ئه‌ڤرۆ نیوز:
پشتى ئاشكرابوونا ئه‌نجامێن هه‌لبژارتنێن توركیا، د راپرسیه‌كێ دا وه‌لاتیێن توركیا ب رێژا 59% دیاركرینه كو ئه‌و ل گه‌ل به‌رده‌وامیا پرۆسا ئاشتیێ نه.
ل دووڤ ئه‌نجامێن راپرسیه‌كێ كو كومپانیا ” ئیپسۆس” ئه‌نجامداین، 59% ژ خه‌لكێ توركیا ل گه‌ل وێ یه‌كێ نه كو پروسا چاره‌سه‌ریێ یا د ناڤبه‌را حكومه‌تا توركیا و په‌كه‌كێ دا یا به‌رده‌وام بیت.
ئه‌ڤرۆنیۆز، ئه‌یاد به‌روارى
ئه‌ندامه‌كێ سه‌ركردایه‌تیا پارتی دیموكراتی كوردستان داخواز كر پرسا سیسته‌مێ حوكمرانیێ ل هه‌رێما كوردستانێ بكه‌ڤیته راپرسیێ.
عه‌لی عه‌ونی د په‌یچێ خوه دا ل سه‌ر تۆرا جڤاكی یا فیسبووكی دبێژیت” نوكه ل هه‌رێما كوردستانێ دو بوچوون یێن هه‌ین، یا ئێكێ سه‌رۆكێ هه‌رێما كوردستانێ ژلایێ خه‌لكی ڤه بهێته هه‌لبژارتن، یا دویێ ژى سه‌رۆكێ هه‌رێمێ ل په‌رله‌مانێ كوردستانێ بهێته هه‌لبژارتن”.
عه‌لی عه‌ونی ئه‌گه‌رێ هه‌تا نوكه ده‌نگ نه‌دان ل سه‌ر دستوورێ هه‌رێمێ بۆ ڤێ چه‌ندێ دزڤرینیت و دبێژیت” هه‌تا نوكه باشوورێ كوردستانێ یێ بێ دستووره و لیژنا هاتیه پێكئینان دێ ل سه‌ر وێ خالێ گه‌هنه بنبه‌ست و ئاسته‌نگیان”.
ل دووڤ بوچوونا ڤی ئه‌ندامێ سه‌ركردایه‌تیا پارتی، دووماهی ئینان ب گه‌نگه‌شا ل سه‌ر ڤی بابه‌تی، ئه‌نجامدانا راپرسیێ یه ل سه‌ر وێ خالێ كا گه‌لێ كوردستانێ حه‌ز دكه‌ن ئه‌و سه‌رۆكێ هه‌رێمێ هه‌لبژێرن یان حزب و لایه‌نێن سیاسی دناڤ په‌رله‌مانی دا.
ئه‌ڤرۆ نیوز:
قوباد تاله‌بانى جێگرێ سه‌رۆكێ حكومه‌تا هه‌رێما كوردستانێ راگه‌هاند ئه‌و ژ بریارا سه‌ربه‌خو فروتنا نه‌فتێ ناترسین و كه‌نگى ب باشى زانی، دێ وێ بریارێ ده‌ن.
قوباد تاله‌بانى جێگرێ سه‌رۆكێ حكومه‌تا هه‌رێما كوردستانێ دلته‌نگیا خوه ژ ره‌فتاركرنا به‌غدا ل گه‌ل هه‌رێمێ ده‌ربرى، و گۆت: هه‌ر ئه‌گه‌ره‌ك ل هه‌مبه‌ر مه ڤه‌كریه و ب پالپشتیا خه‌لك و لایه‌نێن سیاسى ئه‌م ژ بریارا سه‌ربه‌خو فروتنا نه‌فتێ ناترسین.
قوباد تاله‌بانى گۆت: ئه‌و نه‌فتا وان هنارتیه ده‌رڤه، زور زێده‌تره ژ وى پارێ ژ به‌غدا بۆ وان هنارتى.
ئه‌ڤرۆ نیۆز، قائید میرۆ
وه‌زاره‌تا كاروبارێن كۆمه‌لایه‌تی ئاشكراكر، به‌رپرسه‌كێ ئه‌مریكا ئاماژه ب وێ چه‌ندێ كریه، ل نێزیك دێ ئه‌مریكا بڕیارێن گرنگ ل دۆر هه‌رێما كوردستانێ ده‌ركه‌ت.
محه‌مه‌د كانی، رێڤه‌به‌رێ راگه‌هاندنا وه‌زاره‌تا كاروبارێن كۆمه‌لایه‌تی ب ئه‌ڤرۆ نیۆز راگه‌هاند” دچوارچوڤێ رێڤه‌چوونا كۆنگرا كار یا نێڤده‌وله‌تی ل وه‌لاتێ سویسرا، وه‌زیرێ كاروبارێن كۆمه‌لایه‌تیا حوكمه‌تا هه‌رێما كوردستانێ دگه‌ل سه‌فیرێ گشتیێ ئه‌مریكا بۆ كاروبارێن ئابوری كۆمبوویه و دانوستان ل دۆرچه‌ند پرسێن گرنگ ده‌رباره‌ی هه‌رێما كوردستانێ كرینه.
كانی گۆتژی” سه‌فیرێ ئه‌مریكا ب وه‌زیرێ كاروبارێن كۆمه‌لایه‌تیێن هه‌رێمێ راگه‌هاندیه، ده‌مه‌كێ نێزیك دێ كۆمبوونه‌كا گرنگ ئه‌نجامبده‌ن و هژماره‌ك بڕیارێن گرنگ ده‌رباره‌ی هه‌رێما كوردستانێ دێ هێنه ده‌ركرن، بتایبه‌ت ژلایێ مافێ مرۆڤی و ئابووری ڤه”.
ئەڤرۆ نیوز،زنار تۆڤی:
ل روژا شەمبیا بهێت رێکەفتی 13.6.2015 سەرۆکێ هەرێما کوردستانێ مەسعود بارزانی ب هەڤکاریا شاندەکێ ژ هەرێمێ و دگەل کونسلێ کوێتێ ل هەولێرێ دێ سەرەدانا وەلاتێ کوێتێ کەن و ئەڤ سەرەدانا سەروکێ هەرێمێ بو بهێزخستنا پەیوەندیێن هەرێمێ نە دگەل وەلاتێ کوێتێ و د وێ سەرەدانێ دا بارزانی دێ دگەل مەزنە بەرپرسێن وی وەلاتی کومبیت.
ئه‌ڤرۆ نیۆز، قائید میرۆ
زه‌لامه‌كی هه‌ڤژینا خوه یا دویێ خه‌ندقاند و ره‌ڤی، پۆلیسێن به‌ره‌نگاربوونا توندوتیژیان ژی راگه‌هاند: تومه‌تبارى خوه راده‌ستی پۆلیسانكریه و هه‌مبه‌ر دادوه‌ری دان ب ئه‌نجامدانا تاونێ كریه.
ملازمێ ئێكێ رێباز زێوه‌ر، به‌رپرسێ راگه‌هاندنا نڤیسینگه‌ها هه‌ولێرێ یا به‌ره‌نگاربوونا توندوتیژیا دژی ئافره‌تان ب ئه‌ڤرۆ نیۆز راگه‌هاند” ئێڤاریا دوهی ل تاخێ پێنجی حه‌سارۆك ل باژێڕێ هه‌ولێرێ، زه‌لامه‌كی كو خوه‌دیێ دو ژنایه، هه‌ڤژینا خوه یا نوو خه‌ندقایه، ئه‌ڤ ژنا هاتیه خه‌ندقاندن دوجارا چوویه ناف پڕۆسا هه‌ڤژینیێ و ل زه‌لامێ ئێكێ چه‌ند زارۆیه‌ك هه‌نه و زه‌لامێ دویێ چو زارۆك نینه و پشتی زارۆیێن وێ یێن زه‌لامێ به‌رێ دخواست سه‌ره‌دانا ده‌یكا خۆ بكه‌ن ئێكسه‌ر ته‌رمێ وێ دیتیه و پۆلیس ئاگه‌هداركرینه.
ملازم رێبازی گۆتژی”تومه‌تبارى خوه راده‌ستی بنگه‌هێ پۆلیسێن سه‌روه‌رانكریه و هه‌مبه‌ر دادوه‌رێ ڤه‌كۆلینێ دانپێدانكریه كو هه‌ڤژینا خو خه‌ندقاندیه و ب مادده‌یا 406 هاتیه به‌ندكرن و ڤه‌كۆلین به‌رده‌وامن”.
ئه‌ڤرۆ نیوز:
د به‌یاننامه‌كێ دا سه‌رۆكاتیا هه‌رێما كوردستانێ به‌رسڤا راپۆرتا ڤه‌كولینێ یا لژنا كه‌فتنا مووسل دا و د خاله‌كا وێ دا هاتیه: پرانیا پرسیارێن وان د بومبرێژكرى بوون و گومانا زور و تومه‌ته‌كا بنڤه‌كیڤه یێن تێدا.
سه‌رۆكاتیا هه‌رێما كوردستانێ ئه‌ڤرۆ د راگه‌هاندنه‌كێ دا سه‌باره‌ت وان پرسیارێن كو لژنا ڤه‌كولینێ ل په‌رله‌مانێ عیراقێ سه‌باره‌ت كه‌تنا مووسل ئاراسته‌ى سه‌رۆك بارزانى كربوون، ئاماژه ب وێ یه‌كێ كریه كو پرسیارێن وان ژ رێییێ ده‌ركه‌فتینه و تومه‌تێن بنڤه‌كیڤه تێدانه ” و گه‌له‌ك دوورن ژ ئه‌گه‌رێن راست یێن كه‌تنا مووسل و چ په‌یوه‌ندى ب مه‌ڤه نینه”
ئه‌ڤرۆ نیوز، ره‌وان نهێلى:
دلشاد شه‌عبان جێگرێ سه‌رۆكێ لژنا سامانێن سروشتى ل په‌رله‌مانێ كوردستانێ بۆ ئه‌ڤرۆ نیوز دیاركر كو ئه‌و ب چو ره‌نگه‌كێ ناهێلن بهایێ نان و سه‌مونان گران ببیت و ل دۆر وێ نڤیسارا وه‌زاره‌تا سامانێن سروشتى كو سوته‌مه‌نى ژ سه‌مونخانه و نانپێژیان بریه گۆت: خودانێن فرن و موه‌لیدا و كارگه‌ه و ئوتێلا ب بهایێ پشته‌ڤانیێ گازوایل وه‌ردگرت و ب بهایێ بازرگانى دفروت و مه ب سه‌دان به‌لگه كوم كربوون و پێشكێشى حكومه‌تێ كربوون، له‌وما وه‌زاره‌تا سامانێن سروشتى ئه‌ڤ بریاره دا.
دلشاد شه‌عبان دیاركر كو بهایێ پشته‌ڤانیكرنێ بۆ لترێ 450 دینار بوون و نوكه ل بازارى ب 500 دینارایه، له‌وما چ فه‌رقیه‌كا وه‌سا یا مه‌زن نینه كو خودانێن سه‌مونخانه و فرنان بۆ خو بكه‌نه ده‌لیڤه كو نان و سه‌مونان گران بكه‌ن، و گۆت: ئه‌م ب چ ره‌نگه‌كێ قه‌بوول ناكه‌ین ئێك فلس بهایێ نان و سه‌مونان گران ببیت.
نيشاندان