ئهڤرو نیوز: بارزان مزوورى:
عصمت رهجهب، بهرپرسێ لقا 14 مووسل بو مالپهرێ ئهڤرو نیوز ئاشكرا كر كو ئهڤرو 6 ئهیلولێ 2015، تیرورستێن داعش دوو رێكخستیێن خو یێن كورد گوله باران كرن ل دهڤهرا شهلالات ل نێزیك خورسهبات و ناوهران ژبهر كو خیانهت ل وان كربوو پێزانین دگههاندنه هێزێن ئیمناهیێ.
ناڤبرى دیار كر كو ههر د ههمان روژدا هندهك چهكدارێن نهنیاس هێرش كریه سهر بارهگایێ “خهنسا ” یێ ئافرهتێن داعش ل دهڤهرا مووسلا نوى د ئهنجام دا شهش چهكدارێن ئافرهت یێن ژن دهێنه كوشتن، ژلایهكێ دى ڤه دههمان روژدا سهركردهكێ داعش بناڤێ “ئهبو ئهنهس” ژنهك ل دهف خو دهستهسهركر بو ژبو كارێ ” نیكاح ” ئهڤه سێ ههیڤه ئهو ژن ل دهف وى دهستهسهركرى ئهڤرو سپێدێ وێ ژنێ ئهو زهلام ئهبو ئهنهس ب چهكێ وى ڤه دناڤ مالا ویدا ل دهڤهرا تل رمان مووسل كوشتیه.
ناڤبرى گوت ژى كو دههمان روژا هندهك چهكدارێن نهنیاس هێرشه كره سهر بارهگایهكێ ل بازارێ كرین و فروتنا پهزى ل ناڤ سهنتهرێ مووسل د ئهنجام دا سێ داعش دهێنه كوشتن و سهركردهیهكێ داعش بناڤێ “واسق خهلیل ئهحمهد ” بهرپرسێ زالگههێن ناڤ سهنتهرێ مووسل دگهل دوو هاریكارێن وى ژلایێ چهكدارێن نهیاس ڤه دهێنه كوشتن.
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى نووترين نووچه
مەزنترین پرۆژێ مريشكا يێ رۆژھەلاتا ناڤین ل دھۆکێ ھاتیە پشتگوە ھاڤێتن
ئهڤرۆ نيوز:
ل سەر رووبەرێ ٦٢٠٠ دوونەمان پرۆژێ دھۆکێ یێ خودانکرنا مریشکێن ھێککەر و مریشکێن گۆشتی ل دەڤەرا (بەدەلیا) ل باشورێ رۆژئاڤا کۆمەلگەھا مسیریکێ سەر ب قەزا سێمێلێ، ل سالا ١٩٨٨ ھاتیە دانان کو پتر ژ ٢٥ سالە ھاتیە دانان و ئێک ژ مەزنترین پرۆژەیە ل رۆژھەلاتا ناڤین و ل عیراقێ و ل کوردستانێ.
غانم محەمەد رێڤەبەرێ پرۆژێ خودانکرنا مریشکێن دھۆکێ بۆ رۆژناما ئەڤرۆ ئاشکراکر، رووبەرێ پرۆژەی ٦٢٠٠ دوونەمێن عەردی نە و ژ چەندێن ھۆلێن خودانکرنا مریشکان پێک دھێت، دیسا کارگەھەکا چێکرنا چیچەلووکان، ژ نەبوونا پشتەڤانیێ پرۆژە ب لەنگی دھێتە ب رێڤەبرن، ئانکو ب تنێ چەند ھۆلەکن، ل ھەموو وەرازن پرۆژە کار دکەت و نە ب تنێ وەرزەکێ دەست نیشانکری ھەیە.
گۆت ژی: ھێک ژ فەرنسا و ب رێیا تورکیا دگەھن و ب رێیا مەقفەسا مە دبنە چیچەلووک و دھێنە ب خودانکرن و دبنە مریشک و ھێکا بەردەوام دکەن، دیسا گەلەک جاران ھێک ژ کەرکووکێ ژی دگەھنە مە و ب ھەمان شێوە دکەینە چیچەلووک و دبنە مریکشێن ھێککەر و ب خودان دکەین و ھێکان ژی دفرۆشین و ئەڤە ھەموو بەر ب بەغدا دچن.
ئاشکراکر کو مریشک ھەنە ژیێ وان ٤٠ رۆژ و ٣٥ رۆژ و ٣٦ رۆژ، قۆناغ قۆناغ ھێک ژ کەرکووک و فەرەنسا ل دووڤ داخوازا مە دھێن بۆ پرۆژێ دھۆکێ و ئەڤە ل دووڤ خواستا وەلاتیان دمینیت، ھێک دچنە د مەفقەسێ دا و ھندەک نێر و ھندەک مێ دەردکەڤن و چیچەلووکان ب تنێ بۆ پرۆژێ خوە چێ دکەین.
ناڤبری زێدەتر گۆت: نوکە ١٠ پرۆژە نە و ٢٠ ھۆل مە ھەنە کو مریشک تێدا دھێنە ب خودانکرن، ٥ پرۆژە ھەنە دبنە ١٢ ھۆل بۆ گۆشتی دھێنە ب خودانکرن، رۆژانە پتر ژ ٥٠٠ کارتوونان کو ھەر کارتوون دبیتە ٣٦٠ ھێک دھێنە فرۆتن و بەر ب بەغدا ب رێ دکەڤن و بەر ب پارێزگەھێن باشوورێ عیراقێ ب رێ دکەڤن، ئەڤ ھێکە پلە ئێکن و رۆژانە مریشکان دکەن و ھەموو د نوونە و نە وەک ھێکێن تورکی نە، رۆژانە دھۆکێ پێدڤی ب ٥٠٠ کارتوونێن ھێکانە.
زێدەتر ئاشکراکر کو د بەرنامەی دایە مریشکێن گوشتی زێدە بکەن، دیسا چونکو ھێکێن مریشکێن مە د سوورن، پتر خەلکێ پارێزگەھا دھۆکێ حەز ل سەر ھێکێن سپی ھەیە، لەوما مە ل بەرە پاشەرۆژێ ھێکێن سپی بینینە ناڤ کوردستانێ و د پرۆژێ خوە دا کار پێ بکەین، دا بەرھەمێ مە ھەر بۆ وەلاتێ مە بیت.
گۆت ژی: پێشتر ھێک بۆ پارێزگەھا سلێمانیێ ژی دھاتنە رەوانەکرن و ھەکە مریشک ژیێ وێ بۆ دو سالا ئێدی ھێکان ناکەت. بازارێ مە یێ ھێکان بەغدایە و بنگەھێ سەرەکی یە بۆ برنا ھێکان بۆ ھەموو پارێزگەھێن عیراقێ، نوکە بەرھەمێ مە کێمبوویە و پێشتر مە رۆژانە ١٠٠٠ کارتوون دەردئێخستن و نوکە ب نیڤی بوویە، دیسان ھەر مریشکەکێ ھەتا ٧$ لێ دھێنە مەزاختن ھەتا ژ ھێکێ دەردکەڤیت و بەرھەمی دئینیت، ھێک ھەتا دو ھەیڤان ژی د تەزینکێ دا دبیت و چو قوسیری نینە، چونکو مریشکا بێ دیکلە، ھەر ھەموو ھێک ل مەقفەسێ د ماوێ ٢٢ رۆژان دا دبنە چیچەلووک و ھێکا پرۆژێن مە گەلەک ژ تورکیا باشترە، چونکو یا نوویە و یا تورکیا کی دزانیت ئەو چەند رۆژە ھاتی، لێ خەلکێ دھۆکێ فێربوویە و حەز ھێکا سپی دکەت. دیسا مە کارگەە ھەیە و رۆژانە خوارنێ بۆ پرۆژێن مریشکان چێدکەت.
ئاشکراکر کو نوکە پتر ژ ٢٠٠ کرێکار و ئەندازیار و نوشدارێن فێتێرنەریێ پرۆژێ وان کار دکەن و ئەگەر پشتەڤانی ھەبیت پرۆژێ ناڤبری شیانێن وەرگرتنا پتر ژ ٤٠٠٠ ھزار کرێکاران ھەیە و ئەڤە ژی باشترین دەلیڤەیە گەنج تێدا کار بکەن و قەستا دەرڤەی وەلاتی نەکەن.
رێڤەبەرێ پرۆژەی ئاشکراکر کو رێیا پرۆژەی ژ کۆمەلگەھا گرێگەوری ھەتا دگەھیتە ناڤ پرۆژەی کو ئێک کیلۆمەترە یا ژ ناڤێک چووی و پێدڤی ب چێکرنێ یە و خواست حوکمەت پشتەڤان و ھاریکاربیت بۆ چێکرنا رێیێ و دیسا گۆت: سەرەرایی ڤی پرۆژی ئەڤ ئەردێ بەرفرەە مە ھەیە و ھەکە پشتەڤانی ھەبیت بۆ چاندنێ ژی گەلەک مفا تێدا ھەیە و مفایەکێ باش ژێ دھێتە وەرگرتن.
فەوجەکا تایبەت بۆ کچ و ژنێن ئێزدی ھاتە پێکئینان
ئەڤرۆ نیوز،زنار تۆڤی:
وەزارەتا پێشمەرگەی ب مەرەما بەرەڤانیکرنێ ژ خەلکێ خوە فەوجەکا کچ و ژنێن ئێزدی پێکئینا و نوکە گەلەک ژ ژن و کچێن ئێزدی د وێ فەوجێ دا خوە فێری بکارئینانا کلاشینکۆفێ دکەن و لدووڤ دا ئەو کچ و ژن،دێ خوە فێری چەکێن دی کەن،ژ پێخەمەت بشێن ببنە ھێزەکا خۆدان شیان و بشێن بەرەڤانیێ ژ ئاخ و کەرامەتا خوە بکەن،ھەروەسا ھەمی ئەو کچ و ژنێن بەشداری ڤێ فەوجێ بووین،خەلکێ شنگار و شاریانە.
داخویانیا رێڤەبەریا بەلاڤکرنا بەرھەمێن گازی ل دۆر رەوشا نوکە یا پانزینێ
ئەڤرۆ نیوز، لەزگین جۆقی:
رێڤەبەرێ بەلاڤکرنا بەرھەمێن گازێ ل پارێزگەھا دھۆکێ بۆ ئەڤرۆ نیوز دیارکر کو ئەڤرۆ کە ژی بەھرا پارێزگەھا دھۆکێ ب دروستاھی یا گەھشتی چوو ئاریشە نین نبتنی ئەڤرۆ کە ٦/٩ نشکەکێ ڤە قەرەبالغ ل ویستگەھێن پانزینی دروست بوویە ئەم خەلکی خوە پشت راست دکەین چو قەیرانێن پانزینێ دروست نەبووینە و رۆژانە پانزین دگەھیتە پارێزگەھا دھۆکێ و بەھرا وەلاتیان دکەت.
یوسف نوری سەعدولا رێڤەبەرێ بەلاڤکرنا بەرھەمێن گازێ ل پارێزگەھا دھۆکێ گۆتژی ژێدەرێ ھاتنا پانزینێ بۆ پارێزگەھا دھۆکێ نە ب تنی وەلاتێ تورکیایە، بەلکو گەلەک ژێدەرێن دی ھەنە د گەل ڤێ چەندێ دا ژی وەزارەتا سامانێن سروشتی گرێبەست د گەل کومپانیان ئیمزا کرینە بۆ ئینانا پانزینێ و زۆر ئاسایی پانزین دگەھیت د گەل ھندێ ژی پانزینا یەدەک کری ژی مە یا ھەی و چو ئاریشە دروست نەبووینە.
یوسف نوری زێدەتر گۆت: سووتەمەنی و پانزین ژ گەلەک ژێدەران دگەھنە دھۆکێ، نە ب تنی د رێیا وەلاتێ تورکیا را دھێن، بلا شوفێر پشت راست بن چو قەیران دروست نابن، کۆمپانیێن پانزینێ دئینن بۆ ھەھوو پارێزگەھێن ھەرێما کوردستانێ و ئەڤرۆکە ژی بەھرا پارێزگەھا دھۆکێ یا گەھشتی، ئەم حەز دکەین شوفێر قەستا ویستگەھێن پانزینێ نەکەن و پانزینێ ل مال نەراکەن چونکو پانزین یا ھەی ل پارێزگەھا دھۆکێ رێژەکا باش پانزینا یەدک یا ھەی د گەل ھەبوونا ھندەک ژێدەرێن دی و وەزارەتا سامانێن سروشتی گەلەک گرێبەستێن د گەل کومپانیان گرێداین بۆ ئینانا پانزینێ و رۆژانە دئینن.
ئەگەرێن گیان ژ دەست دانا فرهيدون جوانرۆيى ئاشکرا بوون
ئەڤرۆ نیۆز، قائید میرۆ
پۆلیسێن پارێزگەھا ھەولێرێ ھویردەکاریێن شەھیدکرنا ئەندامێ مەکتەبا سیاسیا پارتی و زێرەڤانی وی ئاشکراکر و راگەھاند، ژلایێ ھژمارەک چەکداران تەقە لێھاتیە و پشتی ھنگی ترۆمبێلا وان ھاتیە سووتن.
موقەدەم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” روویدانا گیان ژ دەستدا دانا ئەندامەکێ مەکتەبا سیاسی پارتی بناڤێ فەرەیدوون جۆانڕۆیی دوماھی ھاتیە دەرکەفتیە ژلایێ کومەکا چەکدارانڤە ھاتیە کوشتن نەک ب روویدانا ترۆمبێلێ.
پەیڤدارێ پۆلیسان دیارکر، دەمێ چوونا فەڕەیدوون جوانڕۆیی بۆ میحوەرێ خازر ل سەنتەرێ قەزا خەبات ژلایێ ھژمارەک چەکداران تەقە ل ترۆمبێلا وی دھێتەکرن و پشتی ھنگی ترۆمبێلەکادی یا تۆمەتباران ھێرشی سەر ترۆمبێلا جوانڕۆیی دکەن و دبیتە ئەگەرێ سووتنا ترۆمبێلا فەرەیدوون جوانڕۆیی، نوکە ھەر پێنج تۆمەتبار ھاتینە دەستەسەرکرن و دان ب ئەنجامدانا تاوانێ کریە.
موقەدەم کاروانی گۆتژی” ئەف چەکدارێن تەقە ل فەرەیدوون جوانڕۆیی کرین دوژمندارن دگەل خێزانەکا قەزا بەردەڕەش و وەسا زانیە دوژمنێ وانە و گورەی ماددێ ٤٠٦ یێ سزادانا عێراقی ھاتینە گرتن و ڤەکۆلین دبەردەوامن
دەرگەھێ ئیبراھیم خەلیل ھاتە ڤەکرن
ئەڤرۆ نیوز،زنار تۆڤی:
پشتی بۆ ماوەیەکێ درێژ دەڕگەھێ سنوریێ ئیبراھیم خەلیل ژ لایێ تورکیا ڤە ھاتیە گرتن،ژبەر شەرێ دناڤبەرا پەکەکێ و سۆپایێ تورکی ل جزیرێ و سلۆپیا، ئەڤرۆ ڕۆژا ئێکشەمبی و لدمژمێر ئێک و نیڤی پشتی نیڤرۆ جارەکادی دەرگەھێ سنۆریێ ئیبراھیم خەلیل ب رەنگەکێ ئاسایی ھاتە ڤەکرن و نوکە خەلک دشێن ھاتنوچوونێ لێ بکەن.
بەرپرسەکێ عیراقی دانپێدانێ ب چوونا ب کۆم یا گەنجان بۆ دەرڤە دکەت
ئەڤرۆ نیوز، ئەیاد بەرواری
بەرپرسەکێ عیراقێ د داخۆیانیەکێ دا دانپێدان ب چوونا ب کۆم یا گەنجێن عیراقی بۆ دەرڤەی وەلاتی دکەت ژ بەر بارێ ئابووری و ئاستەنگێن دکەڤنە بەرامبەر وان.
موەفەق روبێعی ئەندامێ ھەڤپەیمانیا نیشتمانی یا شیعی و شیرەتکارێ بەرێ یێ جڤاتا ئاسایشا نیشتمانی ل عیراقێ د وێ داخۆیانیا خوەدا دبێژیت” پتریا گەنج دچن دبێ کارن و چو داھات ژی نینە و مە نەشیایە بارێ ئەمنی و ئابووری بۆ وان دابین بکەین”.
روبێعی داخوازا ژ حوکمەتا عیراقێ و پەرلەمانێ عیراقێ کر چاڤێ خوە بدەنە تەخا گەنجان و دەلیڤێن کاری بۆ پەیدابکەن و ژیێ خانەنشینیێ ژی ژ ٦٣ یان ٦٥ سالی ببیتە ٥٠ سالی و گەنج بچنە جھێن وان، دیسا بانک قەران بدەنە گەنجان دا بۆ خوە پرۆژان ڤەکەن
ههرێم: بەرھەمێ غازا سروشتی نێزیک دبیت ژ ئاستێ ئاسایی
ئەڤرۆ نیوز:
وەزارەتا سامانێن سروشتی یا ھەرێمێ راگەھاند:بەرھەمێ غازا سروشتی نێزیک دبیت ژ ئاستێ ئاسایی،پشتی بزاڤ و پێکولێن بەردەوام شیاینە چارەیا ئەوێ ئاریشەیا تەکنیکی بکەین کو ل زەڤیێن بەرھەمێ غازا سروشتی دروست بوو،کو دئێتە بکار ئینان بۆ وێسگەھێن بەرھەم ئینانا کارەبێ.
وەزارەتا سامانێن سروشتی تەئکید کر کو نھا ئاستێ بەرھەم ئینانا غازا سروشتی نێزیک بویە ژ ئاستێ ئاسایی،رۆژا ٣ ئیلولێ وەزارەتێ راگەھاند بوو ب ئەگەرێ روودانەکێ ھندەک گرفتێن تەکنیکی ل بەرھەمێ غازا سروشتی دا ل زەڤی یەکێ ژ زەڤیێن غازا سروشتی راوەستیایە و ب وی ئەگەری ژی گرفت بۆ بەرھەم ئینانا کارەبا نیشتمانی درۆست دبیت .
باشترين چارهسهرى بۆ كێشا سهرۆكاتيێ ههلبژارتنێن پێش وهختن
ئهڤرۆ نيوز:
د روونكرنهكێ دا نڤيسينگهها مهلا بهختيار كارگێرێ مهكتهبا سياسى يا ئێكهتى نشتيمانى كوردستان ئهو دهنگۆ رهتكرن يێن دبێژن مهلا بهختيار پرۆژهكێ نوو بۆ پرسا سهرۆكاتيا ههرێمێ يێ ههيى و دا زانين كو ههكه سهرۆكێ ههرێما كوردستانێ چو دهستپێشخهريێن كارا و نوو نهكهت، باشترين رێ بۆ چارهكرنا قهيرانا سهرۆكاتيا ههرێمێ ههلبژارتنێن پێش وهختن.
ههر د ڤێ روونكرنێ دا، ئاماژه ب وێ چهندێ ژى كريه كو ئهو پرۆژێ ههڤپشك يێ ل گهل گۆڕان و ئێكگرتوو و كۆمهلێ پێشكێش كريه و ژبلى وى پرۆژهى كهسێ دى مافێ پێشكێشكرنا پرۆژان د ناڤ ئێكهتيێ دا نينه.
ئهڤ داخۆيانيا نڤيسينگهها مهلا بهختيار د دهمهكى دا كو بهرى نوكه د. بهرههم سالح حێگرێ دويێ يێ سكرتێرێ گشتيێ ئێكهتى نشتيمانى كوردستان پرۆژهك بۆ چارهكرنا قهيرانا سهرۆكاتيا ههرێما كوردستانێ پێشكێشكر و ژ لايێ مهكتهبا سياسى يا حزبا وى و پارتى ديموكراتى كوردستان وهكو بناغهك بۆ دانوستاندنێ پهسهند كربوو.
ههر د وێ روونكرنێ دا هاتيه ژى كو مهكتهبا سياسى د كۆموبوونا 3ى ئيلۆنا 2015ێ دا بڕيار دايه ههكه سهرۆكێ ههرێما كوردستانێ دهسپێشخهرى بۆ سازانێ نهبيت، ههلبژارتنێن پێشوهخت باشترين چارهسهرى نه بۆ كێشا سهرۆكاتيا ههرێمێ.
کوژەکێ ژنک و زارۆیێ وێ یێ چار سالی ھاتە گرتن
ئەڤرۆ نيوز:
بەرپرسێ راگەھاندن و پەیوەندیێن پۆلیسێن پارێزگەھا دھۆکێ دیار کر پشتی کو ل رێکەفتی ١/٩/٢٠١٥ دەمژمیر شەشی ئێڤاری ژنەک و زارۆیێ وێ یێ چار سالی ل قەزا زاخۆ د مالا خوە دا ھاتینە کوشتن، د ڤان دورۆژێن بۆری دا کوژەکێ وان ھاتیە گرتن.
رائیدێ مافپەروەر ھێمن سلێمان بەرپرسێ راگەھاندن و پەیوەندیێن پۆلیسێن پارێزگەھا دھۆکێ خویا کر کو پشتی تاوانێ لیژنەکا ڤەکۆلینێ ژ ئەفسەرێن پشکا پۆلیسێن قەزا زاخۆ و ئەفسەرێن نەھێلانا گونەھباریان ل زاخۆ ب بریارا رێڤەبەرێ پۆلیسێن پارێزگەھا دھۆکێ ھاتە پێکئینان و گۆت “پشتی ڤەکۆلین و دووڤچوونێ ئەو لیژینا ھاتیە پێکئینان شیا د ماوێ دو رۆژان دا تاوانباری دەستەسەر بکەن و ل ھەمبەری لیژنا ڤەکۆلینێ و دادوەرێ ڤەکۆلینێ ئیعتراف ب تاوانا خوە کریە”.
رائیدێ مافپەروەر ھێمن سلێمان گۆت “تاوانبار ٢٢ سالن و ھەر خەلکێ قەزا زاخۆیە و بادەکا ڤەکۆلینێ ل زاخۆ ھاتیە ڤەکرن، ئانکو ڤەکۆلینا ڤێ پرسێ دێ ل زاخۆ بیت و تاوانبار دی ل دووڤ بریارا ٤٠٦ یا سزایێن عیراقی دێ ھێتە سزادان دا بگەھیتە سزایێ خوە یێ عادیلانە”.
ھەژی گۆتنێ یە رۆژا ١-٩-٢٠١٥ ل تاخێ زاگرۆس ل قەزا زاخۆ، ژنەکا د ژیێ ٢٧ سالیێ دا ب ناڤێ (ر،ع،ا) ل گەل کۆڕێ خوە یێ چار سالی ب ناڤێ (ی، ح، س) ل ب چەقۆیان د ناڤ مالا خوە دا ھاتینە کوشتن.
نيشاندان
WP Facebook Auto Publish Powered By : XYZScripts.com