ئه‌ڤرۆ نیوز،زنار تۆڤى:
سه‌رۆكێ فراكسیۆنا پارتى دیمۆكراتى كوردستان ل په‌رله‌مانێ كوردستانێ ئۆمێد خۆشناو دپرێس كۆنفرانسه‌كێ دا دا دیاركر: ئه‌ڤرۆ هنده‌ك لایه‌نان دڤیان سازانێ نه‌هێلن دناڤبه‌را لایه‌نێن سیاسى ل كوردستانێ و ئه‌و رێكه‌فتنا شڤێدى دناڤبه‌را لایه‌نێن سیاسى دا هاتیه كرن نه‌هێلن و پێدڤى بوو درێژه ب رێكه‌فتنا شڤێدى ل په‌رله‌مانى هاتبا دان و گۆت ژى:ژ ئه‌ڤرۆ وێڤه ئه‌م دێ لاپه‌ره‌كێ نوو ڤه‌كه‌ین بۆ گه‌هشتن ب سازانێ و دێ كۆمبونێن مه دبه‌رده‌وامبن ژبۆ جه‌ختكرنێ لسه‌ر سازانێ ژ پێخه‌مه‌ت بگه‌هینه چاره‌سه‌ریێ.
سه‌رۆكێ فراكسیۆنا پارتى دیاركر ژى:هه‌ولدان ژبۆ ژناڤبرنا سازانێ سه‌رنه‌گرتن،له‌ورا مه رێك لبه‌ر ئیراده‌یا خۆه سه‌پاندنێ ل كوردستانێ گرت.
نووترين نووچه
- رێكێ نادەین هیچ كەسەك دەستێوەردانێ د كاروبارێن مە دا بكەت
- بەرهنگاربوونا مادەیێن هۆشبەر ئەركەكێ نیشتمانی و ئەخلاقی یێ مە هەموویانە
- مەسرور بارزانی: هیڤیدارین د زووترین دەمدا، حوكمەتەكا نوو و ب هێز و خزمەتگوزار پێكبینین
- فڕەنسا کار بۆ دەستپێکرنا قۆناغەکا نوو ل رۆژئاڤایێ کوردستانێ دکەت
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
سه‌ره‌كى نووترين نووچه
رێژه‌یا یاسایى یا په‌رله‌مانى تمام نه‌بوو و كۆمبوون نه‌هاته ئه‌نجامدان
ئه‌ڤرۆ نیوز،زنار تۆڤى:
به‌رى چه‌ندین رۆژان سه‌رۆكێ په‌رله‌مانێ كوردستانێ بریار دابوو كو رۆژا چارشه‌مبى 19/8/2015 كۆمبوونا نه ئاسایى یا په‌رله‌مانێ كوردستانێ بهێته ل دارخستن لسه‌ر هه‌مواركرنا پرسا سه‌رۆكاتیا هه‌رێما كوردستانێ،هه‌ر چه‌نده گه‌له‌ك هه‌ول هاتنه دان كو ئه‌ڤ كۆمبوونه بهێته پاشخستن بۆ رۆژا ئێكشه‌مبیا بهێت لێ هه‌ر هه‌رسێ فراكسیونێن ئێكه‌تى و كۆمه‌ل و گۆران رژدبوون كو كۆمبوونا په‌رله‌مانى بهێته كرن و هه‌مى په‌رله‌مانتارێن وان ئاماده‌ى كۆمبوونێ بوون و هه‌روه‌سا بتنێ پێنج په‌رله‌مانتارێن ئێكگرتوویا ئیسلامى به‌رهه‌ڤى دانیشتنا په‌رله‌مانى بوونهه‌ر چه‌نده شڤێدى لایه‌نێن سیاسى ل سه‌ر سازانێ رێكه‌فتبوون،لێ پشتى رێژه‌یا یاسایى ته‌مام نه‌بووى و ژ سه‌رجه‌مێ 111 په‌رله‌مانتاران كوردستانێ بتنێ 53 په‌رله‌مانتار به‌رهه‌ڤبووین و نه‌شیان كۆمبوونا خوه ئه‌نجامبده‌ن،له‌ورا كۆمبوونا په‌رله‌مانى هاته پاشخستن،دڤى باریدا گۆران ئازاد ژ فراكسیونا ئێكه‌تیێ گۆت:روونشتنا په‌رله‌مانى یاریا شه‌تره‌نجێ نینه كو دوباره بكه‌ینه‌ڤه له‌ورا كۆمبوون دێ بۆ ده‌مه‌كێ دیتر هێشته پاشخستن،هه‌روه‌سا په‌رله‌مانتاره‌كێ كۆمه‌لێ گوت:هنده‌ك په‌رله‌مانتاران سۆزا خوه بجه نه‌ئینا و وى ئه‌ڤ چه‌نده ب گۆنه‌هه‌كا مه‌زن ل قه‌له‌مدا.
پێنج لایه‌ن ئه‌ڤرۆ جاره‌كا دى دێ كومبن
ئه‌ڤرۆ نیوز:
بریاره جاره‌كادى ئه‌ڤرۆ كومبوونا 5 قولى یا لایه‌نێن سیاسى یێن ناڤ حكومه‌تێ ده‌ستپێ بكه‌ت بۆ گه‌هشتن ب سازانێ ل سه‌ر پرسا سه‌رۆكایه‌تیا هه‌رێمێ و پێشكێشكرنا پرۆژه‌كێ بۆ په‌رله‌مانى كو كوده‌نگیا هه‌موو لایه‌نان ل سه‌ر بیت.
ل دویڤ به‌لاغا دووماهیێ یا كومبوونا 5 قولى، بریاره تا روژا ئێكشه‌مبى هه‌ر پێنج لایه‌نێن سیاسى یێن ناڤ حكومه‌تێ، پارتی، ئێه‌كێتی، گۆڕان، كۆمه‌ڵ و یه‌كگرتوو به‌رده‌وامبن ل سه‌ر كومبوونێن خوه هه‌تا ل سه‌ر پرسا سه‌رۆكایه‌تیا هه‌رێمێ و یاسایا سه‌رۆكایه‌تیا هه‌رێمێ دگه‌هنه رێككه‌فتنه‌كێ.
وەزیرێ پەترۆلا عیراقێ دێ سەرەدانا ھەرێما کوردستانێ کەت
ئەڤرۆ نيوز:
پەرلەمانتارەکێ کورد ل بەغدا راگەھاند کو سەرۆک وەزیرێن عیراقێ عادل عەبدولمەھدی وەزیرێ پەرۆلێ یێ راسپاردی ب سەرۆکاتیا شاندەکی سەرەدانا ھەرێما کوردستانێ بکەت و ل گەل بەرپرسێن ھەرێمێ، کێشێن تایبەت ب پەترۆلێ د ناڤبەرا ھەولێر و بەغدا دا گەنگەشە بکەن.
ئەردەلان نورەدین بۆ “خەندان” ئاشکرا ژی کر کو بڕیت ماکگۆرک جێگرێ ھارتیێ تایبەت یێ سەرۆکێ ئەمریکا بۆ ھەڤپەیمانیا نێڤدەولەتی دژی داعش، بەری نوکە سەرەدانا ھەرێما کوردستانێ کربوو و ل گەل بەرپرسێن بلند یێن ھەرێمێ کۆم بوو، لەورا دبیت وێ سەرەدانێ گوھۆڕین د ھەلویستێن وان دا دروست کربن و ھاندەر بیت کو ھەردو ئالیێن ھەرێمێ و بەغدا بزاڤێن خوە د ڤی واری دا بۆ گەھشتنا چارەکا گونجای خورت بکەن.
كومبوونا ئه‌ڤرۆ یا په‌رله‌مانى هاته پاشخستن
ئه‌ڤرۆ نیوز:
هه‌ر پێنج لایه‌نێن لایه‌نێن سیاسى، پارتى ، ئێكه‌تى ، گوران، یه‌كگرتوو، كومه‌ل، شڤێدى ل ده‌مژمێر 12 و نیڤ كومبوون و هه‌تا 6 سپێدێ كومبوون یا به‌رده‌وام بوو و د ئه نجامدا بریاردان كومبوونا ئه‌ڤرۆ یا په‌رله‌مانێ كوردستانێ بۆ رۆژا 1 شه‌مبى بهێته پاشخستن و كومبوونێن هه‌ر 5 ئالیان بۆ گه‌هشتن ب سازانێ یا به‌رده‌وام بیت.
فوئاد حسێن سه‌رۆكێ دیوانا سه‌رۆكایه‌تیا هه‌رێما كوردستانێ شڤێدى دكۆنگره‌كێ رۆژنامه‌ڤانى دا راگه‌هاند: هه‌ر ده‌مێ هێزێن سیاسى د ناڤ خوه‌دا گه‌هشته سازانێ وى ده‌مى دى ژ نوى كومبوونا په‌رله‌مانى هێته كرن.
دامەزرێنەرەکێ گۆڕان: خەلک یێ ئاخینا بۆ حوکمەتا پارتی و ئێکەتی رادھێلیت
ئەڤرۆ نیوز:
ئەندامەکێ دەستەیا دامەزرێنەرا بزاڤا گۆڕان و رێکخەرێ بلند و پێشمەرگێ دێرین، راگەھاند یوسف محەمەد سەرۆکێ پەرلەمانێ کوردستانێ خودانێ چو بڕیارێن خوە نینە و فەرمانان ژ رێکخەرێ گشتی یێ بزاڤا خوە وەردگریت.
ئاوات قارەمانی بۆ باس ئاشکرا ژی کر کو خەلکی ئومێد ب بزاڤا گۆران نەمایە و ئاخینا بۆ حوکمەتا پارتی و ئێکەتیێ رادھێلیت و دبێژیت:(نەوشیروان مستەفای حەز نەدکر پشکداریێ د حوکمەتێ دا بکەت، چونکو دزانی نەشێت گوھۆڕینان بکەت، لێ ئەوێن ل دەوروبەرێن گۆڕان کۆم بووین حەز ژ پلە و پۆستان دکەن، لەورا مەوشیروان نەچار کر پشکداریێ د حوکمەتا بەرفرەە دا بکەت).
سكرتێرێ په‌رله‌مانى رۆنكرنه‌كێ ل سه‌ر كۆمبوونا سوبه‌هى يا په‌رله‌مانى دده‌ت
ئه‌ڤرۆ نيوز:
فه‌خره‌دين قادر سكرتێرێ په‌رله‌مانێ كوردستانێ بۆ خه‌ندان راگه‌هاند: روونشتنا نه‌يا ئاسايى سوبه‌هى دێ ل ده‌مێ خوه ئانكو ده‌مژمێر 10:00 سپێدێ ب رێڤه چيت و د كۆمبوونێ دا، دێ قانوونا راستڤه‌كرنا قانوونا سه‌رۆكاتيا هه‌رێمێ هێته گه‌نگه‌شه‌كرن.
ده‌رباره‌يى وێ چه‌ندێ كا دێ رێژا قانوونى يا په‌رله‌مانتاران ئاماده بيت، فه‌خره‌دين قادر گۆت: “مه په‌رله‌مانتار هه‌موو يێن گازى كرين و داخوازێ ژێ دكه‌ين د به‌رده‌وام بن ل سه‌ر روونشتنێ”.
هه‌لويستێ ئێكه‌تيێ ل سه‌ر پاشخستنا كۆمبوونا سوبه‌هى يا په‌رله‌مانى
بۆچوونه‌كا هه‌يى كۆمبوونا سوبه‌هى يا په‌رله‌مانى نه‌هێته ئه‌نجام دان
ئه‌ڤرۆ نيوز:
فوئاد حسێن، سه‌رۆكێ ديوانا سه‌رۆكاتيا هه‌رێمێ د كۆنگره‌كێ رۆژنامه‌ڤانى دا راگه‌هاند كو لايه‌نان ته‌كست ل سه‌ر وێ چه‌ندێ كر كو هه‌موو لايه‌ن ل سه‌ر هندێ د هه‌ڤرا نه كو بگه‌هنه ئه‌نجامه‌كى.
دا زانين ژى كو بۆچوونه‌كا ب هێز يا هه‌يى كو داكوكيێ ل سه‌ر وێ چه‌ندێ دكه‌ن كۆمبوونا سوبه‌هى يا په‌رله‌مانێ كوردستانێ بهێته پاشخستن.
نه‌ڤه‌شارت ژى كو هنده‌ك لايه‌نان پێدڤى ب وێ چه‌ندێ هه‌يه به‌رسڤێ ژ سه‌ركرداتيا خوه وه‌ربگرن و ئه‌نجامه‌كى بده‌نه ده‌ست.
بارزانى دێ ل گه‌ل كۆمسيۆن و نوونه‌رێن وه‌لاتێن جيهانێ كۆم بيت
ئه‌ڤرۆ نيوز:
بڕياره سه‌رۆكێ هه‌رێما كوردستانێ ل گه‌ل كۆمسيۆنا هه‌لبژارتن و راپرسيان و نوونه‌رێن وه‌لاتێن جيهانێ ل هه‌رێما كوردستانێ كۆم ببيت.
ب گۆره‌يى ئه‌و پێزانينێن ب ده‌ست باسنيوز كه‌فتين ژ ژێده‌ره‌كێ گه‌له‌ك تايبه‌ت وه‌كو مالپه‌رێ ناڤبرى دايه زانين، سه‌عه‌ت 10:00 يا سوبه‌هى رۆژا چارشه‌مبى 19ى ته‌باخا 2015ێ مه‌سعود بارزانى، سه‌رۆكێ هه‌رێما كوردستانێ، ل گه‌ل جڤاتا كۆمسيۆنا هه‌لبژارتنان و راپرسيێ ل هه‌رێما كوردستانێ و نوونه‌رێ وه‌لاتێن جيهانێ ل هه‌رێما كوردستانێ كۆم ببيت.
ب گۆره‌يى پێزانينێن باسنيوز ئه‌ڤرۆ ئێڤارى داخوازنامه بۆ هه‌موو لايه‌نێن په‌يوه‌نديدار هنارتيه و كۆمبوون دێ ل هۆلا سه‌عد عه‌بدولا ل هه‌ولێر هێته ئه‌نجام دان و تێدا چه‌ند بابه‌تێن گرنگ و تايبه‌ت يێن گرێدايى پاشه‌رۆژا هه‌رێما كوردستانێ گه‌نگه‌شه كه‌ن.
نيشاندان
WP Facebook Auto Publish Powered By : XYZScripts.com