ئه‌ڤرۆ نيوز:
ئه‌ندامه‌كێ جڤاتا نشتيمانيا بزاڤا گۆڕان كو نه‌ڤيا ناڤێ خوه به‌لاڤ كه‌ت ده‌رباره‌يى كۆمبوونا ئه‌ڤرۆ راگه‌هاند: گۆڕان ل دۆر قه‌يرانان ئه‌ڤ سێ بڕياره دان:
– گۆڕان خوه ژ حوكمه‌تێ ڤه‌ناكێشيت و داخواز دكه‌ت د ڤێ خولا حوكمه‌ت و په‌رله‌مانى دا يا به‌رده‌وام بيت.
– داخواز دكه‌ت پارتى و حوكمه‌ت مووچێ فه‌رمانبه‌ران بده‌ن كو پاره و داهاتێ په‌ترۆلێ قورخكريه.
– ئه‌ڤا به‌رامبه‌ر سه‌رۆكێ په‌رله‌مانى و وه‌زيران هاتيه كرن كوده‌تايا چه‌كدارى يه.
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 16ى چريا ئێكێ يا سالا 2015ێ بۆ رۆژا دويێ ل دووڤ ئێك كۆمبوونا جڤاتا نشتيمانيا گۆڕان ل باژێرێ سلێمانيێ هاته گێران.
كۆمبوونا جڤاتا نشتيمانيا گۆڕان ب سه‌رپه‌رشتيا عومه‌رێ سه‌يد عه‌لى دهێته ب رێڤه‌برن و بۆ دانوستاندنێ يه ل سه‌ر كاودانێن نوكه يێن سياسى يێن هه‌رێما كوردستانێ ب تايبه‌ت پشتى رێ نه‌دانا وه‌زيرێن گۆڕان ب چوونا سه‌ر كارێن وان و ده‌ركرنا وان ژ جوكمه‌تێ.
ب گۆره‌يى ئه‌و پێزانينێن ئه‌ڤرۆ نيوز ب ده‌ست خوه خستين، ژماره‌كا باش ژ ئه‌ندامێن جڤاتا نشتيمانيا گۆڕان دخوازن گۆڕان ببيته ئۆپۆزسيۆن و پێشتر هشيار عه‌بدولايێ سه‌رۆكێ فراكسيۆنا گۆڕان ل جڤاتا نوونه‌رێن عيراقێ كو د هه‌مان ده‌م دا ئه‌ندامێ جڤاتا نشتيمانى يه ژى ئاماژه ب وێ چه‌ندێ كربوو كو هه‌كه گۆڕان ببيته ئۆپۆزسيۆن دێ شێوازه‌كێ نوو يێ ئۆپۆزسيۆنبوونێ په‌يره‌و كه‌ت.
هه‌ر چه‌نده پارتى ديموكراتى كوردستان يا رژده كو رێ ناده‌ت جاره‌كا دى گۆڕان بچيته د ناڤ حوكمه‌تێ دا ژ به‌ر پێگرينه‌كرنا وێ ب مه‌رجێن هه‌ڤپه‌يمانيێ كو ئاماژێ ب وێ چه‌ندێ دكه‌ن كو سپێدێ گۆڕان ل حوكمه‌تێ بوو و پشتى نيڤرۆ ژى ئۆپۆزسيۆن بوو و هێرش دكره سه‌ر حوكمه‌تێ و بوويه ئه‌گه‌رێ سۆتنا شه‌ش باره‌گايێن پارتى ل سنورێ خوه و شه‌هيدكرنا هنده‌ك ژ كادرێن وێ.
ئەڤرۆنیۆز، ئەیاد بەرواری
ئەنجامێن ڤەکۆلینا ژلایێ کۆمپانیا تویوتا یا یابانی ڤە ھاتینە کرن ل دۆر ژێدەرێن ڤرێکرنا ھزارەھا ترومبێلێن تویوتا دیاردکەن کو چار وەلاتان ئەو ترومبێل یێن کڕین و داینە دەستێ گرۆپێن تیرۆرستی.
راپۆرتا ڤەکۆلینا کۆمپانیا تۆیوتا دەرکەفت پشتی ئەمریکا دلگرانیا خوە ژ ھەبوونا ٦٠ ھزار ترومبێلێن تویوتا ل دەف داعشێ ل سووریێ و عیراقێ و لیبیا دیارکری.
ل دووڤ ئاژانسا (النبڕ)، سووریا و روسیا ژی راپۆرتا کومپانیا تویوتا وەرگرت ل دۆر وان وێنێن ترومبێلێن کۆمپانیا ناڤبری ژ ھەوالگیریا لەشکری یا رووسی وەرگرتین و تێدا ژێدەرێن وان ترۆمبێلان دیاردکەت یێن بۆ داعشێ ھاتینە ھنارتن و تێدا ھاتیە ئاشکراکرن کو ھژمارا شاێیێ ھندەک ژ وان ترومبێلان یێن دناڤ وێ لیستا ترومبێلان دا ھەین کو ژلایێ ھندەک کۆمپانیێن سعودی و قەتەری و ئیماراتی ڤە ھاتینە کڕین زێدەباری ھندەک ترومبێلێن دی کو ژلایێ لەشکرێ ئوردنی ڤە ھاتینە کڕین ب ھاریکاریا ھندەک بەنکێن سعودی.
ژلایەکێ دی ڤە و ل دووڤ راپۆرتەکا رۆژناما (الدیار) یا لوبنانی، کۆمپانیا تویوتا د بەرسڤا واشنتۆن دا ل دۆر چاوانیا بدەستڤئینانا ترومبێلێن تویوتا ژلایێ داعشێ ڤە دیارکریە کو وێ لیستا کڕینا ١٠ ھزار ترومبێلێن تویوتا ژ لایێ نوری مالکی ڤە یا ھەی کو بۆ ھێزێن ئەمنی و تیمێن زێرەڤانانو ھندەک یەکەیێن لەشکرێ عیراقێ کڕی بوون، لێ دەمێ داعشێ مووسل و تکریت کونترۆلکرین دەستێ خوە دانا سەر ٩ ھزار ژوان ترومبێلێن تویوتا یێن رەنگ سپی و ژ ھینگێ وەرە ل عیراقێ و سووریێ ژلایێ داعشێ ڤە دھێنە بکارئینان.
ئه‌ڤرۆ نيوز:
حه‌سه‌ن ئه‌لياسرى، سه‌رۆكێ ده‌سته‌يا گشتى يا ده‌سپاكيێ ل عيراقێ ب وه‌كاله‌ت راگه‌هاند، ده‌سته‌يا وان د رێيا دادگه‌ها تايبه‌ت ب ده‌سپاكيێ ڤه، فه‌رمانا ده‌سته‌سه‌ركرنێ بۆ سێ به‌رپرسێ بلندێن عيراقێ ده‌ركريه كو د تۆمه‌تبارن ب تێكڤه‌دانا گه‌نده‌ليێ و هه‌مان ده‌م ژ لايێ ده‌سته‌يێ ڤه د داخوازكرينه بۆ لێپرسينێ.
سه‌رۆكێ ده‌سته‌يا گشتيا ده‌سپاكيێ گۆتژى: “ژ ئه‌گه‌رێ تێكڤه‌دانا گه‌نده‌ليێ بڕيارا ده‌سته‌سه‌ركرنێ بۆ هه‌ر ئێك ژ نه‌نعيم عه‌بوب و عه‌بدولحسێن موردش ده‌ركريه كو هه‌ردويان به‌رى نوكه پۆستێ ئه‌ميندارێ گشتيێ به‌غدا هه‌بوو، ئه‌وان پۆستێ خوه د وارێ دارايى دا د به‌رژه‌وه‌نديا خوه دا ب كار ئينايه و سامانێ وه‌لاتيان ب هه‌ده‌ر دايه.
ه‌سه‌ن ئه‌لياسرى، سه‌رۆكێ ده‌سته‌يا گشتى يا ده‌سپاكيێ ل عيراقێ ئاماژه ب وێ چه‌ندێ ژى كر كو بڕيار بۆ عه‌بدولكه‌ريم عه‌فتان وه‌زيرێ كاره‌بێ يێ به‌رێ ژى ده‌ركريه كو بهێته ده‌سته‌سه‌ركرن و مافێ گه‌شتكرنێ بۆ ژ ده‌رڤه‌يى وه‌لاتى ژى نينه.
ئه‌ڤرۆ نیوز، زنار:
تیما باسكت بۆلا زاخۆ ب ناسناڤێ قاره‌مانیا باسكا پارێزگه‌ها دهۆكێ هاته خه‌لاتكرن پشتى سه‌ركه‌فتن د یاریا دووماهیا قاره‌مانیێ دا ل سه‌ر باسكا یانا دهۆك توماركرى ب ئه‌نجامێ 72_64 خالان، د وێ یاریێ دا ئه‌وا ل هۆلا گرتیا یانا دهۆك یا وه‌رزشى هاتیه كرن.
د ڤێ یاریێ دا تیما زاخۆ شیا ب تولا خوساره‌تیا خوه یا یاریا ئێكێ ڤه‌كه‌ت ده‌مێ خوساره‌ت بوى ل گه‌ل یانا دهۆك و سه‌ركه‌فتنێ ڤێ جارێ د یاریا دووماهیێ دا تومار بكه‌ت ب جوداهیا هه‌شت خالان، كو دڤێ یاریێ دا ئاستێ یانا زاخۆ گه‌له‌ك باشتر هاته دیتن و یاریكه‌رێ وێ فه‌رید ره‌عدى شیا 40 خالان توماربكه‌ت، به‌رامبه‌ر یاریگه‌رێن یانا دهۆك ل سه‌ر ئاستێ خوه یێ جاران نه‌بوون و تووشى چه‌ندین خه‌له‌تیان بون كو ئه‌گه‌رێ سه‌ره‌كى بوو تیم تووشى خوساره‌تیێ بیت.
بۆ زانین د ڤێ یاریێ دا دو یاریكه‌ر و راهێنه‌رێ یانا دهۆك خه‌تاب عومه‌ر ژ یاریێ هاتنه ده‌رخستن پشتى ژ گیانێ وه‌رزشى ده‌ركه‌فتین و نه رازیبونا وان ل سه‌ر بریارێن دادڤانێن ڤێ یاریێ كو بۆ ئه‌گه‌ر دادڤانه‌كى ژى یارى بجه هێلا ل سه‌ر گوتنێن راهێنه‌رێ یانا دهۆك.
ئەڤرۆنیۆز، ئەیاد بەرواری
کەنالەکێ تەلەڤزیۆنی یێ ئەمریکی ئاشکراکر کو ھێزەکا لەشکرێ کوبی بەر ب سووریێ چوون بۆ پشتەڤانیێ بەشار ئەسەدی.
کەنالێ (فوکس نیۆز) یێ ئەمریکی دیاکرکو سەربازێن ھێزا بژاردە یا لەشکرێ کوبی بەر ب سووریێ ب رێکەفتیە و کەنالێ ناڤبری خویاکریە کو ئەڤ پێزانینە ژلایێ پەیمانگەھا کوبی – ئەمریکی ل زانکۆیا میامی یا ئەمریکی یێن گەھشتینێ و شارەزایێن لەشکری یێن کوبی دێ سەرپەرشتیا مەشقکرنا لەشکرێ سووری و زریپۆشان کەن.
وی کەنالێ ئەمریکی بەلاڤکر ژی کو سەربازێن کوبی ل بن فەرمانداریا ( جەنەرال لوبولدۆ کینترا فرایس) فەرماندێ ھێزێن چەکدار یێن کوبی یێن ل سووریێ، بێ کو دیار بکەت کەنگێ چووینە وی وەلاتی.
فوکس نیۆز ئاماژە دا وێ چەندێ ژی کو بەرپرسەکێ بلند ل ھەوالگیریا ئەمریکی ئەو پێزانینە ل دووڤ راپۆرتێن ھەوالگیری بۆ کەنالی پشت راستکرینە کو دبیت ھێزێن کوبی ب ڕێیا فرۆکێن روسی بۆ سووریێ ھاتبنە ڤەگوھاستن.
رێڤەبەرێ پەیمانگەھا ڤەکۆلینێن کوبی – ئەمریکی ( جیم سوتشلیکی) ژ ئەفسەرەکێ عەرەبی ڤەگوھاست کو دو فرۆکێن روسی کو سەربازێن کوبی تێدا بوون یێن گەھشتینە فرۆکخانا دیمەشق یا نێڤدەولەتی و وی ئەفسەری پرسیارا ئەگەرێ ھاتنا وان بۆ سووریێ ژێ کریە و وان سەربازان بۆ یارکریە کو ئەو شارەزانە د بیاڤێ بکارئینانا زریپۆشێن روسی دا و یێن ھاتین بۆ پشتەڤانیا بەشار ئەسەدی.
ئەڤرۆ نیۆز، سالار دۆسکی
شارەزایەکێ لەشکەری ،ئەگەر بێجێ و رومادی بھێنە پاقژکرن داعش دێ فشارەکا مەزن کەڤیتە سەر پارێزگەھا نەینەوا .
حەسەن جیھاد شارەزایێ لەشکەری زێدەتر بۆ ئەڤرۆ نیۆز گۆت: ئەگەر رومادی و بێجی ھاتە ئازادکرن دێ بیتە فشارەکا باش ل سەر پارێزگەھا نەینەوا و ئەف کارە ل گەل پێشمەرگێ کوردستانێ دھێتەکرن و ل گەل ھەڤپەیمان کو مووسل زوو بھێتە ئازادکرن.
ھەمان شارەزا گۆتژی: ھەکە رقە ژی بھێتە ئازادکرن دێ فشارەکا مەزن ل سەر مووسل دروست کەت و نوکە گەلەک گرنگە یەپەکە و ئەمریکا ھەفکری ھەبیت بۆ گرتنا رقە و ئەڤە ژی دێ بیتە فشار بۆ سەر مووسل کو ب ساناھی بھێتە ئازادکرن .
ئه‌ڤرۆ نيوز:
به‌رى نيڤرۆيا ئه‌ڤرۆ رۆژا پێنجشه‌مبى كۆمبوونا جڤاتا نشتيمانيا بزاڤا گۆڕان ده‌سپێكر ژ بوو دانوستاندنێ ل سه‌ر كاودانێن هه‌رێما كوردستانێ و ده‌ركرنا وێ ژ حوكمه‌تێ.
هشيار عه‌بدولا، ئه‌ندامێ جڤاتا نشتيمانى يا بزاڤا گۆڕان راگه‌هاند بوو: د كۆمبوونا ئه‌ڤرۆ رۆژا پێنجشه‌مبى دا 15ى چريا ئێكێ 2015ێ جڤاتا نشتيمانى يا بزاڤا گۆڕان دێ هه‌موو وان گريمانێن كه‌فتينه به‌ر سينگێ وان گه‌نگه‌شه كه‌ت و هيڤيا وێ چه‌ندێ ژى خواست كو بشێن باشترين گريمان بۆ كارێن داهاتى هه‌لبژێرن.
ئه‌وى ئه‌ندامێ جڤاتا نشتيمانى كو د هه‌مان ده‌م دا سه‌رۆكێ فراكسيۆنا بزاڤا گۆڕانه ل جڤاتا نوونه‌رێن عيراقێ ئاماژه ب وێ چه‌ندێ ژى كربوو: هه‌كه ببينه ئۆپۆزسيۆن وه‌كو به‌رى نوكه نابين و دێ مودێله‌كا نوو يا ئۆپۆزسيۆنێ په‌ياده كه‌ين.
ئەڤرۆ نیوز، ئەیاد بەرواری:
بەرپرسێن بەرھنگاریا تیرۆرێ ل ئەمریکا داخواز ژ کۆمپانیا (تویوتا) یا یابانی کر ھاریکاریا وان بکەت بۆ ئاشکراکرنا وی ژێدەرێ داعش ترومبێلێن جێب و پێک ئاب ژ جۆرێ تویوتا بدەستڤەدئینیت.
کەنالێ (ئەی بی سی) یێ ئەمریکی ژ ھندەک ژێدەرێن حکومی ڤەگوھاست کو واشنتۆن ب دلگرانی سەحدکەتە زێدەبوونا ھژمارا ترومبێلێن تویوتا ددەستێ داعشێ دا کو ئەڤ چەندە د گرتەیێن ڤیدیۆیی دا ئەوێن داعش بەلاڤ دکەت دیاردبیت.
ل دووڤ وی کەنالێ ئەمریکی، تویوتا کو کۆمپانیا دویێ ل جیھانێ ل سەر ئاستێ دروستکرنا ترومبێلان، دیارکریە کو وێ چو پێزانین ل سەر ڤێ پرسێ نینن، لێ ئەو پشتەڤانیێ ل ڤەکۆلینا ژلایێ پشکا بەرھنگاریا دراڤدانا تیرۆرێ ل وەزارەتا دارایی یا ئەمریکی دکەت.
کۆمپانیا تویوتا خویاکریە ژی کو وێ زنجیرا لیستێن فرۆتنا ترومبێلان بۆ رۆژھەلاتا ناڤین و ئەو پێرابوونێن ئەمنی یێن دوەرگریت کو ئەو ترومبێل نەکەڤنە ددەستێ کەسێن دێ بکارئینن د چالاکیێن لەشکری و تیرۆرستی دا، داینە وەزارەتا دارایی یا ئەمریکی، د ھەمان دەمدا دیارکرژی کو ئەو نەشێت وان ترومبێلان دەستنیشان بکەت یێن ھاتینە دزین یان دوبارە فرۆتن ژلایێ ھندەک کەسان ڤە کو چو پەیوەندی ب کۆمپانیا تویوتا ڤە نەبیت.
مارک والاس بالیۆزێ ئەمریکی یێ بەرێ ل نەتەوێن ئێکگرتی و شارەزا د بەرھنگاریا تیرۆرێ دا بۆ کەنالێ ئەمریکی گوت” مخابن ترومبێلێن تویوتا ژ جۆرێ (لاندگرۆز و پێک ئاب ھیلوکس) یێن بووینە پشکەک ژ مارکا داعشێ و ئەو رێکخستیا تیرۆرستی وان ترومبێلان د چالاکیێن لەشکری و تیرۆرێ بکاردئینیت و د ھەموو وان گرتەیێن ڤیدیۆیی دا یێن کو داعش بەلاڤ دکەت، کاروانێ ترومبێلێن تویوتا تێدا دەردکەڤن و ئەڤ چەندە جھێ دلگرانیا مە یا مەزنە.
دھێتە زانین ئەڤە چەندین سالە پرسیار دھێنە کرن ل دۆر بکارئیانا ترومبێلێن تویوتا ژلایێ داعشێ ڤە و ل سالا ٢٠١٤ ێ، ھندەک راپۆرتێن رۆژنامەڤانی بەحس ل پێشکەشکرنا وەزارەتا دەرڤەیا ئەمریکی بۆ ٤٣ ترومبێلێن تویوتا بۆ ئۆپۆزسیۆنا سووری دکر و د راپۆرتەکێ دا کو ژلایێ رۆژنامەکا ئوسترالی ھاتیە بەلاڤکرن بەحس ل بەرزەبوونا ٨٠٠ ترومبێلێن تویوتا ل باژێرێ سیدنی ل سالێن ٢٠١٤ و ٢٠١٥ دکەت و شارەزایێن بەرھنگاریا تیرۆرێ ب دوور نابینن کو ئەو ترومبێل بۆ دەڤەرێن بن دەستێ داعشێ ھاتبنە ھنارتن.
ئەو پێزانینێن کۆمپانیا تویوتا ب خوە داین ئاماژێ ب زێدەبوونا نەچاڤەرێکری د فرۆتنا ترومبێلێن تویوتا ژ جۆرێن (لاندگرۆز و پیک ئاب ھیلوکس) ل عیراقێ دکەن ژ شەش ھزار ترومبێلان ل سالا ٢٠١١ ێ بۆ ١٨ ھزار ترومبێلان ل سالا ٢٠١٣ ێ، لێ رێژەیا فرۆتنێ ل سالا ٢٠١٤ێ بۆ ١٣ ھزار ترومبێلان ھاتە خوار.
ئەو کەنالێ تەلەڤزیونی یێ ئەمریکی ژ زاردەڤێ عەمید (سەعەد معەن) پەیڤدارێ وەزارەتا ناڤخوەییا عیراقێ ڤودگوھێزیت” گومانل دەف مە یا ھەی کو ناڤبەرێن فرۆتنا ترومبێلان ژ دەرڤەی عیراقێ کار ل سەر ئینانا ترومبێلێن تویوتا ب قاچاغی بۆ ناڤ عیراقێ دکەن و حوکمەتا عیراقی ژی نەشێت کونترۆلا سنۆرێ خوە ل گەل سووریێ بکەت.
ئەڤرۆ نیۆز، قائید میرۆ
پەرلەمانتارەکێ پارتی دیموکراتی کوردستان راگەدگەھینە، بەم ب چو شێوەیەکی ناھێلین بەغدا دەستێ خوە دناڤا ئاریشەیێن ھەرێما کوردستانێ وەردەت.
سیراج شێخ ئەحمەد، پەرلەمانتارێ فڕاکسیۆنا پارتی ب ئەڤرۆ نیۆز راگەھاند” ئەگەر بەغدا نیەتا ڤێ چەندێ مایتێکرنێ د ئاریشەیێن ھەرێمێ دا بکەت کو دێ ئاریشەیان چارەسەربکەت و ھەڤکاربیت ئەڤە ئەم پێشوازیا ھەر بزاڤەکێ دکەین.
سیراجی گۆتژی” بەلێ ئەگەر بەغدا بخوازیت وەکی ناڤەند دەستێ خوە بینیت ناڤا ئالۆزیێن ڤێ دوماھیێ دا و وەکی دەستوەردانبیت، ئەڤە ب چو شێوەیەکی ل حوکمەت و بەرپرسێن بەغدا ناھێتە قەبولکرن و ئەم رازینابیت دەستوەردان ھەبیت.
نيشاندان