ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشمانیا كوردستانێ راگه‌هاند : ماوه‌كێ دى دێ دانوستاندێن دانوستاندنا لایه‌نێن سیاسى ب ره‌نگه‌كێ دو قولى و سێ قولى ده‌ستپێكه‌ن بۆ وێ یه‌كێ رێكه چاره‌یه‌كى بۆ ڤێ ره‌وشا هه‌رێمێ ببینین”
مه‌لا به‌ختیار د وێ باوه‌رێ دایه یان دڤێت هه‌لبژارتنێن پێشوه‌خت بهێنه كرن، یان دڤێت ئه‌ڤ خولا په‌رله‌مانى ب حكومه‌تا به‌فره‌هـ یا به‌رده‌وام بیت.
ئه‌ڤرۆ نیوز:
ئارێز عه‌بدولا ئه‌ندامێ په‌رله‌مانێ عیراقێ راگه‌هاند كو ل روونشتنا ئه‌ڤرۆ یا په‌رله‌مانێ عیراقىچ، په‌رله‌مانى ده‌ستهه‌لاتا چاكسازیێ ژ حه‌یده‌ر عه‌بادى سه‌رۆك وه‌زیرێن عیراقێ ستاند.
جهێ ئاماژه پێ كرنێ یه كو چاكسازیێن حه‌یده‌ر عه‌بادى یێ سه‌رۆك وه‌زیرێن عیراقێ ببو ئه‌گه‌رێ نه‌رازیبوونا لایه‌نێن سیاسى، له‌ومان ژى په‌رله‌مانێ عیراقێ ده‌ستهه‌لاتا ئه‌نجامدانا چاكسازیێ ژ عه‌بادى ستاند.
ئەڤرۆ نیوز، قائید میرۆ:
ئەڤرۆ رۆژا دوشه‌مبى ژمارەکا تەرمێن چەکدارێن داعش گه‌هشتنه نەخۆشخانەیێن مووسل و پتریا وان ژی داعشێن بیانی بوون.
ژێده‌ره‌كێ ئاگه‌هدار ژ ره‌وشا مووسل بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 2ى چريا دويێ 2015 ته‌رمێ 34 چه‌كدارێن داعش گه‌هشتيه نه‌خۆشخانه‌يێن باژێر مووسل و پتريا وان ژى ته‌رمێن چه‌كدارێن بيانى بوون”.
ژێدەرێ نەڤیاى ناڤێ وی بھێتە بەلاڤکرن دیارکر، ئەف تەرمێن تیرۆرستێن داعش ھەموو ئەڤن یێن ل ڕۆژێن بۆری ژ لایێ ھێزێن پێشمەرگەیێن کوردستانێ و فڕۆکەیێن ھەڤپەیمانان ھاتینە کوشتن.
ئەڤرۆ نیوز، قائید میرۆ:
پارتی دیموکراتی کوردستان دو پۆستێن دی يێن بزاڤا گۆڕان ل پارێزگەھا ھەولێرێژێ وەرگرتن.
خانزاد مام وه‌سۆ، جێگرا سەرۆکا فڕاکسیۆنا پارتی ل جڤاتا پارێزگەھا ھەولێرێ بۆ ئەڤرۆ نیۆز گۆت: “پشتی مەکتەبا سیاسیا پارتی بڕیارا دۆرخستنا بزاڤا گۆڕان ژ حوکمەتێ داى، ل ھەولێرێ ژی ھەردو پۆستێن رێڤەبەرێ گەشتوگوزار و ئاڤه‌دانکرنێ ژ گۆڕان وەرگرتن”.
خانزاد خانێ گۆتژی: “ھەردو پۆست ژ لایێ وەزیرێن پەیوەندیدار رێڤەبەر بۆ ھاتینە دیارکرن و ب شێوەیەکێ کاتی دھێنە برێڤەبرن، چونکە بەری نوکە ب گورەی رێکەفتنێ ب گۆڕان ھاتبوونە دان”.
ئەڤرۆ نیوز : غیاس زێباری:
سەربەست تروانشی بەرپرسێ میحوەرێ ناوەران بۆ ئەڤرۆ نیوز گۆت: “ل شەڤا 1 ل سه‌ر 2ى چريا دويێ 2015 پشتی چەکدارێن تیرۆرستێن داعش ل گوندێن خورسەباد و باریمان دەست ب جموجولا کری ئێکسەر ژ لایێ توپختنەیا ھێزا پشتەڤانیا ئێک و فرۆکەیێن ھەڤپەیمانان بنگەە و بارەگایێن وان چەکێن گران ھاتنە توپ بارانکرن و بومبەباران کرن”.
دا زانین ژی کو ل دووڤ زانیارێن باوەرپێکری 10 چەکدارێن تیرۆرستێن داعش ھاتنە کوشتن و ھژمارەک ژی بریندار بووینە و بنگەھەکێ رۆکێت ھاڤێژێن وان ھاتیە ژناڤ برن.
تروانشی گۆتژی: “مۆرالا پێشمەرگەھی یا بلندە و بۆ ھەر فەرمانەکێ پێشمەرگەھیًَ بەرھەڤە بۆ بەرگریکرنێ ل کوردستانێ”.
ئه‌ڤرۆ نيوز:
فه‌رماندێ ئۆپه‌راسيۆنێن له‌شكرى يێن ئه‌نبا ته‌كستێ ل سه‌ر وێ چه‌ندێ دكه‌ت سۆپا و هێزێن ئه‌منى شيان د رێيا پره‌كا ستراتژى ل باكوورێ روومادى بچنه ناڤ ناڤه‌ندا باژێرى و كونترۆل بكه‌ن.
ليوا روكن ئيسماعيل مه‌حلاوى، فه‌رماندێ ئۆپه‌راسيۆنا له‌شكرى يا ئه‌نبار د داخۆيانيه‌كا رۆژنامه‌ڤانى دا ئاشكه‌را كر كو سۆپا و هێزێن ئه‌منى يێن عيراقێ شياينه د رێيا پرا ئه‌لبۆفراجى ل باكوورێ روومادى بگه‌هنه ناڤه‌ندا باژێرى و كونترۆل بكه‌ن.
ب گۆتنا مه‌حلاوى ل ده‌مێ چوونا ناڤ باژێرى هێزێن وان شيان ل ناڤه‌ندا باژێرێ روومادى، پێكدادانه‌كا دژوار د ناڤبه‌را چه‌كدارێن داعش و هێزێن ئه‌منى دا روودا.
ژ دوهى وه‌ره ئۆپه‌راسيۆنه‌كا مه‌زن يا له‌شكرى بۆ كونترۆلكرنا روومادى ده‌سپێكر ئه‌وا چه‌ند رۆژ بوو ژ ئه‌گه‌رێ باران بارينێ هاتيه راگه‌هاندن.
ئه‌ڤرۆ نيوز:
هێشتا پارتى ديموكراتى كوردستان ل پارێزگه‌ها سلێمانيێ و ئيدارا گه‌رميان باره‌گايێن خوه ژ هێزێن ئه‌منى وه‌رنه‌گرتينه، ده‌رباره‌ى نووژه‌نكرنا ئه‌و زيانێن ب باره‌گايێن وان كه‌فتين، پارتى چاڤه‌رێ بڕيارا دادگه‌هێ يه، كا دێ ئه‌و نووژه‌ن كه‌ن يان ژى حوكمه‌ت.
پشتى خونيشاندانێن قه‌لادزێ ل شه‌ڤا 9ى چريا ئێكێ يا 2015ێ ئالوزى په‌يدا بووين و كوشتى و بريندار ل دووڤ خوه‌نيشاندانان كه‌فتين، هه‌ر وێ شه‌ڤێ هێرش كره سه‌ر باره‌گايێ ناوچا پارتى و سوت، رۆژا پاشتر خوه‌نيشاندان به‌رفره‌هتر لێ هاتن و ئه‌و هێرش ژى به‌رفره‌هتر لێ هاتن و هنده‌ك باره‌گايێن دى ژى يێن پارتى سوتن و به‌رده‌وام خوه‌نيشاندان به‌رفره‌هـ بوون و سه‌ركرداتيا پارتى ژى ل سلێمانيێ بڕيار دا ئه‌و باره‌گايێن وێ يێن ل سلێمانيێ راده‌ستى هێزێن ئه‌منى بكه‌ت.
ل سنورێ جڤاتا سه‌ركرداتيا پارتى ل پارێزگه‌ها سلێمانيێ لقێن چار ل ناڤ باژێرێ سلێمانيێ، 21ێ دوروبه‌رێن سلێمانيێ و 11ێ رانيێ و 12ێ هه‌له‌بچه‌يا شه‌هيد يێن هه‌ين. ديسا لقێن 19ێ چه‌مچه‌مال و 22ێ گه‌رميان سه‌ر ب جڤاتا سه‌ركرداتيا كه‌ركووك – گه‌رميانن. لقێن چار و 11 و 21 و 22 هه‌ر ئێك ژ هه‌شت ناوچان پێك دهێت و لقێ 12ێ ژى 11 ناوچه و لقێ 19ێ ژى 9 ناوچه يێن هه‌ين.
ب گشتى 46 باره‌گايێن پارتى يێن ل سنورێ جڤاتا سه‌ركرداتيا پارتى ل سلێمانيێ و كه‌ركووك – گه‌رميان راده‌ستى هێزێن ئه‌منى كرين و هه‌تا نوكه وه‌رنه‌گرتينه.
ب گۆره‌يى ئه‌و پێزانينێن ل به‌ر ده‌ست زيانێن ل كه‌لار ب تنێ ب باره‌گايێ پارتى ديموكراتى كوردستان كه‌فتين ب بهايێ 80 هزار دۆلارانه، سه‌ركرداتيا پارتى ديموكراتى كوردستان لژنه‌ك ژى پێكئينايه و پشتى زانينا زيانا دێ سكالايێ تۆمار كه‌ن.
فارس نه‌رۆلى، ئاخفتنكه‌رێ ب ناڤێ جڤاتا سه‌ركرداتيا پارتى ديموكراتى كوردستان ل سلێمانيێ بۆ رووداو گۆت: “دێ چاڤه‌رێ بڕيارا دادگه‌هێ كه‌ين كا ئايا ئه‌م دێ وان باره‌گايان نووژه‌ن كه‌ين يان ژى دێ حوكمه‌ت نووژه‌ن كه‌ت”.
ئەڤرۆ نیوز:
ئەندامەکێ سەرکرداتیا پارتی دیمۆکراتی کوردستان ئاشکراکر، ھەکە بزاڤا گۆڕان ل دۆر کریارێن ل ھەمبەر پارتی کرین داخوازا لێبۆرینێ بکەت، دێ دەست ب دانوستاندنان کەینە ڤە.
عەلی حسێن بۆ رۆژناما ئەڤرۆ گۆت: (مە ھەلویستەکێ سیاسی ل ھەمبەر گۆڕان وەرگرتیە، چونکو مە رێککەفتن ل گەل ھەبوو پێکڤە شریکبین د دەستھەلاتێ دا، لێ وێ ئەف شریکاتیە قەبوول نەکر و ل ٢٣ی خزیرانێ تێکدا، ئەو ھەلویستێ پارتی ھەمبەر سەرۆکێ پەرلەمانی و وەزیران بوو، لێ یا وەزیران ژی ھەر ل گەل گۆڕان بوو نەک شەخسێ وەزیران).
ئەندامێ سەرکرداتیا پارتی ئاشکرا ژی کر ھەکە گۆڕان ل سەر ھەلویستێ خوە یا بەردەوامبیت، ناھێلین گۆڕان ب چو شێوەیەکی ڤەگەڕیتە د دەستھەلاتێ دا.
ئه‌ڤرۆ نيوز:
ئەندامەکێ لیژنا پەروەردێ و خواندنا بلند ل پەرلەمانێ کوردستانێ ئاشکرا کر کو ٣٠ قوتابیێن کورد ل زانکۆیا ئەزھەر ل وەلاتێ مسرێ ھاتنە دەرخستن، ژبەر کو وەزارەتا ئەوقافێ ژ لایێ ئێمناھیێ ڤە گەرەنتی نەدایە وان.
د.شوان قەلادزەیی، ئەندامێ لژنا پەروەردێ و خواندنا بلند ل پەرلەمانێ کوردستانێ بۆ رۆژناما ئەڤرۆ دیار کر ل دووڤ رێکەفتنەکا دناڤبەرا وەزارەتا ئەوقاف و کاروبارێن ئایینی یا حوکمەتا ھەرێما کودرستانێ و زانکۆیا ئەزھەر ل وەلاتێ مسڕی، بڕیار دایە ھەموو سالان ئێکەمێن پەیمانگەھا ئەزھەر ل ھەرێما کوردستانێ ل زانکۆیا ئەزھەر بھێنە وەرگرتن و گۆت:” ئەڤ سالە ٣٠ ژ وان قوتابیێن ل پەیمانگەھا ناڤبری دەرچووین ل زانکۆیا ئەزھەر ل وەلاتێ مسرێ ھاتینە وەرگرتن ، بەلێ پشتی بۆرینا ھەیڤەکێ ل وەلاتێ مسرێ ئەڤ ھژمارا قوتابیێن کورد ژ زانکۆیا ئەزھەر ھاتنە دەرخستن و ب زۆری ب رێیا فڕۆکخانا نێڤدەولەتیا ھەولێرێ ڤەگەڕیانە کوردستانێ”.
ناڤھاتی ئاماژە دا وێ چەندێ ژی کو وەزارەتا ئەوقاف و کاروبارێن ئایینی ل حوکمەتا ھەرێما کوردستانێ گەرەنتیا ئێمناھیێ نەدابوو ڤان قوتابیان ژبەر ڤێ چەندێ ژ زانکۆیا ناڤبری ھاتنە دەرخستن و رەنگە دەستەکێ سیاسی ژی ل پشت ڤێ چەندێ ھەبیت و گۆت:” ئەڤە ئێکە ژ شکەستنێن وەزارەتا ئەوقافێ و بێ بەھرکرنا قوتابیێن پەیمانگەھا ئەزھەر ل ھەرێما کوردستانێ ل زانکۆیا ئەزھەر ل وەلاتێ مسرێ، ژبەر ڤێ چەندێ پێدڤیە ئەڤ قوتابیێن ھەرێما کوردستانێ سکالایەکا قانوونی ل سەر وەزارەتا ئەوقافێ تۆماربکەن و داخوازا قەرەبووکرنێ ژێ بکەن، چونکی وان قوتابیان پارەکێ زۆر مەزاختیە ھەتا گەھشتینە وەلاتێ مسڕێ و ھەرێما کوردستانێ نەشیایە گەرەنتیا ئێمناھیێ بدەتە وان”.
نيشاندان