ئه‌ڤرۆ نيوز:
شيرين ره‌زا، په‌رله‌مانتارا فراكسيۆنا گۆڕان ل جڤاتا نوونه‌رێن عيراقێ بۆ ده‌زگه‌هێن ميديايى يێن عيراقى راگه‌هاند: ل سه‌ر حوكمه‌تا هه‌رێما كوردستانێ پێدڤيه پارێ داهاتێ په‌ترۆلێ يێن هه‌رێما كوردستانێ ره‌وانه‌يى به‌غدا بكه‌ن و بده‌نه ده‌ست حوكمه‌تا عيراقێ دا كو پشكا بۆدجێ هه‌رێما كوردستانێ ره‌وانه بكه‌ت.
ئه‌ڤرۆ نيوز:
پشتى دوورخستنا گۆڕان ژ حوكمه‌تێ، ئيسلاميا بۆچوونێن جودا يێن هه‌ين، ئێكگرتوو دێ خواندنه‌كێ كه‌ين و كۆمه‌ل ره‌تدكه‌ت. پارتى ديموكراتى كوردستان نيه‌تا هه‌يى ل گه‌ل ئێكگرتوو و ئێكه‌تيێ حوكمه‌تا نوو پێكبينيت.
سه‌مير سه‌ليم، هاريكاريا ئه‌ميندارێ گشتى يێ ئێكگرتوويا ئيسلامى كوردستان بۆ رووداو گۆت: “هه‌تا نوكه ب فه‌رمى داخوازيه‌كا ژ ڤى ره‌نگى پێشكێشى مه نه‌هاتيه كرن”.
ئێكگرتوو وێ پشنيازێ ئێكسه‌ر ره‌تناكه‌ت، سه‌مير سه‌ليم دبێژيت: “هه‌ر ده‌ما ب فه‌رمى داخوازه‌كا ژ ڤى ژ ره‌نگى ژ مه هاته كرن، كۆمبوونا سه‌ركرداتيا ئێكگرتوو دێ هێته كرن و ل وێرێ بڕيار دێ هێته دان”.
به‌لێ كۆمه‌لا ئيسلامى كوردستان ڤێ پێنگاڤا پارتى ره‌ت دكه‌ت و دبێژيت: “ده‌مێ وێ چه‌ندێ نينه”. ئه‌نوه‌ر سه‌نگاوى، كارگێرێ مه‌كته‌با سياسى يا كۆمه‌لا ئيسلامى بۆ رووداو گۆت: “د ڤى ده‌مى دا باش نينه، به‌حس ل ژناڤبرنا حوكمه‌تا بهێته كرن، چونكو پشتگوهخستنا هه‌ر پێك ژ ڤان پێنج لايه‌نان يا خرابه”.
ئەڤرۆ نیۆز، قائید میرۆ:
پارتی دیموکراتی کوردستان ئاشکرا کر، دکتۆر جەعفەر ئیبراھیم ل جھێ دکتۆر یوسف مەحەمەد دێ ببیتە سەرۆکێ پەرلەمانێ کوردستانێ.
ژێدەرەکی ژ فڕاکسیۆنا پارتی دیموکراتی کوردستان بۆ ئەڤرۆ نیۆز راگەھاند”ب گورەی پەیڕەوێ نافخۆیێ پەرلەمانێ کوردستانێ د دەمێ بەرھەڤنەبوونا سەرۆکێ پەرلەمانی جێگرێ سەرۆکێ پەرلەمانی دکاریت سەرۆکایەتیا پەرلەمانی بکەت و روونشتنێن پەرلەمانی رێڤەببەت”.
ژێدەری دیارکر، پارتی ل بەرە دکتۆر جەعفەر ئیبراھیم جێگرێ سەرۆکێ پەرلەمانی ببیتە سەرۆکێ پەرلەمانێ کوردستانێ و جھێ دکتۆر یوسف مەحەمەد بگریت، ھەروەسا دکتۆر یوسف دکاریت وەکی پەرلەمانتار دکارێ خوە دا بەردەوام بیت.
ئەڤرۆ نیۆز، قائید میرۆ:
پەرلەمانتارەکا پارتی دیموکراتی کوردستان ئاشکراکر، دەزگەھێن ئەمنی رێکنەدا سەرۆکێ پەرلەمانی بھێتە پەرلەمانی و کۆمبوونا پەرلەمانی ژی ناھێتە ئەنجامدان.
دکتۆر شیرین حوسنی،پەرلەمانتارا پارتی ب ئەڤرۆ نیۆز راگەھاند” پشتی شەڤا بۆری پارتی بڕیارا دەرکرنا بزاڤا ژ حوکمەتێ دای، ئەڤرۆ رێکنەھاتەدان سەرۆکێ پەرلەمانی بھێتە پەرلەمانی و ھێزەکا ئەمنی بۆ پاراستنا رەوشا پەرلەمانی ل ئاڤاھیێ پەرلەمانینە.
شیرین حوسنی گۆتژی” نوکە دەوام یا ئاسایە لپەرلەمانی و ئەم لپەرلەمانینە و ھژمارەک پەرلەمانتارێن گۆڕانژی ھاتینە پەرلەمانی و کەس رێگری لێ نەکریە و پەرلەمانتارێن گۆڕان دکارن بەردەوامبن ل کارێ خوە تنێ وەزیرێن گۆڕان و سەرۆکێ پەرلەمانی ھاتینە دورخستن.
ئەڤرۆ نیۆز، قائید میرۆ:
پشتی بەلافبوونا نوچەیێ گازیکرنا دکتۆر ئاشتی ھەورامی پەرلەمانتارەکێ پارتی ل لیژنا سامانێن سرۆشتی بێ ئاگەھیا خوە ژ گازیکرنا ھەورامی راگەھاند.
عەلی ھالو، پەرلەمانتارێ پارتی یێ لیژنا سامانێن سرۆشتیا پەرلەمانێ کوردستانێ ب ئەڤرۆ نیۆز راگەھاند” ئەم ئاگەھداری گازیکرنا دکتۆر ئاشتی ھەورامی وەزیرێ سامانێن سرۆشتی بۆ پەرلەمانێ کوردستانێ نینە.
ھالو دیارکر، چو راستی بۆ گازیکرنا ھەورامی نینە، ژبەرکو ئەگەر ھاتبا لیژنا سامانێن سرۆشتی ئەز بخوە ئەندامێ لیژنێ مە دا یێ ئاگەھداربم.
ئه‌ڤرۆ نيوز:
محه‌مه‌د حاجى مه‌حمود، سكرتێرێ حزبا سوسياليست ديموكارتى كوردستان د راگه‌هاندنه‌كێ دا كو وێنه‌ك بۆ ئه‌ڤرۆ نيوز ره‌وانه كريه، تێدا هاتيه: “پێدڤيه ل سه‌ر پێنج حزبێن پشكدارى حوكمه‌تێ دا ل به‌رامبه‌ر هه‌ستكرن ب وان مه‌ترسيێن ل سه‌ر كوردستانێ و ده‌سكه‌فتان كۆم ببن و چاره‌سه‌ريا ڤان كێشان بكه‌ن.
ئه‌ڤرۆ نيوز:
نڤيسينگه‌ها راگه‌هاندنێ حه‌يده‌ر عه‌بادى، سه‌رۆك وه‌زيرێن عيراقێ، به‌ياننامه‌ك به‌لاڤكر و تێدا هاتيه: “حه‌يده‌ر عه‌بادى سه‌رۆك وه‌زيرێن عيراقێ، داخوازێ ژ حوكمه‌تا هه‌رێمێ و لايه‌نێن سياسى دكه‌ت، هه‌موو شيانان بێخنه كار بۆ پاراستنا ئه‌من و ئاسايشا هه‌رێمێ دا كو كاودانان باشتر لێ بكه‌ن”.
ئاماژه ب وێ چه‌ندێ ژى كر، پێدڤيه ب دانوستاندن و گه‌نگه‌شا دستوورى، كێشان چاره بكه‌ن و خوه دوور بكه‌ن ژ ب بكارئينانا هێزێ.
هه‌ڤده‌م حه‌يده‌ر عه‌بادى، دلته‌نگيا خوه ده‌ربڕيه كو ژ ئه‌گه‌رێ وان توندوتيژيان د ماوێ چه‌ند رۆژێن بۆرى دا دروست بووينه، داخوازێ ژى دكه‌ت رێزێ ل مافێ خونيشاندانێن ئاشتيانه بگرن و ئاسايشێ و سه‌روه‌ت و سامانێ وه‌لاتيان ب پارێزن.
ئەڤرۆ نیۆز، قائید میرۆ
دەمەکی بەری نوکە ھژمارەکا گەنج و سنێلەیێن گۆڕان بارەگەھێ لقا ١٢ یا پارتی ل ھەلەبچە دۆر پێچکریە و بزاڤێن سوتنا لقێ دکەن.
ژێدەرەکی دناڤا لقا دوازدەیا پارتی ب ئەڤرۆ نیۆز راگەھاند” پشتی ئەڤرۆ مامۆستایێن ئاینی ھاتینە لقێ گەرەنتی دایە پارتی دێ بارەگەھێ وان ھێنە پاراستن و چو خۆنیشاندان بۆسەر لقێ پارتی ناھێنەکرن.
ژێدەری گۆتژی” بەلێ دەمەکی بەری نوکە ھژمارەکا زۆرا گەنج و سنێلا ھاتینە بەردەرگەھێ لقێ و دخوازن لقێ کۆنتڕۆلبکەن، بەلێ ژلایێ ھێزێن ئەمنی رێکپێناھێتەدان، پتریا وانژی سەر ب بزاڤا گۆڕانن و ئێکەتیێ دەست تێدا ھەیە.
ئەڤرۆنیۆز، سالار دۆسکی:
پەیڤدارێ دەستەیا گەشت و گوزارێ ل حوکمەتا ھەرێما کوردستانێ ئاشکراکر کو ئالوزی و خونیشادانێن نوکە ھەر دو پارێزگەھا سلێمانیێ و ھەلەبچە گرتین دێ بیتە ھوکارێ کێم بوونا گەشتیاران بۆ ھەرێما کوردستانێ. نادر روستی پەیڤدارێ دەستەیا گەشت و گوزارێ ل حوکمەتا ھەرێما کوردستانێ بۆ ئەڤرۆ نیۆزگۆت: ئالوزیێن نوکە ھەر دو پارێزگەھێن سلێمانیێ و ھەلەبچە گرتی دێ بیتە ھوکارێ کێم بوونا گەشتیاران بۆ ھەرێما کوردستانێ و ئەڤە دەمەکی دا کو پتر گەشتیارێ کوردستانێ یێ ناڤەراست و باشورێ عیراقێ بووینە. روستی گۆت ژی: ھەموو پێشبینی بەر ب وێ چەندێ دچوون کو ئەڤان شەش ھەیڤێن دووماھیێ ل ئەڤ سالە رێژا گەشتیاران زێدەتر لێ بھێت ژ سالا بوری، لێ ئەگەر کاودان بڤی رەنگی بیت دبیت پێشبینیێن مە وەکی مە ھزر کری نە دەرکەڤن.
ئه‌ڤرۆ نیوز:
وه‌زاره‌تا پێشمه‌رگه‌ى د به‌یاننامه‌كێ دا داخواز دكه‌ت كو د خونیشاناندا په‌نا بۆ كارێن توندوتیژیێ نه‌هێته كرن و دیاركریه” توندوتیژیێ د خونیشادانان دا بكار نه‌ئینن، نابیت پێشمه‌رگێ د سه‌نگه‌ران دا، دلى وى ل دیف خێزان و كه‌س و كار و زارۆیێن وى را بیت.
وه‌زاره‌تا پێشمه‌رگه‌ى داخواز ژ چین و توێژ و لایه‌نێن سیاسى كریه كو ب ره‌نگه‌كێ ل سه‌ر خو و ئاشتیانه و ب رێكێن قانوونى داخوازا مافێن خوه بكه‌ن و دویر ژ توندوتیژیێ و هێرش كرنا سه‌ر باره‌گا و جهێن گشتى.
نيشاندان