ئەڤرۆ نیوز، زنار تۆڤی:
ژ ئەگەرێ پەیدابوونا شەر و ئالۆزیان دناڤبەرا گەریلایێن پەکەکێ و حوکمەتا تورکیا دا کو ئەڤە بۆ ماوێ پتر ژ ھەیڤەکێ بەردەوامی ھەیە،د وان شەر و پێکدادانادا چەندین کەس ژ ھەردو لایان ھاتینە کوشتن،نەزمی گۆر بەرپرسێ پەیوەندیێن دەرڤە یێن ھەدەپێ ل ئەنقەرە د پرێس کۆنفرانسەکی دا دیارکر:ژ ئەنجامێ وان ئالۆزیێن ل تورکیا پەیدابووین،نەژادپەرستێن تورک ل گەلەک باژێر و باژیرکێن تورکیا ھێرشکریە سەر ئۆفیسێن ھەدەپێ و د ئەنجامدا 400 ئۆفیسێن مە ل سەرانسەری تورکیا ھاتینە سۆتن.
ئه‌ڤرۆ نيوز:
وەزارەتا پەروەردێ بریار ل دۆر دەمێ دەواما قوتابیان بۆ سالا خواندنێ ٢٠١٥-٢٠١٦ دایە و ل دووڤ سالناما وەزارەتا پەوەردا ھەرێما کوردستانێ کو ل رۆژا ١٥-٩ ببیتە رۆژا ئێکێ ژ دەواما فەرمی ل سەرانسەری ھەرێما کورستانێ.
سەمیر عەبدولعەزیز رێڤەبەرێ پەروەردا دھۆک یا رۆژھەلات دیار کر کو : رێکەفتی ١٥/٩/٢٠١٤ دەمژمێر ھەشتی سپێدێ ل سنوورێ پەروەردا دھۆک رۆژھەلات ل قوتابخانا پیرەمەگرون یا بنەرەت دێ زەنگا سالا نوو یا خواندنێ ھێتە لێدان و گۆت “دەوام د دەمێ دەستنیشانکری دا دێ ھێتەکرن و قوتابی دێ دەست ب دەواما خوە و خواندنێ کەن”.
ھەروەسا رێڤەبەرێ پەروەردا دھۆک رۆژھەلات گۆت “دەوام ل سالا خواندنێ یا بۆری ٢٠١٤-٢٠١٥ رۆژا ١٠-٩ ل دووڤ سالناما وەزارەتا پەروەردێ دەرگەھێن قوتابخانا ھاتبوونە ڤەکرن، لێ ئەڤ سالە پێنج رۆژان ھاتە پاشخستن”.
ئه‌ڤرۆ نیوز: ڤه‌ده‌ر ره‌شاڤایی:
وه‌زاره‌تا ناڤخۆیا توركیا ب تۆمه‌تا تیرۆرێ له‌یلا ئیمره‌ت باژێرڤانا باژێرێ جزیرێ یێ كوردی ل باكۆرێ كوردستانێ ژ كارێ وێ لادا .
وه‌زاره‌تا ناڤخۆییا توركیا له‌یلا كو ئێك ژ گه‌نجترین باژێرڤانانه ل توركیا بتۆمه‌تێن هاندانا خه‌لكی بۆ سه‌رهلدانا چه‌كداری و پرۆپاگندێن تیرۆری تۆمه‌تباركرییه.
له‌یلا ئیمره‌ت د هه‌لبژارتنێن ئادارا ئه‌ڤ ساله 83% یا ده‌نگان ل جزیرێ بده‌ستڤه‌ئینابوون.
تێ زانین ب تنێ د حه‌فتیه‌كێ دا ده‌ستهه‌لاتدارێن توركیا 5 باژێرڤانێن كورد ژ كار لادانه.
ئه‌ڤرۆ نیوز: ڤه‌ده‌ر ره‌شاڤایی:
ل جزیرێ باكۆرێ كوردستانێ پشتی حه‌فتییه‌كێ ژ ئالیێ توركیا ڤه دۆرپێچه‌كا ته‌مام ل سه‌ر هاتییه دانان، داوی جار لبن گڤاشان دۆرپێچ لسه‌ر هاته راكرن.
د دۆرپێچێ دا هێلێن ته‌له‌فونا هاتبوونه برین، هه‌می رێ هاتبوونه داخستن، و نه دهاته هێلان كه‌سه‌ك بچیت یان ده‌ركه‌ڤیت ژ وی باژێرێ كو 120 هزار كورد لێ دژین، كاره‌ب و هه‌روه‌سا بۆ ده‌مه‌كی ئاڤ ژی هاتبوو برین.
پشتی راكرنا دۆرپێچێ جزیرێ ئێكسه‌ر هه‌ڤسه‌رۆكێ هه‌ده‌پێ ل وی باژێری ئاماده بوو ب سه‌دان هزار كه‌سان پێشوازییه‌كا كێموێنه ژێ كر، سه‌لاحه‌دین ده‌میرتاش دیاركر كو 20 خه‌لكێ سڤیل ل ده‌مێ دۆرپێچێ ژ ئه‌گه‌رێ هێرشێن له‌شكه‌رێ توركیا لسه‌ر وی باژێری ب به‌هانا به‌رهنگاربوونا په‌كه‌كێ هاتینه كوشتن، و خویا كر هه‌كه توركیا بسه‌لمینیت كو هه‌می كه‌سێن هاتییه كوشتن چه‌كدارێن په‌كه‌كێ نه وه‌كی ئه‌و دبێژن، ئه‌و دێ ده‌ست ژ كارێ خوه كێشیت.
ئه‌ڤرۆ نیۆز، قائید میرۆ
بڕیاره ئێڤاریا سبه‌ی خوه‌نیشاندانه‌ك بۆ پشته‌ڤانیا كوردێن باكورێ كوردستانێ بهێته ئه‌نجامدان و چه‌ندین رێكخراوێن مه‌ده‌نی دێ پشكداربن.
عه‌لی مه‌حموود، رێكخه‌رێ خۆنیشاندانێ ب ئه‌ڤرۆ نیۆز راگه‌هاند” سبه‌ی ئێڤاری هژماره‌ك كه‌سایه‌تی و رێكخراوێن مه‌ده‌نی ب مه‌ره‌ما دیاركرنا پشته‌ڤانیێ بۆ خه‌لكێ مه ل باكورێ كوردستانێ دێ خوه‌نیشاندانه‌كێ ئه‌نجامده‌ین.
مه‌حموودی گۆت ژی” داخوازێ ل حزبێن سیاسی و كه‌سایه‌تی و رێكخراوێن مه‌ده‌نی دكه‌ین پشكداریێ تێدا بكه‌ن و وه‌كی پشته‌ڤانیه‌ك بۆ ملله‌تێ مه ل باكورێ كوردستانێ هه‌لویستێ خوه دیاربكه‌ن.
ئه‌ڤرۆ نیوز،زنار تۆڤى:
سه‌رۆك وه‌زیرێ هنگاریا فیكتۆر ئوربان هۆشدارى دا كو هه‌ر كه‌سێ سنۆرێ وه‌لاتێ وى ده‌رباز بكه‌ت دگه‌ل وه‌لاتێ سربیا،ل ده‌ستپێكا ڤێ حه‌فتیێ دێ هێته گرتن،
دیاركر ژى:كو پۆلیسێن وه‌لاتێ وى دێ پێرابونێن تۆند ل ڤێ حه‌فتیێ به‌رامبه‌ر كۆچبه‌ران وه‌رگرن و ئه‌و دێ جهێن شه‌مه‌نده‌فران كونترۆلكه‌ن و چ كۆچبه‌ران وه‌رناگرن.
سه‌رۆك وه‌زیرێ هنگاریا زێده‌تر گۆت: نوكه ئه‌م یێ سنورێ وه‌لاتێ خوه هه‌میێ دگه‌ل سربیا تێلبه‌ند دكه‌ین،ل ده‌مه‌كێ نێزیك دێ سنورێ خوه هه‌میێ ل به‌ر كۆچبه‌ران گرین،ئه‌م ناهێلین ئێدى كۆچبه‌ر بهێنه وه‌لاتێ مه،
هه‌روه‌سا ده‌ستهه‌لاتداریا هنگاریا ئه‌و چه‌ند ژى دیاركریه،كو وان نوكه 3800 سه‌رباز به‌لاڤكرینه ل سه‌ر سنۆرێ خوه ژ بۆ دانانا تێله‌به‌ندێ و رووگرتن ل به‌ر هاتنا كۆچبه‌را بۆ وى وه‌لاتى.
ئه‌ڤرۆ نیوز، ره‌وان نهێلى
د ڤێ حه‌فتیێ دا كۆمسیونا بلندا سه‌ربه‌خویا هه‌لبژارتنان هوورده‌كاریێن دامه‌زراندنا 535 پله‌یێن وه‌زیفى یێن كومسیونێ دێ ئاشكرا كه‌ت.
شێروان زرار په‌یڤدارێ كومسیونا بلندا سه‌ربه‌خویا هه‌لبژارتن و راپرسیێ راگه‌هاند” رۆژا سێشه‌مبیا بهێت د كۆنگره‌كێ رۆژنامه‌ڤانى دا، دێ هوورده‌كاریێن دامه‌زراندنا 535 پله‌یێن وه‌زیرێ یێن كومسیونێ راگه‌هینین و مالپه‌رێ كومسیونێ دێ ب فه‌رمى هێته ڤه‌كرن و مه‌رجێن پركرنا فورمێ دێ هێته ئاشكران و وه‌لاتى دشێن فورمان داگرن كو پشتى داگرتنێ دێ لژنه‌كا تایبه‌ت فورمان جودا كه‌ت و كه‌سێن به‌ربژێر بۆ دامه‌زراندنێ هێنه ئاگه‌هداركرن.
كومسیون پێدڤى ب كارمه‌ندێن پشكێن كارگێرى و راگه‌هاندن و په‌یوه‌ندیێن جه‌ماوه‌رى و داتابه‌یس وئایتى و كومه‌كا پشكێن دى هه‌یه.
ئه‌ڤرۆ نیۆز، قائید میرۆ:
په‌رله‌مانتاره‌كێ پارتی ئاشكراكر، چێدبیت كۆمبوونا سبه یا لایه‌نێن سیاسی لدۆر پرسا سه‌رۆكایه‌تیا هه‌رێمێ نه‌هێته ئه‌نجامدان و بۆ رۆژه‌كا دی بهێته پاشخستن.
ڤه‌مان فه‌یسه‌ل، ئه‌ندامێ فڕاكسیۆنا پارتی دیموكراتی كوردستان ب ئه‌ڤرۆ نیۆز راگه‌هاند” هه‌رچه‌نده بڕیاره سوبه پێنج لایه‌نێن سه‌ره‌كیێن هه‌رێما كوردستانێ لدۆر پرسا سه‌رۆكایه‌تیا هه‌رێما كوردستانێ كۆمبوونا حه‌فتێ ئه‌نجامبده‌ن، به‌لێ پێشبینی دهێته‌كرن كۆمبوون دیسان بهێته پاشخستن بۆ رۆژه‌كا دی.
ڤه‌مان گۆت ژی” هنده‌ك تشتێن نوو هاتینه پێش و هه‌تا نوكه ئێكلا نه‌بوویه دێ كۆمبوون هێته‌كرن یان نه، چێدبیت وه‌كی حه‌فتیا بۆری دوباره بهێته پاشئێخستن بۆ رۆژه‌كا دی” به‌لێ ناڤهاتی ئاماژه بۆ ڤان پێشهاتێن نوو نه‌كر.
نيشاندان