ئەڤرۆ نیۆز، قائید میرۆ:
پەیڤدارێ میحوەرێ مەخموور یێ ھێزێن پێشمەرگەی دیارکر، فەرماندەیا پۆپەڕاسیۆنا گرتنا مووسل مژۆلی دارشتنا پلانا رزگارکرنا باژێڕیە.

ئەحمەد جاف، پەیڤدارێ میحوەرێ مەخموور ب ئەڤرۆ نیۆز راگەھاند” سەرکردەیا ئۆپەڕاسیۆنا رزگارکرنا مووسل ل میحوەرێ مەخموور ھاتیە ڤەکرن و نوکە دەست بکارێن خوە کریە بۆ ئەنجامدانا پلانا گرتنا مووسل، بەلێ ھەتا نوکە تنێ پلان یێ دھێنە بەرھەڤکرن و چو پێنگاڤ نەھاڤێتینە بۆ ھێرشکرنێ.
جاف دیارکر، بسپۆرێن سەربازی و فەرماندێن عێراقێ ل ئۆپەڕاسیۆنا رزگارکرنا مووسل ھەماھەنگیەکا تەمام دگەل ھێزێن پێشمەرگەی ل میحوەرێ مەخموور ھەیە و بێی پێشمەرگەی چو پلانەک ناھێتە بجە ئینان.

ئەڤرۆ نیۆز، قائید میرۆ
تیرۆرستێن داعش 30 وەلاتیێن باژێڕێ مووسل گوللە بارانکرن، کو تێدا دکتۆرەکا ئافرەت ھەبوو.

غەیاس سورچی، پەیڤدارێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” سپێدەھیا ئەڤرۆ چەکدارێن داعش ل سەنتەرێ باژێڕێ مووسل، ب تۆمەتێن جۆدا 30 وەلاتیێن سڤیل گوللە بارانکرن و سزایێ خوە بسەردا سەپاند.
سورچی دیارکر، حەفت ژوان 30 وەلاتیان ئافرەتبوون و دکتۆرەکا ژافرەت بناڤێ دکتۆر ئەحلام ھەبوو، کو ئێکە ژ دکتۆرێن ناڤ و دەنگێن باژێڕی و بسپۆر و شەھرەزایا نەخۆشیان بوویە.