ئه‌ڤرۆ نیوز:
عادل عه‌بدولمه‌هدى وه‌زیرێ نه‌فتا عیراقێ سه‌را هه‌رێما كوردستانێ دا و نوكه د كومبوونێ دایه ل گه‌ل نێچیرڤان بارزانى سه‌رۆكێ حكومه‌تێ و قوباد تاله‌بانى جێگرێ سه‌رۆكێ حكومه‌تێ.
كومبوونا وه‌زیرێ نه‌فتێ و نێچیرڤان بارزانى ده‌ستپێكر
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
بارزانى ڤه‌گه‌ريا هه‌رێما كوردستانێ
ئه‌ڤرۆ نيوز:
پشتى گه‌هشته‌كا سه‌ركه‌فتى بۆ وه‌لاتێن ئه‌مريكا و هنگاريا و چيك ئه‌ڤرۆ ئێڤارى سه‌رۆكێ هه‌رێما كوردستانێ مه‌سعود بارزانى ر ێيا فرۆكخانا نێڤده‌وله‌تيا هه‌ولێر ڤه‌گه‌ريا هه‌رێما كوردستانێ.
مالپه‌رێ فه‌رميێ سه‌رۆكاتيا هه‌رێما كوردستانێ راگه‌هاند كو ئێڤاریا ئه‌ڤرۆ چارشەمبى رێكه‌فتى 13ى گۆلانا 2015ێ مەسوود بارزانی سەرۆکێ ھەرێما کوردستانێ و شاندێ ل گەل پشتی سەردانەکی سەرکەفتیا وەلاتێن ئه‌مریکا، هنگاريا و چيک و جڤین و ھەڤدیتنێن ل گەل بەرپرسێن بلندێن وان وەلاتان دووماهی ب سەردانێ ئينا و ب رێیا فرۆکخانەیا نێڤدەولەتیا ھەولێرێ ڤەگەریا ھەرێما کوردستانێ.
سوبه‌هى په‌رله‌مان و سه‌رۆكاتيا حوكمه‌تێ دێ كۆم بن
ئه‌ڤرۆ نيوز:
سوبه‌هى سه‌رۆكێ حوكمه‌تا هه‌رێما كوردستانێ و جێگرێ وى و هنده‌ك ژ وه‌زيرێن حوكمه‌تا هه‌رێما كوردستانێ، دێ چنه په‌رله‌مانێ كوردستانێ و ل گه‌ل سه‌رۆكاتيا په‌رله‌مانى و سه‌رۆكێ فراكسيۆنان كۆم بن ده‌رباره‌يى رێكه‌فتنا هه‌ولێر و به‌غدا دانوستاندنێ كه‌ن.
ب گۆره‌يى پرسا په‌ترۆل و بودجه و ل سه‌ر كێشێن ناڤبه‌را هه‌ولێر و به‌غدا و پابه‌ندنه‌بوونا به‌غدا ب رێكه‌فتنا د ناڤبه‌را هه‌رێما كوردستانێ و ناڤه‌ندى دا، سوبه‌هى وه‌ڤده‌كێ بلندێ حوكمه‌تا هه‌رێما كوردستانێ ب سه‌رۆكاتيا نێچيرڤان بارزانى سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ سه‌رۆكێ حوكمه‌تێ و ب هه‌ڤالنيا هژماره‌كا وه‌زيرێن تايبه‌تمه‌ند د ڤى وارى دا، دێ چنه په‌رله‌مانێ كوردستانێ.
ب گۆره‌يى نوچه‌كێ مالپه‌رێ په‌رله‌مانێ كوردستانێ، بڕياره شاندێ حوكمه‌تێ، ل گه‌ل ده‌سته‌يا سه‌رۆكاتيا په‌رله‌مانى و سه‌رۆكێن فراكسيۆنێن ناڤا په‌رله‌مانى كۆم ببيت و ئاماده‌بوونا سه‌رۆكێ لژنێن كاروبارێن قانوونى و دارايى و كاروبارێن ئابوورى و وه‌به‌رهێنان و پێشه‌سازى و وزه و ژێده‌رێن سرۆشتى ل په‌رله‌مانى كۆم بن.
ئامانجا كۆمبوونێ، وه‌رگرتنا بۆچوونا په‌رله‌مانێ كوردستانێ يه، ل سه‌ر رێكه‌فتنا د ناڤبه‌را هه‌ولێر و به‌غدا دا و ئێكبوونا هه‌لويستێ هه‌موو لايه‌نان دا كو هه‌ر بڕيار و پێنگاڤه‌كا داهاتى ب هه‌لويسته‌كێ نشتيمانى و ئێكده‌نگى بيت.
خالێن سه‌رۆكاتيا حوكمه‌تێ و نوونه‌رێن كوردان ل به‌غدا ل سه‌ر رێككه‌فتين
ئه‌ڤرۆ نيوز:
ئه‌ڤرۆ ل هه‌ولێر ب سه‌رۆكاتيا سه‌رۆكێ حوكمه‌تا هه‌رێما كوردستانێ نێچيرڤان بارزانى كۆمبوونا نوونه‌رێن كوردان ل به‌غدا و حوكمه‌تا هه‌رێما كوردستانێ برێڤه‌چوو و تێدا گه‌هشتنه چه‌ند خالان كو ئه‌ڤێن ل خوارێ نه:
1- ل گه‌ل پابه‌ندبوونا حوكمه‌تا هه‌رێما كوردستانێ ب هنارتنا بڕا پێدڤى يا په‌ترۆلێ ب گۆره‌يى رێكه‌فتن و قانوونا بودجه‌يى يا سالا 2015ێ، ب مخابنى ڤه د به‌رامبه‌ر دا حوكمه‌تا فيدرال پابه‌ندنه‌بوويه ب هنارتنا شايسه‌يێن دارايى يێن هه‌رێما كوردستانێ و ئه‌ڤه ژى د ده‌مه‌كى دا كو بارگرانيه‌كا مه‌زن كه‌فتيه ستوويێ دارايا هه‌رێما كوردستانێ ژ ئه‌گه‌رێ بڕينا پشكا بودجێ سالا 2014ێ و شه‌رى دژى تيرۆرێ و هه‌بوونا زێده‌تر ژ مليۆن و پێنج سه‌د هزار ئاواره و په‌نابه‌ران و ده‌رهاڤێتنا وان حهوكمه‌تا فيدرال ب گرنگى ڤه نه وه‌رگرتيه.
2- كۆمبوونێ ته‌كست ل سه‌ر به‌رده‌وامبوون بۆ چاره‌كرنا كێشه و پرسان د رێيا دانوستاندنێ و ل گه‌ل حوكمه‌تا فيدرال كر.
3- حوكمه‌تا هه‌رێما كوردستانێ ب رێكه‌فتنێ و ب قانوونا بودجا سالا 2015ێ يا عيراقا فيدرال يا پابه‌نده، به‌لێ هه‌كه ديالۆك و دانوستاندن ل گه‌ل حوكمه‌تا فيدرال نه‌گه‌هشته ئه‌نجامان و حوكمه‌تا فيدرال يا رژد بوو ل سه‌ر پێشێلكرنا قانوونا بودجێ و شايستێن دارايى يێن هه‌رێما كوردستانێ نه‌هنارتن، حوكمه‌تا هه‌رێما كوردستانێ ب پشت به‌ستن ب بڕگا 3 ژ ماددێ 11 يێ قانوونا بودجێ ل سالا 2015ێ و ب گۆره‌يى قانوونا ژماره 5 يا سالا 2013ێ يا په‌رله‌مانێ كوردستانێ، رێ و چاره‌يێن دى دێ گرنه به‌ر بۆ دابينكرنا بودجێ پێدڤى بۆ هه‌رێما كوردستانێ.
4- كۆمبوونێ داخواز ژ حوكمه‌تا فيدرال كر كو ب گۆره‌يى به‌رنامێ سياسى، چاره‌يا كێشه و ئاريشێن د ناڤبه‌را حوكمه‌تا فيدرال و هه‌رێما كوردستانێ دا بكه‌ت و گرێدايى دستوورى و قانوونێن كارپێكرى بيت.
پێنجشه‌مبى و ئێكشه‌مبى و دوشه‌مبێ ئه‌ڤ وه‌زاره‌ته دێ مووچه‌يی وه‌رگرن
ئه‌ڤرۆنیوز
وه‌زاره‌تا دارای و ئابووری ل حوکمه‌تا هه‌رێما کوردستانێ راگه‌هاند رۆژانێن پێنجشه‌مب و ئێکشه‌مب و دوشه‌مبی دێ مووچێن هه‌يڤا سێ يێن ئه‌ڤ ساله هێنه به‌لاڤکرن.
د راگه‌هاندنه‌كێ دا كو ل مالپه‌رێ خوه به‌لاڤكريه دا زانین رۆژا پێنجشه‌مبی رێكه‌فتى 14ى گۆلانا 2015ێ دێ هه‌ر ئێك ژ فه‌رماندا پێشمه‌رگێ زێره‌ڤانی و هێزا ئاماده مووچه‌ی وه‌رگرن.
ئاماژه ب وێ چه‌ندێ ژى كريه كو ل رۆژا ئێكشه‌مبى رێكه‌فتى 17ى گۆلانا 2015ێ دێ مووچێ وه‌زاره‌تا دارايى و ئابوورى هێته به‌لاڤكرن.
ل رۆژا دوشه‌مبى رێكه‌فتى 18ى گۆلانا 2015ێ ژى دێ يا ته‌رخانكرى بيت بۆ وه‌رگرتنا مووچێ هه‌يڤا سێ يێ وه‌زاره‌تا په‌روه‌ردێ ل حوكمه‌تا هه‌رێما كوردستانێ.
پارتى ب فه‌رمى ناڤێن ئه‌ندامێن لژنا به‌رهه‌ڤكرنا دستوورى راگه‌هاندن
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ ناڤێن هه‌ر حه‌فت ئه‌ندامێن سه‌ر پشكا پارتى ديموكراتى كوردستان يێن كو دێ كار د به‌رهه‌ڤكرنا دستوورى دا كه‌ن راگه‌هاندن.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ، بۆ ئه‌ڤرۆ نيوز گۆت: “پارتى ناڤێن ئه‌ندامێن لژنا به‌رهه‌ڤكرنا دستوورى ب فه‌رمى راگه‌هاندن”.
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ زێده‌تر گۆت: “هه‌ر ئێك ژ حاكم نه‌مر كه‌چۆ كو نوونه‌رێ ئێكانه يێ ئێزديه د لژنێ دا و ل سه‌ر به‌هرا پارتيه و د. ڤالا فه‌ريد و د. فه‌رسه‌ت سوفى يێن په‌رله‌مانتار و سيروان زه‌هاوى شارازه‌يێ وارێ دستوورى و ئه‌ندامێ به‌رێ يێ جڤاتا نوونه‌رێن عيراقێ و عوسمان وه‌يسى و عه‌بدولحه‌كيم خسرۆ عه‌بدولفتاح عه‌بدولره‌زاق مامۆستايێن زانكۆيێ و تايبه‌تمه‌ندێن دستوورى”.
ژڤانێ ئه‌زموونان ل دهۆكێ هاته دياركرن
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ راگه‌هاند كو ژڤانێ ئه‌زموونێن دووماهيا سالێ يێن نشتيمانى و قووناغێن به‌رى دووماهيێ و يێن دووماهيێ هاتيه دياركرن.
ئه‌حمه‌د عه‌بدولا زۆبێر، به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ، بۆ ئه‌ڤرۆ نيوز گۆت: “بڕياره ڤان رۆژان ئه‌زموونێن دووماهيا سالێ يێن 2014-2015 بهێنه كرن و پرۆسه يا سه‌رتاسه‌رى يه و وان قوتابخان ژى ڤه‌دگريت يێن دره‌نگ ده‌وام تێدا هاتيه كرن ب ره‌نگه‌كى كو ده‌واما وان دده‌مێن زێده دا هاتيه قه‌ره‌بووكرن”.
به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ زێده‌تر گۆت: “ئه‌زموونێن نشتيمانى يێن پۆلا 9ى بنه‌ره‌تى بڕياره ل 13ى گۆلانا 2015ێ بهێنه كرن و يێن دووماهيا سالێ بۆ قووناغێن نه‌يێن دووماهيێ دێ ل 16ى گۆلانێ هێنه كرن و بۆ ماوێ 10 رۆژان دێ د به‌رده‌وام بن”.
ئه‌حمه‌د زۆبێر ده‌رباره‌يى قووناغێن دووماهيێ ژى ئه‌وێن ب ويزارى دهێنه ناڤبرن گۆت: “ئه‌و ژى دێ د سه‌رتاسه‌رى بن و ل هه‌موو جهان ب ئێك ده‌م هێنه كرن كو دكه‌ڤيته 4ى خزيرانا 2015ێ”.
وه‌زيرێ په‌ترۆلا عيراقێ ب له‌ز دێ هێته هه‌رێما كوردستانێ
ئه‌ڤرۆ نيوز، نيوار محه‌مه‌د سه‌ليم:
وه‌زيرێ په‌ترۆلا عيراقێ ب له‌ز دێ سه‌ره‌دانا هه‌ولێرێ كه‌ت و ژێده‌ره‌كێ ژ جڤاتا وه‌زيران ژى ئامانجا سه‌ره‌دانا عادل عه‌بدولمه‌هدى بۆ هه‌بوونا كێشا د ناڤبه‌را هه‌رێم و به‌غدا دا د ڤه‌گه‌رينيت.
پێشتر ئه‌ڤرۆ نيوز به‌لاڤكربوو كو ئه‌ڤرۆ بڕياره سه‌رۆكێن فراكسيۆنێن پارتێن كوردى ل به‌غدا و وه‌زيرێن حوكمه‌تا عه‌بادى ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ كۆم ببن دا كو دانوستاندنێ ل سه‌ر كێشێن ناڤبه‌را هه‌رێم و به‌غدا دا بكه‌ن و چاره‌كێ بۆ وێ كێشا هه‌يى ديار بكه‌ن ب تايبه‌ت پشتى به‌هرا هه‌رێمێ ب ره‌نگه‌كێ نه‌يێ دروست ره‌وانه كرى.
د ده‌مه‌كى دا كو نێچيرڤان بارزانى پێنگاڤا دروست نه‌هنارتنا به‌هرا هه‌رێما كوردستانێ ژ بودجێ ب جهنه‌ئينانا رێكه‌فتنا هه‌ولێر و به‌غدا ژ لايێ عه‌بادى ڤه دا زانين بڕيار ژى دايه د ڤێ كۆمبوونا ل گه‌ل نوونه‌رێن كورد ل به‌غدا دا، هه‌لويسته‌كێ رۆن و ئاشكه‌را بده‌نه دياركرن.
ژێده‌رێن ده‌نگوباسان به‌حس ل وێ چه‌ندێ دكه‌ن كو ئه‌ڤرۆ يان سوبه‌هى دێ وه‌زيرێ په‌ترۆلا عيراقێ عادل عه‌بدولمه‌هدى گه‌هيته هه‌رێما كوردستانێ به‌لێ ده‌مێ وى ب دروستى نه‌هاتيه زانين.
ژێده‌ره‌كى ژ جڤاتا وه‌زيران به‌حس ل وێ چه‌ندێ كريه كو مه‌ره‌م ژ سه‌ره‌دانا عه‌بدولمه‌هدى بۆ ئاسايكرنا په‌يوه‌نديانه ب تايبه‌ت كو ل ڤان رۆژێن دووماهيێ گه‌له‌ك تێكچووينه ژ ئه‌گه‌رێ كێم هنارتنا به‌هرا هه‌رێمێ ژ بودجێ و د ده‌مه‌كى دا كو هه‌رێمێ زێده‌يى رادێ پێدڤى په‌ترۆل ره‌وانه كريه.
هه‌ر ب گۆره‌يى ڤى ژێده‌رێ جڤاتا وه‌زيران بڕياره عادل عه‌بدولمه‌هدى ئێڤاريا ئه‌ڤرۆ بگه‌هيته هه‌رێما كوردستانێ و ل گه‌ل نێچيرڤان بارزانى كۆم بيت و هه‌كه ئه‌ڤرۆ نه‌گه‌هشت ژى سوبه‌هى رۆژا پێنجشه‌مبى دێ هێته هه‌رێمێ و ل گه‌ل سه‌رۆكێ حوكمه‌تا هه‌رێما كوردستانێ كۆم بيت.
ل 6ى گۆلانا 2015ێ حوكمه‌تا عيراقێ بڕيار دابوو كو 543 مليار دينارا وه‌كو پشكا هه‌رێما كوردستانێ ژ بودجێ هه‌يڤا سێ ره‌وانه بكه‌ن، ب ڤێ چه‌ندێ ژى حوكمه‌تا هه‌رێما كوردستانێ نه‌رازيبوونا خوه ل سه‌ر دياركربوو كو ب ديتنا وان نه ل ئاستێ پێدڤى بوو و گه‌له‌ك كێمتر بوو، به‌لێ ل 11ى ڤێ هه‌يڤێ ئه‌و پاره ژى ب دروستاهى نه‌هنارت، به‌لكو 10% ژێ بڕى و ب تنێ 488 مليار ره‌وانه كرن.
ئامانج ره‌حيم سكرتێرێ جڤاتا وه‌زيرێن حوكمه‌تا هه‌رێما كوردستانێ ژى د داخۆيانيه‌كێ دا راگه‌هانديه كو حه‌يده‌ر عه‌بادى دڤيا وان 543 مليار ديناران ب نيڤى بكه‌ن، به‌لێ وه‌زاره‌تا دارايى رازى نه‌بوويه و ب تنێ 10% ژێ بڕيه، فازل نه‌بى ژى گۆتيه كو هشيار زێبارى يێ وه‌زيرێ دارايى رێگرى ل ڤێ پێنگاڤێ كريه.
وەزیرێن دەرڤە یێن ئەندام د پەیمانا ناتۆ دا دێ ل ئەنتالیا کۆمبن
ئەڤرۆ روژا چارشەمبی رێكه‌فتى 13ى گۆلانا 2015ێ وەزیرێن دەرڤە یێن 28 وەلاتێن ئەندام د پەیمانا ناتۆ دا دێ باژێرێ ئەنتالیایێ تورکی کومبن و پشتی بورینا 22 سالان جارەکادی ئەڤ کومبۆنە ل وەلاتێ تورکیا هاتە کرن و بریارە لدەمژمێر 10 سپێدێ ئەڤ کومبۆنە بهێتە ئەنجامدان. دڤێ کومبونێدا دێ بەحسێ پەیوەندیێن دناڤبەرا ئوکرانیا و روسیا و چەند کێشێن دی یێن گرنگ دێ هێتەکرن و ئەڤ کومبونە دێ دوو روژان یا بەردەوام بیت.
ئاگه‌هداريه‌ك ژ رێڤه‌به‌ريا هاتنوچوونا دهۆكێ
رێڤه‌به‌ريا هاتنوچوونا پارێزگه‌ها دهۆكێ رادگه‌هينيت كو ئه‌وان رێنمايه‌كا نوو و تايبه‌ت ب شوفێرێن ته‌كسان ده‌ركريه و هه‌ر ئه‌ڤرۆ كه‌فتيه كارى و ژڤانێ دووماهيێ ژى نه‌هاتيه دياركرن.
رائيدێ مافپه‌روه‌ر، ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “رێڤه‌به‌ريا هاتنوچوونا دهۆكێ رێنمايه‌كا نوو بۆ شۆفێرێن ته‌كسان ده‌ركريه و هه‌ر ژ ئه‌ڤرۆ 13ى گۆلانا 2015ێ كار دێ پێ هێته كرن و ژڤانێ دووماهيێ ژى هێشتا نه‌هاتيه دياركرن”.
زێده‌تر گۆت: “ب گۆره‌يى ڤێ رێنمايێ پێدڤيه هه‌ر شۆفێره‌كێ ته‌كسيێ وێنێ خوه ل گه‌ل ناڤێ سێ قولى و هژمارا مۆبايل و ترۆمبێلێ ل سه‌ر ده‌شبۆلێ ترۆمبێلێ و هه‌ردو باليفكێن پشتێ بده‌ت”.
دا زانين ژى كو شۆفێر د ئازادن ل هه‌ر جهێ ڤيا ڤى كارى ئه‌نجام بده‌ن، ئانكو چو جهێن ده‌ستنياشنكرى نينن كو ڤى كارى لێ ئه‌نجام بده‌ن و گۆت: “مه‌ره‌م ژ ڤێ بزاڤێ ئه‌وه كو گه‌له‌ك جاران خه‌لك تشتێن خوه دهێلنه د ترۆمبێلێ دا و ب ڤى ره‌نگێ دێ شێن دووباره په‌يوه‌نديێ ب وى شۆفێرێ ته‌كسيێ كه‌ن”.
نيشاندان
WP Facebook Auto Publish Powered By : XYZScripts.com