وی وه‌لاتی ژ هێرشێ رانه‌گه‌هاندییه.
ئه‌ڤرۆ نيوز:
ئێڤاريا ئه‌ڤرۆ ل ميحوه‌رێ خازر، فرۆكێن شه‌رى يێن هه‌ڤپه‌يمانان ب هه‌ماهه‌نگيا پێشمه‌رگه‌ى چه‌ند باره‌گايێن داعش ئاگرباران كرن.
ب گۆره‌يى نوچه‌يه‌كێ مالپه‌رێ فه‌رماندا زێره‌ڤانيێ، ئێڤاريا ئه‌ڤرۆ رۆژا پێنجشه‌مبى رێكه‌فتى 29ى چريا ئێكێ يا 2015ێ فرۆكێن شه‌ركه‌رێن هه‌ڤپه‌يمانان سێ جاران ل سه‌ر ئێك چه‌كدارێن داعش ل هه‌ردو گۆندێن “تل ئه‌سوه‌د” و زاراخاتوون” ل ميحوه‌رێ خازر بۆردومانكرن.
مالپه‌رێ ناڤبرى دايه زانين كو ب گۆره‌يى پێزانينێن ب ده‌ست فه‌رمانده‌يێن مه‌يدانى يێن فه‌رماندا پێشمه‌رگێ زێره‌ڤانى كه‌فتين، ژ ئه‌نجامێ بۆردۆمانا ئه‌ڤرۆ دربه‌كێ مه‌زن ب چه‌كدارێن داعش كه‌فتيه و ژماره‌كا چه‌كدارێن داعش كوشتينه و ژماره‌كا زێده‌تر ژى بريندار بووينه و چه‌ند ترۆمبێله‌ك ژى ب چه‌كێ گران ڤه هاتينه ژناڤبرن، به‌لێ ژمارا دروست يا قوربانيان به‌لاڤ نه‌كرينه.
ئەڤرۆنیوز : کاروان باعەدری:
ژێدەرەکی ژ لژنەیا کۆچکرنێ یا نیابی راگەھاند: ئەڤرۆ ل رۆژا پێنچ شەمبیێ ١٨٠ کۆچبەرێن کوردێن ئێزدی ل کەنارێن یۆنانێ گیانێ خۆ ژ دەست دان
مالپەرێ ئەلشەرقیە دیارکر : ژێدەرەکی ژ لژنەیا کۆچکرنێ یا نیابی ئاشکەراکر : کو ل رۆژا پێنچ شەمبوویێ رێکەڤتی “٢٩ -١٠-٢٠١٥” بەلەمەکا ژ تورکیا بەرەڤ یۆنانێ چۆ و ١٨٠ کۆچبەرێن کوردێن ئێزدی یێن ناوچەیا باشیکێ تێدا بوون , بەری بگەھنە وەلاتەکی نوقم بوون.
ڤی ژێدەری ئاشکەرا کریە : تەرمێ خێزانەکێ کو ژ ٣ ێ کەسان پێک دھێت ھاتیە دیتن و چارەنڤیسێ وان نەیێ دیارە .
ئەڤرۆ نيوز: کاروان باعەدری :
ل ھەردوو وەلاتێن ئەمریکا و کەنەدا ٢٥٠٠ ئێزدی لێ ھەینە , و پشتی ئەڤ کارەساتا ب سەرێ ئێزدیان ھاتی چۆنا ئێزدیان بۆ ڤان ھەردوو وەلاتان یا بەردەوامە .
چالاکڤانەکێ ئێزدی الیاس قاسم ل ئەمریکا بۆ رۆژناما ئەڤرۆ دیارکر : ل دووڤ پیزانین گەھشتین مە ل ھەردوو وەلاتێن ئەمریکا و کەنەدا ٢٥٠٠ ئێزدی لێ ئاکنجی بووینە و بەھرا بتریا وان ژی ل ویلایەتا نیبراسکا ئەمریکا و کەنەدا
ڤی چالاکڤانی ئاماژە ژی کر ھاتنا ئێزدیان بۆ ڤان وەلاتان یە بەردەوامە , ئەوژی پشتی ئەو کارەساتا مەزنا ب ب سەر ئێزدیان ھاتی
نيشاندان