ئه‌نجامێن هه‌لبژارتنێن وه‌لاتێ سودانێ هاتنه راگه‌هاندن و عومه‌ر به‌شير پالێوراوێ كۆنگرێ نشتيمانى ب ده‌ستڤه‌ئيانانا 94% يا ده‌نگان بۆ سه‌رۆكێ وى وه‌لاتى.
ئه‌نجامێن هه‌لبژارتنێن وه‌لاتێ سودان هاتنه راگه‌هاندن
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
كۆمبوونا سه‌رۆكاتيێن حوكمه‌ت و په‌رله‌مانى ب دووماهى هاتن
ئه‌ڤرۆ نيوز:
كۆمبوونا سه‌رۆكاتيێن حوكمه‌ت و په‌رله‌مانێ كوردستانێ ئه‌ڤرۆ سپێدێ ل باره‌گايێ سه‌ره‌كى يێ په‌رله‌مانێ كوردستانێ هاته ئه‌نجام دا و پاشان ژى كۆنگره‌كێ رۆژنامه‌ڤانى بۆ سه‌رۆكێ حوكمه‌تا هه‌رێما كوردستانێ و سه‌رۆكاتيا په‌رله‌مانى هاته ئه‌نجام دان.
سه‌رۆكێ په‌رله‌مانێ كوردستانێ، يوسف محه‌مه‌د كۆمبوونا په‌رله‌مانێ كوردستانێ و حوكمه‌تێ ب ئيجابى وه‌سفكر و دا زانين كو چه‌ند بڕيار هاتينه دان و ل نێزيك دێ هێنه راگه‌هاندن.
ژ لايێ خوه ڤه نێچيرڤان بارزانى سه‌رۆكێ حوكمه‌تا هه‌رێما كوردستانێ راگه‌هاند كو ئه‌ڤه كۆمبوونه‌ك بوو ژ ئه‌نجامێ هژماره‌كا كۆمبوونان بۆ هه‌ڤكارى و هه‌ماهه‌نگيا د ناڤبه‌را په‌رله‌ن و حوكمه‌تێ دا هاتيه ئه‌نجام دان.
حه‌يده‌ر شه‌شۆ دێ پارته‌كا سياسى دامه‌زرينيت
ئه‌ڤرۆ نيوز:
حه‌يده‌ر شه‌شۆ فه‌رماندێ هێزا پاراستنا شنگال و ئه‌ندامێ جڤاتا ناڤه‌نديا ئێكه‌تيا نشتيمانى كوردستان راگه‌هاند كو ئه‌و يێ ئاماده‌كاريان بۆ گۆنگرێ راگه‌هاندنا پارته‌كا نوو دكه‌ن.
د راگه‌هاندنه‌كێ دا كو ب ناڤێ كۆميتا ئاماده‌كاريا كۆنگره‌يى ده‌رچوويه هاتيه: “ئێزدى دوجاركى ل عيراقێ بێ پشك بووينه: جاره‌كێ وه‌كو وه‌لاتيێن كورد ل به‌غدا و جاره‌كێ ژى وه‌كو وه‌لاتيێن عه‌ره‌ب ل هه‌رێما كوردستانێ”.
حه‌يده‌ر شه‌شۆ بۆ رووداو دبێژيت: “ئه‌ڤ پارتيه دێ بۆ هه‌موو ئێزديان بيت ل كوردستان و عيراقێ و وه‌لاتيێن وه‌لاته‌كێ دى نه‌شێن ببنه ئه‌ندام”.
ده‌رباره‌يى په‌يوه‌نديا وان ب ئێكه‌تيێ ژى ڤه دبێژيت: “بۆ من نينه ئه‌ندامێ ئێكه‌تيێ و ڤێ پارتيێ بم د ئێك ده‌م دا”، دا زانين ژى كو هه‌تا نوكه ناڤێ وێ پارتيێ نه‌هاتيه ده‌ستنيشانكرن.
كۆمسيۆن راپرسيێ ل سه‌ر هه‌رێمبوونا به‌سرا ناكه‌ت
ئه‌ڤرۆ نيوز:
كۆمسيۆنا بلندا سه‌ربه‌خۆيا هه‌لبژارتنان ل عيراقێ د به‌ياننامه‌كێ دا راگه‌هاند: به‌رى نوكه داخوازيا 44 هزار و 366 خۆجهيێن پارێزگه‌ها به‌سرا بۆ هه‌رێمبوونا وێ پارێزگه‌هێ ئاراسته‌يى كۆمسيۆنێ هاتينه كرن بۆ ئه‌نجامدانا راپرسيێ، به‌لێ پشتى دووڤچوونێ ديار بوو ژ لايێ قانوونى ڤه د لاوازن وه‌كو پێدڤى نينن، ژ ئه‌گه‌رێ نه‌بوونا ژمارا ناسنامێ و كه‌ساتيا ده‌نگده‌رى و ژمارا فورما ئاهێن خوارنێ كو د گرنگن بۆ دووڤچوونێ.
به‌يانناما كۆمسيۆنێ ئه‌و چه‌نده ژى ئاشكه‌را كر كو پشتى هووربينيێ ده‌ركه‌فت كو دو هزار و 135 كه‌س د ناڤ ليستا داخوازكريان دا دووباره بووينه و ب تنێ 21 هزار و 505 ناڤ د ليستێ دا وه‌كو تۆمارا ده‌نگده‌ران بووينه.
ب گۆره‌يى ئامارا كۆمسيۆنا هه‌لبژارتنان، ژمارا ده‌نگده‌رێن پارێزگه‌ها به‌سرا، دو مليۆن و 741 هزار و 599 ده‌نگده‌رن و ب گۆره‌يى قانوونا دامه‌زراندنا هه‌رێمان ژى پێدڤيه داخوازى بۆ هه‌رێم بوونێ 2% ژ رێژه‌يا ژمارا ده‌نگده‌ران بيت، وى ده‌مى كۆمسيۆنێ بڕيارا ئه‌نجام دان يان ئه‌نجام نه‌دانا راپرسيێ يا هه‌يى.
سه‌رۆكاتيێن حوكمه‌ت و په‌رله‌مانى كۆم بوون
ئه‌ڤرۆ نيوز:
به‌رى ده‌مه‌كێ كێم سه‌رۆكاتيێن په‌رله‌مانێ كوردستانێ و حوكمه‌تا هه‌رێما كوردستانێ ل باره‌گايێ په‌رله‌مانێ كوردستانێ كۆم بوون.
ب مه‌ره‌ما هه‌ماهه‌نگيێ د ناڤبه‌را حوكمه‌ت و په‌رله‌مانى دا، ئه‌ڤرۆ رۆژا دوشه‌مبى رێكه‌فتى 27ى نيسانا 2015ێ سه‌رۆكاتيێن په‌رله‌مانێ كوردستانێ و حوكمه‌تا هه‌رێما كوردستانێ ل ئاڤاهيێ په‌رله‌مانێ كوردستانێ كۆم بوون.
ژبه‌ر ره‌فتارا مالكى ژ به‌رنه‌دانا كورسیێ، ئه‌ڤ پرۆژه قانوونه هاته به‌رهه‌ڤكرن
ئه‌ڤرۆ نیوز:
سه‌رۆكاتیا كۆماریا عیراقێ پرۆژه قانوونه‌ك بۆ رێكخستنا ماوێ سێ سه‌رۆكایه‌تیێن عیراقێ ره‌وانه‌ى جڤاتا نوونه‌رێن عیراقێ كریه ، په‌رله‌مانتاره‌ك ژى دبێژیت: پرۆژه دێ ماوێ سه‌رۆكایه‌تیێ ب دو خولان دیار كه‌ت.
زانا رۆستایی ئەندامێ جڤاتا نوونه‌رێن عیراقێ راگەیاند” سه‌رۆكایه‌تیا كومارێ پرۆژه قانوونه‌ك ره‌وانه‌ى جڤاتا نوونه‌رێن عیراقێ كریه بۆ دیاركرنا ماوێ سه‌رۆكایه‌تیێن عیراقێ.
زانا رۆستایی ئەندامێ جڤاتا نوونه‌رێن عیراقێ راگه‌هاند ل دووڤ پرۆژه قانوونێ، هه‌ر كه‌سێ دبیته سه‌رۆك كومار یان سه‌رۆك وه‌زیران یان سه‌رۆكێ جڤاتا نوونه‌ران، ب تنێ دشێت دو خولان د پۆستێ خوه دا بمینیت.
ژڤانێ سه‌ره‌دانا سه‌رۆك بارزانی بۆ ئه‌مریكا دیاردبیت
ئه‌ڤرۆ نیوز: ڤه‌ده‌ر ره‌شاڤایی:
ژڤانێ سه‌ره‌دانا مه‌سعود بارزانی سه‌رۆكێ هه‌رێما كوردستانێ بۆ ئه‌مریكا هاته دیاركرن، كو ده‌مێ سه‌ره‌دانێ سێ رۆژن و خالێن گرنگێن یێن دێ د سه‌ره‌دانێ دا هێنه به‌حسكرن پێكهاتینه ژ مژارا هاریكارێن سه‌ربازی بۆ هێزێن پێشمه‌رگه و شه‌رێ داعش زێده‌باری په‌یوه‌ندێن هه‌ولێرو به‌غدا و گوهرینێن رۆژهه‌لاتا ناڤین.
هه‌روه‌كی بۆ مالپه‌رێ (تره‌ید نیۆز لینك) یێ ئیراقی هاتیه دیاركرن سه‌ره‌دان دێ ل ده‌ستپێكا مه‌ها بهێت ل رۆژا ئێكشه‌مبی رێكه‌فتی 3 مه‌ها گولانێ هێته‌كرن.
تێ پێشبینی كرن شاندێ دگه‌ل سه‌رۆكێ هه‌رێمێ ژ هه‌ر ئێك ژ وه‌زیرێ پێشمه‌رگه، و جێگرێ سه‌رۆكێ حكومه‌تێ و سه‌رۆكێ دیوانا سه‌رۆكاتیا هه‌رێمێ پێكبهێت.
هه‌رێم و UNDP رێككه‌فته‌كێ ئیمزا دكه‌ن
ئه‌ڤرۆ نیوز:
ب مه‌ره‌ما روى ب روى بوونا پرسا گه‌نده‌لیێ ل هه‌رێما كوردستانێ، پرۆتوكوله‌كا هه‌ڤكارى و پێشكێشكرنا هه‌ڤكاریا مروڤى د ناڤبه‌را پرۆگرامێ په‌ره‌پێدانا نه‌ته‌وێن یه‌كگرتى UNDP و ده‌سته‌یا ده‌ستپاكیا هه‌رێما كوردستانێ هاته ئیمزاكرن.
ئه‌ڤرۆ پشتى ئیمزاكرنا پرۆتوكولێ، ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكیا كوردستانێ راگه‌هاند: مه‌ره‌م ژ پرۆتوكولێ ، ئاڤاكرنا شیانێن فه‌رمانبه‌رێن قانوونى یێن ده‌سته‌یا مه‌یه بۆ مه‌شقكرنا وان ل سه‌ر ڤه‌كولین و پێداچوونێ ب سیسته‌مێ قانوونى.
ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكیا كوردستانێ راگه‌هاند: پرۆتوكول بۆ ماوێ 2 سالایه و ئه‌گه‌رێ درێژكرنا وێ بۆ دو سالێن دى ژى هه‌یه.
فراكسیون ل سه‌ر لژنا به‌رهه‌ڤكرنا دستورى نه‌گه‌هشتنه چ رێككه‌فتنا
ئه‌ڤرۆ نیوز:
د كومبوونا دوێ یا ده‌سته‌یا سه‌رۆكایه‌تیا په‌رله‌مان و سه‌رۆكێ فراكسیونان دا، ب تنێ نوێنه‌رێ توركومان و مه‌سیحیان هاته ئێكلاكرن و نه‌شیان بریارا دووماهیێ ل سه‌ر لژنا به‌رهه‌ڤكرنا دستوورێ هه‌رێمێ بهێته دان كو دێ ژ 21 كه‌سان پێكهێت.
ئومێد خوشناو سه‌رۆكێ فراكسیونا پارتى دیموكراتى كوردستان راگه‌هاند: هه‌تا نوكه مه دو كومبوون یێن ئه‌نجامدان، دستوور بابه‌ته‌كێ نیشتیمانى یه، نابیت بهێته پشتگوهـ هاڤێتن، دڤێت توركومان ومه‌سیحیا نوێنه‌ر هه‌بیت، هه‌روه‌سا حزبا شیوعى و سوشیالست و ئاراستا سیێ و بزاڤا ئیسلامى هه‌ر ئێك ژ وان كورسیه‌ك هه‌یه ل په‌رله‌مانى دڤێت د وێ لژنا 21 كه‌سى دا نوێنه‌ر هه‌بیت.
ئه‌ڤرۆ نيوز ژمارا گشتيا رزگاربوويێن ده‌ستێ داعش به‌لاڤ دكه‌ت
ئه‌ڤرۆ نيوز:
رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى يا حوكمه‌تا هه‌رێما كوردستانێ هژمارا دووماهيێ يا رزگاربوويێن ده‌ستێ داعش هه‌تا ئه‌ڤرۆ 26ى نيسانا 2015ێ راگه‌هاند.
خه‌يرى بۆزانى،رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى يا حوكمه‌تا هه‌رێما كوردستانێ، گۆت: “هه‌تا نوكه هزار و 628 كه‌س ژ ده‌ستێ داعش رزگار بووينه و ژ وان ژى 311 زه‌لام و 765 ژن و 552 زارۆنه”.
رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى يا حوكمه‌تا هه‌رێما كوردستانێ دا زانين ژى كو ئه‌ڤه دووماهى ئامارێن رێڤه‌به‌ريا گشتيا كاروبارێن ئێزديانن هه‌تا رێكه‌فتى 26ى نيسانا 2015ێ.
نيشاندان
WP Facebook Auto Publish Powered By : XYZScripts.com