ئه‌ڤرۆ نيوز:

پەرلەمانتارەکێ گۆڕان داخازا ئێکگرتنا فراکسیۆنێن ئێکەتى و گۆڕان دکەت ل پەرلەمانێ کوردستانێ و عێراقی و جڤانێن پارێزگەهان دا.
بێستۆن فایەق ئەندامێ پەرلەمانێ کوردستانێ ژ فراکسیۆنا گۆڕان دنڤیسینەکێ دا د پەرەیا تایبەتا خودا ل فەیسبوکێ نڤیسیە” وەک قوناغا ئێکێ بۆ کارێ هەڤبەشێ ئێکەتى و گۆڕان، پێتڤیە فراکسیۆنێن ئێکەتى و گۆڕان ل پەرلەمانی کوردستانێ و عێراقی و پارێزگەهان ببنە ئێک فراکسیۆن و ب هەڤبەشی کار بکەن”.
هەروەسا دبێژیت ” پەیام و دیتنا سیاسی یا ئێکەتى و گۆران وەک ئێک هەنە و دەنگدەر و پێگەهێ جاماوەرێ وان ژ ئێکودو نێزیکن، سەرکردە و کەسایەتیێن سیاسیێن وان ژى دوست و هەڤالن، دواقع دا ژى ئەو یەکە هاتە سەلماندن کو نێزیکبوون و کارکرنا تەڤگەرا گۆڕان و ئێکەتیا نشتیمانیا کوردستانێ چەند پێتڤیە بۆ نها و پاشەرۆژا کوردستانێ”.
پەرلەمانتارێ گۆران ئیماژە ب وێ یەکێ ژى کر” بۆ چەسپاندنا دیموکراسی و سیستەمەکێ سیاسێ کونجای، ئێکگرتنا تمامی یا گۆڕان و ئێکەتى بۆ نها وب ئێک پینگاڤ ساناهی نینە کو کۆمیتە و بازنە، مەلبەند و مەکو، مەکتەب و ژوور، سەرکردایەتی و جڤات ئێکبگرن و ببنە ئێک”.
بەری نها ژى مەلا بەختیار بەرپرسێ دەستەیا کارگێریا مەکتەبا سیاسی ئێکەتى دسیمینارەکێ دا ل ئەلمانیا راگەهاندبوو’ پەیوەندیێن مە دگەل گۆران بەرەف پیشڤە دبەین و دێ گەهینە رێکەفتنا سیاسی، بەلێ ئەف رێکەفتن ل سەر حسابا چ لایەنەکێ دی نابیت و مە ب ئاشکرا بەحس کریە”.
هەروەسا بەریانها ژى سەعدی ئەحمەد پیرە ئەندامێ مەکتەبا سیاسیا یا ئێکەتى بۆ دیجیتال میدیا ئێن ئاڕ تى راگەهاندبوو” ئێکەتی دێ ریکەفتنەکا سیاسی دگەل گۆڕان دا ئەنجام دەت”.

ژێده‌ر: NRT

ئەڤرۆ نیۆز، قائید میرۆ:
فڕاکسیۆنا پارتی بۆ ژ نێزیکڤە ئاگەھداربوونا رەوشا بارەگایێن پارتی سەرەدانا بارەگایێن پارتی ل دەڤەرا سلێمانیێ و گەرمیانکر، پەرلەمانتارەکژی رادگەھینە زانیاریێن باش کەتینە دەستێ مە.

فەیرۆز تەھا، پەرلەمانتارا پارتی دیموکراتی کوردستان ب ئەڤرۆ نیۆز راگەھاند”دوھی شاندەکێ فڕاکسیۆنا پارتی لپەرلەمانێ کوردستانێ سەرەدانا ھەموو ڤان دەڤەرانکر یێن ھێرشی دژی بارەگایێن پارتی ھاتینە پێک ئینان و ژ نێزیکڤە فڕاکسیۆنا زەر ئاگەھدار رەوشا بارەگا و کادرو ئەندامێن پارتی بوو لڤان دەڤەران.
فەیرۆزێ دیارکر، مەرەم ژ سەرەدانا بۆڤێ چەندێ بۆیە ئاگەھداری ڤان دەڤەرانبین بتایبەتی پشتی ھێرشێن تێکدەرانەیێن گۆڕان بۆ سەر بارەگایێن پارتی و کۆمکرنا زانیاریان، مە زانیاریێن باش کۆمکرینە.

ئەڤرۆ نیۆز، قائید میرۆ
کادرەکێ پێشکەفتیێ پارتی دیموکراتی کوردستان ئاشکراکر، پارتی ل خوینا شەھید و بریندارێن خوە یێن بەر ھێرشێن گۆڕان کەفتی خوەشنابیت و دێ سکالایێ تۆمارکەن

خەسرۆ ھەرکی، کادرێ پێشکەفتیێ پارتی ب ئەڤرۆ نیۆز راگەھاند” د خۆنیشاندان و ھێرشێن سەر بارەگایێن پارتی ھژمارەک کادرو ئەندامێن پارتی شەھید و برینداربووینە و ئەم وەکی پارتی ب چو شێوەیەکی ل خوینا کادرو ئەندامێن خوە خۆشنابین و دێ ل دادگەھێ سکالایێ تۆماربکەین.
ھەرکی گۆتژی” ئەم پشتڕاستین ئەندام و لایەنگرێن گۆڕان تۆمەتبارن ب ھێرشێن سەرپارتی و شەھیدکرن و بریندارکرنا ئەندام و لایەنگرێن پارتی ھەر دێ سکالا لسەر وانابیت، بۆ نموونە د ھێرشا سەر بارەگایێ پارتی ل قەلادزێ ئەندامەکێ جڤاتا پارێزگەھا سلێمانیێ بناڤێ ھاوسەر پشدەری ل حزبا گۆڕان دگەل بوویە.

بەرپرسێ مەلبەندێ ئێەکێ ئێکەتی ل سلێمانیێ راگەهاند” رێکەفتنا خو دگەل گۆران جێبەجێ دکەین و بەرهەڤین پۆستێ پاریزگارێ سلێمانیێ رادەستێ گۆڕان بکەین”.
لەتیف شێخ عومەر ئەندامێ سەرکرداتیا ئێکەتی و بەرپرسێ مەلبەندێ ئێکێ ئێکەتی ل سلێمانیێ ب دیجیتال میدیا ئێن ئار تی راگەهاند، “پابەندین ب جێبجیکرنا ریکەفتنا بارڤەکرنا پۆستێن سنوورێ پارێزگەها سلێمانیێ دگەل گۆڕان دا و ل دەما خودا پۆستێ پارێزگاری رادەستێ تەڤگەرا گۆران دکەین و رێکەفتنا مە نەهاتیە هەلوەشاندن”.
گۆت ژى” هیچ دەمەک مە نەخازتیە ریکەفتن دگەل لایەنێن دی دا ئێکلایەنە هەلبوەشینین و پابەندین ب جێبەجێکرنا ریکەفتنا ناڤبەرا مەدا”.
تەڤگەرا گۆران و ئێکەتیا نشتیمانیا کوردستانی ل سەر پارڤەکرنا پۆستین سنووری پارێزگەها سلێمانیێ رێکەفتن، ب رەنگەکی دوو سالێن ئێکەم پۆستێ پارێزگارێ سلێمانیێ بۆ ئێکەتی بیت و دوو سالێن دووێ بۆ تەڤگەرا گۆران بیت.
ل بەروارێ ٢٠١٤/١٢/١١ و پشتى هەشت هەیڤان ب سەر دەربازبوونا هەلبژارتنان، ئاسۆ فەریدون ژ پشکا ئێکەتى ل جڤاتا پارێزگەها سلێمانیێ ب پرانیا دەنگان بۆ پوستێ پارێزگارێ سلێمانیێ هاتە هەلبژارتن.

ژێده‌ر: NRT