ئه‌ڤرۆ نیوز: ڤه‌ده‌ر ره‌شاڤایی:
هێزێن پاراستنا گه‌ل یه‌په‌گێ پتری 20 تیرۆرستێن داعش ل رۆژهه‌لاتا حه‌سه‌كێ نزیك گوندێ تل سه‌لمان كوشتن ، ژ نه‌چاری داعش خوه ژ وێ ناوچێ ڤه‌كێشا.
ئه‌ڤه دده‌مه‌كی دایه كو هێزێن یه‌په‌گێ بزاڤێن خوه بۆ پاقژكرنا باژێرێ جه‌رابلوس ل رۆژئاڤایێ كۆبانێ لسه‌ر رووبارێ فورات ده‌ستپێكرینه، ئه‌و جهێ توركیا بزاڤێ دكه‌ت هه‌رێما ئارام لێ چێكه‌ت.
ئه‌ڤرۆ نیوز: ڤه‌ده‌ر ره‌شاڤایی:
فرۆكێن شه‌ركه‌ر یێن توركیا د نووترین هێرشێن خوه دا ل هه‌رێما كوردستانێ چه‌ندین كۆگه‌هێن چه‌كی یێن بنعه‌رد یێن په‌كه‌كێ بۆمبه‌بارانكرن.
ژێده‌رێ، له‌شكه‌رێ توركی ئاشكرا كر كو فرۆكه‌یێن بێ فرۆكه‌ڤان (İHAs) شیابوون وان جهان ده‌ستنیشان بكه‌ن یێن په‌كه‌كه چه‌ك و ته‌قه‌مه‌نیێ لێ ڤه‌دشێریت و لدووڤ دا فرۆكه‌یێن F-16 و F-4 2020 ئه‌و جهـ كرنه ئارمانج.
ئه‌ڤرۆ نیوز: ڤه‌ده‌ر ره‌شاڤایی:
په‌یڤدارێ كۆمسیونا بلندا سه‌ربخۆیا هه‌لبژارتن و راپرسیێ ل هه‌رێما كوردستانێ (شێروان زرار) راگه‌هاند كو بۆ ده‌مێ دو رۆژانه داگرتنا فۆرمێن دامه‌زراندنێ ژ ئالیێ كۆمسیۆنێ ڤه هاتینه راگرتن، بریاره ژی سوبه‌هی جڤاتا كۆمسیۆنێ كۆمببیت بۆ بریاردان لسه‌ر وێ یه‌كێ كا ئه‌و دو رۆژ بهێنه قه‌ره‌بووكرن یان ژی داوی ب ژڤانێ پركرنا فۆرمان بهێـه دان، ژبه‌ركو ئه‌ڤرۆ داوی ژڤان بوو.
هه‌روه‌س ناڤهاتی گۆت كو هه‌یا نها لدووڤ زانیاریان 100 هزار كه‌سان فۆرم بۆ 535 پله‌یێن دامه‌زراندنێ تژی كرنه.
ئه‌ڤرۆ نيوز:
شڤێدى ل پتريا ده‌ڤه‌رێن جيهانێ دياردا غه‌يرينا هه‌يڤێ په‌دا بوو و هه‌رێما كوردستانێ و پارێزگه‌ها دهۆكێ ژى ئێك ژ وان ده‌ڤه‌ران بوو.
هه‌یڤ غه‌یرینا ته‌مام هه‌ڤده‌م ل گه‌ل هاتنه پێشا هه‌یڤێ ب مه‌زنی روو دا، ژ به‌ر كو هه‌یڤ یا ل سه‌ر رێكا خوه بۆ نێزیكترین خالا خۆلگه‌ها وێ ل گه‌ل عه‌ردی.
ئه‌ڤ دیارده كو تێدا رۆژ و ئه‌رد و هه‌یڤ ل ئێك راستێ رێز دبن، یا كێموێنه‌یه داوی جار ل سالا 1982 روودابوو و هه‌یڤ دێ بره‌نگێ سۆر هێته دیتن.
ب گۆره‌يى هنده‌ك ژێده‌رێن نه‌يێن فه‌رمى ئه‌ڤ وێنه هاتينه به‌لاڤكرن و تێدا ئاماژه ب وێ چه‌ندێ دكه‌ن كو ئه‌ڤه ديمه‌نێن غه‌يرينا هه‌يڤێ نه ل پارێزگه‌ها دهۆكێ.
ئەڤرۆنیوز، سالار دۆسکی:
رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ ژڤانێ گەھشتنا ئێکەم کاروانێ حەجیێن پارێزگەھا دھۆکێ ئاشکرا کر.
مالک رەمەزن رێڤەبەرێ په‌یوه‌ندى و راگەھاندنا رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ کو نوکە ل وەلاتێ سعودیێ یە بۆ ئەڤرۆ نیۆز ئاشکراکر کو ئەڤ شەڤە ئێکەم کاروانێ حەجیێن کوردستانێ دێ ب رێکەڤیت و سوبە دێ دگەھیتە ھەولێرێ و ژڤانە رۆژا چارشەمبی ئێکەم کاروانێ حەجیێن پارێزگەھا دھۆکێ بگەھیتە فرۆکخانا ھەولێر کو پێک ھاتینە ژ ٤١٥ حەجیان.
مالکی ئەوچەندەژی ئاشکراکر کو حەجیێن پارێزگەھا دھۆکێ ھەموو ب سلامەتن و ھەموو رێورەسمێن ئاینی بجھئیناینە و ب قوناغا قوناغ دێ ڤەگرنە کوردستانێ.
ئه‌ڤرۆ نيوز:
مه‌سعود بارزانى، سه‌رۆكێ هه‌رێما كوردستانێ راگه‌هاند: حوكمه‌تا هه‌رێما كوردستانێ ئه‌ركێ خوه گه‌هانديه جهـ هه‌مبه‌ر پاراستنا پێكهاتێن نه‌ته‌وى.
ئه‌ڤرۆ نيوز:
وه‌زاره‌تا ئه‌وقاف و كاروبارێن ئاينى ل هه‌رێما كوردستانێ راگه‌هاند كو پشتى ب جهئينانا فه‌ريزا حه‌جێ بڕياره ئه‌ڤ شه‌ڤه حه‌جيێن هه‌رێما كوردستانێ ژ وه‌لاتێ سعوديێ ڤه‌گه‌رنه ناڤ كه‌سوكارێن خوه.
سه‌ردار قوربانى، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل هه‌رێما كوردستانێ د داخۆيانيه‌كێ دا راگه‌هاند كو پشتى ب دووماهى هاتنا ئه‌ركێن حه‌جيان د فه‌ريزا حه‌جێ يا ئه‌ڤ ساله دا، بڕياره‌ئه‌ڤ شه‌ڤه كاروانێ ئێكێ يێ حه‌جيێن هه‌رێما كوردستانێ ب رێيا فرۆكخانا نێڤده‌وله‌تيا هه‌ولێر ڤه‌گه‌رنه ناڤ كه‌سوكارێن خوه.
سێ هزار و 650 حه‌جيێن هه‌رێما كوردستانێ بۆ ب جهئينانا فه‌ريزا حه‌جێ به‌ر ب وه‌لاتێ سعوديێ چووبوون و ژ وان ژى چار حه‌جيان گيانێ خوه ژ ده‌ست دايه و حه‌جيايه‌كێ ژى زارۆيه‌ك بوويه.
ئه‌ڤ ساله د دو بوويه‌ران دا، زێده‌ترى هزار كه‌سان بوونه قوربانى كو يا به‌رى مه‌زن ئه‌و بوو يا د رۆژا ئێكێ جه‌ژن دا روودايى و نێزيكى 800 كه‌سان تێدا گيانێ خوه ژ ده‌ست دا.
ئه‌ڤرۆ نيوز:
پشتى گه‌هشتنا خوه بۆ نيويۆرك د چاڤپێكه‌فتنه‌كێ دا ل گه‌ل چه‌ند كه‌نالێن ئه‌مريكى، فلاديمێر پۆتن، سه‌رۆكێ رۆسيا ئاماژه ب قه‌يرانێن سوريا كر و پشته‌ڤانيا مۆسكۆ بۆ به‌شار ئه‌سه‌د سه‌رۆكێ سوريا دوپاتكر.
پۆتن راگه‌هاند: د ئاماده‌ينه هاريكاريا وه‌لاتێ سوريا د سێ رێيان دا بكه‌ين؛ هنارتنا چه‌كى بۆ حوكمه‌تا سوريا، مه‌شق و راهێنان و هاريكاريا مرۆڤى ژى، ئه‌ڤه ژى د چارچۆڤێ قانوونێن نێڤده‌وله‌تى دا.
پۆتن ته‌كست ل سه‌ر وێ چه‌ندێ كر كو به‌شار ئه‌سه‌د ب تنێ ده‌سته‌لاتا شه‌رعى يه ل سوريا و پێدڤيه كۆمه‌لگه‌ها نێڤده‌وله‌تى هاريكاريا وى بكه‌ن بۆ روو ب رووبوونا تيرۆرێ.
ئەڤرۆ نیوز، بارزان مزووری:
تارق سلێمان ھەرنی، فەرماندێ فەرماندەیا سپیلک ل میحوەرێ تلسقوف، بۆ ئەڤرۆ نیوز ئاشکرا کر کو ئەو چەکێ د نھا د دەستێن پێشمەرگەی دا نه‌يێ پێشكه‌فتى يه و پێشمەرگە ب ڤی چەکی نەشێت پشكداريێ د پروسا رزگارکرنا مووسل دا بکەت.
زێده‌تر گۆت: “له‌شكر ب چه‌كى له‌شكره، ئه‌م پێدڤى ب چه‌كه‌كێ مه‌زن و پێشكه‌فتى نه هه‌تا بشێين پشكداريێ د پرۆسا ئازادكرنا باژێرێ مووسل دا بكه‌ين”.
دا زانين ژى كو د سه‌ر وێ چه‌ندێ ژى ئه‌و د ئاماده‌باشيێ دانه و بۆ پشكداريكرنێ دێ چاڤه‌رێ بڕيارا سه‌رۆك بارزانى بن و گۆت: “بڕيارا دووماهيێ يا جه‌نابێ سه‌رۆك بارزانى يه”.
تارق سلێمان هه‌رنى ئاماژه ب وێ چه‌ندێ ژى كر كو ل ميحوه‌رێ تلسقوف يێ كو نوكه ئه‌و لێ، داعش يا بێ هێزه و ب تنێ هنده‌ك جاران ب هاونا دهاڤێژن و گۆت: “ئه‌و داعشا هێرش دكره سه‌ر پێشمه‌رگه‌يى نه‌مايه و ژ لايێ پێشمه‌رگه‌يى و هێزێن هه‌ڤپه‌يمانان ڤه يا هاتيه ژناڤبرن”.
نيشاندان