سه‌ره‌كى نووترين نووچه

بارزانى گه‌هشته‌ كوێت

13/06/2015 19:56

141

ئه‌ڤرۆ نيوز:

به‌رى نيڤرۆيا ئه‌ڤرۆ رۆژا شه‌مبى 13ى خزيرانا 2015ێ، مه‌سعود بارزانى سه‌رۆكێ هه‌رێما كوردستانێ ب هه‌ڤالينيا شانده‌كى گه‌هشته‌ وه‌لاتێ كوێت و ژ لايێ شێخ سه‌باح خالد ئه‌حمه‌د ئه‌لسه‌باح، جێگرێ ئێكێ يێ سه‌رۆك وه‌زيران و وه‌زيرێ ژ ده‌رڤه‌ يێ وى وه‌لاتى هاته‌ پێشوازيكرن.

بڕياره‌ ته‌وه‌رێ سه‌ره‌كيێ ديدار و چاڤپێكه‌فتنێن سه‌رۆكێ هه‌رێمێ ل گه‌ل به‌رپرسێن كوێت و ئيمارات كو دێ چه‌ند رۆژان ڤه‌كێشيت، به‌رسينگگرتنا شه‌رێ تيرۆرستنێ داعش و په‌يوه‌نديێن سياسى و ئابوورى يێن هه‌رێما كوردستانێ و ئه‌وان دو وه‌لاتان بن و دانوستاندن ل سه‌ر كێشه‌ و پێدڤيێن ئاواره‌ و په‌نابه‌ر و هاريكاريا وان بن.

د ڤێ سه‌ره‌دانێ دا، مه‌سرۆر بارزانى شيره‌تكارێ جڤاتا ئاسايشێ و فوئاد حسێن سه‌رۆكێ ديوانا سه‌رۆكاتيا هه‌رێم و عه‌لى سندى وه‌زيرێ پلاندانانێ و سه‌لاحه‌دين بابه‌كر وه‌زيرێ كاره‌بێ و ژماره‌كا شيره‌تكاران هه‌ڤالێن شاندێ بارزانى نه‌.

ژڤانێ هه‌لبژارتنێن سه‌رۆكاتيا هه‌رێمێ هاته‌ دياركرن

13/06/2015 16:47

423

ئه‌ڤرۆ نيوز، ئه‌ياد به‌روارى:

سه‌رۆكێ ديوانا سه‌رۆكاتيا هه‌رێما كوردستانێ راگه‌هاند سه‌رۆكێ هه‌رێما كوردستانێ بڕيار دايه‌ هه‌لبژارتنێن گشتى بۆ سه‌رۆكاتيا هه‌رێما كوردستانێ بهێنه‌ ئه‌نجام دان كو 20ى ته‌باخا 2015ێ هاتيه‌ هه‌لبژارتن و ئاماژه‌ ب وێ چه‌ندێ كريه‌ كو سه‌رۆكێ هه‌رێما كوردستانێ ئه‌ڤ بابه‌ته‌ ل گه‌ل هه‌موو لايه‌نان به‌حس كريه‌ و رێ و كارێن پێدڤى ژى هاتينه‌ وه‌رگرتن ب مه‌ره‌ما ب رێڤه‌چوونا ڤان هه‌لبژارتنان.

فوئاد حسێن سەرۆکێ دیوانا سەرۆکاتیا ھەرێما کوردستانێ د داخۆیانیەکێ دا راگەھاند” بەرێز مەسعود بارزانی سەرۆکێ ھەرێما کوردستانێ ل دووڤ قانوونا سەرۆکاتیا ھەرێما کوردستانێ ھژمار (1) یا سالا 2005ێ یا راستڤەکری ب فەرمانا ھەرێمی ھژمار (91) یا سالا 2015ێ، بریار دا ھەلبژارتنێن گشتی بۆ سەرۆکاتیا ھەرێما کوردستانێ ل رۆژا 20ى خزيرانا 2015 بھێنە ئەنجامدان.
فوئاد حسێنی گوت ژی” سەرۆک بارزانی د فەرمانا خوەدا ھەموو لایەنێن پەیوەندیدار راسپاردن بۆ وەرگرتنا بەرھەڤیێن پێدڤی بۆ ب رێڤەبرنا پرۆسا ھەلبژارتنان ب شێوەکێ دیموکراتی و ئازاد و ل بەرچاڤ وەرگرتنا ھەموو قانوونێن پەیوەندیدار و پەیرەوکرنا گشت ستاندەرێن جیھانی یێن گرێدای وێ چەندێ”.

30 ملیار دینارێن ئاوارێن ژ ئیرانێ ڤەگەڕیاین ھاتینە خوارن

13/06/2015 12:54

265

ئه‌ڤرۆ نيوز، قائيد ميرۆ:

ئەندامەکێ پەرلەمانێ کوردستانێ ئاماژە ب وێ چەندێ دکەت، د ناڤبەرا ھەردو وەزارەتێن دارایی و ناڤخۆ دا 30 ملیار دینارێن ئاوارەیێن ژ ئیرانێ ڤەگەڕیای ھاتینە خوارن.
سۆران عومەر، ئەندامێ پەرلەمانێ کوردستانێ بۆ ئەڤرۆ نیۆز راگەھاند: “من دووڤچوونا وان 50 ملیار دیناران کریە، کو پێدڤی بوو ل سالا 2013ێ وەکو قەرەبوو حوکمەت بدەتە ئاوارەیێن ژ ئیرانێ ڤەگەڕیاين، بەلێ دەرکەفتیە د ناڤبەرا ھەردو وەزارەتێن نافخۆ و دارایی دا 10 ملیار دینار دیار نینن”.
سۆرانی دیارکر ژى كو وەزارەتا دارایی دبێژیت مە 30 ملیار بۆ قەرەبوویا ئاوارەیان داینە نافخۆ، بەلێ وەزارەتا نافخۆ دبێژیت 20 ملیارن، ژبلی 20 ملیارێن دی پێدڤی بوو بدەنە ئاوارەیان 20 ملیارێن دیژی ھاتینە خوارن.

ب وێنه‌: ئه‌زموونێن نشتيمانى ده‌ستپێكرن

13/06/2015 12:51

1898

ئه‌ڤرۆ نيوز:

رێڤەبەرێ راگەھاندنا پەروەردا گشتیا پارێزگەھا دھۆکێ دیار کر، ئه‌ڤرۆ رۆژا شەمبی 13ى خزيرانا 2015ێ ئەزمۆنێن نشتیمانی یێن قووناغا نەھێ بنەرەتی ل سەرانسەری ھەرێما کوردستانێ بۆ سالا خواندنێ 2015– 2015 دەست پێ كر و ل دھۆکێ ژی 39 ھزار و 755 قوتابيان پشکداریێ تێدا کر.

پارتى ژ به‌ر حه‌زا وه‌لاتيان دخوازيت پۆستان ل هه‌له‌بچه‌ وه‌رگريت

13/06/2015 11:27

115

ئه‌ڤرۆ نيوز:

به‌رپرسێ لقا 12 يا پارتى ديموكراتى كوردستان ئاماژه‌ ب وێ چه‌ندێ دكه‌ت كو ئارمانجا پارتى خزمه‌تكرنا خه‌لكێ باژێرێ هه‌له‌بچه‌ يه‌، ژ به‌ر هندێ خه‌لك گه‌له‌ك حه‌ز دكه‌ن ل هه‌له‌بچه‌ پارتى پۆستان وه‌ربگريت و نه‌هێته‌ بێ پشك كرن.

فازل به‌شاره‌تى به‌رپرسێ لقا 12 يا پارتى ديموكراتى كوردستان ل هه‌له‌بچه‌ بۆ مالپه‌رێ فه‌رمى يێ پارتى ديموكراتى كوردستان راگه‌هاند: ماف و حه‌قێ پارتى يه‌، پۆستان ل پارێزگه‌ها هه‌له‌بچه‌ وه‌ربگريت، به‌لێ ئه‌و پێدان ل سه‌ر بنه‌مايێ وێ چه‌ندێ بيت كو پۆسته‌ك بيت و ناڤێ خوه‌ هه‌بيت، پارتى خه‌بابه‌تا دوور و درێژ ل ڤێ ده‌ڤه‌رێ هه‌يه‌، ب هزاران شه‌هيدێن داين، شورشێن پارتى ديده‌ڤانێن وێ راستيێ نه‌، نوكه‌ ژى پارێزگه‌ها هه‌له‌بچه‌ ده‌ست ب كار بوويه‌، هه‌موو لايه‌ك دزانيت پارتى چ بزاڤ كرينه‌ دا كو هه‌له‌بچه‌ ببيته‌ پارێزگه‌هـ”.

به‌شاره‌تى گۆتژى: “خه‌لكێ باژێرێ هه‌له‌بچه‌ حه‌زا وێ چه‌ندێ هه‌يه‌ پارتى ل پارێزگه‌ها وان پۆست هه‌بن، چونكو پارتى ل هه‌ر جهه‌كى بيت ئامانجا وێ خزمه‌تكرنه‌، ئه‌وان ژى دڤێت خزمه‌تا وان بهێته‌ كرن، ژ به‌ر هندێ پارتى به‌رنامه‌ و كارنامێن تايبه‌ت ب پارێزگه‌ها هه‌له‌بچه‌ ڤه‌ هه‌نه‌ دا كو وى باژێرێ بكه‌نه‌ پارێزگه‌هه‌كا نمونه‌يى.

به‌رپرسێ لقا 14 يا پارتى ئاماژه‌ ب وێ چه‌ندێ كر كو سه‌رۆك بارزانى گه‌له‌ك د خه‌ما هه‌له‌بچه‌يان دايه‌ و ل سالا 2005ێ مه‌زنترين پرۆژه‌ ل سه‌ر ئه‌ركێ سه‌رۆكاتيا هه‌رێمێ ل ڤى باژێرى ڤه‌كر.

ل حه‌وێجه‌ و شنگال هيلاكا داعش راكر و پێشمه‌رگه‌يى ژى شه‌هيد يێن هه‌ين

13/06/2015 11:23

1039

ھەولێر، قائید میرۆ:

پشتی داعش ل قەزا حەویجە دەست ب گێڕانا ئاھەنگەکێ کری بھەلکەفتا راگەھاندنا دەولەتا ئیسلامی و دەربازبوونا سالەکێ ب سەر کۆنتڕۆلکرنا مووسل، فڕۆکەیێن ھەڤپەیمانان ٥٠ چەکدارێن وان کوشتن و ل شنگالێ پێشمەرگەی ٦٥ چەکدارێن داعش کوشتن.
ژێدەرەکێ بەرپرس بۆ ئەڤرۆ نیۆز راگەھاند: دوھی رۆژا ئەینی ب ھەلکەفتا دەربازبوونا سالەکێ ب سەر کۆنتڕۆلکرنا باژێڕێ مووسل و راگەھاندنا دەولەتا ب ناڤ ئیسلامی ل قەزا حەویجە یا سەر ب پارێزگەھا کەرکووکێ گروپا تیرۆرستیا داعش ئاھەنگەک ل سەنتەرێ باژێڕی گێڕا.
ژێدەری گۆتژی: “پشتی دەستپێکرنا ئاھەنگێ فڕۆکەیێن ھەڤپەیمانان ئاھەنگا داعش بوردۆمانکرن و د ئەنجام دا پێنجی چەکدارێن داعش ھاتنە کوشتن و ھژمارەکادیژی برینداربوون”.
ژ لایەکێ دیڤە ژێدەرەکێ رۆژنامەڤانی راگەھاند: شەڤا بۆری تیرۆرستێن داعش ل دو لایان ڤە ھێرشکریە سەر ھێزێن پێشمەرگەی، بەلێ ھەردو ھێرشێن داعش ھاتینە شکاندن و شەڕەکێ گران د ناڤبەرا پێشمەرگە و داعش روویدایە، بەلێ پێشمەرگەی شیایە ٦٥ چەکدارێن داعش بکوژن و دو پێشمەرگەژی شەھیدبوونە.

30 چه‌كدارێن داعش ھاتنە کوشتن

13/06/2015 10:16

179

ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ئاشکرا کر، ژ ئەگەرێ بوردۆمانا فڕۆکەیێن ھەڤپەیمانان ل قەزا مەخموور 30 چەکدارێن داعش ھاتینە کوشتن.

ئیسماعیل حەمەد، بەرپرسێ لیژنا ناوچا قەراج یا پارتی بۆ ئەڤرۆ نیۆز گۆت: “فڕۆکەیێن ھەڤپەیمانان ھێرش کرە سەر بنگه‌هـ و بارەگایێن تیرۆرستێن داعش ل گوندێ دوازدە ھەوار یێ سەر ب ناحیا قەراج یا قەزا مەخموور و د ئەنجام دا سێ ترۆمبێلێن تژی داعش ھاتینە ژناڤبرن”.
ئیسماعیل گۆتژی: “ژێدەرێن داعش ئیماژە ب ڤێ چەندێ کریە، شەش مووشه‌ك بەر بارەگایێن وان کەفتینە و ھەموو ھاتینە تێکدان و ب ئەگەرێ بوردۆمانێ 30 چەکدارێن وان ھاتینە کوشتن”.

ل دھۆکێ 39 ھزار و 755 قوتابى دێ پشکداریێ د ئەزمۆنێن نشتیمانی دا کەن

13/06/2015 09:15

257

ئه‌ڤرۆ نيوز:

رێڤەبەرێ راگەھاندنا پەروەردا گشتیا پارێزگەھا دھۆکێ دیار کر، بڕیارە ئه‌ڤرۆ رۆژا شەمبی 13ى خزيرانا 2015ێ ئەزمۆنێن نشتیمانی یێن قووناغا نەھێ بنەرەتی ل سەرانسەری ھەرێما کوردستانێ بۆ سالا خواندنێ 2015– 2015 دەست پێ بکەن و ل دھۆکێ ژی 39 ھزار و 755 قوتابی دێ پشکداریێ تێدا کەن.
ئەحمەد عەبدولا زوبێر، رێڤەبەرێ راگەھاندنا پەروەردا گشتیا پارێزگەھا دھۆکێ خویا کر، ھەموو بەرھەڤی ھاتینە کرن و ھۆلێن ئەزمۆنان ھاتینە رێکخستن، سالێن بۆری دەفتەرێن قوتابیێن دھۆکێ ھەر ل دھۆکێ دھاتنە پشکنینکرن، چونکو بنگەھەکێ پشکنینێ ل دھۆکێ ھەبوو، و بۆ ئەڤرۆ گۆت: “ئەڤ سالە جودا ژ سالێن دی ب تنێ ئێک بنگەھێ پشکنینێ دێ ھەبیت، کو ئەو ژی ل ھەولێرێ ھاتیە دانان و ئەڤ سالە یێن ھەموو قوتابیێن ھەرێما کوردستانێ دێ چنە وی بنگەھی و ل وێرێ دێ ھێنە پشکنینکرن”.
ئەحمەد عەبدوللا ئاماژە ب وێ چەندێ ژی کر، ل سەرانسەری پارێزگەھا دھۆکێ 39 ھزار و 755 قوتابی دێ پشکداریێ د ئەزمۆنێن نشتیمانی یێن پۆلا نەھێ بنەرەتی دا کەن و ل سەر ٥٥٣ بنگەھێن ئەنجامدانا ئەزمۆنان ھاتینە بەلاڤکرن.

داعش ژنان ب كێمتر ژ بهایێ پاكیته‌كا جگاران دفرۆشیت

13/06/2015 01:38

181

ئه‌ڤرۆنیۆز، ئه‌یاد به‌روارى
رۆژناما (هافیغتون پۆست) یا ئه‌مریكی راپۆرته‌ك ل دۆر كریارێن فرۆتنا ژنان ژلایێ رێكخراوا ده‌وله‌تا ئیسلامی یا تیرۆرستی (داعشێ) ڤه‌ به‌لاڤكریه‌.
ل دووڤ داخویانیه‌كا (زه‌ینه‌ب بانغۆرا) هنارتیا نه‌ته‌وێن ئێكگرتی بۆ كاروبارێن توندوتیژیا زاینده‌یی، رێكخراوا ده‌وله‌تا ئیسلامی یا تیرۆرستی (داعش) ژنان ب كێمتر ژ بهایێ پاكیته‌كا جگاران دفرۆشیت.
رۆژناما ناڤبرى ئاماژێ دده‌ت كو رێكخراوا تیرۆرستی یا داعشێ كچێن د قۆناغا سنێله‌یی دا به‌ر ب كویله‌ییا زاینده‌یی دبه‌ن و توندوتیژیه‌كا مه‌زن یا زاینده‌یی تووشی وان ژنێن دهێنه‌ ره‌ڤاندن و فرۆتن دبیت.
رۆژناما ئه‌مریكی ئاماژێ دده‌ت كو (بانغۆرا) چه‌ندین ئه‌و ژن و كچێن ژ ده‌ڤه‌رێن بن ده‌ستهه‌لاتا داعشێ دا ڕه‌ڤین یێن دیتین و گوهێ خوه‌ دایه‌ ئاخڤتنێن وان ل دۆر ره‌ڤاندن و فرۆتنا وان ل بازاران.
بانغۆرایی دیاركر كو هنده‌ك جاران كچێن سنێله‌ ل بازارێ هاتینه‌ فرۆتن بۆ توندره‌وان ب كێمتر ژ بهایێ پاكیته‌كا جگاران و گرۆپێن تیرۆرستی یێن چه‌كدار د به‌رده‌وامن ل سه‌ر بازرگانیا ب ڤی شێوه‌ی .
ل دووڤ رۆژناما ئه‌مریكی، ئه‌ڤ داخویانیا (بانغۆرا) یێ دبيت نووترین دێكیومێنت ل سه‌ر توندوتیژیا زاینده‌یی دژى ژنان.

ژبه‌ر كه‌تنا تێله‌كا 132 KV دنافبه‌را دهوك و هه‌ڤلێرێ كاره‌ ب هاته‌ برین

12/06/2015 20:24

435

ئه‌ڤرۆ نیوز: ئه‌كره‌م ئیبراهیم:

ل شه‌ڤا 11-12/ 6 /2015 كاره‌با كشتی یا پارێزگه‌ها دهوكێ ب ئێكجاری تێك چو و تا روژا باشتر به‌ری نیڤرو هاته‌ برین و خه‌لك گه‌له‌ك شه‌پرزه‌ بو ,ژبو هندێ داكو بزانین ئه‌گه‌رێن تێك چونا كاره‌بێ و بزاڤێن چاره‌سه‌ریێ ئه‌ندازیار كومال محه‌مه‌د سالح رێڤه‌به‌رێ گشتی یێ كاره‌با پارێزگه‌ها دهوكێ دداخویانیه‌كێ بو روژناما ئه‌ڤرو دیار كر كو ژبه‌ر كه‌تنا تێلا 132 KV دنافبه‌را دهوك و هه‌ڤلێرێ ل نێزیك باژێركێ خه‌بات سه‌رب پارێزگه‌ها هه‌ڤلێرێ ڤه‌ ژبه‌ر كو هه‌می هێلێن كوردستانێ پێكڤه‌ دگرێداینه‌ بو ئه‌گه‌رێ ژكار كه‌فتنا هه‌می یه‌كه‌یێن به‌رهه‌م ئینانا كاره‌بێ ل پارێزگه‌هێو پشتی بزاڤێن به‌رده‌وام ژلایێ كارمه‌ندێن وه‌زاره‌تا كاره‌با هه‌رێمێ شیان ل روژا 12-6 ل ده‌مژمێر 11 و نیڤی به‌ری نیڤرو جاره‌كا دێ كاره‌بێ وه‌كی به‌ری هینگێ بزڤرینن و كاره‌ب وه‌كو خو زڤریه‌ و دگه‌ل وه‌زاره‌تا كاره‌بێ مه‌ به‌حس كریه‌ كو قه‌ره‌بونا ڤان ده‌مژمێرین بوری بهێته‌ كرن و نوكه‌ نێزیكی 600 مێگاواتێن كاره‌بێ دناف تورا پارێزگه‌هێ دا هه‌نه‌ ,هه‌روه‌سا گوت :ژبه‌ر نه‌بونا گازێ ل كارگه‌ها به‌رهه‌مئینانا كاره‌بێ ل كواشێ ژ سه‌رجه‌مێ 8 یه‌كه‌یێن به‌ره‌هه‌م ئینانێ بتنێ 3 یه‌كه‌ كار دكه‌ن و ژبه‌ر كو هه‌ر یه‌كه‌یه‌ك ژوان 863 هزار لیترێن گازێ روژانه‌ دڤین و هه‌ر هه‌شت یه‌كه‌یا 6 ملیون و 500 هزار لێتر پێدڤی نه‌ و گازا وان ژ توركیا دهێت و ئه‌ڤه‌ چه‌ند روژ بون ژبه‌ر هه‌لبژارتنا گاز بو مه‌ نه‌دهات له‌وما ژكاری راوه‌ستاینه‌ ,, هه‌روه‌سا گوت : بزاڤێن مه‌ دگه‌ل پارێزگه‌رێ دهوكێ كو دگه‌ل ئه‌نجومه‌نێ وه‌زیران چه‌ند ئاخفتیه‌ بو چاره‌كرنا ڤێ بابه‌تی و برێكا وه‌زاره‌تێ ژی ئه‌م به‌رده‌وامین هه‌می پێكڤه‌ دمژیلین بو چاره‌كرنا ڤێ ئاریشێ و دابینكرنا سوته‌مه‌نیێ بو كارگه‌ها به‌رهه‌م ئینانا كاره‌بێ ل كواشێ ,

هه‌روه‌سا دیار كر كو روژانه‌ بو ده‌ڤه‌رێن وانكێ و زمار و ئه‌سكی میسل و تلسقف رێژا زێده‌تر ژ 25 مێگاواتا بو دهێته‌ ره‌وانه‌ كرن و به‌روكێن شه‌رێ دژی داعش ب شه‌ڤ ژ ره‌بیعه‌ تا دگه‌هیته‌ خازری 48 مێگاوات بو دهێنه‌ دابینكرن ب شه‌ڤێ و بو گومپێن ئاوارا ل پارێزگه‌هێ زێده‌تر ژ 50 مێگا واتا به‌رده‌وام دده‌ینێ زێده‌باری پروژێن ئاڤێ و خه‌سته‌خانا و ژسه‌رجه‌مێ 650 مێگا واتا 200 مێگا وات بو ڤان جها دچن روژانه‌
دده‌رباره‌ی ئه‌گه‌رێن برینا كاره‌با ژ توركیا ئه‌ندازیار كه‌مال محه‌مه‌د سالح گوت : گریبه‌سته‌ك دگه‌ل توركیا هه‌بو كو روژانه‌ 150 مێگا واتێن كاره‌بێ ددانه‌ پارێزگه‌هێ ل سالا بوری 27 /7/ 2014 وه‌ره‌ بو ماوێ ساله‌كێ ئه‌ف كاره‌به‌ ل 18 /5 / هاتیه‌ برین ژبه‌ر نه‌دانا پارێ وان كود بیته‌ 56 ملیون دولار نمه‌ گه‌ل سه‌روكێ حكومه‌تێ به‌حس كرن درێكا پارێزگه‌رێ دهوك را كو هه‌ر چ نه‌بیت ڤان دوو هه‌یڤا جاره‌كا دی ڤێ كاره‌بێ بزڤرینن وان ژی سوز دایه‌ ڤی بابه‌تی چاره‌كه‌ت ,
دده‌رباره‌ی رێژا روژانه‌ یا كاره‌بێ ئه‌وا دده‌نه‌ وه‌لاتیان رێڤه‌به‌رێ گشتی یێ كاره‌بێ گوت: وه‌كو وه‌زاره‌تێ دیار كری كو روژانه‌ 18 سعه‌تا كاره‌ بدێ هه‌بیت بو وه‌لاتیان لێ نوكه‌ ل پارێزگه‌هێ ئه‌م 19 سعه‌تا كاره‌بێ دابین دكه‌ین ل ڤان 11 روژێن هه‌یڤا 6

نيشاندان 1...570 1,570 2,570 2,5762,5772,578...3,103 زێده‌تر

لاپه‌ر 2,577 ژ 3,103