ئه‌ڤرۆ نیوز:
فوئاد حسێن سه‌رۆكێ دیوانا سه‌رۆكایه‌تیا هه‌رێما كوردستانێ راگه‌هاند : ل سه‌ر داخوازا نوونه‌رێ ئێكه‌تیێ، بۆ پاشخستنا كومبوونا لایه‌نێن سیاسى و پشتى رازیبوونا پارتى و گۆران و یه‌كگرتوو وكومه‌لێ بریار هاته دان كومبوونا سوبه بۆ حه‌فتیا بهێت بهێته پاشخستن و رۆژا ئێكشه‌مبیا بهێت 13 ئیلونێ دێ كومبوون برێڤه چیت.
فوئاد حسێن هیڤى خواست كومبوونا بهێت یا ئێكلاكه‌ر بیت
ئه‌ڤرۆ نیوز،زنار تۆڤى:
ئه‌ڤرۆ رۆژا شه‌مبى مه‌سعود بارزانى سه‌رۆكێ هه‌رێما كوردستانێ دگه‌ل جان كۆبیس نوونه‌رێ تایبه‌تێ سكرتێرێ گشتى یێ رێكخراوا نه‌ته‌وێن ئێكگرتى ل عێراقێ كۆمبوو و دوێ كۆمبوونێ دا بارزانى ره‌وشا ناڤخویا هه‌رێما كوردستانێ و پرۆسه‌یا سیاسى و ره‌وشا سه‌ربازى یا عێراقێ و ڤێ ده‌ڤه‌رێ دگه‌ل جان كۆبیسى گفتوگۆ كر و بۆ دیاركر: ئه‌وا د پرۆسا سیاسى یا هه‌رێما كوردستانێ دا ل سه‌ر شێوێ هه‌لبژارتنا سه‌رۆكێ هه‌رێما كوردستانێ دا روو دده‌ت به‌شه‌كه ژ پرۆسه‌یا دیمۆكراسیێ ل كوردستانێ،هه‌روه‌سا پێدڤیه هه‌مى لایه‌نێن سیاسى یێن هه‌رێما كوردستانێ بۆ ئێكلایكرنا بابه‌تێ هه‌لبژارتنا سه‌رۆكێ هه‌رێما كوردستانێ ده‌ور هه‌بیت.
بارزانى دیاركر ژى:ئه‌گه‌ر لایه‌نێن سیاسى یێن هه‌رێما كوردستانێ نه‌گه‌هشتنه چاره‌سه‌ریه‌كا گۆنجاى ل وى ده‌مى ڤه‌گه‌ران بۆ رایا خه‌لكى وه‌ك رێكاره‌كێ درۆست یێ دیمۆكراسى باشترین بژارده‌یه،هه‌روه‌سا دۆخێ سیاسى و ناڤخۆیێ هه‌رێما كوردستانێ كاریگه‌ریه‌كا سلبى نه‌كریه سه‌ر سه‌نگه‌رێن به‌ره‌ڤانیێ ل دژى داعش و هه‌مى هێزێن پێشمه‌رگه‌ى و هێزێن ئێمناهیا كوردستانێ زۆر ب دلسۆزى مژوولى راپه‌راندنا ئه‌ركێ خوه‌نه.
سه‌رۆك بارزانى خویاكر ژى:باشترین چاره بۆ كێشێن عێراقێ شه‌راكه‌تا راسته‌قینه و به‌شداریكرنا هه‌مى پێكهاته‌یان و جێبه‌جێكرنا ده‌ستوورى یه.
ژلایێ خوڤه جان كۆبیس دبێژیت:ئه‌م هیڤى دارین كێشێن هه‌لبژارتنا سه‌رۆكێ هه‌رێما كوردستانێ ب زووترین ده‌م بهێته چاره‌كرن.
ئه‌ڤرۆنیۆز، ئه‌یاد به‌روارى
وه‌لاتیه‌كێ كورد ل ئه‌مریكا نیڤا سامانێ خوه بۆ په‌نابه‌رێن عیراقی و سووری به‌خشی.
د. سه‌لوان شنگالی جێگرێ هنارتیێ عیراقێ ل نه‌ته‌وێن ئێكگرتی ل په‌یچێ خوه ل سه‌ر تۆرا جڤاكی یا فیسبووكی ئاماژه دا كو ( حه‌مدی ئولوكایا) وه‌لاتیێ ئه‌مریكی كو نه‌ژادا وی كورده گوژمێ 700 ملیۆن دۆلار به‌خشینه په‌نابه‌رێن عیراقی و سووری.
د. سه‌لوان دیاركر كو (ئولوكایا) یێ ب ناڤوده‌نگه ب ڤان هه‌لویستان ده‌مێ داخوازی ژێ دهێته كرن و به‌ری نوكه ژى دو ملیۆن دۆلار بۆ هاریكاریا ئاواره و په‌نابه‌ران ل عیراقێ و سووریێ به‌خشی بوون.
ئەڤرۆ نیۆز، قائید میرۆ
ئێڤاریا دوھی دو وەلاتیێن رۆژئاڤایێ لناڤا روبارێ زێی مەزندا خەندقین و تەرمێ ئێک ژوان نەھاتیە دیتن.
کارزان رەمەزان، بەرپرسێ کەمپێ گەویلان ب ئەڤرۆ نیۆز راگەھاند” ئێڤاریا دوھی چوار وەلاتیێن کەمپی ب مەرەما مەلەڤانیێ چووینە سەر رۆبارێ زێی مەزن نێزیک ناحیا کەلەک یا سەر ب قەزا بەردەڕەش، ژ ئەگەرێ نە شەھرەزایێ دو ژوان گەنجان بن ئاڤێ کەفتینە خەندقینە، پشتی گەھشتنا تیمێن ھەوار ھاتنێ تەرمێ ئێک ژوان ھاتیە دیتن و تەرمێ دیژی د ئاڤێ دا مایە.
کارزانی گۆتژی” بڕیارە پشتی ڤەدیتنا تەرمێ کەسێ دویێ ھەردو تەرم بھێنە ھنارتن بۆ رۆژ ئاڤایێ کوردستانێ و ل دەڤەرێن وان بھێنە بن ئاخکرن
ئه‌ڤرۆنیۆز، ئه‌یاد به‌روارى
سه‌رۆك وه‌زیرێن فینلاندا خانیێ خوه یێ تایبه‌ت ته‌رخانكر بۆ په‌نابه‌رێن قه‌ستا وه‌لاتێ وی دكه‌ن.
یوها سیبیلا سه‌رۆك وه‌زیرێن فینلاندا بۆ كه‌نالێ (وای ئێل ئی) یێ فینلاندی راگه‌هاند ئه‌و ل ده‌ستپێكا سالا نوو (2016) دێ خانیێ خوه‌یێ تایبه‌ت ل ده‌ڤه‌را كیمیلی ل باكوورێ فینلاند بۆ په‌نابه‌ران ته‌رخان كه‌ت و داخواز ژ هه‌موو وه‌لاتیێن فینلاندا ژی كر هه‌ڤكاریا په‌نابه‌رێن ژ شه‌ڕى و هه‌ژاریێ دڕه‌ڤن و قه‌ستا ئورۆپا و وه‌لاتێ وان دكه‌ن بكه‌ن.
سه‌رۆك وه‌زیرێن فینلاند دیاركر كو ل دووڤ پلانا ئێكه‌تیا ئورۆپی دێ 120 هزار په‌نابه‌رێن گه‌هشتینه یونانێ و ئیتالیا و هنگاریا هێنه به‌لاڤكرن ل سه‌ر وه‌لاتێن ئێكه‌تیا ئورۆپی و پێدڤیه فینلاندا ببیته نموونه بۆ ڤێ چه‌ندێ.
ئه‌ڤرۆ نيوز:
بڕياره سوبه‌هى جاره‌كا دى هه‌ر پێنج لايه‌نێن سه‌ره‌كى يێن هه‌رێمێ تايبه‌ت ب پرسا سه‌رۆكاتيا هه‌رێمێ كۆم ببن و هه‌تا نوكه چو تشتێ نوو ژى نينه و لايه‌ن د رژدن ل سه‌ر داخوازيێن خوه يێن به‌رێ.
ژێده‌ره‌كێ پشكدار د كۆمبوونێ دا راگه‌هاند: بڕياره سوبه‌هى رۆژا ئێكشه‌مبى رێكه‌فتى 6ى ئيلۆنا 2015ێ ل ده‌مێژمێر 11ى به‌رى نيڤرۆ كۆمبوونا حه‌فێ يا پارتى ديموكراتى كوردستان و ئێكه‌تى نشتيمانى كوردستان و بزاڤا گۆڕان و ئێكگرتوويا ئيسلامى كوردستان و كۆمه‌لا ئيسلامى ژ بوو پرسا سه‌رۆكاتيا هه‌رێما كوردستانێ كۆم ببن و گۆت: “به‌رى وان ژى ل ده‌مژمێر 10:00 دێ چه‌ند كۆمبوونێن دوقولى هێنه ئه‌نجام دان”.
ئه‌وى ژێده‌رى دا زانين ژى كو هه‌تا نوكه چو پێشنيازێن نوو نينن و هه‌موو لايه‌ن ل سه‌ر هه‌لويستێ خوه و پێشبينى ناهێته كرن چو تشتێ نوو د ڤێ كۆمبوونێ دا بهێته نيشادان.
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 22ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز، قائید میرۆ
ئەندامەکێ جڤاتا سەرکردایەتیا پارتی دیموکراتی کوردستان ئاشکراکر، پارتی لبەرە گۆھۆڕینێن مەزن دناڤا کادرێن خوەدا بکەت لسەر ئاستێ حزبێ و حوکمەتێ.
دکتۆر ئاراس حەسۆ میرخان ئەندامێ جڤاتا سەرکردایەتیا پارتی ب ئەڤرۆ نیۆز راگەھاند” بەری ھاتنا شەڕێ داعش و ھێرشێ ڤێ رێکخراوێ بۆسەر ھەرێما کوردستانێ، پارتی دیموکراتی کوردستان لبەربوو گۆھۆڕینێن بەرچاڤ بکەت ل کادرێن خوە یێن حزبی و حوکمەتێ، بەلێ رەوشا نوکە ئەف گۆھۆڕین پاشخستن و ئەف گۆھۆڕین نەھاتنە کرن.
دکتۆر ئاراس دیارکر، ھەر دەمێ رەوش بەرەف باشیێ چوو، ئەڤە لسەر ئاستێن بلند دێ پارتی گۆھۆڕینان لبەرپرسێن لقا و کادرێن خوە یێن ناڤا حوکمەتێ بکەت، ھەروەسا مە لبەرە رەوش تەنابیت کۆنگرێ پارتی بھێتە گرێدان.
ئه‌ڤرۆ نيوز، نيوار محه‌مه‌د سه‌ليم:
ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند: ژ به‌ر مژووليا سه‌رۆكێ په‌رله‌مانى ب كارێن حزبايه‌تى و ئه‌جنيدايێن حزبا خوه د ناڤ په‌رله‌مانى دا نه‌شيناينه گه‌نگه‌شێ ل سه‌ر ئه‌گه‌رێن چوونا گه‌نجان بۆ ژ ده‌رڤه و گه‌له‌ك بابه‌تێن دى بكه‌ن.
محه‌مه‌د عه‌لى ياسين، ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ، د داخۆيانيه‌كا تايبه‌ت دا بۆ ئه‌ڤرۆ نيوز ئه‌نجنيدا پارتى بۆ قووناغا داهاتى ئاشكه‌را دكه‌ت و دده‌ته زانين ژى كو سه‌رۆكێ په‌رله‌مانى رێز بۆ په‌رله‌مانى نه‌هێلايه.
محه‌مه‌د عه‌لى ياسين دا زانبن كو ل ده‌سپێكێ بزاڤه‌ك هه‌بوو “روونشتنه‌كا تايبه‌ت ل سه‌ر چوونا گه‌نجان بۆ ژ ده‌رڤه‌يى وه‌لاتى هه‌بيت و گه‌له‌ك بابه‌تێن دى، بۆ نمۆنه، د بۆرينا ساله‌كێ ل سه‌ر كاره‌ساتا شنگال، مه هزر كر دێ تشته‌كێ باش هێته كرن و هنده‌ك رێنما د به‌رژه‌وه‌ندا وان دا ده‌ركه‌ڤن، به‌لێ ژ به‌ر مژووليا سه‌رۆكێ په‌رله‌مانى ب كارێن نه گرێدايى په‌رله‌مانى ل ناڤ هۆلا په‌رله‌مانى و په‌يره‌وكرنا ئه‌جنيدايێن حزبا خوه، چو نه‌هاته كرن”.
ئافختنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ خۆيا كر كو ئه‌و وه‌كو پارتى ڤێ چه‌ندێ قه‌بوول ناكه‌ن و هه‌كه سه‌رۆكێ په‌رله‌مانى ل سه‌ر بێ رێزكرا په‌رله‌مانى يێ به‌رده‌وام بيت، ئه‌و دێ كار ل سه‌ر وێ چه‌ندێ كه‌ن “هنده‌ك بژاردێن دى ل به‌ر مه‌هه‌نه و ژ وان دووباره پێداچوون ب وێ ته‌وافقێ يا كابينا هه‌شتێ ل سه‌ر هاتيه مه‌زارندن و پۆستێن په‌رله‌مانى ل سه‌ر هاتينه بلاڤكرن” ب به‌هانه‌يا وێ چه‌ندێ “نابيت گۆڕان د هه‌مان ده‌م حوكمه‌ت بيت و ئۆپۆزسيۆن بيت، دڤێت گۆڕان و سه‌رۆكێ په‌رله‌مانى باوه‌رى ب ديموكرسيا ته‌وافقى هه‌بيت”.
ئه‌ڤرۆ نيوز:
بابێ ئالان كوردى، ئه‌و زارۆيێ ل سه‌ر رێيا ئورۆپا د ناڤ ئاڤا ده‌ريا ئيجه دا خه‌ندقى سۆپاسيا نێچيرڤان بارزانى، سه‌رۆكێ حوكمه‌تا هه‌رێما كوردستانێ دكه‌ت.
رۆژا ئه‌ينى 4ى ئيلۆنا 2015ێ نێچيرڤان بارزانى سه‌رۆكێ حوكمه‌تا هه‌رێما كوردستانێ ب ته‌له‌فۆنێ په‌يوه‌ندى ب عه‌بدولا كوردى بابێ ئالان كر و پرسه و سه‌ره‌خوشيێن خوه ئاراسته‌يى خێزان و كه‌سوكارێن وى كرن.
ب گۆره‌يى نوچه‌كێ فه‌رميێ مالپه‌رێ سه‌رۆكاتيا حوكمه‌تا هه‌رێما كوردستانێ وێرايى ده‌ربڕينا هه‌ڤخه‌مى و هه‌ڤسۆزيا خوه بۆ ژ ده‌ستدانا ئالان و غالب و دايكا وان و ريحان شتوى، نێچيرڤان بارزانى هه‌ڤپه‌خميا خوه بۆ خێزان و كه‌سوكارێن هه‌موو وان په‌نابه‌رێن رۆژئاڤايێ كوردستانێ ده‌ربڕى يێن د رێيا په‌نابه‌ريێ دا گيانێ خوه ژ ده‌ست دايى.
ب گۆره‌يى وان پێزانينێن هاتينه به‌لاڤكرن، بابێ ئالان سه‌ره‌رايى سۆپاسيكرنا سه‌رۆكێ حوكمه‌تا هه‌رێما كوردستانێ په‌يوه‌نديكرنا سه‌رۆكێ حوكمه‌تێ ب نيشانا “دلفره‌هى و سه‌بره‌كا مه‌زن” بۆ خوه و خێزانا خوه ب ناڤكر.
نيشاندان