ئه‌ڤرۆ نیوز: ڤه‌ده‌ر ره‌شاڤایی:
سه‌لاحه‌دین ده‌میرتاش هه‌ڤسه‌رۆكێ هه‌ده‌پێ ئاخڤتنا داود ئوغلو سه‌رۆك وه‌زیرێن توركیا ره‌ت كرن لسه‌ر وێ یه‌كێ كو ئێك ژ هێرشكه‌رێ په‌قینا سه‌ر نڤیسینگه‌هێن پارتا كوردی هه‌ده‌پێ په‌یوه‌ندی ب پارتا چه‌پ یا توركی ڤه‌ هه‌بن و راگه‌هاند كو تاوانبارێ په‌قینا لسه‌ر دو باره‌گه‌هێن پارتا كوردی هه‌ده‌پێ په‌یوه‌ندی دگه‌ل داعش هه‌یه‌.
ده‌میرتاش ل ستانبۆلێ گۆت: ئه‌و كه‌سێ هێرش لسه‌ر ئاڤاهیێن هه‌ده‌پێ ل مێرسین و ئه‌ده‌نه‌ كری ل سوریا ڤه‌گه‌رییا یه‌ و په‌یوه‌ندی دگه‌ل داعش هه‌یه‌، مه‌ به‌لگه‌ لبه‌ر ده‌ست هه‌نه‌ ونها مرۆڤه‌كێ و كه‌سی چه‌كدارێ دعشه‌، لێ حكومه‌تا توركیا دڤێت ڤێ یه‌كێ ب نهێنی بهێلیت.

ئەڤرۆ نیۆز، قائید میرۆ:
دەمەکی بەری نوکە فڕۆکەیێن ھەڤپەیمانان ل میحوەرێ رۆژئاڤایێ دیجلە گورزەکا کوژەک ل تیرۆرستێن داعش دا و ھژمارەک چەکدارێن وان کوشتن.
موقەدەم دلشاد مەولوود، بەرپرسێ ھوبا راگەھاندنا فەرماندێ زێرەڤانی بۆ ئەڤرۆ نیۆز گۆت: “نێزیک دەمژمێر دويى پشتی نیڤرۆیا ئەڤرۆ رۆژا ئه‌ينى رێكه‌فتى 22ى گۆلانا 2015ێ، پشتی کۆمکرنا زانیاریێن ھەوالگەری ژ لایێ فەرماندا زێرەڤانی، فڕۆکەیێن ھەڤپەیمان کارگەھەک ل گوندێ ئەبتێشن، نێزیک دۆڕیانا کەسکێ ل میحوەرێ رۆژئاڤایێ دیجلە بوردۆمانکر”.
دلشاد گۆتژی: “ژ گەرێ بوردۆمانێ ئاڤاھیێ کارگەھێ ب سەر چەکدارێن داعش دا ھاتە پەقاندن و ھژمارەکا زۆرا تیرۆرستان ھاتنە کوشتن، داعش ئەف کارگەهه‌ کربوو بارەگایێ خوە”.
ل دۆر زانیاریێن بەحسێ ھێرشەکێ دکەن بۆ سەر ھێزێن پێشمەرگەی ئەڤی فەرماندێ زێرەڤانی گۆت: “چو ھێرش ژ لایێ داعش بۆ سەر ھێزێن پێشمەرگەی نەھاتینەکرن و دورە ژ راستیێ”.