ئەڤرۆ نيوز:
بڕیارە ئەڤرۆ کۆمبوونا چارێ یا ھەر پێنج لایەنێن سەرەکی یێن ھەرێما کوردستانێ “پارتی، گۆڕان، ئێکەتی، کۆمەل و ئێکگرتوو” ل پارێزگەھا سلێمانیێ، ل ئۆتێلا گراند ملیۆم، بۆ دانوستاندنێ ل دۆر پرسا سەرۆکاتیا ھەرێما کوردستانێ بھێتە ئەنجامدان.
ھەر ل دۆر پرسا سەرۆکاتیا ھەرێمێ، دلشاد شھاب ئەندامێ سەرکرداتیا پارتی دیمۆکراتی کوردستان و ئەندامێ شاندێ پارتی یێ دانوستاندنان راگەھاند، کو ئالیێن سیاسی د ھەڤڕانە ل سەر پرسا سەرۆکاتیا ھەرێمێ، ھندی پرسەکا سیاسی یە، پێدڤی یە ژ دەرڤەی پەرلەمانی بھێتە چارە کرن، ھند پرسەکا قانوونی نینە.
ئەڤرۆ نيوز:
ئەندامەکێ سەرکردایەتیا پارتی دیموکراتی کوردستان راگەھاند، لایەنێن سیاسی د ھەڤڕا نە ل سەر وێ چەندێ کو پرسا سەرۆکاتیا ھەرێمێ یا سیاسی یە کو پێدڤیە ل دەرڤەی پەرلەمانی بھێتە چارەکرن و نە پرسەکا قانوونی یە”.
دلشاد شەھاب ئەندامێ سەرکردایەتیا پارتی و ئەندامێ شاندێ دانوستاندکارێ پارتی بۆ پشکا کوردی یا دەنگێ ئەمریکا گوت” بزاڤا ئەنجامدانا کۆمبوونا پەرلەمانی ل 19 تەباخێ کاریگەری ھەبوو ل سەر کۆمبوونێن پێنج قۆلی و جۆرەکێ بێ باوەریێ ل دەڤ لایەنان یا دروست کری و ئەڤ چەندە ژی دھێت کو داخوازیا پاشخستنا کۆمبوونا پەرلەامنی یا ھەموو لایەنان بوو”.
دلشادی زێدەتر گوت” بزاڤا گۆڕان ب خوەژی داخوازکربوو کۆمبوونا پەرلەمانی بھێتە پاشخستن، ئەوژی پشتی چووینە دەرڤەی ھۆلا کۆمبوونێ و ل گەل (نەوشیروان موستەفای) ئاخڤتین، ھاتنە د ژوورڤە و گوت بلا کۆمبوون بۆ رۆژا ئێک شەمبی بھێتە پاشخستن”.
ڤی ئەندامێ سەرکردایەتیا پارتی ئاشکراکر ژی” من پەیوەندی ب سەرۆکێ پەرلەمانی کر کو ژ بزاڤا گۆڕانە و رێککەفتنا لایەنێن سیاسی پێ راگەھاند، لێ دیاربوو ئەو یێ رژدبوول سەر ئەنجامدانا کۆمبوونێ و ڤێ چەندێ ژی نیگەرانی ل دووڤ خوە ئینا و کۆمبوون ژ ئەگەرێ نەبوونا نیسابێ قانوونی ھاتە پاشخستن”.
ئەندامێ شاندێ دانوستاندکارێ پارتی رۆھنکر ژی” پشتی کۆمبوونێ داخواز ھاتە کرن ھەکە رێککەفتین، پەیامەکا نڤیسی ئاراستەی پەرلەمانی بکەین، بەلێ د بەرھەڤ نەبوون ڤی کاری بکەن، چونکی وان وەسا ل بەربوو کو دشێن کۆمبوونێ بکەن و نیسابێ قانوونی دێ تمام بیت و پرسەکا ھەرە گرنگ دێ دەربازکەن ھەتاکو بکەنە کارتەکا فشارێ ل سەر پارتی، لێ باش بوو نیساب تمام نەبووی، ھەکە دا کێشێ کوورتر لێکەن و وی دەمی گەھشتن ب ئەنجامێ پێکڤەبوونێ دا گەلەک ب زەحمەت بیت”.
ب دیتنا دلشادی شەھابی” لایەنێن سیاسی د ھەڤڕانە ل سەر وێ چەندێ کو پرسا سەرۆکاتیا ھەرێمێ ھندە یا سیاسی یە کو پێدڤیە ل دەرڤەی پەرلەمانی بھێتە چارەکرن و نە پرسەکا قانوونی یە، باوەریێ مە ژی ئەوە و بەری نوکە ژی مە ھەر یا وەگوتێ ژ بەر کو ئەڤ پرسا یا سیاسی یە، بلا ل دەرڤەی پەرلەمانی سازانێ ل سەر بکەین و پاشی پرۆژێ سازانە مە بدەینە پەرلەمانی و ل وێرێ ببیتە قانوونی”.
خۆیاکر ژی”ئەوا پارتی پێشکەشی مێزێن دانوستاندنێن لایەنێن سیاسی کری و ئێخستیە سەر پرۆژێن پێشنیارکری یێن لایەنێن دی کو ل پەرلەمانی ژی دانوستاندن ل سەر ھاتیە کرن، راستە کو پرۆژە نینە، چونکی پرۆژە بۆ پەرلەمانی دھێتە دان و مەرەما مەژی ئەم کاغەزا خوە سیاسی بەرچاڤکەین ھەتاکو پێکڤە ل دۆر پۆژان رێک بکەڤین و ھەموویان بکەینە ئێک پرۆژە و پاشی ب رێیا فراکسیۆنێن خوە دناڤ پەرلەمانی دا دانوستاندنێ ل سەر بکەین و بەرگێ قانوونی ب خوەڤە بگریت”.
ئه‌ڤرۆ نیوز:
شێركو جه‌وده‌ت سه‌رۆكێ لژنا پیشه‌سازى و وزێ و ژێده‌رێن سروشتى و ئه‌ندامێ لژنا دارایى ل په‌رله‌مانێ كوردستانێ راگه‌هاند : مه ده‌ست ب ڤه‌كولینێ سه‌باره‌ت پرسا گیروبوونا مووچێ هه‌یڤا 6 یێ فه‌رمانبه‌رێن هه‌رێمێ كریه و دێ به‌رده‌وام بیت ل سه‌ر دووڤچوونا خوه، پاشان دێ ل لژنا دارایى كۆم بین و دێ هه‌لویستێ خوه راگه‌هینین.
هه‌تا نوكه وه‌زاره‌تا دارایى نه‌شیایه مووچێ هه‌یڤا 6 یێ فه‌رمانبه‌ران دابین بكه‌ت.
ئه‌ڤرۆ نيوز:
بڕياره رۆژا 25ى ته‌باخا 2015ێ كاروانێ ئێكێ يێ حاجيێن هه‌رێما كوردستانێ د رێيا هه‌ردو فرۆكخانێن هه‌ولێر و سلێمانيێ بۆ بجهئينانا فه‌ريزا حه‌جێ روو ل وه‌لاتێ سعوديێ بكه‌ن.
مه‌ريوان نه‌قشه‌به‌ندى، به‌رپرسێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ بۆ خه‌ندان گۆت: “بڕياره رۆژا 25ى ڤێ هه‌يڤێ كاروانێ ئێكێ يێ حاجيێن هه‌رێما كوردستانێ روو ل وه‌لاتێ سعوديێ بكه‌ن ب مه‌ره‌ما بجهئينانا فه‌ريزا حه‌جا ئه‌ڤ ساله”.
زێده‌تر گۆت: “سێ هزار و 656 حاجى دێ د رێيا هه‌ردو فرۆكخانێن هه‌ولێر و سلێمانيێ دا به‌ر ب وه‌لاتێ سعوديێ سه‌فه‌رێ كه‌ن و بڕياره د ماوێ 12 بۆ 12 رۆژان دا هه‌موو حاجيێن هه‌رێمێ سه‌فه‌رێ بكه‌ن”.
به‌رپرسێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ گۆتژى: “وه‌زيرێ ئه‌وقافێ تيمه‌كا ساخله‌ميێ پێكئينن و ل گه‌ل ژماره‌كا موفتى و مورشدان هه‌ڤالينيا حاجيان بكه‌ن بۆ ب رێكرنا وان كه‌سێن سه‌فه‌را حه‌جێ دكه‌ن”.
ئەڤرۆنیۆز، ئەیاد بەرواری
تۆرا CNN یا تەلەڤزیۆنی یا ئەمریکی د راپۆرتەکا خوە دا پێشبینیێ دکەت بھایێ پەترۆلێ گەلەک بھێتە و بگەھیتە ١٥ دۆلاران بۆ ھەر بەرمیلەکا پەترۆلی و ئەگەرێ ڤێ چەندێ ژی بۆ رێککەفتنا ئەتۆمی ئەوا ئەمریکا و وەلاتێن مەزن ل جیھانێ ل گەل ئیرانێ مورکری.
راپۆرتا CNN دبێژیت” بھایێن پەترۆلێ ل ڤێ دووماھیێ گەلەک یێن نزم بووین و شارەزایێن ئابووری پێشبینیێ دکەن نزمبوونا بھایێ پەترۆلێ یا بەردەوام بیت و بگەھیتە 15 دۆلاران بۆ ھەر بەرمیلەکێ”.
تۆرا ناڤبری ئەگەرێن سەرەکی یێن ڤێ نزمبوونێ بۆ گیرووبونا پێشڤەچوونا ئابوورێ ێینێ و گەشەکرنا بازارێ وزێ ل ئەمریکا و رەتکرنا رێکخراوا وەلاتێن ھناردەیێن پەترۆلێ (ئوپک) ب سەرکێشیا سعودیێ بۆ کێمکرنا بەرھەمئینانا پەترۆلێ ژبۆ پەیداکرنا ھەڤسەنگیێ د بازارێن جیھانێ دا، دیسا پەیدابوونا دەلیڤەکا مەزن بۆ ئیرانێ ژبۆ زێدەکرنا رێژا بەرھەمئینانا پەترۆلێ خوە ب مفا وەرگرتنێ ژ رێککەفتنا خوە یا ئەتۆمی ل گەل ئەمریکا، ب تایبەتی شارەزایێن ئابووری ئاماژێ ددەن کو دبیت ئەو رێکەفتنە ببیتە ئەگەرێ زێدەبوونەکا مەزن د بەرھەمئینانا پەترۆلێ ئیرانی و فرۆتنا وی و نوکە ئیرانی 30 ملیۆن بەرمیلێن بەرھەڤکری بۆ فرۆتنێ د عەمباران دا یێن ھەین.
ئەڤرۆ نیوز،زنار تۆڤی:
ل سپێدەهیا رۆژا شەمبی تۆپخانەیا سوپایێ تورکی بۆ ماوێ نیڤ دەمژمێرێ ب دژواری گوندێ نزدورێ و دەردۆرا گوندێ کێستە و پشتا زنارا کێستە تۆپبارانکرینە.
وەلاتیەک بناڤێ حەمید حسێن بۆ ئەڤرۆ نیوز دبێژیت:وان تۆپان ترس لدەف خەلکێ پەیداکر و خەلکێ ترسا هندێ هەبوو کو ئەو گۆلە تۆپە زێدەکەن و بەرەف گوندێن وان ڤە بهێن،چونکی تورکا خەما هندێ نینە کانێ تۆپێن وان ل کیرێ دکەڤن.
هه‌ر شڤێدى ل چيايێ گاره‌يى ژى فرۆكێ شه‌ركه‌رێن توركيا تۆپبارانا ده‌ڤه‌رێن ده‌ردورێ چيايێ گاره‌يى كرن و ژ ئه‌نجامێ وێ چه‌ندێ ئاگره‌كێ مه‌زن په‌يدا بوو و زيانێن مادى يێن مه‌زن ل پشت خوه هێلان.
ئه‌ڤرۆ نيوز:
شيره‌تكارێ مه‌كته‌با سياسى يا پارتى ديموكراتى كوردستان، عارف روشدى، بۆ مالپه‌رێ فه‌رمى يێ پارتى ديموكراتى كوردستان راگه‌هاند كو پێدڤيه د خولا بهێت يا په‌رله‌مانێ كوردستانێ دا كه‌سانێن وه‌سان بهێنه هه‌لبژارتن د تێگه‌هشتى و زانايێن مله‌تى بن، وه‌كو ئه‌و دبێژيت: “پشكه‌كا ئه‌ندامێن په‌رله‌مانى د وى ئاستى دا نينن نوونه‌راتيا خه‌لكى بكه‌ن، چه‌نكو شيانێن چاره‌كرنا كێشه‌يان نينن”.
ئه‌ڤرۆ نيوز:
ئورهان مرۆكلۆ په‌رله‌مانتارێ پارتيا دادوگه‌شه‌پێدان “ئاكپارتى” ل توركيا راگه‌هاند: دژايه‌تيكرن بۆ درێژكرنا ماوێ ويلايه‌تا مه‌سعود بارزانى سه‌رۆكێ هه‌رێما كوردستانێ ب پشته‌ڤانيا كۆمارا ئيسلامى يا ئيرانێ يه.
هه‌ڤده‌م فه‌همى ده‌مير سه‌رۆكێ گتشيێ هاكپار بوو وه‌سا دبينيت كو كوردستان به‌ر ب سه‌ربه‌خۆيێ دچيت، مانا بارزانى بۆ هه‌موو ده‌ڤه‌رێ باشه، ب تايبه‌ت د كاوانه‌كێ هوسا يێ شه‌رى دا، جهگوهۆڕينا بارزانى بڕياره‌كا باش نابيت و بزاڤا لابرنا وى ژى خه‌له‌تيه‌كا مه‌زنه.
ژێده‌ر: رووداو
نيشاندان