ئەڤرۆ نيوز:
ئەندامەکا لژنا وەبەرئینان و ئابووری ل جڤاتا نوونەرێن عیراقێ دیار کر کو ل دووڤ پرۆژە قانوونەکێ زیانڤێکەفتیێن دەستێ تیرۆرێ ب وەرگرتنا پارچەکا عەردی یان ٥٠ ملیۆن دیناران بۆ زیانڤێکەفتیان و ٨٠ ملیۆن دیناران بۆ شەھیدان دێ ھێنە فەرەبووکرن.
نەجیبا نەجیب، ئەنداما لژنا وەبەرئینان و ئابووری ل جڤاتا نوونەرێن عیراقێ خویا کر، حوکمەتا عیراقێ چەند چاکسازی ل سەر وێ پرۆژە قانوونێ کرینە و نوکە ل پەرلەمانی یە، خواندنا ئێکێ بۆ ھاتیە کرن و گۆت: “ل دووڤ دووماھیک چاکسازیێن ل سەر وێ پرۆژە قانوونێ ھاتینە کرن، دێ شەھیدێن پێشمەرگە و زیانڤێکەفتیێن دەڤەرێن کوردستانی یێن دەرڤەی ئیدارا ھەرێما کوردستانێ یێن دەستێ تیرۆرێ ژی ڤەگریت”.
نەجیبا خانێ ئاشکرا ژی کر، بڕیارە پرۆژە قانوونا قەرەبووکرنا زیانڤێکەفتیێن تیرۆرێ ل ڤان نێزیکان خواندنا دویێ بۆ بھێتە کرن و گۆت: “ل گۆرەی وێ پرۆژە قانوونێ زیانڤێکەفتیێن تیرۆرێ پارچەکا عەردی یان ٥٠ ملیۆن دیناران و کەسوکارێن شەھیدێن تیرۆرێ ژی پارچەکا عەردی یان ٨٠ ملیۆن دیناران دێ وەرگرن”.
ئاماژە ب وێ چەندێ ژی کر، زیانڤێکەفتی و کەسوکارێن شەھیدان دسەرپشکن بۆ وەرگرتنا پارچە عەردی یان پارەی، ئانکو عەرد و پارە پێکڤە بۆ ناھێنە دان، وان مافێ ھەی ئێک ژ وان وەرگرن و ئەو ب کەیفا خوەنە”.
وێ ئەنداما لژنا وەبەرئینان و ئابووری دا زانین ژی کو ھەر چەندە وەلات توشی قەیرانەکا مەزن یا دارایی و کورتئینانا بودجێ بوویە، لێ دڤێت زیانڤێکەفتیێن دەستێ تیرۆرێ بھێنە قەرەبووکرن.
نووترين نووچه
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
- هیڤیدارم رۆژا لاڤە یا نیشتمانی پێكڤەژیانێ د ناڤبەرا پێكهاتەیێن كوردستانێدا ب هێزتر بكەت
- هیڤیدارین رۆژا لاڤە یا نیشتمانی ببیتە دەنگێ ئەوێن باوەری ب ئاشتیێ هەی
- مەسرور بارزانی: كوردستان ب درێژییا دیرۆكێ لاندكا پێكڤەژیانێ و فرەئایینیێ بوو
- میر حازم تەحسین بەگ: هەرێما كوردستانێ جهێ پێكڤەژیانێ و پەیڕەوكارێن هەموو ئایینانە
- ب پەیامەكێ ژ سەرۆك بارزانی، زانكۆیا ییل كۆنگرەیەك ل دۆر جینۆسایدا دژی كوردان سازكر
- مەسرور بارزانی و شاندەكێ ئەمریكی دوپاتی ل هنارتنا پەترۆلا هەرێما كوردستانێ كر
سه‌ره‌كى نووترين نووچه
ژ بەر داعشێ لیبیا داخوازا ھاریکاریێ ژ جڤاتا نێڤدەولەتی دکەت
ئەڤرۆ نیوز:
ئاژانسا فرانس پرێس د راپۆرتەکێ دا دیار کریە کو پشتی چەکدارێن رێکخراوا تیرۆرستی یا داعشێ ل باژارێ سرتێ ل لیبیا ھێرشی ھێزێن لەشکرێ لیبیا کرن شەرەکی مەزن د ناڤبەرا وان دەستپێ کریە و ھەتا نھا ژی بەردەوامە و د شەری دا ھەتا نھا نێزیکی ١٢٠ کەسان ژ ھەر دو ئالیان ھاتینە کوشتن و ب ھزاران کەس ژ ئاکنجیێن وی باژاری ژی نەچار ماینە کو بەرێ خوە بدەنە دەڤەرێن دی یێن لیبیا و رەوشا لیبیا ب گشتی ژی گەلەک ئالۆزە و ناکۆکیێن ئالیێن سیاسی ژی ھەتا نھا چارە نەبووینە.
د بەردەوامیا راپۆرتێ دا ھاتیە کو داعش ب زۆری گەنجان درەڤینیت و داخواز ژ وان دکەت کو ببنە چەکدار و شەرێ کافران بکەن، یێن کو دژبەریا وان ژی بکەن دھێنە کوشتن و نھا رەوشەکا گەلەک خراب ل وان دەڤەرێن لیبیا یێن کو ل ژێر دەستێ داعشێ دانە ھەیە، گرۆپێ ئەنسار شیعە کو وەک گرۆپەک نێزیکی ئیرانێ و حزبوللا لوبنانێ دھێتە نیاسین شەر ل دژی داعشێ و وان ھۆزان راگەھاند یێن کو بەری نھا ل لیبیا وەفاداریا خوە بۆ داعشێ دیار کربوون و ژ بەر ھندێ ژی دھێتە پێشبینی کرن کو رەوشا لیبیا ژی وەک سووریێ لێ بھێت و گرۆپ و ھێزێن جودا جودا یێن مەزھەبی ل وی وەلاتی شەرێ ھەڤدو بکەن و ژ بەر وێ یەکێ ژی داعش دێ شێت خوە ب رێکخستن بکەت و ب ھێز کەڤیت.
ل ئالیێ دی وەزیرێن دەرڤە یێن ئیتالیا و فرەنسا ژی د پەیوەندیەکا تەلەفۆنی دا ل سەر رەوشا لیبیا ئاخڤین و پشتی وێ یەکێ وەزارەتا دەرڤە یا فرەنسا د داخۆیانیەکێ دا راگەھاند کو ب ھێزبوونا داعشێ ل لیبیا دێ مەترسیەکا راستەوخوە بۆ ئورۆپا دروست کەت و ژ بەر ھندێ ژی دڤێت ب لەز ھێزێن ھەڤپەیمانان چاوا ل عیراقێ و سووریێ ھێرشێ داعشێ دکەن وەسا ژی ل لیبیا ھێرشی وێ رێکخراوا تیرۆرستی بکەن و نەھێلن کو ئەو ب ھێز کەڤن.
پشتی ڤان ئالۆزیان سەرۆک وەزیرێن بەروەخت یێ حوکمەتا لیبیا ژی راگەھاند کو رەوشا وەلاتێ مە رۆژ ب رۆژێ خرابتر دبیت و ھێزێن ئێمناھیێ ژی نەشێن کۆنترۆلا ھەموو وەلاتی بکەن و ژ بەر ھندێ ژی دڤێت ھێزێن جڤاتا نێڤدەولەتی ژ بۆ شەرێ ل دژی داعشێ ھاریکاریا مە بکەن، چونکو نھا لاوازیەکا سیاسی و لەشکری ل وەلاتێ مە دروست بوویە و گرۆپێن تیرۆرستی ژی ژ ڤالاھیا سیاسی و لەشکرێ مفادار دبن و مەترسیێ بۆ سەر پاشەرۆژا وەلاتێ مە دروست دکەن و ژ بەر ھندێ ژی نھا مە بلەز پێدڤی ب ھاریکاریا جڤاتا نێڤدەولەتی ھەیە.
چاڤدێرێن سیاسی دیار دکەن کو ھەکە ھێزێن ھەڤپەیمانیا شەرێ داعشێ بلەز دەستێوەردانێ د لیبیا دا نەکەن رەوشا وی وەلاتی دێ ژ یا سووریێ ژی خرابتر بیت و ئەو یەک دێ مەترسیەکا گەلەک مەزن بۆ ئورۆپا ژی دروست کەت و لیبیا وەلاتەک دەولەمەندە د بیاڤێ نەفتێ دا و داعش ژی ھەتا نھا شیایە کو چەندین دەڤەرێن نەفتی کۆنترۆل بکەت و دێ شێت ھژمارا چەکدارێن خوە ل وی وەلاتی زێدە کەت و دێ مەترسیەکا گەلەک مەزن بۆ جیھانێ ب گشتی و ب تایبەتی ژی بۆ ئورۆپا دروست کەت و دڤێت دەستێوەردان د لیبیا دا بھێتە کرن.
ل ئالیێ دی ئاژانسا رویترز یا نووچەیان ژی د راپۆرتەکێ دا دیار کریە کو ژ بەر شەرێ ل سرتێ و گەلەک دەڤەرێن دی ل لیبیا ب ھزاران وەلاتیێن لیبیا نەچار ماینە کو بەرێ خوە بدەنە ئورۆپا و گەلەک ژ وان د ناڤ دەریایان دا گیانێ خوە ژ دەست داینە و داعش ژی گەلەک ژ وان کەسان دگریت و دکوژیت و کارەساتەکا مەزن یا مرۆڤی ل لیبیا ھەیە و جڤاتا نێڤدولەتی ژی بێدەنگە و ئەنجامێن وێ یەکێ دێ گەلەک خراب بن و ژ بەر ھندێ ژی دڤێت فرەنسا و ئیتالیا بلەز بەرەیەکێ ل دژی داعشێ دروست بکەن و چاوا ل دەمێ شەرێ ل دژی قەزافی دەستێوەردان کرن نھا ژی ھەمان تشتی بکەن دا کو بشێن گیانێ وەلاتیان ب پارێزن.
ئەڤرۆ دێ ھووردەکاریێن کوشتنا رێڤەبەرێ بەرێ یێ پۆلیسێن ھەولێرێ ھێنە ئاشکراکرن
ئه‌ڤرۆ نيوز:
پەیڤدارێ پۆلیسێن پارێزگەھا ھەولێرێ بۆ رۆژناما ئەڤرۆ دیار کر پشتی کو بەری دو حەفتیان رێڤەبەرێ بەرێ یێ پۆلیسێن ھەولێرێ د روودانەکێ دا جانێ خوە ژ دەست دا، بڕیارە ئەڤرۆ ھووردەکاریێن وێ روودانێ بھێتە ئاشکراکرن.
موقەدەم کاروان خۆشناو، پەیڤدارێ پۆلیسێن پارێزگەھا ھەولێرێ گۆت”بەری دو حەفتیان لیوا جەمال سیساوەیی رێڤەبەرێ بەرێ ییێ پۆلیسێن ھەولێرێ ب ئەگەرێ روودانەکێ جانێ خوە ژ دەست دا، بەلێ پشتی دووڤچوونەکا ھوور بۆ ھاتیەکرن تۆمەتبار ھاتیە ئاشکراکرن و بڕیارە بەری نیڤرۆیا ئەڤرۆ رۆژا ئێک شەمبی د کۆنگرەیەکێ رۆژنانەڤانی دا ھووردەکاریێن کوشتنا رێڤەبەرێ پۆلیسان بھێتە ئاشکراکرن”.
پەیڤدارێ پۆلیسێن پارێزگەھا ھەولێرێ خویا ژی کر کو د دەمێ حەفیتەکێ دا شەش وەلاتی ل سنوورێ پارێزگەھا ھەولێرێ ب ئەگەرێ ئاریشێن جڤاکی ھاتینە کوشتن، کو روودانەک ل تاخێ سەربەستی بوویە و وەلاتیەکی تولا برایێ خوە ڤەکریە و رابوویە ب رەڤاندنا کەسەکی و پشتی ھنگی کوشتیە و گۆت “وەلاتیێ ھاتیە کوشتن قوتابیێ خواندنا بلند بوویە ل وەلاتێ رۆسیا و ب سەرەدان ڤەگەڕیابەە”.
ھەروەسا موقەدەم کاروان خۆشناو گۆت “ل تاخێ سەرکارێز ژی وەلاتیەکی ل سەر ئاریشەیەکا جڤاکی خەسیا خوە کوشتیە و پشتی ھینگی تەقە ل برایێ خێزانا خوە کریە و ئەو ژی کوشتیە”.
مالکی پۆست و ئیمتیازێن نوو وەردگریت
ئەڤرۆ نیوز،زنار تۆڤی:
بۆ هندێ کو کێشە و ئالۆزیان بۆ پرۆژێن وی درۆست نەکەت،عەبادی پۆستە و ئیمتیازێن نوو ددەتە نوری مالکی،پەرلەمانتارەکێ کۆتلەیا موستەقیلۆن ل پەرلەمانێ عێراقێ ب ئاژانسا ئەلیەوم یا عێراقی دبێژیت:حەیدەر عەبادی سەرۆک وەزیرێ عێراقێ پۆستێن نوو و ئیمتیازێن زۆر داینە نوری مالکی.
سەبارەت پێدانا وان پۆست و ئیمتیازاتا ئەو پەرلەمانتارێ کو نەڤیای ناڤێ وی ئاشکەرا بیت دبێژیت:بتنێ ل پێناڤی هندێ کو مالکی کێشە و گرفتان بو پرۆژێ عەبادی یێ چاکسازیێ درۆست نەکەت،وی ئەڤ ئیمتیازە داینێ.
ئاشکەرا ژی کریە،کو هەڤپەیمانا دەولەتا قانۆنێ کۆمبونەک دگەل نوری مالکی کریە بناڤێ عەبادی و گۆتیێ،هەمی پاسەوان و ئیمتیازاتێن دارایی و هاروەسا حەسانەیا جێگریا سەرۆک کۆماری ژی دێ وەکی خوە مینیت و دێ پۆستێ سەرۆکێ هەڤپەیمانیا نیشتیمانی پێ هێتەدان،بتنێ کێشە و ئاستەنگان بۆ پرۆژێ عەبادی درۆست نەکەت.
ئاسایشا هەولێرێ: ترۆمبێلێن په‌رله‌مانتارێن گۆران چه‌كدار تێدا بوون
ئەڤرۆ نیوز،زنار تۆڤی:
ئاسایشا هەولێرێ دبێژیت دەمژمێر 20:15 خۆلەک ل ئێڤاریا 15.8.2015, دەهـ ترۆمبێلێن پری چەکدار هاتینە زالگەها ئاسایشا دیگەلە،کارمەندێن ئاسایشێ وەک ئەرکەکێ ئاسایێ خوە ئەو ئوتۆمبێلە بۆ پشتراستکرنا ناسنامەیێن وان راگرتینە،چونکە بەری هنگێ نەهاتبوونە ئاگەهداڕکرن کو ئەو هژمارا ترۆمبێلا ب چەکدارڤە دێ بەرەف وێ زالگەهێ ڤەهێن.
ئاسایشا هەولێرێ ئاماژە دایە هندێ،پشتی راگرتنا وان ترۆمبێلان بتنێ ترۆمبێلا ئێکێ ناسنامەیێن وان پشتراستکرینە و پرسیار ژێ کریە کو ئەو هەمی یێن پەرلەمانتارانە،بەلێ مخابنی دبەرامبەردا چەند کەسەکان بێرێزی مامەلە دگەل کارمەندێن زالگەهێ کرینە و ل دووڤدا ڤیایە وەک کارڤەدانەکێ ڤەگەرنەڤە.
هەروەسا ئاسایشا هەولێرێ دیارکریە،ئەڤ کری و کارڤەدانێن وان برا پەرلەمانتاران لدەف مە جهێ سەرسورمانێ بوو،چاڤەرێ هندێ بووین رێزێ ل وان کەسان بگرن کو ل گەرمێ و سەرمایا دژوار دا، ئەرکێ پاراستنا وەلاتیان د ستوویێ واندایە،کارمەندێن مە ب بێهنەکا فرەهـ هەلسۆکەوت کریە و رێگر نەبووینە ل دەڕبازبوونا وان و نەدبوو رێکارەکا ئاسایی یا زالگەهێ بکەنە بیانوو بۆ هندێ ناڤێ ئاسایشێ تێکەل ب هندەک کێسە و ململانێ بکەن.
ل دوماهیێ ئاسایشا هەولێرێ گوت:وەلاتیێن خۆشتڤی ب گشتی و پەرلەمانتارێن بەرێز و بتایبەتی هەمی لایەنان دلنیا دکەین کو وەک هەمی گاڤان د پاراستنا ئاسایشا هەمی لایەکێ بێی هیچ جۆداهی دێ د بەردەوام بین و ململانێ و گرژیێن سیاسی کارناکەتە سەر ئەرکێ مە بۆ پاراستنا شار ۆ شارۆچكێن مە.
بارزانى: چ پیلانه‌ك سه‌رناگریت كو برایه‌تیا خه‌لكێ كوردستانێ بكه‌ته ئامانج
ئه‌ڤرۆ نیوز:
مه‌سعود بارزانى سه‌رۆكێ پارتى ديموكراتى كوردستان د سالڤه‌گه‌را دامه‌زراندنا پارتى دیموكراتى كوردستان په‌یامه‌ك به‌لاڤكر و تێدا هاتیه” ل یادا 16 ئابدا، سوزێ ل گه‌ل شه‌هیدێن خوه دووپات دكه‌ین كو پارتى دیموكراتى كوردستان دێ پارێزه‌رێ برایه‌تى و پێكڤه‌ژیان و ئێكرێزیا گه‌لێ كوردستانێ بیت و دێ دژى هه‌موو وان هه‌ولان راوه‌ستییت كو دخوازن ڤه‌قه‌تیان و دوژمنایه‌تیێ بێخنه ناڤ رێزێن گه‌لێ كوردستانێ”
بارزانى د په‌یاما خوه‌دا سه‌باره‌ت پرسا سه‌رۆكایه‌تیا هه‌رێمێ دبێژیت” جه‌ماوه‌رێ خوشتڤیێ كوردستانێ و هه‌موو ئه‌ندام و لایه‌نگرێن پارتى پشت راست دكه‌ین كو په‌نا ب خودێ مه‌زن ل دووماهیێ دێ ئیرادا گه‌ل و ئاشتى و برایه‌تى و راستگویى سه‌ركه‌ڤیت و چ پیلانه‌ك سه‌رناگریت كو ئێكرێزى و برایه‌تیا خه‌لكێ كوردستانێ بكه‌ته ئامانج”
كانتۆنا جزيرێ ئوفيسا خوه ل سلێمانيێ ڤه‌كر
ژمارا زێره‌ڤانێن به‌رپرسان ژ سۆپايێ عيراقێ پتره
ئه‌بۆ به‌كر به‌غدادى ده‌ستدرێژيا سكسى كريه سه‌ر
ئه‌ڤرۆ نيوز:
خێزانا كايلا مۆله‌ر كو به‌رى نوكه وه‌كو چه‌كدارێن داعش وه‌كو ئێخسير ده‌سته‌سه‌ركربوو د به‌ياننامه‌كێ دا راگه‌هاند كو ئه‌بۆ به‌كر به‌غدادى سه‌ركردێ رێكخراوا تيرۆرستى يا داعش ل مالا ئێك ژ سه‌ركردێن وێ رێكخراوێ ده‌ستدرێژيا سكسى كريه سه‌ر كچا وان.
كايلا مۆله‌ر ژ تيمێن هه‌وارهاتنا گۆزارى بوويه و ل سالا 2013ێ چه‌كدارێن داعش ل وه‌لاتێ سوريا ئێخسير كريه و پاشان ژى ته‌رمێ وێ ب كوشتى هاتيه ديتن.
بەرپرسەکێ پارتی: ھندەک لایەن بەرسیاریەتیێن نیشتیمانی ب ستووێ خوه‌ڤە ناگرن
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ئیماژە بڤێ چەندێ دکەت، پتریا لایەنێن سیاسی و جەماوەرێ کوردستانێ گەھشتینە ڤێ باوەریێ پێشنیارێن ناڤا پەیاما سەرۆک بارزانی باشترین چارەسەرن بۆ ئێکلاکرنا ئاریشەیان.
فازل بەشارەتی، بەرپرسێ لقا ١٢یا پارتی بۆ ئەڤرۆ نیۆز راگەھاند” خالێن ناڤا پەیاما سەرۆک بارزانی باشترین چارەسەرن بۆ ئێکلاکرنا پرسێن نوکەیێن ھەرێما کوردستانێ و راستڤەکرنا قانوونا سەرۆکایەتیا ھەرێما کوردستانێ، ژبەرکو لایەنێن سیاسی ناگەھن چو رێکەفتنان و ئاریشە دێ مەزنترببن.
بەشارەتی گۆتژی” ھندەک کەس و لایەن ناخوازن ل راستیان تێبگەھن و ھندەک کەس و لایەنانژی چو بەرپرسیاریەتێن نیشتیمانی و نەتەوەیی ب ستویێ خوەڤە ناگرن، بەلێ نوکە پتریا لایەنێن سیاسی و خەلکێ کوردستانێ گەھشتینە ڤێ باوەریێ تنێ دێ پێشنیارێن سەرۆک بارزانی تاکە چارەسەربن بۆ ئێکلاکرنا ئاریشەیان.
نيشاندان
WP Facebook Auto Publish Powered By : XYZScripts.com