سه‌ره‌كى نووترين نووچه

پرۆسا كونترۆلكرنا ئه‌نبار ده‌سپێكر

26/05/2015 11:05

110

ئه‌ڤرۆ نيوز:

فه‌رماندێ هێزێن هه‌ڤپشكێن عيراقێ، كو ژ سۆپا و پۆليسێن فيدرال و حه‌شه‌د شه‌عبى ئۆپه‌راسيۆنێن كونترۆلكرنا ئه‌نبار راگه‌هاند.

پشتى ماوێ حه‌فتيه‌كێ ژ گرتنا باژێرێ رومادى سه‌نته‌رێ پارێزگه‌ها ئه‌نبار، ژ لايێ چه‌كدارێن داعش ڤه‌، ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ فه‌رماندێ هێزێن هه‌ڤپشكێن عيراقێ ئوپه‌راسيۆنا كونترۆلكرنا ئه‌نبار راگه‌هاند.

ب گۆره‌يى ئه‌و پێزانينێن ده‌زگه‌هێن راگه‌هاندنا عيراقى به‌لاڤ كرين، ئه‌ڤ ئۆپه‌راسيۆنه‌ ژ 20 هزار چه‌كدارێن حه‌شه‌د شه‌عبى و 15 هزار له‌شكرێن سه‌ر ب هێزێن ئه‌منى ڤه‌ پێك دهێت.

چ پێشمه‌رگێن شه‌رێ داعش ب شه‌هيد نه‌هاتينه‌ هه‌ژمارتن

26/05/2015 10:26

488

ئه‌ڤرۆ نيوز:

وه‌زيرێ كاروبارێن شه‌هيدان رادگه‌هينيت كو ژ ئه‌گه‌رێ كێ مته‌رخه‌ميا وه‌زاره‌تا پێشمه‌رگه‌يى، هه‌تا نوكه‌ چو پێشمه‌رگێن شه‌رێ داعش ب شه‌هيد ژ لايێ حوكمه‌تێ ڤه‌ نه‌هاتينه‌ هژمارتن.

مه‌حمود حاجى سالح وه‌زيرێ كاروبارێن شه‌هيدان و ئه‌نفالكريان ل حوكمه‌تا هه‌رێما كوردستانێ بۆ حه‌فتيناما باس راگه‌هاند كو هه‌تا نوكه‌ چو پێشمه‌رگێن شه‌رێ داعش يێن شه‌هيد بووين ل لايێ حوكمه‌تێ نه‌هاتينه‌ تۆماركرن.

ل دۆر ئه‌گه‌رێ ژى ئاشكه‌را كر كو ژ وه‌زاره‌تا پێشمه‌رگه‌يى، چونكو هه‌تا نوكه‌ دوسيێ ئه‌و پێشمه‌رگێن خۆبه‌خش يێن ل لايێ وه‌زاره‌تا پێشمه‌رگه‌ بۆ وان ره‌وانه‌ نه‌كرينه‌.

گۆتژى: “دڤێت دوسيێن وان ب رێكخراوه‌يى بهنێرن و دو پله‌ ژى ب هه‌ر پێشمه‌رگه‌كێ شه‌هيد بهێنه‌ دان، پاشان مووچه‌ و ئمتيازاتێن شه‌هيدى دێ بۆ بنه‌مال و كه‌سوكارێن وان هێنه‌ ده‌رخستن”.

ب گۆره‌يى حوكمه‌تا هه‌رێما كوردستانێ خێزانا هه‌ر پێشمه‌رگه‌كێ ل شه‌ر داعش شه‌هيد دبيت، دێ شه‌ش هه‌يڤا مووچێ وى يێ پێشمه‌رگاتيێ وه‌رگريت و پاشان ژى دێ وه‌كو شه‌هيد ل وه‌زاره‌تا كاروبارێن شه‌هيد و ئه‌نفالكريان مووچه‌ بۆ هێته‌ دابينكرن، به‌لێ وه‌زيرێ كاروبارێن پێشمه‌رگه‌يى دبێژيت: “هنده‌ك پێشمه‌رگه‌ ئه‌ڤه‌ ساله‌كه‌ شه‌هيد بووين، ژ به‌ر بێخه‌ميا وه‌زاره‌تا پێشمه‌رگه‌ نه‌شياينه‌ مووچه‌يى بۆ كه‌سوكارێن وان دابين بكه‌ين”.

ئه‌ڤرۆ ئه‌ڤ جهه‌ دێ مووچه‌ى وه‌رگرن

26/05/2015 09:22

286

ئه‌ڤرۆ نیوز:

وه‌زاره‌تا دارایى و ئابوورى راگه‌هاند كو ئه‌ڤرۆ رۆژا رۆژا سێشه‌مبیى رێكه‌فتى 26ى گۆلانا 2015ێ ئه‌ڤ جهێن ل خوارێ دێ مووچێ هه‌يڤا سێ وه‌رگرن.
1_. خانه‌نشینێن مه‌ده‌نی‌
2_ سه‌رۆكایه‌تا هه‌رێم
3 _ سه‌رۆكایه‌تا په‌رله‌مانى
4_ سه‌رۆكایه‌تا ئه‌نجوومه‌نی‌ وه‌زیران
5_ كۆمسیۆنا باڵا

ئه‌ڤرۆ دێ جێگرێ سه‌رۆكێ حوكمه‌تێ و دو وه‌زير ل په‌رله‌مانى بن

26/05/2015 09:20

ئه‌ڤرۆ نيوز:

بڕياره‌ ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ ب ئاماده‌بوونا جێگرێ سه‌رۆكێ حوكمه‌تێ و دو وه‌زيران روونشته‌كا ئاسايى يا په‌رله‌مانێ كوردستانێ بهێته‌ ئه‌نجام دان.

محه‌مه‌د عه‌لى ياسين ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز گۆت: “ده‌سته‌يا سه‌رۆكاتيا په‌رله‌مانى بڕيار دايه‌ كو روونشتنا ژماره‌ 12 يا خولا بهارێ ژ خولا هه‌لبژارتنێن چارێ يا په‌رله‌مانێ كوردستانێ ل ده‌مژمێر 11:00ى به‌رى نيڤرۆيا ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ بيت”.

ئاماژه‌ ب وێ چه‌ندێ كر كو دێ د ڤێ كۆمبوونێ دا دانوستاندن ل سه‌ر راكێشانا مايه‌ د رێيا قه‌ركرنێ ل هه‌رێما كوردستانێ ب گۆره‌يى ماددێن 72، 74 و 75 ژ په‌يره‌وێ ناڤخۆ يێ په‌رله‌مانێ كوردستانێ ژماره‌ 1 يا سالا 1992ێ يێ راستڤه‌كرى.

محه‌مه‌د عه‌لى ياسين گۆتژى: “ديسا دێ دانوستاندنێ ل دۆر كێشێن زێده‌گاڤيێ ل هه‌رێما كوردستانێ دكه‌ن ب ئاماده‌بوونا جێگرێ سه‌رۆكێ جڤاتا وه‌زيران و هه‌ردو وه‌زيرێن چاندنێ و ژێده‌رێن ئاڤێ و باژێرڤانى و گه‌شتوگۆزار ب گۆره‌يى خالا 2 يا برگا دويێ يا مادێ 54 ژ په‌يره‌وێ ناڤخۆ يێ په‌رله‌مانى ژماره‌ 1 يێ سالا 1992ێ يێ راستڤه‌كرى”.

دیموکراتا ئیرانێ داخوازەکا PKK رەت دکەت و ئالۆزی بەردەوامن

26/05/2015 09:16

196

ئەڤرۆ:
دارا ناتق ئەندامێ سەرکردایەتیا پارتی دیموکراتی کوردستان- ئیران بۆ رۆژناما ئەڤرۆ دیار کر کو پشتی شەرەکێ د ناڤبەرا پێشمەرگێن وان ل گەل PKK نھا بەرپرسێن PKK داخواز ژ مە دکەن کو ئەم دەڤەرێ کەلەشینێ چۆل بکەین و ڤەگەرینە بنگەھێن خوە ل کۆیێ و دبێژین ھەکە ئەو یەک بھێتە کرن ئەو دێ بەرھەڤ بن کو دەست ب دانوستاندنان بکەن و ھەتا نھا ژی چو دانوستاندنەک راستەوخوە د ناڤبەرا مە و PKK دا دروست نەبوویە و گۆت: (مە ب رێیا ھندەک دۆستێن خوە بۆ بەرپرسێن PKK دیار کریە کو ئەم ب چو رەنگەکێ وێ دەڤەرێ چۆل ناکەین، چونکو ب سالان ھێزێن مە ل وێرێ بووینە و بەری ھاتنا PKK ب دەھان بنگەھێن مە ل کەلەشین و گەلەک دەڤەرێن دیتر ھەبوون و ئەو نەشێن بێژنە مە کو دڤێت ھوون ژ وێرێ بچن و ژ بەر ھندێ ژی ئەو داخوازیا PKK ژ ئالیێ پارتیا مە ڤە ھاتیە رەت کرن).
ئەندامێ سەرکردایەتیا پارتی دیموکراتی کوردستان- ئیران د بەردەوامیا ئاخڤتنا خوە دا ئەو یەک ژی دیار کر کو نھا شەر ھاتیە راگرتن و چو شەرەک د ناڤبەرا ھێزێن مە ل گەل یێن PKK دا نینە و مە دوھی ژی ب رێیا ھندەک دۆستان داخواز ژ وان کریە کو ئەم ھەڤدیتنەکێ دروست بکەین و ئاریشێن خوە ب رێیا دانوستاندنێ چارە بکەین و وەک نیەت پاکیەک ژی ئەو گەریلایێن کو ژ ئالیێ مە ڤە ھاتبوونە دەستەسەر کرن مە ئازاد کر، لێ جھێ داخێ یە کو ھەتا نھا ژی بەرپرسێن PKK بەرھەڤ نینن کو ل گەل مە دانوستاندنان بکەن و ئەو داخوازا وان ژی ژ ئالیێ مە ھاتیە رەت کرن و گۆت: (ئەو شەرێ کو دروست بوویی تشتەکێ گەلەک خراب بوو، پێدڤی بوو کو وان تشتەک وەسا نەکربا،بەس گەلێ کورد و ھەموو پارت و ئالیێن سیاسی یێن ھەر چار پارچێن کوردستانێ دژبەریا خوە ل ھەمبەر وێ ھێرشا PKK دیار کرن و داخوازا چارەکرنا وێ ئالۆزیێ کرن و مە بەری نھا ژی دیار کریە کو ئەم بەرھەڤین ب دانوستاندنان وێ ئالۆزیێ چارە بکەین و ھەتا نھا ژی وان بەرھەڤیا خوە بۆ وێ یەکێ دیار نەکریە).
دارا ناتق د دووماھیا ئاخڤتنا خوە دا ئەو یەک ژی نەڤەشارت و راگەھاند کو PKK نە دۆژمنێ مە یە، بەلکو دۆژمنێ مە کۆمارا ئیسلامی یا ئیرانێ یە و ژ بەر ھندێ نابیت PKK ئاستەنگیان ل ھەمبەر خەباتا مە ل رۆژھەلاتێ کوردستانێ دروست بکەت، چونکو نھا ل رۆژھەلاتێ کوردستانێ ژی رەوش ھاتیە گوھۆرین و خەلکێ مە چاڤەرێ ئێکەتیا ھەموو ھێزێن کوردستانێ دکەت و ژ بەر ھندێ ژی ھەر ژ رۆژا کو ئالۆزی دروست بوویی ھەتا نھا پارتیا مە ب داخۆیانی و ب رێیا ھەڤال و دۆستان بزاڤ کریە کو شەر روو نەدەت و گۆت: (وان داخوازا مە یا بۆ دانوستاندنێ و چارەکرنێ رەت کر و ھێرشی مە کر و پێشمەرگەک مە شەھید بوو و سێ ژی بریندارن، ئەم جارەکا دی داخواز ژ PKK دکەین دەستان ژ وی ھەلویستێ خوە بەردەت یێ کو تنێ د خزمەتا دۆژمنێ کوردستانێ دایە، شەرێ کورد ل گەل کوردی چ دەمەکێ د بەرژەوەندا کوردان و چو پارتەکا کوردستانی دا نەبوویە و نینە و ئەم ھیڤیدارین کو بەرپرسیارێن PKK ب رەنگەکێ ھەستیار سەرەدەریێ ل گەل ڤێ ئالۆزیێ بکەن دا کو ئەم بشێین ب رێیا دانوستاندنان وێ پرسێ چارە بکەین).

بارزانى: ئه‌گه‌ر به‌غدا بودجه‌ى نه‌هنێریت، دێ ئه‌م نه‌فتا خوه‌ فروشین

25/05/2015 19:39

218

ئه‌ڤرۆ نیوز:

د چارچوڤێ به‌رهه‌ڤبوونا سه‌رۆك بارزانى ل كوربه‌ندا ئابووریا جیهانى، كه‌نالێ سى ئێن بى سى دیداره‌ك ل گه‌ل ساز كریه‌ و سه‌باره‌ت پابه‌ندبوون یان پابه‌ندنه‌بوونا به‌غدا ب رێكه‌فتنا نه‌فتێ، بارزانى دیاركریه‌: دڤێت عیراق پابه‌ندى رێككه‌فتنێ بیت و پارێ هه‌رێما كوردستانێ بهنێریت، ئه‌گه‌ر ئه‌ڤ چه‌نده‌ نه‌هاته‌ كرن، و پارێ هه‌رێمێ نه‌هنات، وى ده‌مى ئه‌م دێ نه‌فتا خوه‌ فروشین و داهاتێ وێ دێ بۆ خوه‌ هه‌لگرین.

هه‌رێم پێشنیازه‌كا نوو دده‌ته‌ عه‌بادى

25/05/2015 16:57

294

ئه‌ڤرۆ نیوز:

نوكه‌ كورد د بزاڤا وێ چه‌ندێ دایه‌ كێشه‌یا رێككه‌فتنا نه‌فتێ یا ل گه‌ل به‌غدا چاره‌ بكه‌ن و رێككه‌فتنه‌كا دى ئیمزا بكه‌ن و دنووترین بزاڤ دا ژى هشیار زێبارى وه‌زیرێ دارایى یێ عیراقێ نامه‌ك ئاراسته‌ى حه‌یده‌ر عه‌بادى سه‌رۆك وه‌زیرێن عیراقێ كریه‌ و نه‌خشه‌رێیه‌كا نوى بۆ چاره‌كرنا كێشان دایه‌ به‌غدا.
سامان عەبدوڵا وه‌زیرێ ده‌وله‌تێ بۆ حكومه‌تا عیراقێ بۆ رۆژناما هاولاتى گوتیه‌: زێبازى ل دووڤ قانوونا ژماره‌ 5 یا سالا 2013 یا په‌رله‌مانێ كوردستانێ و برگا 3 ژ مادێ 11 یا بودجه‌یا ئه‌ڤ ساله‌ یا عیراقێ كو رێكێ ب هه‌رێمێ بده‌ت راسته‌وخو نه‌فتا خوه‌ بفروشیت هه‌تا كو به‌غدا چ كێشا بۆ دروست نه‌كه‌ت، د به‌رامبه‌ر دا هه‌رێم دێ پابه‌ند بیت ب دانا وى پاره‌ى یێ ژ ئه‌نجامێ خه‌رجیێن سیاسى و حاكمى ژ 17% به‌ردكه‌ڤیت.

سامان عەبدوڵا دیاركریه‌ ئه‌گه‌ر به‌غدا ب وێ پێشنیازى رازى نه‌بیت، هه‌رێم ب تاكلایانانه‌ نه‌فتا خوه‌ فروشیت.

ڤيان ده‌خيل داخوازيه‌كێ ژ هه‌رێم و عيراقێ دكه‌ت

25/05/2015 14:24

255

ئه‌ڤرۆ نيوز:

ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان، ڤيان ده‌خيل، داخواز ژ لايه‌نێن شوله‌ژێ يێن وه‌زاره‌تا چاندنێ و دارايى ل به‌غدا و هه‌ولێر كر كو رێ خوه‌ش كه‌ن دا كو جوتيارێن ده‌ڤه‌رێن ئازادكرى يێن نه‌ينه‌وا بشێن پارێن خوه‌ يێن سالا بۆرى وه‌ربگرن.

کوردان تێبینی يێن ل سەر دادگەھا ئتيحادی ھەين

25/05/2015 13:45

ئەڤرۆ نیۆز، سالار دۆسکی:

ئەندامەکێ جڤاتا نوونه‌رێن عیراقێ بۆ مالپەرێ ئەڤرۆ نیۆز دیارکر کو گڤاشتن یێ دھێنەکرن کو قانوونا دادگەھا ئتيحادی بھێتە پەژراندن و کوردان تێبینی ل سەر ھەنە.
حاکم سەرحان سلێڤانەی ئەو چەندە ژی گۆت: “ب ھەموو رەنگان قەبوول ناکەین چونکو ئەڤە تشتەکێ نەيێ دستووری یە و ناھێتە قەبوولکرن و ئەڤە دژی دەستوری یە”.
ھەڤدەم حاکم سەرحان سلێڤانەی ئاشکرا کر کو دادگەھا ئتيحادی ژ ١٣ کەسان پێک دھێن و کوردان دێ رۆلەکێ سەرەکی ھەبیت چونکو وەکو نەتەوەیێ دوویێ پشتی عەرەبان دھێتە ھەژمارتن”.

بارزانى: دڤێت شه‌رێ براكوژيێ بهێته‌ ته‌حريم كرن

25/05/2015 12:32

163

ئه‌ڤرۆ نيوز:

مه‌سعود بارزانى سه‌رۆكێ هه‌رێما كوردستانێ په‌يامه‌ك ل دۆر هێرشا په‌كه‌كێ بۆ سه‌ر حزبا ديموكرات به‌لاڤ كر و تێدا گه‌له‌ك ب دژوارى هێرش كره‌ سه‌ر وێ ئالۆزيا دروست بووى، ئاماژێ ب وێ چه‌ندێ ژى دكه‌ت كو كه‌س د شه‌رێ خوكوژيێ دا سه‌رناكه‌ڤيت و پێدڤيه‌ بهێته‌ ته‌حريم كرن.

سه‌رۆكێ هه‌رێما كوردستانێ د په‌ياما خوه‌ دا دبێژيت: “گه‌له‌ك ب دژوارى ئيدانا وێ ئالۆزيێ دكه‌م ئه‌وا ل رۆژا 24ى گۆلانا 2015ێ د ناڤبه‌را پارتيا كرێكارێن كوردستانێ و حزبا ديموكراتا كوردستانا ئيرانێ دا ل ده‌ڤه‌رێن سنورى يێن هه‌رێما كوردستانێ و ئيرانێ دا روودايى. داخوازێ ژى هه‌ردو ا دكه‌ت بشێنه‌ خوه‌ و كێشێ خرابتر لێ نه‌كه‌ن و نه‌بنه‌ ئه‌گه‌رێ پێشڤه‌چوونا ئالۆزيان و ب رێيا دانوستاندن و لێكتێگه‌هشتنێ بگه‌هنه‌ چاره‌سه‌ريان.

مه‌سعود بارزانى دايه‌ زانين ژى كو شه‌رێ خوگۆژى زيانێ دگه‌هينيته‌ هه‌موو لايه‌كى و كه‌س ژى د ڤى شه‌رى دا يێ سه‌ركه‌فتى نابيت، دده‌ته‌ زانين ژى كو ل سه‌ر ئاستێ حزبى و نه‌ته‌وى ژى چو به‌رژه‌وه‌نديه‌ك تێدا نينه‌. دبێژيت ژى: “پێشتر ژى مه‌ راگه‌هانديه‌ كو پێدڤيه‌ ب هه‌موو ره‌نگه‌كى شه‌رێ براكوژيێ بهێته‌ ته‌حريم كرن و نوكه‌ ب هه‌مان ره‌نگ دووباره‌ دكه‌م و نابيت شه‌رێ خوكوژيێ هه‌بيت و خوينا كوردان ب ده‌ستێ وان بهێته‌ رێتن، پێدڤيه‌ لايه‌ن ل ئاستێ به‌رپرساتيا نشتيمانى بن. هه‌ر ره‌نگه‌كێ شه‌ر و پێكدادانێ د ناڤبه‌را لايه‌نێن كوردى دا، دێ زيانێ ب پێگه‌هـ و ناڤوده‌نگێن گه‌له‌كێ كوردستانێ گه‌هينيت و دێ هيڤيێن خه‌لكێ كوردستانێ تێك ده‌ت.

سه‌رۆكێ هه‌رێما كوردستانێ د به‌رده‌واميا ناما خوه‌ دا دبێژيت: “بۆ هه‌موو لايان رادگه‌هينين كو رێ ناده‌ين، گۆره‌پانا سياسى ببيته‌ جهێ ژێكڤاڤارتنا حساباتێن سياسى و لايه‌نان ل گه‌ل ئێكدو. پێدڤيه‌ حوكمه‌تا هه‌رێما كوردستانێ بزاڤێن خوه‌ بێخيته‌ كار بۆ كۆنترۆلكرنا ڤێ ره‌وشێ و رێگرتنێ ل پێشڤه‌چوونا ڤێ ئالۆزيێ د ناڤبه‌را هه‌ردو لايان دا.

نيشاندان 1...610 1,610 2,610 2,6162,6172,618...3,040 زێده‌تر

لاپه‌ر 2,617 ژ 3,040