ئەڤرۆ نیوز:
سەرۆکێ AKP ل باژێرێ کایسەری راگەھاند کو ئەو دشێن ل گەل CHP و MHP ھەڤپەیمانیێ ئاڤا بکەن لێ ل گەل HDP ب چو رەنگەکێ تشتەکا وەسا ناکەن ژ بەر کۆ HDP ب داخۆیانی و ھەلویستێن خوە ھەموو دەرفەتێن ل ھەڤکرن و گەنگەشەیێ ژ ھۆلێ راکریە و ل ھەمبەر دا HDP راگەھاند کو داوود ئوگلۆ و ئەردۆگان دخوازن حوکمەتا شەری ئاڤا بکەن.
ئەحمەد داوود ئوگلۆ سەرۆکێ پارتا داد و گەشەپێدانێ AKP و ئەرکدارێ پێکئینانا حوکمەتا نوو ل باژێرێ کایسەری کو جھێ ژ دایکبوونا وی یە بۆ رۆژنامەڤانان راگەھاند کو ئەو دخوازن د دەمەکی لەز دا حوکمەتا نوو ئاڤا بکەن و گۆت: (د دەستپێکێ دا ئەم دێ ل گەل پارتا بزاڤا نەتەوەپەرست MHP و پارتا کۆماری CHP کۆمبوونان ساز بکەین و دەریێ مە بۆ ھەڤپەیمانیێ ھەتا داوی بۆ ھەردو ئالیان ژی ڤەکریە و دڤێت ئەم ب رەنگەکی لەز بگەھنە ل ھەڤھاتنەکی دا کو وەلات بێ حوکمەت نەمینیت).
ل سەر پرسیارا رۆژنامەڤانان گەلۆ دخوازن ل گەل HDP ھەڤپەیمانیێ ئاڤا بکەن یان نا؟ داوود ئوگلۆ راگەھاند کو HDP چ دەلیڤەک بۆ روونشتنێ و ئاڤاکرنا ھەڤپەیمانیێ نە ھێلایە و ھەلویست و داخۆیانیێن وێ پارتیێ ب تەمامی ل دژی ھەڤپەیمانییَ یە و گۆت: (ئەم ل گەل HDP دا نەشێن چو ھەڤپەیمانیەکیَ دروست بکەین و ھەکە مە نەشیا ل گەل چو ئالیەکی ل ھەڤ بکەین وی دەمی ئەم نەچارین بچینە ھەلبژارتنێن پێشوەخت).
داوود ئوگلۆ ل سەر ئاخڤتنا ھەسەرۆکێ HDP یا د دەربارێ ئاڤاکرنا حوکمەتا نو دا کو دیار کربو AKP دخوازیت ل گەل MHP حوکمەتا شەری ئاڤا بکەت، ب دژواری رەت کر و دیار کر پارتا وان گەرەنتیا ئاشتیێ و پێکڤەژیانێیە و گۆت: (دەمیرتاش، قەندیل و ھەڤالێن وان ب ئاخڤتن و ھەلویستێن خوە وەلاتێ مە بەر ب شەری ڤە دبەن و ھەر حوکمەتەک ب دەستێ مە بھێت ئاڤاکرن ئەو حوکمەت دێ پێکڤەژیان و ئاشتیێ گەرەنتی بکەت).
ل ئالیێ دی HDP د داخۆیانیەکی نڤیسکی دا راگەھاند کو سەرۆک کۆمار ئەردۆگان و سەرۆک وەزیر ئەحمەد داوود ئوگلۆ پێکڤە دخوازن تورکیا بەر ب شەرەکی نوو ببەن کو ئەو یەک ژی کارەساتە و ھەروەسا ل باژێرێن کوردان دەست ب گرتنا سیاسەتمەدار و ئەندامێن پارتا وان کرینە و ئەو یەک یاری کرنە ب ئاگری و ژ گەلێ کورد و تورک خواستن کو ل ھەمبەر ھەر کریارەکا حوکمەتا تورکیا ھشیار بن. د داخۆیانیێ دا ھاتیە دیار کرن ژی کو شەر چو مفایەکا خوە بۆ تورکیا نابیت و پێدڤیا ھەموو گەلێن تورکیا ب ئاشتی و پێکڤەژیانێ ھەیە.

ئه‌ڤرۆ نیوز: ڤه‌ده‌ر ره‌شاڤایی:
لیندزی گراهام سیناتۆرێ ئه‌مریكی و به‌ربژێرێ پارتا كۆماری بۆ سه‌رۆكاتیا ئه‌مریكا پرسیاره‌كا نه‌ره‌حتكه‌ر ل پێنتاگۆن ئاراسته‌ی وه‌زیرێ به‌رگرییا ئه‌مریكا ئه‌ش كارته‌ر كر و ره‌خنه‌ ژ بێ بزاڤییا ئه‌مریكا بۆ لادانا به‌شار ئه‌سه‌د سه‌رۆكێ رژێما سوری كرن.
پرسیارا گراهام بڤی شێوه‌ی بوو: ده‌لیڤا چ یه‌ك پتره‌، ئۆباما ژ پۆستێ خوه‌ وه‌ك سه‌رۆكێ ئه‌مریكا ل سالا 2017 ێ ته‌مام بببیت، یان به‌شار ئه‌سه‌د لسه‌ر پۆستێ خوه‌ نه‌مینیت؟
د به‌رسڤێ دا وه‌زیرێ به‌رگریا ئه‌مریكا كارته‌ر گۆت : راستی … تشته‌كێ پشتراستكریه‌  ئۆباما دێ ل 2017 ێ پۆستێ خوه‌ هێلیت”
لێ گراهام دڤیا هێشتا ب رۆنتر به‌رسڤێ وه‌رگریت له‌ورا گۆت: كی دێ به‌ری هێلیت ئۆباما یان ئه‌سه‌د؟
پشتی پتر هزر كری دبه‌رسڤێ دا كارته‌ر گۆت: هیڤیدارم ئه‌سه‌د به‌ری ئۆباما بچیت”

ئه‌ڤرۆ نيوز:

سه‌رۆك كۆمارێ ئه‌مريكا راگه‌هاند: ئه‌مريكا و هه‌ڤپه‌يمانێن وێ پێشڤه‌چوونێن به‌رچاڤ د شه‌رێ داعش دا ب ده‌ست ڤه‌ ئيناينه‌ و د وى چارچۆڤه‌يى دا، دێ هێرشێن ئه‌سمانى ژى دژوارتر لێ كه‌ين و هاريكاريان ژى بۆ هێزێن ئۆپۆزسيۆنا سوريا و هێزێن ئه‌منى يێن عيراقێ و پێشمه‌رگه‌يى و چه‌كدارێن عه‌شيره‌تان زێده‌تر لێ كه‌ين.

باراك ئۆباما، سه‌رۆك كۆمارێ ئه‌مريكا د كۆنگره‌كێ رۆژنامه‌ڤانى دا ل په‌نتاگۆن راگه‌هاند: ئه‌مريكا و هه‌ڤپه‌يمانێن وێ پێشڤه‌چوونێن به‌رچاڤ ل شه‌رێ دژى داعش ب ده‌ست ڤه‌ ئيناينه‌، به‌لێ ئه‌وێ چه‌ندێ دزانن كو شه‌ره‌كێ ماوه‌درێژه‌.

گۆتژى: “ئه‌مريكا يا به‌رده‌وامه‌ د بزاڤێن رێگرتنێ د مامه‌له‌يا دارايى دا ل گه‌ل داعش و هه‌ڤده‌م بزاڤێن خوه‌ بۆ راهێنان و پرچه‌ككرنا هێزێن ئۆپۆزسيۆنا سوريا و هێرشێن ئه‌سمانى بۆ سه‌ر بنگه‌ و باره‌گايێن داعش د وى وه‌لاتى دا دژوارترلێ دكه‌ت، ژ بلى ڤێ چه‌ندێ ژى هاريكاريان بۆ هێزێن ئه‌منى يێن عيراقى و پێشمه‌رگه‌ و چه‌كدارێن عه‌شيره‌تان زێده‌تر لێ كه‌ت.

سه‌رۆكێ ئه‌مريكا دا زانين كو هه‌تا نوكه‌ ئه‌مريكا و هه‌ڤپه‌يمانێن وێ زێده‌تر ژ پێنج هزار هێرشێن ئه‌سمانى كرينه‌ داعش و ژ ئه‌گه‌رێ ڤێ چه‌ندێ ژى ب هزاران چه‌كدارێن داعش و سه‌ركردێن وێ رێكخراوێ كوشتينه‌.

ئۆبامايى گۆتژى: “نوكه‌ داعش رۆژ بۆ رۆژێ ل سوريا تێك دشكێت، ئه‌ڤه‌ ژى ژ به‌ر وێ چه‌ندێ كو ئه‌مريكا د رێيا ئه‌ردى دا هاريكاره‌كا كاريگه‌ره‌ د روو ب رووبوونا داعش دا”.

ئاماژه‌ ب وێ چه‌ندێ ژى كر كو داعش ب تنێ دێ ب ده‌ستێ هێزێن وه‌لاتێن خوه‌ شكێت، ژ به‌ر ڤێ چه‌ندێ د به‌رنامه‌يى دا نينه‌ له‌شكرى ره‌وانه‌يى سوريا و عيراقێ بكه‌ن.