ئه‌ڤرۆ نیوز:
ل دووڤ ئه‌نجامێن راپرسیا كومپانیا گه‌زیجى، دهه‌لبژارتنێن پێشوه‌خت یێن په‌رله‌مانێ توركیا دا، ئاكه‌په دێ 18 كورسیێن دى ژ ده‌ست ده‌ت و هه‌ده‌په دێ ژمارا كورسیێن خوه بۆ 83 كورسیان زێده كه‌ت.
كومپانیا گه‌زیجى بۆ راپرسیان ل توركیا ل رۆژانێن 22 هه‌تا 23 ته‌باخێ ل ناڤ چار هزار و 860 كه‌ساندا ئه‌نجامدابوو و ل 36 پارێزگه‌هێن توركیا راپرسى ئه‌نجامدایه.
ئه‌ڤرۆ نیوز:
وه‌زیرێ نه‌فتا عیراقێ راگه‌هاند شاندێ بلندێ هه‌رێما كوردستانێ ل چه‌ند رۆژێن بهێت دێ سه‌ره‌دانا به‌غدا كه‌ت.
د چوارچوڤێ كومبوونا پارێزگه‌هان سه‌باره‌تا برێڤه‌برنا دوسه‌یا نه‌فتێ كو ل پارێزگه‌ها زیقار برێڤه‌چوو، عادل عه‌بدولمه‌هدى وه‌زیرێ نه‌فتا عیراقێ د كۆنگره‌یه‌كێ رۆژنامه‌ڤانى دا گوت” شانده‌كێ بلندێ هه‌رێما كوردستانێ ل چه‌ند رۆژێن دێ سه‌ره‌دانا به‌غدا كه‌ت ب مه‌ره‌ما شروڤه‌كرنا پرسا رێككه‌فتنا نه‌فتێ و پشكا هه‌رێمێ ژ پرۆژه قانوونا بودجێ 2016 یێ عیراقێ”.
ئه‌ڤرۆ نيوز:
هه‌ڤسه‌رۆكێ پارتيا ديموكراتا گه‌لان “هه‌ده‌په” پێشبينى دكه‌ت د هه‌لبژارتنێن په‌رله‌مانى يێن رۆژا ئێكشه‌مبى دا زێده‌تر ژ 13% يا ده‌نگان ب ده‌ست ڤه بينن.
سه‌لاحه‌دين ده‌ميرتاش هه‌ڤسه‌رۆكێ پارتيا ديموكراتا گه‌لان “هه‌ده‌په” د چاڤپێكه‌فتنه‌كێ دا ل گه‌ل پشكا كوردى يا ده‌نگێ ئه‌مريكا گۆت: “د هه‌لبژارتنێن به‌رێ دا نه‌حه‌قيه‌كا مه‌زن ل به‌رامبه‌ر كودان كريه و پارتا ئاكپارتى يا ده‌سته‌لاتدار ب هه‌موو ره‌نگه‌كى فشار د خسته سه‌ر وان ژ ده‌سته‌سه‌ركرنا ئه‌ندامان و رێگرتن ژ كه‌مپينێن هه‌لبژارتنان و گه‌له‌ك كارێن دى”.
هه‌ڤسه‌رۆكێ پارتيا ديموكراتا گه‌لان “هه‌ده‌په” ئاشكرا ژى كر كو پێشبينى دكه‌ن د هه‌لبژارتنێن په‌رله‌مانى دا يێن رۆژا ئێكشه‌مبى زێده‌تر ژ 13% ژ ده‌نگان ب ده‌ست ڤه بينن.
ئه‌ڤرۆ نيوز:
هه‌ر چه‌نده ده‌نگويێ وێ چه‌ندێ هه‌يه كو قانوونا بودجه‌ى گه‌هشتيه جڤاتا نوونه‌رێن عيراقێ و دێ ل ده‌مه‌كێ نێزيك دانوستاندن ل سه‌ر هێته كرن، به‌لێ ئه‌ندامه‌كێ لژنا دارايى ڤێ چه‌ندێ ره‌تدكه‌ت.
حاكم سه‌رحان سلێڤانه‌ى، ئه‌ندامێ لژنا دارايى ل جڤاتا نوونه‌رێن عيراقێ بۆ ئه‌ڤرۆ نيوز گۆت: “ب گۆره‌يى داخۆيانيا سه‌رۆكێ په‌رله‌مانى هێشتا پرۆژێ قانوونا بودجا عيراقێ يا سالا 2016ێ نه‌گه‌هشتيه جڤاتا نوونه‌رێن عيراقێ”.
ئه‌ڤى نوونه‌رى ئه‌و هه‌موو ده‌نگۆ ژى ره‌تكرن يێن به‌حس ل وێ چه‌ندێ دكه‌ن كو بودجه يێ گه‌هشتى و جڤاتا نوونه‌ران دێ دانوستاندنێ ل سه‌ر كه‌ت.
ئەڤرۆ نیۆز، قائید میرۆ:
بڕیارە ڤێ حەفتیێ پەرلەمانێ کوردستانێ جارەکادی دەست ب کارێن خوە بکەت و جێگرێ سەرۆکێ پەرلەمانی دێ ل جھێ سەرۆکێ پەرلەمانی بیت.
ڤەمان فەیسەل، ئەندامێ لیژنا قانوونی یا پەرلەمانێ کوردستانێ بۆ ئەڤرۆ نیۆز راگەھاند” پشتی تژیکرنا پۆستێن بزاڤا گۆڕان ل حوکمەتێ، ڤێ حەفتیێ دێ پێنگاڤا دویێ ل پەرلەمانی دەستپێکەت و پەرلەمانی ھەتا دووماھیێ ب ڤی شێوەی یێ بێدەنگ نابیت و دێ کارێ خوە كه‌ت.
ڤەمانی گۆتژی”ب گورەی ماددێ ٢٢ یێ پەیڕەوێ نافخۆیێ پەرلەمانی جێگرێ سەرۆکێ پەرلەمانی ددەمێ بەرھەڤنەبوونێ دشێت جھێ سەرۆکێ پەرلەمانی بگریت، ھەروەسا گورەی ماددێ ١٨ ددەمێ بەرھەڤنەبوونا سەرۆکێ پەرلەمانی جێگرێ سەرۆکێ پەرلەمانی دشێت ھەموو دەستھەلاتێن سەرۆکێ پەرلەمانی بکاربینیت، کو قانوونێ بۆدیارکرینە.
ئه‌ڤرۆ نيوز:
كوچكا سپى د به‌ياننامه‌كێ دا ئاشكه‌را كر كو باراك ئۆباما سه‌رۆكێ ئه‌مريكا و حه‌يده‌ر عه‌بادى سه‌رۆك وه‌زيرێن عيراقێ د په‌يوه‌نديه‌كا تله‌فۆنى دا كاودانێن عيراقێ و ده‌ڤه‌رێ گه‌نگه‌شه كرن.
ئاماژه ب وێ چه‌ندێ ژى كر كو ئۆبامايێ سه‌رۆكپشته‌ڤانيا خوه د روو ب رووبوونا رێكخراوا تيرۆرستى يا داعش و بزاڤێن وى بۆ روو ب رووبوونا گه‌نده‌ليێ و بجهئينانا پرۆژێ وێ بۆ چاكسيازيێ و پێشكه‌فتنا عيراقێ نيشان دايه.
هه‌ده‌م د ڤێ په‌يوه‌نديا تله‌فۆنى دا ته‌كست ل سه‌ر گرنگيا هه‌ڤپه‌يمانيا د ناڤبه‌را ئه‌مريكا و ئه‌مريكا و عيراقێ ژى دا كريه.
ئه‌ڤرۆ نيوز:
فرۆكه‌كا مه‌ده‌نى يا رۆسى ب 212 كه‌س ڤه ل ئه‌سمانێ سينا ل وه‌لاتێ مسرێ كه‌فته خوار.
ب گۆره‌يى ئاژانسێن ده‌نگوباسان، ئه‌و فرۆكه به‌ر ب رۆسيا ب رێ كه‌فت بوو، به‌لێ ل ئه‌سمانێ سينا كه‌فته خوار.
شه‌ريف ئيسماعيل سه‌رۆك وه‌زيرێن مسرێ د سه‌ره‌دانا خوه بۆ باژێرێ ئيسماعيليه ژناڤبر دا كو ل قاهيره يا پايته‌ختێ مسرێ ئاگه‌هدارى دووماهى پێشهاتێن روودانا فرۆكا رۆسى بيت ئه‌وا ل فرۆكخانا شه‌رمولشێخ رابووى.
ئەڤرۆ نیوز : کاروان باعەدری :
ل ھەولیرێ گرێبەستەکا ھاریکاریێ دناڤبەرا پێکھاتەیا ھەرێمێ دا ھەتا گرێدان
کاوە عیدۆ خەتاری ئێک ژبەشداربووێن ڤێ گریبەستا ھاریکاریێ بۆ ئەڤرۆ نیوز گۆت : ئەڤ گرێبەستە دێ دناڤبەرا دەزگاھیێن پێکھاتەیێن ھەرێمێ (مەسیحیا و ئێزدیان و سابیئە و مەندائی و کاکائی و بەھائی و شەبەک ) ژبۆ ھاریکاریا دەزگەھان دا ھاتە گرێدان بۆ کاروچالاکیێن ھۆنەری و رەوشەنبیری و پتر پەیوەندیان دناڤبەرا وان د ادا کو پتر ماڤێن خۆی یێن مرۆڤایەتی ب دەست ڤە بینن .
ئەڤرۆ نیۆز، قائید میرۆ:
ئەف شەڤە حەفت چەکدارێن داعش ل گوندێ نەسر یێ قەزا مەخموور خوە رادەستی ھێزێن پێشمەرگەیکر ل گوندێ سولتان عەبدولا.
ژێدەرەکی ژ ھێزێن پێشمەرگەی ب ئەڤرۆ نیۆز راگەھاند” دەمژمێر ١٢ی ئەف شەڤە حەفت چەکدارێن داعش ل گوندێ نەسر یێ میحوەرێ مەخموور خوە رادەستی ھێزێن پێشمەرگەیێ کوردستانێ کرو ڤەکۆلین دگەلدا دھێتەکرن.
ژێدەری گۆتژی” ددەمێ نوکەدا ھژمارەک چەکدارێن دی یێن داعش نێزیکی سەنگەرێن پێشمەرگەی بووینە و دخوازن خوە رادەستی پێشمەرگەی بکەن، بەلێ ژبەر کو گەرەنتی نینە ئایا ماددێ تەقینێ دگەلدایە یان نە، ئەوژی دێ ھێنە دەستەرکرن .
نيشاندان