ئه‌ڤرۆنیۆز، ئه‌یاد به‌رواری
پشتى ئه‌لمانیا بریار داى 200 سه‌ربازێن خوه و كه‌تیبا مۆشه‌كێن (پاتریۆت) ژ باژێرێ (مه‌رعه‌ش) یێ توركی ڤه‌كێشیت، سایتێ (توركیا پۆست) یێ توركی بابه‌ته‌ك به‌لاڤكر ب ناڤ و نێشانێ (ئه‌لمانیا و نهێنیا پشته‌ڤانیا مه‌زن بۆ په‌كه‌كێ) تێدا دیار دكه‌ت كو ڤه‌كێشانا وێ هێزا ئه‌لمانی ژ توركیا ژبه‌ر كێمبوونا مه‌ترسیێن ژ ئاخا سووریێ ل سه‌ر توركیا نه‌بوو، به‌لكو ژبه‌ر نه‌رازیبوونا ئه‌لمانیا بوو ل سه‌ر توپبارانكرنا توركیا بۆ باره‌گایێن پارتیا كاركه‌رێن كوردستانێ (په‌كه‌كێ) و سایتێ ناڤبرى ئاماژه دا وێ چه‌ندێ كو ئه‌لمانیا مه‌زنترین پشته‌ڤانا په‌كه‌كێ یه.
سایتێ ناڤبری دیاردكه‌ت كو ل پایته‌ختێ ئه‌لمانیا به‌رلینێ پتر ژ 300 كۆمه‌لان بۆ پارتیا كاركه‌رێن كوردستانێ كاردكه‌ن و جهێ سه‌رنج ڕاكێشانێ یه كو ده‌زگه‌هێ هه‌والگیریا ئه‌لمانی پشته‌ڤانیا ڤان كۆمه‌لان دكه‌ت و چه‌كی ژی دهنێریت و به‌حس وێ چه‌ندێ ژی دهێته كرن كو سالانه كوژمێ ملیار یورۆیان بۆ په‌كه‌كێ دهێنه كۆمكرن.
ئه‌ڤرۆ نیوز:
حاجى كاروان ددیداره‌كێ دا ل گه‌ل كه‌نالێ NRT دیاركر كو ب مخابنى ڤه ئه‌م كورد د ناڤخودا رێككه‌فتنان و ئه‌مریكا بهێت مه بگه‌هینته ئێك و گۆت” د كومبوونا 5 قولى دا، ئه‌مریكا گوتیه لایه‌نێن سیاسى ئه‌م پابه‌ندین ب به‌ره‌ڤانیكرنێ ژ كوردستانێ و پابه‌ندین ب ئه‌منا كوردستانێ ڤه و ئه‌منا كوردستانێ ژى پابه‌نده ب مانا بارزانى بۆ سالێن بهێت، له‌وما دڤێت لایه‌نێن سیاسى ده‌نگى ب مانا سه‌رۆك بارزانى بده‌ن.
ده‌قێ ئاخافتنا وى د ڤى ڤیدیویێ دا ببینه
ئه‌ڤرۆ نیوز: ڤه‌ده‌ر ره‌شاڤایی:
كۆمپانییا نه‌رویجی DNO راگه‌هاند كو د چارێكا دویێ دا یا به‌رهه‌م ئینانێ ل كێلگه‌ها تاوكێ ل هه‌رێما كوردستانێ به‌رهه‌مێ وێ رۆژانه 153,346 به‌رمیڵن نه‌فتێ بووینه پشتی شیانێن كێلگه‌هێ بۆ 200 هزار به‌رمیلان رۆژانه زێده‌كری.
سه‌رجه‌مێ 118,037 به‌رمیلان رۆژانه كو دگه‌هیته 77 سه‌دێ یا به‌رهه‌مێ كێلگه‌هێ دایه ده‌ستێ حكومه‌تا هه‌رێما كوردستانێ بمه‌ره‌ما وێ یه‌كێ برێیا بورییا د توركیا را بهێته هنارتن بۆ بازاران، زێده‌باری 31,378 به‌رمیلان رۆژانه بۆ بازارێن ناڤخۆ هاتینه فرۆتن.
داهاتێ كۆمپانیێ د چارێكا دووێ دا یا به‌رهه‌می ل سالا 2015 ێ بۆ 55 ملیۆن دۆلاران زیده‌بوویه د به‌رامبه‌ر دا د چارێكا ئێكێ دا به‌رهه‌مێ وێ 26 ملیۆن دۆلار بوون.
بیجان موسافار ره‌حمانی سه‌رۆكێ جێبجێكار یێ كۆمپانیێ ئاشكرا كر كو سه‌ره‌رای په‌قاندنا ڤێ داویێ یا بۆریان به‌رهه‌م بێ راوه‌ستییان به‌رده‌وامه و دلخوه‌شییا خوه ژ پلانا وه‌زاره‌تا سامانێن سرۆشتیێن هه‌رێمێ ده‌ربری بۆ دانا پاره‌یێ مه‌هانه بۆ DNO و كۆمپانیێن دی ل هه‌رێمێ ژ فرۆتنا نه‌فتا خوه یا سه‌ربخۆ ، ب تشته‌كێ گرنگ قه‌له‌م دا بۆ به‌رده‌وامیدان ب وه‌به‌رهێنانێ.
ئه‌ڤرۆ نیۆز: ڤه‌ده‌ر ره‌شاڤایی:
لدووڤ گۆتنا زانایێن ئه‌مریكی مه‌ها خزیرانا ئه‌ڤ ساله گه‌رمترین مه‌هـ بوو ددیرۆكا عه‌ردی دا د 4 هزار سالێن بۆری دا هاتییه تۆماركرن.
د راپۆرته‌كێ دا زانایێن ئه‌مریكی ل كارگێرییا نیشتمانییا سه‌قایی و ئۆقیانۆسان گۆت كو ئه‌و پێشبینی دكه‌ن 2015 گه‌رمترین سال بهێته هژمارتن، ئه‌گه‌ر ژی ڤه‌گه‌راند بۆ گوهرینا ژینگه‌ها ئه‌ردی و كاریگه‌رییا دیاردا سرۆشتییا (ئێل ناینۆ) كو گه‌رمبوونا ئۆقیانۆسێ ئارام بخوه‌ڤه دگریت ، هه‌روه‌سا كاریگه‌رییا زێده‌بوونا ئاستێ دوانه ئۆكسیدا كاربۆنێ.
سه‌رۆكێ چاڤدێرییا سه‌قایی ل بریتانییا پیته‌ر سكۆت گۆت: ئێل ناینۆیه‌كا مه‌زن برێڤه‌یه ژ ده‌ڤه‌رێن گه‌رم یێن ئۆقیانوسێ ئارام ل نیڤكادا باكۆر، ئه‌ڤه‌ژی رامانا وێ ئه‌وه كو چێدبیت هنده‌ك مه‌هێن دی یێن گه‌رم د سالا 2015 ێ دا لگه‌ل خوه بینیت و د زڤستانا ئه‌ڤ ساله‌ژی ئه‌م د هنده‌ك ده‌مێن گه‌رم دا بۆرین. تێ زانین (نیڤكادا باكۆر) كوردستانێ ژی بخوه‌ڤه دگریت.
زانایێ ئه‌مریكی جه‌یك كراوچ دبێژیت جیهان یا گه‌رم دبیت و یا به‌رده‌وامه لسه‌ر گه‌رم بوونێ و ئێكێ مه‌ها خزیرانا ئه‌ڤ ساله ل پترییا وه‌لاتان بلندترین رێژا گه‌رمێ هاتییه تۆماركرن و ل باژێرێ له‌نده‌ن ل بریتانیا گه‌هشتبوو 37 پله‌یێن سه‌دی.
ئه‌ڤرۆ نیوز:
ئه‌ڤرۆ ل هه‌مبه‌ر باره‌گایێ مه‌لبه‌ندێ سێى یێ یه‌كگرتووى ئیسلامى كوردستان ل دهۆكێ، لایه‌نگرێن یه‌كگرتوو خرڤه‌بوونه‌كا نه‌رازیبوونێ ئه‌نجامدان.
د.محه‌مه‌د مسته‌فا به‌رپرسێ مه‌لبه‌ندێ سێى یێ یه‌كگرتوو ل دهۆكێ به‌یاننامه‌كا نه‌رازیبوونێ خواند و داخواز ژ حكوومه‌تا هه‌رێما كوردستانێ كر كو له‌ز و دووڤچوونێ بكه‌ن ل روودانا ته‌قه‌كرنێ ل باره‌گایێ یه‌كگرتوو ل هه‌له‌بجه كو شڤێدى ته‌قه لێ هاتیه كرن داكو ئه‌ڤ روودانه دووباره نه‌بن.
به‌رپرسێ مه‌لبه‌ندێ سێى یێ یه‌كگرتوو ئاماژه ب وێ یه‌كێ كر كو كوردستان یێ دده‌مه‌كێ نازك دا ده‌رباز دبیت، له‌وما یه‌كگرتوو ده‌ستپێشخه‌ر بوو كو پرسا سه‌رۆكایه‌تیا هه‌رێمێ ب دانوستاندن و سازان بهێته چاره‌كرن و پاشان د چارچوڤه‌كێ یاسایى دا ل په‌رله‌مانى بهێته رێكخستن.
ئەڤرۆ نیوز،زنار تۆڤی:
پڕۆژێ چاکسازیا حەیدەر عەبادی یێ بەردەوامە و ئەڤرۆ سەرۆک وەزیرێ عێڕاقێ بریارەکادی دەرکر ، ئەوژی کێمکرنا هژمارا پاسەوانێن هەرسێ سەرۆکاتیێن کۆمار و وەزیران و پەرلەمانیە ل عێراقێ و عەبادی گۆتیە، ژمارا پاسەوانێن هەرسێ سەرۆکاتیا دبیتە بیست هزار سەربازان و جارەکادی رێکخستنا پاسەوانێن هەرسێ سەرۆکاتیان بهێتەکرن و 90% پاسەوانێن وان دێ هێنە کێمکرن و هەروەسا ڤەگەراندنا دەرمالەیێن جێگرێن سەرۆک کۆماری و وەزیران بۆ گەنجینا دەولەتێ.
عەبادی گوت ژی: پاسەوانێن هەرسێ سەرۆکاتیا دێ چنە سەر ب وەزارەتا ناڤحۆ و بەرگریا عێراقێ،هەروەسا مووچێ خانەنشینێن بەرپرس دێ هێتە کێمکرن.
ئه‌ڤرۆ نيوز:
ئه‌ڤرۆ ژى كۆمبوونا پێنج لايه‌نێن سياسى ل هه‌رێما كوردستانێ ب دووماهى هات بێى كو ب گه‌هنه چو ئه‌نجامان و ژ به‌ر ڤێ چه‌ندێ ژى بڕياره سوبه‌هى رۆژا ئه‌ينى 21ى ته‌باخا 2015ێ به‌رده‌واميێ بده‌نه كۆمبوونا پێنج قۆلى.
ب گۆره‌يى ئه‌وان پێزانينێن ده‌زگه‌هێن راگه‌هاندنێ به‌لاڤ كرين، سوبه‌هى رۆژا ئه‌ينى رێكه‌فتى 21ى ته‌باخێ دێ هه‌ر پێنج لايه‌نين سياسى به‌رده‌واميێ ده‌نه كۆمبوونا خوه يا پێنج قولى هه‌تا بگه‌هنه رێكه‌فتنه‌كێ ل سه‌ر پرسا سه‌رۆكاتيا هه‌رێما كوردستانێ.
ئه‌ڤرۆ نيوز:
عسمه‌ت ره‌جه‌ب، به‌رپرسێ لقا 14 يا پارتى ديموكراتى كوردستان ل مووسل بۆ ئه‌ڤرۆ نيوز ئاشكه‌را كر كو ئه‌ڤرۆ سپێدێ 20ى ته‌باخا 2015ێ چه‌كدارێن تيرۆرستێن داعش ل پێش چاڤێن فه‌رمانبه‌ران، دو فه‌رمانبه‌رێن زانكۆيا مووسل سێداره دان و پاشان ژى سڤكاتى ب ته‌رمێن وان كرن.
دا زانين ژى كو ل شه‌ڤا بۆرى چه‌كدارێن نه‌نياس هێرش ب رۆمانا كريه سه‌ر زانگه‌هه‌كا چه‌كدارێن تيرۆرستێن داعش، ل تاخێ ميساق ل ناڤ بارێژێ مووسل ل دووڤ دا ترۆمبێله‌كا جۆرێ BMW ب چه‌كدار ڤه هێرش كريه سه‌ر زالگه‌هه‌كێ و سێ چه‌كدارێن داعش يێن پله بلند هاتينه كوشتن.
به‌رپرسێ لقێ پارتى ب گۆره‌يى ئه‌و پێزانينێن ل به‌ر ده‌ستێ وان ئاماژه ب وێ چه‌ندێ ژى كر كو نوكه ناڤا سه‌نته‌رێ مووسل وه‌كو سه‌نگه‌ره‌كێ شه‌رى د ناڤبه‌را چه‌كدارێن داعش و چه‌كدارێن نه‌نياس ڤه لێ هاتيه “ژ به‌ر كو رۆژانه هێرشا دكه‌نه سه‌ر باره‌گا و زالگه‌هێن وان”.
نيشاندان