ئهڤرۆ نیوز:
مهسرور بارزانى راوێژكارێ جڤاتا ئاسایشا ههرێما كوردستانێ راگههاند كو دهستههلاتا سلێمانیێ یا خهمسار بوویه د پاراستنا ئهندام و بارهگایێن پارتى دیموكراتى كوردستان.
د چهند تویتاندا ل تور جڤاكى یا تویتهر، مهسرور بارزانى راوێژكارێ جڤاتا ئاسایشا ههرێما كوردستانێ راگههاندیه: دهلاستههلاتدارێن سلێمانیێ ب پلا ئێكێ بهرپرسن ل شكهستنا وان ل پاراستنا بارهگا و ئهندامێن پارتى .
مهسرور بارزانى دیاركریه ژى: هێرشكرنه سهر بارهگایێن پارتى ل دهمهكێ دایه كو ئهندامێن ڤێ حزبێ د شهرێ دژى داعشدانه و ئهڤ هێرشه خزمهتا بهرژهوهندیێن دوژمنێ كوردستانێ دكهت.
ئەڤرۆ نیۆز، قائید میرۆ:
پۆلیسێن پارێزگەھا ھەولێرێ رەتکر بارەگەھێ سەرەکیێ بزاڤا گۆڕان ھاتبیتە کۆنتڕۆلکرن و دیارکر، ھێزێن ئەمنی بەردەوامن لپاراستنا بارەگەھێن گۆڕان.
موقەدەم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” پشتی ئالۆزیا شەڤا بۆری ل قەلادزێ چێبووی ھێزێن ئەمنیێن باژێڕێ ھەولێرێ بۆ پاراستنا بارەگەھێ مەکۆیا بزاڤا گۆڕان گەھشتنە بارەگەھێ بزاڤا گۆڕان و ئەف زانیاریێن بەحسێ کۆنتڕلکرنا بارەگەھێ گۆڕان ل ھەولێرێ دکەن چو راستی بۆنینە.
کاروانی گۆتژی” ھەتا نوکە رەوشا ھەولێرێ یا ئارامە و چو خۆنیشاندان و ئالۆزی نینە، ھەروەسا ھێزێن پۆلیسان ھەتا دەمێ پێدڤی دێ بارەگەھێن بزاڤا گۆڕان ھێنە پاراستن و ھێزێن ئەمنی دێ زێرەڤانیێ لێ کەن.
ئهڤرۆ نيوز:
پارتى ديموكراتى كوردستان ل قهلادزێ دێ سكالا قانوونى ل سهر هاوسهر پشدهرى، ئهندامێ جڤاتا پارێزگهها سلێمانيێ ل سهر فراكسيۆنا گۆڕان تۆمار كهت.
جۆتيا گهيلانى، كارگێرێ ناوچا قهدزێ يا پارتى ديموكراتى كوردستان راگههاند: ژ ئهگهرێ وێ چهندێ كو د خونيشاندانا دوهى رۆژا ئهينى رێكهفتى 9ى چريا ئێكێ يا 2015ێ ل قهلادزێ، هاوسهر پشدهرى رۆلهكێ نهرێنى ههبوو، سوبههى رۆژا ئێكشهمبى ل گهل ڤهبوونا دهوامێ، دێ سكالا قانوونى ل سهر ناڤبرى تۆمار كهن.
گهيلانى بۆ رووداو گۆتژى: “ئهوى ئهندامێ جڤاتا پارێزگهها سلێمانيێ، هاندانا وهلاتيان كريه كو روويێ خونيشاندانێ بۆ بهر دهرگههێ بارهگايێ پارتى بگوڕن”.
رووداو بهلاڤكريه ژى كو ئهوان پهيوهندى ب هاوسهر پشدهرى ژى كر، بهلێ بهرسڤا پهيوهنديا وان نهدايه.
د خونيشاندانا 9ى چريا ئێكێ دا ل قهلادزێ توندۆتيژى كهفته ناڤ و ژ ئهگهرێ وێ چهندێ دو كهس هاتنه كوشتن و 18 كهس ژى بريندار بوون.
ئهڤرۆ نيوز:
ل قەزا سەید سادق بارەگەھی َلیژنا ناوچا پارتی دیموکراتی بتەمامی ھاتیە دۆرپێچکرن و ھژمارەک دخوازن بارەگەھێ پارتی بسوژن، بەلێ ژلایێ بارەگەھێ پارتی تەقە دھێتەکرن.
جەمیل شەمێرانی، رۆژنامەڤانێ پارتی ل پارێزگەھا ھەلەبجە بۆ ئەڤرۆ نیۆز راگەھاند” سپێدەھیا ئەڤرۆ ل سەنتەرێ پارێزگەھا ھەلەبجە و قەزا سەید سادق و ناحیا سیروان خۆنیشاندان ھاتنە دەسپێکرن و ل قەزا سەید سادق خۆنیشاندەران بەر ھاڤێتنە بارەگەھێ لیژنا ناوچا پارتی و ژلایێ ھێزێن ئەمنی رێگری لێھاتیەکرن.
شەمێرانی گۆتژی” ل ناحیا سیروانژی خۆنیشاندەران رێیا سەرەکیا پارێزگەھا ھەلجە بۆ سلێمانیێ گرتیە و لیژنا ناوچا پارتی یا سەید سادق بۆ رێگریکرن ل سووتنا بارەگەھێ لیژنێ تەقەی بسەر خۆنیشاندەران دکەن.
ئەڤرۆ نیۆز، قائید میرۆ:
لایەنێن سیاسی ل پارێزگەھا ھەلەبچە کۆمبوونەکا ب لەز ئەنجامدان و گەرەنتی داینە پارتی دیموکراتی کوردستان بارەگەھێن پارتی دێ پارستینە لھەر ھێرشەکێ.
ژێدەرەکێ پارتی دیموکراتی کوردستان ل پارێزگەھا ھەلەبجە بۆ ئەڤرۆ نیۆز راگەھاند” دگەل ئالۆزبوونا رەوشا دەڤەرێ و ئەنجامدانا خۆنیشاندانان، لایەنێن سیاسیێن پارێزگەھا ھەلەبجە کۆمبوونەکا بلەز ئەنجامداینە و تێدا گەرەنتی ب پارتی دیموکراتی کوردستان ھاتیەدان، کو دێ بارەگەھێن لقا ١٢ یا ھەلەبجە و لیژنێن ناوچێن پارتی ل ھێرشێن خۆنیشاندەران پاراستی بن.
ژێدەری دیارکر، کو قایمقامێ قەزا ناڤەندا ھەلەبجەیژی فەرمان ب ھێزێن ئەمنی کریە تەقەی ل خۆنیشاندەران نەکەن و بشێوەیەکێ تەنا خۆنیشاندان بۆ بەلافکرنا موچەی بھێنەکرن، چونکە ھەلەبجە پارێزگەھا ئاشتیێ یە.
ئەڤرۆ نیۆز، قائید میرۆ
ل قەزا سەید سادق بارەگەھی َلیژنا ناوچا پارتی دیموکراتی بتەمامی ھاتیە دۆرپێچکرن و ھژمارەک دخوازن بارەگەھێ پارتی بسوژن، بەلێ ژلایێ بارەگەھێ پارتی تەقە دھێتەکرن.
جەمیل شەمێرانی، رۆژنامەڤانێ پارتی ل پارێزگەھا ھەلەبجە ب ئەڤرۆ نیۆز راگەھاند” سپێدەھیا ئەڤرۆ ل سەنتەرێ پارێزگەھا ھەلەبجە و قەزا سەید سادق و ناحیا سیروان خۆنیشاندان ھاتنە دەسپێکرن و ل قەزا سەید سادق خۆنیشاندەران بەر ھاڤێتنە بارەگەھێ لیژنا ناوچا پارتی و ژلایێ ھێزێن ئەمنی رێگری لێھاتیەکرن.
شەمێرانی گۆتژی” ل ناحیا سیروانژی خۆنیشاندەران رێیا سەرەکیا پارێزگەھا ھەلجە بۆ سلێمانیێ گرتیە و لیژنا ناوچا پارتی یا سەید سادق بۆ رێگریکرن ل سووتنا بارەگەھێ لیژنێ تەقەی بسەر خۆنیشاندەران دکەن.
ئەڤرۆ نیۆز، قائید میرۆ:
ددەمێ نوکەدا ل قەزا کەلار بارەگەھێ لقا پارتی دیموکراتی کوردستان ژلایێ خۆنیشاندەرانڤە ھاتیە دۆرپێچکرن.
رەھێل جاف، کارگێڕێ لقا پارتی ل گەرمیان ب ئەڤرۆ نیۆز راگەھاند” ددەمێ نوکەدا بارەگەھێ لقا ٢٢ یا گەرمیان یا پارتی دیموکراتی کوردستان ژلایێ خۆنیشاندەرانڤە ھاتیە دۆرپێچکرن و ئەمژی دناڤا بارەگەھێ لقێ دا ماینە.
جاف دیارکر، ھێزێن ئەمنی رێگریێ ل ھاتنا خۆنیشاندەران دگرن بۆ ناڤا بارەگەھێ لقا پارتی و ئەگەر رێ ب خۆنیشاندەران بھێتەدان دێ رەوش ئالۆزترببیت.
ئهڤرۆ نیۆز، قائید میرۆ
كادرهكێ پێشكهفتیێ پارتی ئاماژه ب وێ چهندێ دكهت بزاڤا گۆڕان ب ئهشكرا خهلك هاندایه هێرشی سهر بارهگههێن پارتی دیموكراتی كوردستان بكهن.
سوره مهرگهیی، كادرێ پێشكهفتیێ پارتی دیموكراتی كوردستان ل دهڤهرا قهلادزێ ب ئهڤرۆ نیۆز راگههاند” كو رهوشا دهڤهرا قهلادزێ ههر وهكی خوه مایه و بارهگههێ لیژنا ناوچا پارتی ل قهلادزێ هاتیه چولكرن و هاتیه سوتن و كادرێن پارتی ژی خوه ڤهكێشایه ناڤا بارهگههێ لقا 11 یا رانیه.
مهرگهیی گۆتژی” بزاڤا گۆڕان ب ئهشكرا خهلك هاندایه هێرشی سهر بارهگههێ پارتی بكهن و چو گومان دڤێ پیلانا بزاڤا گۆڕاندا نینه ههمبهر پارتی دیموكراتی كوردستان.
بهیان نامه.. .
ژبهر رهوشا ئهمنی و رویدانێت قهلادزێ ئهڤرو روژا ئهینی ل 9102016 و ل دهمژمێر 11 شهڤ لژنا ئهمنییا بالا ل پارێزگهها دهوكێ كومبونهكا ئاسای ئهنجامدا.
ژبهركو رهوشا سیاسی یا ههرێما كوردستانێ ئهڤرو ژ ههمی دهما ههستیار تره نهخاسم ڤێ ههیاما دوماهیێ پلانێن دوژمنا ههمی ئهون ئارامیا دهڤهرێ تێك ب دهن.
لهورا داخاز ژ خهلكێ خو یێ خوشتڤی یێ پارێزگهها دهوكێ دكهین پشتهڤان و هاریكاربن بو دهزگایێن ئهمنی و ئیداری ژبو پاراستنا ئارامیا دهڤهرێ مالێ گشتی و ملك و سامانێ خهلكی و داخازێ ژ لایهنێن سیاسی و جڤاكی و مهدهنی دكهین ئارامیا دهڤهرێ بپارێزن دگهل دهزگایێن ئهمنی دهاریكاربن و نههێلن كریارێن خرابكار بهێنه ئهنجامدان
ئهم وهك لیژنا ئهمنیا بالا لپارێزگهها دهوكێ ب هیچ رهنگهكی رێ نا دهین خو پیشاندان بڤی رهنگی بهێنه كرن و ژیانا خهلكی و ملكێ گشتی و حورمهتا بارهگایێن حزبی بهێته تێكدان. بو ڤێ چهندێ دهزگههێن ئهمنی و ئیداری د ئاماده باشیێ دانه ژبو رێگرتن ژ كریارێن ب ڤی رهنگی.
سوپاسیا پشتهڤانی و هاریكاریا خهلكێ پارێزگهها دهوكێ دكهین و پێگریا وان ب ڤان رێنمایا.
هیڤیدارین ئهف رهوشه ب زویترین دهم بهێته كونترول كرن چونكه ئهڤرو ژ ههمی دهما پێتر لایهنێن سیاسی و خهلك پێتڤی ب ئێك رێزێ یه ژبو پاراستنا دهستكهفتێن مللهتی نه و ههرێما كوردستانێ بهرهف باشتر پێنگاڤا پاڤێت.
لژنا ئهمنییا باڵا ل پارێزگهها دهوك
9102015
11 شهڤ
نيشاندان