ئەڤرۆ:
ئەندامەکێ لژنا پێشمەرگەی ل پەرلەمانێ کوردستانێ دیار کر کو لژنا وان بڕیار دایە، ل دۆر چەند پرسەکێن تایبەت ب ھێزێن پێشمەرگەی ڤە گرێدای، وەزیرێ پێشمەرگەی ل حوکمەتا ھەرێما کوردستانێ گازیکەنە پەرلەمانی.
باپیر کامەلا، ئەندامێ لژنا پێشمەرگەی ل پەرلەمانێ کوردستانێ ڕاگەھاند، دوھی ١١-٨-٢٠١٥ لژنا وان کۆمبوویە و چەند پرسەکێن گرێدای پێشمەرگەی وەکو: پێشینا ھەڤژینیێ، بلندکرنا پلا وان ١٣٠ ئەفسەرێن دەمێ وان ھاتی پلێن وان بھێنە بلندکرن و ئەو بەیانناما فەرماندێن پێشمەرگەی یا ئاراستەی ھەرسێ سەرۆکاتیێن ھەرێمێ کری گەنگەشەکر و بۆ مالپەرێ فەرمیێ پارتی دیموکراتی کوردستان گۆت: “ئەم وەکو لژنا پێشمەرگەی پشتگیریا وان فەرماندەیان دکەین، دیسا دووڤچوونا وێ نڤیسارێ کەین، ئەوا ل دۆر دانا پارچێن عەردی بۆ دو ھزار زیندانیێن سیاسی ھاتیە دەرئێخستن”.
وی ئەندامێ لژنا پێشمەرگەی ئاشکرا ژی کر، وان د کۆمبوونا خوە یا دوھی دا بڕیار دایە کو وەزیرێ پێشمەرگەی بۆ لژنا پێشمەرگەی بھێتە گازیکرن، دا کو چەند پرسیارەکان ژێ بکەن و رونکرنێن پێدڤی وەربگرن و گۆت: “مە نڤیسارەک ئاراستەی سەرۆکاتیا پەرلەمانی کریە، ژ بۆ وێ چەندێ ب رێیا وان وەزیرێ پێشمەرگەی بۆ پەرلەمانی بھێتە گازیکرن”.
باپیر کامەلا خویا ژی کر، ئەو چارڤەرێ دکەن بۆ دەمێ حەفتیەکێ بەرسڤا نڤیسارا وان بھێتە دان و وەزیرێ پێشمەرگەی و ستافەکێ پەیوەندیدار ب وان پرسیاران بھێنە پەرلەمانی و وان پرسیاران د گەل دا گەنگەشە بکەن.
وەزیرێ پێشمەرگەی دێ چیتە پەرلەمانی
نيشاندان