ئه‌ڤرۆ نيوز:
مه‌كته‌با سياسى يا پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ل گه‌ل حزبا شيوعى ل هه‌ولێر يا د كۆموونێ دا.
مه‌كته‌با سياسى يا پارتى ل گه‌ل حزبا شيوعى يا د كۆمبوونێ دا
نووترين نووچه
- سەرۆك بارزانی دوپاتی ل ئێكڕێزییا ئالیێن كوردی ل سووریێ كر
- حوكمەتا هەرێمێ ب زەلالی پێگیرییا ب رێككەفتنێن ل گەل بەغدایێ كری
- دڤێت دەستهەلاتا دادوەری رۆلێ خوە د دابینكرنا شایستەیێن دارایی یێن هەرێما كوردستانێدا بگێڕیت
- نێچیرڤان بارزانی ل بەغدایێ دوپاتیێ ل ماف و شایستەیێن قانوونی و دستووری یێن هەرێما كوردستانێ دكەت
- ئاڤـاکرنا دهولـهتەکـا کـوردی بۆ ئارامیـا رۆژهـهلاتا ناڤین یا پێدڤیه
- سەرۆكێ حوكمەتا هەرێمێ چار بڕیار بۆ پاقژ راگرتنا ژینگەها کوردستانێ دەركرن
- د.ڤیان سەبری: چەندین سالە بەغدا رەفتارەكا دروست ل گەل هەرێما كوردستانێ ناكەت
- ئیخلاس دلێمی: میكانیزمەك د ناڤبەرا هەرێمێ و بەغدایێ دا بۆ خەرجكرنا مووچەیێ مەها 12 دێ هەبیت
- نەجیبە نەجیب: 10 سالە ئیراقێ بۆدجەیا هەرێما كوردستانێ ب تمامی نە هنارتییە
- مەحما خەلیل: پێدڤییە كورد ل بەرانبەر بەغدا د ئێكدەنگ بن
سه‌ره‌كى نووترين نووچه
عەبادی پەیامەک بەلاڤکر
ئەڤرۆ نیوز،زنار تۆڤی:
ئەڤرۆ رۆژا سێشەمبی 11ى ته‌باخا 2015ێ حەیدەر عەبادی پەیامەک بەلاڤکر و تێدا گۆتیە: “پۆستێ جێگرێن ھەر سێ سەرۆکاتیا دەرگەھەکێ گەندەلیێ بوون و داخوازێ ژ پەرلەمانی دکەت کو ئەو پرۆژێ وی بۆ چاکسازیێ راگەھاندی پەسەند بکەن”.
بریارە ل روونشتنا ئەڤرۆ یا پەرلەمانێ عيراقێ پرۆژێ حەیدەر عەبادی سەرۆک وەزیرێ عیراقێ بێخنە د ناڤ بەرنامێ کاری دا، بۆ ھندێ دانوستاندنێ ل سەر بکەن و پەسەند بکەن.
حەیدەر عەبادی گۆتژى: “ئارمانجا سەرەکی ژ وان بریاران بۆ چاکسازیێ بو جێبەجێکرنا داخوازیێن خەلکێ و نەھێلانا رەهـ و ریشالێن گەندەلیێ یە ل عێراقێ و نە کو دژایەتیکرنا لایەنەکێ یان پێکھاتەکێ سیاسیە”.
عەبادی د وێ بەیاننامێ دا داخواز ژ پەرلەمانێ عيراقێ کریە بەرپرسیارەتیێ بگرنە ستوویێ خوە و رەوشا نوکە یا عيراقێ ل بەر چاڤ وەربگرن و پرۆژێ وی بۆ چاکسازیێ پەسەند بکەن و بکەنە قانوون بۆ ھندێ ب زووترین دەم بێخنە د وارێ جێبەجێکرنێ دا.
ھەروەسا عەبادی دبێژیت: “پۆستێ جێگرێن ھەرسێ سەرۆکاتیان ئێکە ژ دەرگەھێن گەندەلیێ و د دەستھەلاتا پەرلەمانی دا ھەیە ب رێیا دەنگدانێ ھەلبوەشینن”.
دەست ب بەلاڤکرنا پارێ جۆتیاران ھاتە کرن
ئه‌ڤرۆ نيوز:
رێڤەبەرێ ڕاگەھاندنێ ل وەزارەتا چاندن و ژێدەرێن ئاڤێ یا حوکمەتا ھەرێما کوردستانێ بۆ ئەڤرۆ دیار کر کو حوکمەتا ھەرێما کوردستانێ، کۆژمێ چار ملیۆن و 445 ھزار دۆلار ژ پارێ پەترۆلێ بۆ کرینا جەھێ جۆتیاران تەرخانکرن و دوھی 10ى ته‌باخێ دەست بەلاڤکرنا پارێ جۆتیارێن جەھی وان ھاتیە وەرگرتن ھاتە کرن.
ماجد دەباغ، رێڤەبەرێ ڕاگەھاندنێ ل وەزارەتا چاندن و ژێدەرێن ئاڤێ یا حوکمەتا ھەرێما کوردستانێ بۆ ئەڤرۆ ئاشکرا کر، ل سالا 2014 زێدەتر ژ دو ملیۆن دۆلاران ھاتبوونە مەزاختن بۆ جۆتیاران و پارێ دی مابوو، ژبەر قەیرانا دارایی ھەرێما کوردستانێ نەدشیا ڤی کۆژمێ پارەی بۆ جوتیاران تەرخان بکەت، بەلێ پشتی دانوستاندن د گەل بەنکا کوردستان ھاتینە کرن رازیبوون ل سەر مەزاختنا پارێ مایی ژ پارێ پەترۆلا حوکمەتا ھەرێما کوردستانێ ھاتە کرن و گۆت: “ئەو جۆتیارێن ھەتا نوکە پارێ خوە یێ جەھی وەرنەگرتین پارێ وان ھاتە بەلاڤکرن”.
ناڤھاتی ئاشکرا ژی کر، ئەڤ سالە جۆتیاران جەە گەلەک کێم چاندبوو، چونکی جەھێ وان زوو ناھێتە وەرگرتن، ژبەر ڤێ چەندێ بەھرا پتریا جۆتیاران ئەڤ سالە گەنم چاندبوو، بەلێ وەزارەتا چاندن و ژێدەرێن ئاڤێ ل حوکمەتا ھەرێما کوردستانێ جەە ژ جۆتیاران کری و گۆت: “ئەڤ سالە ژی رێژا بەرھەمئینانا گەنمێ جۆتیاران ب شێوەکێ گەلەک باشبوو”.
ل دووماھیێ رێڤەبەرێ ڕاگەھاندنێ ل وەزارەتا چاندن و ژێدەرێن ئاڤێ گۆت: “ئەم دخوازین پارێ گەنمێ جۆتیاران ژی زوو بھێتە مەزاختن، داکو جۆتیار بشێن ئەڤ سالە زێدەتر گەنمی بچینن و چاڤدێریا بەرھەمێ خوە بکەن، ب ھەموو رەنگان ئەم بزاڤێ دکەین جۆتیار جەھی و گەنمی بەرھەم بینن”.
فدراسیۆنا پەنابەران: 10 ھزار گەنجێن ھەرێمێ یێن چووینە دەرڤە
ئەڤرۆ:
بەرپرسێ فدراسیۆنا سەرتاسەری یا پەنابەرێن عیراقێ ل ھەرێما کوردستانێ راگەھاند چوونا گەنجان بۆ دەرڤەی وەلاتی یا بەردەوامە و د ھەشت ھەیڤێن بۆری دا 10 ھزار گەنج ل ھەر چار پارێزگەھێن ھەرێمێ یێن چووینە ژ دەرڤە و پتریا وان ب رێیا قاچاغی دچن کو رێیا مرنێ یە.
ئامانج عەبدوللا بۆ مالپەری فەرمی یێ پارتی ئاشکرا ژی کر کو ئەڤ ھژمارا چووینە ژ دەرڤەی وەلاتی پتریا وان گەنجن و یێن دی خێزانن و گۆت: “رەنگە ژ ڤێ ھژمارێ زێدەتر ژی بن، لێ چونکو ب رێیێن قاچاغ و ب بھانەیا گەشتێ دچنە تورکیا و پاشی دچنە وەلاتێن ئورۆپی و ناڤێن خوە تۆمار نەکرینە”.
بەرپرسێ فدراسیۆنا پەنابەرێن عیراقێ خویا کر کو پتریا کەسێن دچنە دەرڤەی وەلاتی یێن پارێزگەھا سلێمانیێ نە و پشکا شێری بەر وێ پارێزگەھێ دکەڤیت.
بیره‌وه‌ریا جینوسایدا بارزانیان هاته ساخكرن
بارزان ، نه‌وزاد زاده هلورى :
وه‌زاره‌تا شه‌هید و ئه‌نفالكریێن كوردستانێ ب هه‌ڤكاریا دام و ده‌زگه‌هین حكومى و حزبى و سازیێن ده‌ڤه‌را بارزان 32 مین سالروژا جینوسایدا بارزان ساخكره‌ڤه ، كو تێدا به‌رپرسێن حكومى و حزبى و كونسولگه‌ریێن وه‌لاتیێن بیانى و كه‌س و كارێن جینوسایدا بارزانیان و كه‌س و كارێن شه‌هیدێن شه‌رێ داعش به‌رهه‌ڤببوون.
ل ده‌ستپێكێ ب مارشا بلولا ره‌سه‌نا ده‌ڤه‌را بارزان مه‌راسیم ده‌ستپێكر و پاشان په‌یڤا كه‌س و كارێن جینوسایدا بارزان هاته خواندن و ئاماژه ب وێ چه‌ندێ هاته كر نكو” ساخكرنا ڤێ بیره‌وه‌ریێ برینێن كه‌س و كارێن كه‌س كارێن جینوسایدكرنا ساخ ناكه‌ت به‌لكو دڤێت جهێن شوله‌ژێ كار بكه‌ن بۆ قه‌ربه‌بوكرنا ماددى و مه‌عنه‌وه‌ى و گه‌هاندنا ب سزایێ تاوانبارێن بوینه سه‌ده‌م كو باب و برایێن مه بهێنه جینوسایدكرن )
ژلایه‌كێ دنڤه جه‌عفه‌ر ئیمینكى جێگرێ سه‌روكێ په‌رله‌مانێ كوردستانێ و گۆت : ( ئه‌گه‌ر جینوسایدكرنا بارزانیان پلانه‌كا پیشوه‌خته و دارژتى بوونه‌بایه بڤى ره‌نگى روونه‌ددا و ئه‌ز باوه‌رم دا نێرینه‌یێن بارزان به‌رگریێ ژ خوه كه‌ن و بڤى ره‌نگى هوڤانه قوربانى درۆست نه‌دبوو ، و ژبه‌رڤێ پێدڤى یه حكومه‌تا عیراقێ و كوردستانێ ب زوترین ده‌م خزمه‌تا كه‌س و كارێن جینوسایدكرنا بكه‌ت ب تایبه‌تى قه‌ره‌بوكرنا مه‌عنه‌وى ژ به‌ركو چوو جاران كوشك و ته‌لار جهێ روحه‌كا مروڤى ناگریت )
زێده‌تر گۆت : ( نها جیهان هه‌موو دوزا كوردان ب خوینا ئه‌ڤان قوربانیێن جینوسایدكریان دنیاسیت ، له‌وران دبێژینه كه‌س و كارێن جینوسایدكریان خه‌ما نه‌خون كو گیانێ جینوسایدكریێن وه بوویه ئه‌گه‌ر كو ئه‌ڤ ئازادیا نها ب ده‌ستڤه بهێت )
ل دوماهیا رێورسمێن ساخكرنا جینوسایدا بارزانیان تاجه گولینه ژلایێ نوونه‌رێ سه‌روك بارزانى محه‌مه‌دى حاجى مه‌حمودى و ئه‌ندامێن په‌رله‌مانێ كوردستانێ و كه‌س و كارێن قوربانیان لسه‌ر كێلیێن جینوسایدكریان هاتنه دانان.
دهێته زانین كو رژێما به‌عس ل 31/7/1988 د پلانه‌كا دارشتى دا 8000 توخمێ نێرینه‌یێ بارزانى دژیێ 12 سالى بو سه‌رى ل باشوورێ عیراقێ و ناوچه‌یا نوگره سه‌لمان ب ساخى بن ئاخكرن و وه‌كو نه‌ریته‌كێ سالانه وه‌زاره‌تا شه‌هید و ئه‌نفالكریان ب هه‌ڤكاریا دام و ده‌زگه‌هێن ده‌ڤه‌را بارزان ڤێ رۆژێ ساخ دكه‌ته‌ڤه.
پێشبينيا كاره‌ساتێن مروڤى ل عيراقێ دهێته كرن
ئه‌ڤرۆ نيوز:
چريا ئێكێ دێ هه‌ڤكاريێن مروڤى يێن نه‌ته‌وێن يه‌كگرتى بۆ عيراقێ هێنه راگرتن، به‌رپرسه‌كێ نه‌ته‌وێن يه‌كگرتى ژى هوشداريا وێ يه‌كێ دده‌ت كو ژبه‌ر كێميا بودجه‌ى دێ ژيانا زێده‌تر ژ مليون ئاواران كه‌فيته د مه‌ترسيێ دا.
لیز گرندی، به‌رپرسێ هه‌ماهه‌نگيا كاروبارێن مروڤى ل نه‌ته‌وێن يه‌كگرتى بۆ عيراقێ راگه‌هاند: ژ ئه‌گه‌رێ كێميا بودجه‌ى، نه‌ته‌وێن يه‌كگرتى بريار دايه ل ده‌ستپێكا چريا ئێكێ هه‌ڤكاريێن خوه يێن مروڤى رابگريت، و ب ڤێ چه‌ندێ دێ ژيانا 2 مليون عيراقيان كه‌ڤيته د مه‌ترسيێ دا.
پێشتر نه‌ته‌وێن يه‌كگرتى داخوازا 500 مليون دولاران كربوو بۆ عيراقێ و ژ ڤى كوژمى ب تنێ 100 مليون دولار بۆ هاتبوونه كوم كربوون.
سه‌در داخوازا خونيشادانه‌كا مليونى دكه‌ت
ئه‌ڤرۆ نيوز:
موقته‌دا سه‌در رێبه‌رێ بزاڤا سه‌در داخوازێ ژ عيراقيان دكه‌ت ده‌نگى ل سه‌ر بريارێن چاكسازييێ ييێن حكوومه‌تێ نه‌ده‌ن و خونيشادانه‌كا مليونى ساز بكه‌ن و بچنه هه‌مبه‌ر جڤاتا نوونه‌ران.
د به‌ياننامه‌كێ دا موقته‌دا سه‌در رێبه‌رێ بزاڤا سه‌در راگه‌هاند: قوناغا بهێت پێدڤيه قوناغا دابينكرنا دابينكرنا خزمه‌تكاريان و دادپه‌روه‌ريا جڤاكى بيت.
سه‌در داخواز ژ سازيێن حكوومى و ده‌زگه‌هێن سه‌ربه‌خو كر كو ل دژى گه‌نده‌لكاران رابوه‌ستن و ل هه‌ر پوسته‌كێ دا بن بۆ ڤه‌گه‌راندنا مافێن خه‌لكى.
هاتيه نووكرن: كۆمبوونا پارتى و ئێكه‌تى ب دووماهى هات
ئه‌ڤرۆ نيوز:
به‌رى نيڤرۆيا ئه‌ڤرۆ رۆژا دوشه‌مبى رێكه‌فتى 10ى ته‌باخا 2015ێ ل هه‌ولێر كۆمبوونا پارتى و ئێكه‌تى ل دۆر پرسا سه‌رۆكاتيا هه‌رێما كوردستانێ ب دووماهى هات.
عيماد ئه‌حمه‌د، ئاخفتنكه‌رێ ب ناڤێ ئێكه‌تى نشتيمانى كوردستان د كۆنگره‌كێ رۆژنامه‌ڤانى دا راگه‌هاند: بوچوون د جودانه، به‌لێ هندێ ناگه‌هينن كو رێك ناكه‌ڤن.
عيماد ئه‌حمه دگۆت: “هێشتا مه بڕيارا دووماهيێ ل سه‌ر پرسا سه‌رۆكاتيا هه‌رێما كوردستانێ نه ل مه‌كته‌با سياسى نه ل سه‌ر ئاستێ سه‌ركرداتيێ نه راگه‌هانديه”.
دا زانين ژى كو ئه‌و ل سه‌ر پرۆژێ خوه لێڤه‌نه‌بووينه و ئه‌وا نوكه ئه‌و دبێژن و ل گه‌ل پارتى د روونن پێگوهۆڕێ وێ چه‌ندێ نينه.
مه‌حمود محه‌مه‌د ئه‌ندامێ سه‌ركرداتيا پارتى هه‌ر د وى كۆنگرێ رۆژنامه‌ڤانى دا راگه‌هاند كو پارتى و ئێكه‌تى دو حزبێن گه‌له‌ك ژێك جودانه و دێ بزاڤێ كه‌ن خالێن هه‌ڤپشك هه‌لبژێرن و ل سه‌ر بگه‌هنه رێكه‌فتنێ.
گۆتژى: “دشيان دايه بۆ ماوێن گه‌له‌ك درێژ ئه‌ڤ پرۆژێ خواندنا ئێكێ ل په‌رله‌مانى بۆ هاتيه كرن بمينيته ل په‌رله‌مانێ كوردستانێ و به‌رى نوكه ژى گه‌له‌ك قانوونان خواندنا ئێكێ بۆ هاتيه كرن و هه‌تا نوكه نه‌هاتينه به‌ر دانوستاندنێ ل په‌رله‌مانى و نه‌هاتينه په‌سه‌ندكرن”.
كاروانێ ئێكێ يێ حه‌جيان دێ ل دووماهيا ڤێ هه‌يڤێ چيت
ئەڤرۆ نیوز، سالار دۆسکی:
رێڤەبەرێ گشتیێ ئەوقاف و کارۆبارێن ئاینی پارێزگەھا دھۆکێ، ل ئاڤاھیێ رێڤەبەریا حەج و عومرێ دھی ئاشکراکر کو ئەڤ سالە ئێک ئاڤاھی بۆ ھەموو حەجیێن کوردستانێ ھاتیەگرتن.
ب مەرەما خورتکرن و خوشکرنا پتر سەرکەفتنا پرۆسێسا چوونا حەجێ ل ئەڤ سالە، رێڤەبەرێ گشتیێ ئەوقاف و کارۆبارێن ئاینی ل گەل رێڤەبەرێ حەج و عومرێ ل پارێزگەھا دھۆکێ ل گەل رێبەر ئانکو (حملەدارێن) و زانایێن ئاینی یێن ئەڤ سالە دێ قەستا بەرێ بەیتێ کەن کومبوون.
لدەسپێکێ د.سەمیان عەبدولخالق سەعید رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆکێ، بەحسێ رۆلێ (حملەداران) کر ل سالێن بوری و ئەو خزمەتا پێشکێشی حەجیێن پارێزگەھێ کرین و دیسان و شیاین ناڤێ پارێزگەھێ بلند بکەن، د.سەمیان ھەر گۆتنێن خوە دا، رێنمایێن ئەڤ سالە بۆ ئامادەبوویان شرۆڤەکرن و خواست ئەڤ سالە ژی وەک سالێن بوری پێگیربن ب رێنمایێن وەزارەتێ و رێڤەبەریا ناڤبری.
ھەڤدەم رێڤەبەرێ گشتی ئاشکراکر کو ئەڤ سالە دێ پیچەکێ یا بزحمەت بیت چونکە ھەموو حەجیێن کوردستانێ ل ئێک ئاڤاھی ھاتینە کومکرن و ژ قاتێ پێنجێ ھەتا نەھێ بۆ حەجیێن دھۆکێ یە و ل بن دا بۆ حەجیێن ھەولێرێ یە و سەردا بۆ حەجیێن سلێمانیێ یە و ئاشکراکر کو ئێکەم وجبا حەجیا ل ٢٧/ ڤێ ھەیڤێ دێ ب رێکەڤیت.
د دووڤ دا شێخ شەمسەدین تاھر رێڤەبەرێ حەج و عومرێ ل پارێزگەھا دھۆکێ چەندین شیرەت و ئاموژگاری دانە ئامادەبوویان، خواست ئەڤ سالە ژی وەک سالێن بوری پێگیربن ب ھەموو رێنمایێن وەزارەتێ پێخەمەت سەرکەفتنا پرۆسێسێ.
عه‌بادى وه‌كو پێنگاڤا دويێ دێ وه‌زاره‌تان كێم كه‌ت
ئه‌ڤرۆ نيوز:
رۆژناما سه‌باح يا عيراقێ به‌لاڤكر كو ژ بوو ته‌مامكرنا به‌رنامێ چاكسازيێ يێ كو سۆز پێ هاتيه بهێته بجهئينان، وه‌كو داخوازيێن خوه‌نيشانده‌ران، حه‌يده‌ر عه‌بادى، سه‌رۆكێ جڤاتا وه‌زيرێن عيراقێ، ب هيڤى يه د روونشتنا سوبه‌هى رۆژا سێشه‌مبى دا، چه‌ند چاكسازيێن دى ئه‌نجام بده‌ت.
ب گۆره‌يى رۆژنامێ د روونشتنا رۆژا سێشه‌مبى دا، عه‌بادى رێنما و بڕيارێن نوو هه‌نه ده‌ربكه‌ت و د تايبه‌تن ب نه‌هێلانا دياردا پشك پشكينه‌يێ و بجهئينانا چاكسازيێن ئيدارى و دارايى و سياسى.
د رۆژناما سه‌باح دا هاتيه كو ئێك ژ بڕيارێن سه‌رۆك وه‌زيرێن عيراقێ دێ كێمكرنا ژمارا وه‌زاره‌تان بيت بۆ 15 وه‌زاره‌تان ب ره‌نگه‌كى كو هه‌ر وه‌زاره‌ته‌كا ژناڤ دبه‌ت تێكه‌لى وه‌زاره‌ته‌كا دى بكه‌ت.
نيشاندان
WP Facebook Auto Publish Powered By : XYZScripts.com