ئه‌ڤرۆ نيوز:

هشيار عه‌بدولا، ئه‌ندامێ جڤاتا نشتيمانى يا بزاڤا گۆڕان بۆ رووداو راگه‌هاند: د كۆمبوونا ئه‌ڤرۆ رۆژا پێنجشه‌مبى دا 15ى چريا ئێكێ 2015ێ جڤاتا نشتيمانى يا بزاڤا گۆڕان دێ هه‌موو وان گريمانێن كه‌فتينه‌ به‌ر سينگێ وان گه‌نگه‌شه‌ كه‌ت و هيڤيا وێ چه‌ندێ ژى خواست كو بشێن باشترين گريمان بۆ كارێن داهاتى هه‌لبژێرن.

ئه‌وى ئه‌ندامێ جڤاتا نشتيمانى كو د هه‌مان ده‌م دا سه‌رۆكێ فراكسيۆنا بزاڤا گۆڕانه‌ ل جڤاتا نوونه‌رێن عيراقێ ئاماژه‌ ب وێ چه‌ندێ ژى كر: هه‌كه‌ ببينه‌ ئۆپۆزسيۆن وه‌كو به‌رى نوكه‌ نابين و دێ مودێله‌كا نوو يا ئۆپۆزسيۆنێ په‌ياده‌ كه‌ين.

ژێده‌ر: رووداو

ئه‌ڤرۆ نيوز:

نێچيرڤان بارزانى، سه‌رۆكێ حوكمه‌تا هه‌رێما كوردستانێ بۆ لايه‌نێن سياسى راگه‌هانديه‌، ل گه‌ل وێ چه‌ندێ نه‌ سه‌رۆكه‌كێ نوو بۆ په‌رله‌مانى هه‌لبژێرن، پاشان يوسف محه‌مه‌د ڤه‌گه‌ريته‌ هه‌ولێر.

مالپه‌رێ رووداو به‌لاڤكريه‌ كو ب گۆره‌يى پێزانينێن وان رۆژا سێشه‌مبى شاندێ پارتى ل گه‌ل ئێكه‌تيێ و په‌يوه‌نديێن پارتى ل گه‌ل لايه‌نێن دى، نێچيرڤان بارزانى ب ئاشكرايى گۆتيه‌: “ل گه‌ل ڤه‌گه‌ريانا يوسف محه‌مه‌د نينين بۆ هه‌ولێر هه‌تا سه‌رۆكه‌كێ نوو بۆ په‌رله‌مانى هه‌لدبژێرين”.

ديسا سه‌رۆكێ حوكمه‌تێ راگه‌هانديه‌ ژى كو ب چ ره‌نگه‌كى مامه‌لێ ل گه‌ل سه‌رۆكێ نوكه‌ يێ په‌رله‌مانى ناكه‌ن و دڤێت بهێته‌ گوهۆڕين.

هه‌ر ب گۆره‌يى پێزانينێن رووداو، سه‌رۆكێ حوكمه‌تێ داخواز كريه‌ پارتى و ئێكه‌تى گازندێ ل سه‌ر ئێك بكه‌ن رابگرن و به‌ره‌كێ نوو هه‌لبژێرين.

ئەڤرۆ نیۆز، قائید میرۆ :
چاڤدێرەکێ سیاسی سەر ب پارتی دیموکراتی کوردستان ئاشکراکر، پارتی دیموکراتی کوردستان یا رژدە لسەر دەرکرنا بزاڤا گۆڕان ل حوکمەتێ.
رێکان سەباح، چاڤدێرێ سیاسی و کادرێ پێشکەفتیێ پارتی ب ئەڤرۆ نیۆز راگەھاند” پارتی یا پەشێمان نینە و یا رژدە لسەر دەرکرنا بزاڤا گۆڕان ل حوکمەتا ھەرێما کوردستانێ، ژبەرکو پشتی روویدانێن پارێزگەھا سلێمانیێ و گەرمیان و سوتن و شەھیدکرنا کادرو بارەگایێن پارتی، جەماوەرێ پارتی گڤاشتنە ئێخستیە سەر سەرکردایەتیا پارتی بۆ دەرکرنا گۆڕان.

رێکانی گۆتژی” گۆڕان و تاقمێ تێکدەرێ نەوشیروان مستەفا ناخوازن د حوکمەتێ دا بمینن و بۆ پاراستنا وانژی مەکتەبا سیاسی بڕیاردا رێکەفتنا دگەل گۆڕان بھێتە ھەلوەشاندن و وەزیر و سەرۆکێ پەرلەمانی نەھێنە ھەولێرێ، ھەتا دوربن ژ کەرب و کینا کادر و لایەنگرێن پارتی.

ئه‌ڤرۆ نيوز:

ب گۆره‌يى راپۆرته‌كا شيكارى كو مالپه‌رێ رووداو به‌لاڤكريه‌ هه‌موو ئاماژان بۆ وێ چه‌ندێ دبه‌ت كو گۆڕان ما ب تنێ ل ژ ده‌رڤه‌يى حوكمه‌تێ.

رووداو، پشت به‌ستنێ ل سه‌ر چه‌ند راستيه‌كان دكه‌ت كو يا ئێكێ ئه‌و بوو يا ژ كۆمبوونا سێ قولى ده‌ركه‌فتى ده‌ما ب تنێ دلته‌نگيا خوه‌ ل سه‌ر روودانا ده‌ربڕى و ئاماژه‌ ب وێ چه‌ندێ كرى كو ئه‌و دێ د به‌رده‌وام بن د كابينا هه‌شتێ دا.

ب تايبه‌ت پشتى داخۆيانيا مه‌لا به‌ختيار به‌رپرسێ كارگێرى يێ مه‌كته‌با سياسى يا ئێكه‌تيێ و ئه‌ندامێ مه‌كته‌با سياسى سه‌عدى ئه‌حمه‌د پيره‌ ده‌ما گۆتى: “كه‌س چاڤه‌رێ مه‌ نه‌بيت وه‌كو هنده‌ك لايه‌نێن دى بكه‌ين، نوكه‌ ئه‌م و پارتى يێ د ئێك به‌ره‌ دا شه‌رى دژى داعش دكه‌ين”.

هه‌لويستێ ئێكگرتوو ژى ب يێ بادينان ڤه‌ گرێدايه‌ و ژ به‌ر كو سه‌نگا هه‌ره‌ مه‌زنا ئێكگرتوو ل بادينانه‌ ئه‌و نه‌شێن تشته‌كى بكه‌ن بێ دليا ئێكگرتوويێن بادينان تێدا بيت و ژ به‌ر هندێ ژى دێ پشكدار بن.

ده‌رياره‌يى كۆمه‌لێ ژى دايه‌ زانين كو هه‌ر چه‌نده‌ گه‌له‌ك جاران پشتا گۆڕان گرتيه‌ به‌لێ د دووماهى كۆمبوونا خوه‌ يا مه‌كته‌با سياسى دا، نه‌شيان ده‌نگێن پێدڤى بۆ ڤه‌كێشانا وه‌زيرێن خوه‌ د حوكمه‌تێ دا بينن، دهێته‌ پێشبينيكرن ئه‌و ژى وه‌كو ئێكه‌تى و ئێكگرتوو پشكدارى حوكمه‌تێ ببيت.