ئه‌ڤرۆ نيوز:
حوكمه‌تا هه‌رێما كوردستانێ بهێنڤه‌دانا جه‌ژنێ راگه‌هاند كو ژ رێكه‌فتى 17ى تيرمه‌هێ ده‌ستپێدكه‌ت و 22ێ دێ ده‌واما فه‌رمى بيت.
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو رۆژا سێشه‌مبى 14ى ڤێ هه‌يڤێ ل هه‌موو داموده‌زگه‌هێن حكومى بهێنڤه‌دانا فه‌رمى يه.
سه‌فين دزه‌يى ده‌رباره‌يى بهێنڤه‌دانا جه‌ژنێ ژى گۆت: “دهێته پێشبينيكرن كو ل 17ى تيرمه‌هێ بهێنڤه‌دانا فه‌رمى بيت و ژ به‌ر وێ چه‌ندێ ژى ژ 17ى تيرمه‌هێ دێ بهێن ڤه‌دان بيت و ل 22ێ دێ ده‌واما فه‌رمى يا داموده‌زگه‌هێن حكومى بيت.
ئه‌ڤرۆ نيوز:
میرێ ئێزدیان ل جیھانی و عیراقێ دیار کر، کو ئەڤە دەمەکە وەزارەتا ناڤخۆ ل عیراقێ دەست ب ڤەگوھاستنا پۆلیسێن ئێزدی کریە بۆ بەغدا و ئەڤ پۆلیسێن دھێنە ڤەگوھاستن ب تایبەت یێن فەوجا شەش و حەفتن.
میر تەحسین سەعید بەگ، میرێ ئێزدیان ل جیھانی و عیراقێ گۆت “داخوازێ ژ وەزیرێ نافڤخۆیا عیراقی دکەم ڤەگوھاستنا پۆلیسێن ئێزدی بۆ بەغدا ب راوەستینت و ئەو پۆلیسێن خەلکێ شنگال و دەڤەرێن دی ژی بمیننە ل دەڤەرێن خوە و نەھێنە ڤەگوھاستن بۆ بەغدا”.
ژ ئالیێ خوەڤە سەیدو چەتو، سەرۆکێ کۆتلەیا برایەتیێ و پێکڤەژیانێ ل جڤاتا پارێزگەھا نەینەوا گۆت “جڤاتا پارێزگەھا نەینەوا ژ بریارا ڤەگوھاستنا پۆلیسێن مووسل و دەڤەرێن ژ لایێ پێشمەرگەیی ڤە دھێنە رزگارکرن نە درازینە و ئەم دخوازین دەواما خوە ل جھێن خوە بکەن و نەھێنە ڤەگوھاستن بۆ بەغدا”.
سەرۆکێ کۆتلەیا برایەتیێ و پێکڤەژیانێ دیار کر ژی کو شاندەکێ جڤاتا پارێزگەھا نەینەوا سەرەدانا بەغدا کریە بۆ وێ چەندێ کو وەزارەتا ناڤخۆیا عیراقێ رازی بکەن پۆلیسان نەڤەگوھیزت، بەلێَ ھەتا نھا بەغدا چ سۆز نەداینە، کو پۆلیس نەھێنە ڤەگوھاستن، ب تنی بریکارێ وەزیرێ ناڤخۆ سۆز دایە دگەل وەزیری ناڤخۆ باخڤیت و بزاڤێ بکەن پۆلیس نەھێنە ڤەگۆھاستن بۆ بەغدا و ل دەڤەرێن خوە دەوامێ بکەن.
ئه‌ڤرۆ نيوز:
هه‌ڤسه‌رۆكێ كۆنسه‌يا رێڤه‌به‌ريا كۆما جڤاكێن كوردستانێ KCK رادگه‌هينيت: “ئێدى قه‌بوول ناكه‌ين ب كارئينانا هه‌لويستێ ئاگربه‌ستێ ناكه‌ين و دێ هه‌لوبستى ل به‌رامبه‌ر سياسه‌تا چاره‌نه‌كرنا كێشێن كوردان وه‌رگرين.
د به‌ياننامه‌كێ دا، KCK گۆت: “ئاگربه‌ست ب ره‌نگه‌كێ كريارى ل سالا 2012 ده‌سپێكر و ل سالا 2013 بۆ رايا گشتى هاته راگه‌هاندن و نوكه دو سال ب سه‌ر ڤێ ئاگر به‌ستێ ڤه چوون، گه‌ريلايان ژى د ماوه‌يى دا ب به‌رپرساتى مامه‌له ل گه‌ل دكر، به‌لێ ده‌وله‌تا توركيا دبێژيت ده‌وله‌ت يا منه و ئه‌ز د زانم دێ چاوان سه‌ره‌ده‌ريێ ل گه‌ل كه‌م”.
هه‌ر د ڤێ به‌ياننامێ دا هاتيه: “ده‌وله‌تا توركيا يا به‌رده‌وامه ل سه‌ر چێكرنا به‌نداڤ و قه‌ره‌قۆلان، مه ئاگه‌هدار ژى كرينه كو رێ ل ڤان به‌نداڤان بگريت يێن ب ئامانجێن له‌شكرى دهێنه دروستكرن، خه‌لكێ مه ژى گه‌له‌ك جاران بووينه قه‌لغانێن زيندى ل هه‌مبه‌ر ئه‌گه‌رێ ده‌سپێكرنا شه‌رى و گه‌له‌ك ولاتپارێز و گه‌نجان ژيانا خوه ژ ده‌ست دايه”.
دايه زانين ژى: “دروستكرنا به‌نداڤان گه‌له‌ك ژ پێدڤيا وزێ يا باكوورێ كوردستانێ زێده‌تره”، هوشداريا وێ چه‌ندێ ژى دايه ده‌وله‌تا توركيا “دێ هه‌موو ئه‌وان به‌نداڤان كه‌ينه ئارمانج، گه‌هشتينه وێ بڕيارێ كو دروستكرنا هه‌موو به‌نداڤان رابگرين، ژ به‌ر هندێ هه‌ر كه‌سه‌كێ د وان به‌نداڤان كار دكه‌ت بلا خوه ژێ دوور بكه‌ت”.
ئاماژه ب وێ چه‌ندێ ژى كريه كو ده‌سته‌سه‌ركرى ل باكوورێ كوردستانێ ژ لايێ كه‌جه‌كێ ڤه بێ به‌رسڤ نامينن و ئه‌و گرتنێن سياسى يێن دهێنه ئه‌نجام دان شه‌ره به‌رامبه‌ر كوردان هاتيه راگه‌هاندن.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو د ڤێ حه‌فتيێ دا، دێ مووچێ وه‌زاره‌تێن ناڤخۆ و شه‌هيدان و ساخله‌مى و جڤاتا ئاسايشێ هێته دان و هه‌كه پارێ په‌ترۆلا فرۆتى ژى ژ توركيا گه‌هشت هه‌موو وه‌زاره‌ت دێ مووچه‌يى وه‌رگرن.
ژێده‌ره‌كى ژ وه‌زاره‌تا دارايى و ئابوورى ل حوكمه‌تا هه‌رێما كوردستانێ بۆ مالپه‌رێ كه‌ى ئێن ئێن گۆت: “وه‌زاره‌تا دارايى يا رژده ل سه‌ر وێ چه‌ندێ هه‌موو وه‌زاره‌ت مووچێ هه‌يڤا گۆلانێ به‌رى جه‌ژنێ وه‌رگرن، به‌لێ ژ به‌ر كو پارێ حوكمه‌تا هه‌رێمێ ئه‌وێ ژ داهاتێ په‌ترۆلێ هاتى، ل به‌نكێن توركيايه و ب دۆلارى يه، ژ به‌ر هندێ يا ب ساناهى نينه بكه‌نه دۆلار و كريارا دانا مووچێ هه‌موو وه‌زاره‌تان ده‌م پێ دڤێت”.
زێده‌تر گۆت: “وه‌كو كارئاسانى بۆ ڤى كارى، وه‌زاره‌تا دارايى ل حوكمه‌تا هه‌رێما كوردستانێ چار بانكێن راسپارديت كو پارا بيننه‌ڤه و بكه‌نه دينار، به‌لێ ئه‌ڤ كاره ژى بۆ به‌رى جه‌ژنێ يێ ب زه‌حمه‌ته، ژ به‌ر هندێ ژى وه‌زاره‌تا دارايى دێ به‌رى جه‌ژنێ مووچێ وه‌زاره‌تێن ناڤخۆ و كه‌سوكارێن شه‌هيدان و وه‌زاره‌تا ساخله‌ميێ و جڤاتا ئاسايشێ به‌لاڤ كه‌ت كو دێ ئه‌ڤ پرۆسه هه‌تا رۆژا پێنجشه‌مبى يا به‌رده‌وام بيت”.
هه‌ر چه‌نده هه‌يڤانه وه‌زاره‌تا پێشمه‌رگه‌يى ل رێزا ئێكێ دهێت ب وه‌رگرتنا مووچه‌ى و وه‌زارتا دارايى ژى ل پێشيا وان وه‌زاره‌تايه يێن مووچه‌يى وه‌ردگرن، به‌لێ ئه‌ڤى ژێده‌رى ئاماژه ب وان نه‌كريه و دبێژيت: “پشتى جه‌ژنێ ئێكسه‌ر دێ مووچێن دى ژى هێنه به‌لاڤكرن”.
ئەڤرۆ نیۆز، قائید میرۆ:
ئێڤاریا دوھی فڕۆکەیێن ھەڤپەیمانان بنکەهـ و بارەگایێن تیرۆرستێن داعش ل میحوەرێ مەخموور بوردۆمانکرن و د ئەنجامدا 30 چەکدارێن داعش ھاتنە کوشتن.
غیاس سورچی، کارگێڕێ مەلبەندێ ئێکەتی نیشیمانی کوردستان بۆ ئەڤرۆ نیۆز گۆت: “ئێڤاریا دوھی فڕۆکەیێن ھەڤپەیمانان ب ھووری بنکەهـ و بارەگایێن تیرۆرستێن داعش ل سێ گوندێن میخوەرێ مەخموور بوردۆمانکرن و زیانێن مەزن گەھاندنه بنکەهـ و بارەگایێن تیرۆرستان”.
سورچی گۆتژی: “ژ ئەگەرێ ئەڤێ بوردۆمانا ئێڤاریا دوھی 30 چەکدارێن تیرۆرستێن داعش ھاتینە کوشتن و ھژمارەکا پترژی برینداربووینە”.
ئه‌ڤرۆنیوز، ره‌زوان رۆژبه‌یانى:
قوتابى شه‌یما ره‌شید عومه‌ر ئێكه‌ما ل سه‌ر ئاستێ هه‌رێمێ ، پشكا وێژه‌یى ل قوتابخانه‌كا به‌رده‌ره‌ش شیایه 686 نمران ژ 700 نمران بده‌ستڤه بینیت .
شه‌یما ره‌شید عومه‌ر بۆ ئه‌ڤرۆ نیوز خویاكر : ئه‌ز ل گوندێ گربده‌وه ل قه‌زا به‌رده‌ره‌ش ل پارێزگه‌ها دهوكێ دژیم و قوتابیمه ل قوتابخانا گربده‌وێ تێكه‌لاو ل پۆلا 12 یا وێژه‌یى ، ئه‌ڤ ساله ئه‌ز شیام ل رێزا ئێكى بهێم ل سه‌ر ئاستێ هه‌رێمى ب نمره‌یا 686.
شه‌یما ره‌شید عومه‌ر گوت ژى: هه‌ر ل ده‌ستپێكى من هه‌ول و ماندوبونه‌كا زۆر دا كو بشێم ڤێ نمرێ ب ده‌ست خوه بینم، هه‌مى ده‌مێ من بۆ خواندنێ بوو، ب تنێ چارده‌مژمێران من وه‌ك بێنڤه‌دان هه‌بوون و ده‌مێن دى هه‌مى بۆ خاندنێ من ته‌رخان كربوون و سوباس بۆ خودێ زه‌حمه‌تا من به‌ر ئاڤێ دا نه‌چوو.
شه‌یما ره‌شید عومه‌ر گوت ژى: ئه‌ز ل به‌شێ وێژه‌یی مه ل داهاتوو دا ئه‌ز دێ چمه كۆلێژا ئنگلێزى، چونكو من حه‌ز یا سه‌ر هه‌ى.
زێده‌تر گوت: ئه‌ز ناخازم بچه‌مه ده‌رڤه بخوینم و ئه‌ز داخاز ژ حكومه‌تێ دكه‌م كو هاریكاریا مه كه‌ت چونكو ئه‌م گه‌له‌ك هه‌ژارین خانیێت مه هه‌مى ژ ئاخێ نه، براستى ژیانا مه گه‌له‌ك یانه خوشه، به‌لێ مه ئاریشا خانى یا هه‌ى .
شه‌یما ره‌شید عومه‌ر گوت ژى: ئه‌ز شیام سه‌ركه‌ڤم ل خاندنێ ئه‌گه‌ر بده‌ستڤه‌ئینا رێزا ئێكێ ب پاره‌با ئه‌ز نه‌دشیام ب ده‌ستڤه بینم به‌لێ سوپاس بخودێ ل سه‌ر ڤێ هه‌ژاریێ را ژى ئه‌ز شیام بگه‌همه ئارمانجا خوه.
ئه‌ڤرۆ نیوز: ڤه‌ده‌ر ره‌شاڤایی:
حه‌یده‌ر عه‌بادی سه‌رۆك وه‌زیرێن ئیراقێ د سه‌ره‌دانه‌كێ دا ل باژێرێ به‌سرا ل باشۆرێ ئیراقێ ره‌خنه ژ هه‌بوونا گرۆپێن چه‌كدار و ملیشیایان ل به‌سرا و پارێزگه‌هێن دی ێن ئیراقێ گرتن كو ژده‌رڤه‌ی كنترۆلا حكومه‌تێ و قانۆنان چالاكیان ئه‌نجام دده‌ن.
هه‌روه‌سا ره‌خنه ژ بزاڤێن چه‌ند گرۆپێن چه‌كدارێن شیعه ژبۆ داگیركرنا چه‌ند ئاڤاهیێن حكومی ل به‌غدا گرتن و خۆیاكر كو دڤێت هه‌می گرۆپێن چه‌كدار لبن سیبه‌را حكومه‌تێ ده‌رنه‌كه‌ڤن.
عه‌بادی گۆت: ” نابیت ئه‌م شه‌رێ داعش بكه‌ین و د به‌رامبه‌ر دا وه‌كی داعش لێبهێین” وه‌ك ئاماژه‌ك بۆ وێ یه‌كێ كو نابیت به‌ره‌لایی د ملیشیا و گرۆپێن چه‌كدار دا هه‌بیت.
ئه‌ڤ داخویانیێن عه‌بادی هاتن پشتی كه‌یسێن ره‌ڤاندنێ ژ ئالیێ گرۆپێن چه‌كدار ڤه بتایبه‌ت ل به‌غدا زێده‌بووی.
ئەڤرۆ نیۆز، سالار دۆسکی:
مامۆستایەکێ زانکۆیێ، شارەزا د وارێ سیاسەتا تورکی دا، دیارکر کو ئەکەر AKP و MHP حوکمەت دورست کر دێ کارتێکرنەکا نەرینی ل سەر سیاسەتا تورکیا کەت بەرامبەر کوردان ل باکوور و باشوور و رۆژئاڤا ب تایبەتی هەکەر سیاسەتا دەرکی ژ لایێ MHP بھێتە ب ریڤەبەرن.
زێرەڤان بەرواری، مامۆستایێ زانکۆیێ، شارەزا د وارێ سیاسەتا تورکی دا زێدەتر بۆ ئەڤرۆ نیۆز گۆت: “ب بووجوونا من دروستکرنا حوکمەتا تورکیا د برۆسێسەکا ئالوز دا دبوریت ژ بەر دروستبوونا دوو بەرەکیی د ناڤا سەرکردەیین AK پارتی دا، داود ئوغلو بەرژەوندیا پارتا خوە د گەل CHP دا د بینیت ب تایبەتی لێک نێزیکبوونا ھەردوو پارتان د قووناغا پشتی ھەلبژازتنا دا، لێ ئەردوغان بەروڤاژی ڤێ ھزرکرنێ و رەفتارێ یە و وەک سەروک کومار دەستەھەلاتیێن خوە ب کار دئینت پێخەمەت ئاراستەکرنا داد وکەشەپێدان بەرەف ھەڤکاریێ د گەل MHP دا”.
نێزیکترین سیناریوو لێک نێزیکبوونا CHP د گەل AK پارتیی لی دووبەرکیا دن اڤا سەرکردەیین داد و گەشپێدان دا د بیت سیناریوویا دروستکرنا حکومەتەکا لاواز د ناڤبەرا AKP و MHP دا دروست ببیت.
ھەمبەر کوردان ژی مامۆستایێ زانکۆیێ گۆت: “ب بووجوونا من کوردان ب ژیواری سەرەدری د گەل قووناغا پشتی ھەلبژازتنان نەکریە و ب تایبەتی داخویانیێن دەمیرتاش د بەرژەوندیا کوردان دا نەبوون بۆ بەشداری کرن د یاریا سیاسی دا و ب دەست ڤەئینانا ئارمانجیێن سیاسی لورا AKP ب فەرمی بریارا دا کو ھەڤکار نەبیت د گەل HDP و ئەف جەندە دابرینەکا مەترسیدار بوو بۆ فاکتەرێ کوردان د دروستکرنا بریارا سیاسی ل تورکیا ، بێگومان داد و گەشبێدان ب شیوازی ھەستا سیاسی رەفتار ل گەل HDP دا دکەت کو ئەف چەندی ژی فەریزێن نەکتیف دروست دکەت ل سەر سیستەمێ دیموکراسی ل تورکیا.
ئه‌ڤرۆ نيوز:
ئه‌ندامه‌كێ سه‌ركرداتيا پارتى ديموكراتى كوردستان ژڤانێ ئه‌نجامدانا راپرسيێ ل سه‌ر سه‌ربه‌خۆيا كوردستانێ ئاشكه‌را دكه‌ت.
ب گۆره‌يى نوچه‌كێ مالپه‌رێ “الشرق الاوسط” د گۆتاره‌كێ دا ل په‌يمانگه‌ها رۆژهه‌لاتا ناڤه‌راست ل واشنتۆن، پايته‌ختێ ئه‌مريكا، هێم هه‌ورامى ئه‌ندامێ سه‌ركرداتيا پارتى راگه‌هاند: هه‌ولێر بزاڤێ دكه‌ت ب ره‌نگه‌كێ هه‌ڤالينى به‌غدا ته‌لاق بده‌ت و ئه‌ڤه ژى دێ بيته ئه‌گه‌رێ ئاراميا ده‌ڤه‌رێ.
ئاماژه ب وێ چه‌ندێ ژى دكه‌ت كو د ماوه‌كێ گه‌له‌ك نێزيك دا كو دبيت كێمتر بيت ژ دو سالێن دى، راپرسى بۆ سه‌ربه‌خۆيا كوردستانێ بهێته‌ئ ئه‌نجام دان.
ئه‌وى ئه‌ندامێ سه‌ركرداتيا پارتى وه‌سان دبينيت كو هه‌موو وه‌لاتيێن باشوورێ كوردستانێ دێ پشكداريێ د وێ راپرسيێ دا كه‌ن ژ بوو سه‌ربه‌خۆيا كوردستانێ و به‌حس ل وێ چه‌ندێ ژى كر كو به‌غدا بۆ هه‌رێما كوردستانێ يا گرنگه ژ به‌ر هندێ دڤێت ب ئاشتى جودا ببيت و ئاراميا كوردستان و ده‌ڤه‌رێ بهێته زێده‌كرن.
هێمن هه‌ورامى به‌حس ل وێ چه‌ندێ ژى كر كو حوكمه‌تا عه‌بادى وه‌فا بۆ رێكه‌فتنان نه‌بوويه، ژ به‌ر هندێ ژى، ده‌ست ب سه‌ر داگرتنا وه‌زاره‌تا به‌ره‌ڤانيا عيراقێ ژ لايێ شيعان، بڕينا بودجه‌يێ هه‌رێما كوردستانێ و پرسا په‌ترۆلێ وه‌كو نمونه ئينان.
هه‌ورامى به‌حس ل په‌يوه‌نديا كورد و ئه‌مريكا ژى كر و گۆت: “ئه‌مريكا هه‌ڤپه‌يمانه‌كه و نه‌شێين ده‌ست به‌ردار بيت، چو پێنگاڤان بێى وه‌رگرتنا بۆچوونا واشنتۆن ئه‌نجام ناده‌ين”.
نيشاندان