ئهڤرۆ نيوز:
حسێن قاسم، ئهندامێ لژنا جينوسايدناساندنا كوردێن ئێزدى، راگههاند كو ههتا نوكه ل چو جهێن نێڤدهولهتى كهيسا ئێزديان ب جينوسايد نههاتيه ههژمارتن، دا زانين ژى كو ئهڤێ چهندێ كار پێ دڤێت و ئهو بهردهوام يێ كار ل سهر دكهن و بهلگان كۆم دكهن دا كو ڤێ كهيسێ ب جينوسايد بدهنه ناساندن.
ئهڤرۆ نيوز:
مهلا ئيحسان رێكانى، سهرۆكێ لقێ دهۆك يێ ئێكهتيا زانايێن ئاينێ ئيسلامێ د داخۆيانيهكێ دا بۆ راديۆيا دهۆك راگههاند كو خوه ڤهكێشانا ههرسێ فراكسيۆنێن بزاڤا ئيسلامى و يهكگرتوو و كۆمهلا ئيسلامى دجهێ خوه دا نهبوويه كو بههانه كريه ئهو كو ئهو قهرزه يێ حهرامه و وهلاتێن وهكو سعودى و مسر كو پێشهنگێن جيهانا ئيسلامى نه ئهڤ قهرزه وهرگرتينه.
ئهڤرۆ نيوز:
كۆمبوونا مهكتهبا سياسى يا ئێكهتى نشتيمانى كوردستان ب دووماهى هات و ل سهر سێ خالان رێ كهفتن و عيماد ئهحمهد وهكو ئاخفتنكهرێ ب ناڤێ حزبێ دهستنيشانكر.
پشتى ئهڤرۆ دهمژمێر 11ى بهرى نيڤرۆيا رۆژا چارشهمبى رێكهفتى 3ى خزيرانا 2015ێ كۆمبوونا مهكتهبا سياسى يا ئێكهتيا نشتيمانى كوردستان ب سهرپهرشتيا كوسرهت رهسۆل، جێگرێ ئێكێ يێ سكرتێرێ گشتيێ ئێكهتيێ دهسپێكرى، بهرى ماوهكى ب دووماهى هات.
ب گۆرهيى پێزانينێن دهزگههێن راگههاندنا ئێكهتيێ بهلاڤكرين، عيماد ئهحمهد وهكو ئاخفتنكهرێ فهرمى يێ ب ناڤێ ئێكهتى نشتيمانى كوردستان دهستنيشانكر.
دايه زانين ژى كو د كۆمبوونێ دا، راپۆرتێن لژنان پهسهند كرينه و كار دێ ل سهر هێته كرن و بهردهوامى دێ ب كۆمبووبوونا هێته دان ههتا كێشێن وان دهێنه چارهكرن.
ئهڤرۆ نيوز:
رۆيترز ژ زار دهرڤێ بهرپرسێن پهيوهنيدار ل حوكمهتا ههرێما كوردستانێ راگههاند كو ههرێما كوردستانێ هنارتنا پهترۆلێ ب رێيا سۆمۆ راگرت و هنارته بهندهرێ جيهان يێ توركى و وهزيرێ سامانێن سرۆشتى ل ههرێما كوردستانێ ژى رهت دكهت.
ئاژانسا رۆتيزر پشكا عهرهبى بهلاڤكريه كو دو ژێدهران ژ كهرتێ ڤهگوهاستنا دهريايى بۆ رۆيترز راگههاند كو ئهڤرۆ رۆژا چارشهمبى رێكهفتى 3ى خزيرانا 2015ێ ههرێما كوردستانێ يا نيڤ سهربهخۆ هنارتنا پهترۆلێ ب رێيا سۆمۆ راگرت و د بهرامبهر دا، پهترۆل رهوانهيى بهندهرێ جيهان يێ توركى كر.
د بهرامبهر دا، وهزيرێ سامانێن سرۆشتى ل ههرێما كوردستانێ بۆ رووداو گۆت: “ئهم گرێدايى رێكهفتنا ناڤبهرا ههرێم و بهغداينه و هنارتنا پترۆلێ ب رێيا سۆمۆ نههاتيه راگرتن”.
ئهڤرۆ نیوز:
د روودانهكا سهیر دا ل رۆژههلاتێ ئیرانێ 24 گهشتیاران گیانێ خوه ژ دهستدا و 16 بریندار دبن .
ل گور تهلهفزیونا فهرمى یا ئیرانێ، پاسهك ژ تههرانێ بهرهڤ دهریا قهزوین برێكهفت ب رێیا سیلسلا چیایێن بورز و ژ رێیێ دهركهفتیه و كهتیه د دولهكێ دا.
فهرههد مسدهرى بهرپرس ژ پشكا ل ههواچوونێ ل پارێزگهها مزندران كو روودان لێ پهیدابووى، ئهو پاسا نهفهر ههلگرتى 25 ژن بوون و 5 زهلام و 10 زارۆ كو ههموو گهشتیار بوون و عیراقى نه.
ئهڤرۆ نيوز:
رۆيترز ژ زار دهرڤێ بهرپرسێن پهيوهنيدار ل حوكمهتا ههرێما كوردستانێ راگههاند كو ههرێما كوردستانێ هنارتنا پهترۆلێ ب رێيا سۆمۆ راگرت و هنارته بهندهرێ جيهان يێ توركى.
ئاژانسا رۆتيزر پشكا عهرهبى بهلاڤكريه كو دو ژێدهران ژ كهرتێ ڤهگوهاستنا دهريايى بۆ رۆيترز راگههاند كو ئهڤرۆ رۆژا چارشهمبى رێكهفتى 3ى خزيرانا 2015ێ ههرێما كوردستانێ يا نيڤ سهربهخۆ هنارتنا پهترۆلێ ب رێيا سۆمۆ راگرت و د بهرامبهر دا، پهترۆل رهوانهيى بهندهرێ جيهان يێ توركى كر.
رۆيترز دايه زانين ژى كو ئهڤه پشتى چهند ههيڤان دهێت ژ دودليا بهغدا و ههرێمێ ژ فرۆتنا كهرهستێن پهترۆلێ و دانا پارێ بودجێ.
ئهڤرۆ نيوز:
دوهى رۆژا سێشهمبى رێكهفتى 2ى خزيرانا 2015ێ د كۆنگرێ پاريس دا، حهيدهر عهبادى سهرۆك وهزيرێن عيراقێ راگههاند كو شهرێ ئازادكرنا مووسل يێ دهسپێكرى و ئهميندارێ گشتيێ وهزارهتا پێشمهرگهيى ژى ڤێ چهندێ رهت دكهت.
فهريق جهبار ياوهر، ئهميندارێ گشتيێ وهزارهتا پێشمهرگهيى، د داخۆيانيهكێ دا بۆ راديۆيا دهۆك گۆت: “هێشتا چو كرياريێن لهشكرى بۆ كۆنترۆلكرنا مووسل دهسپێنهكريه”.
ئهڤرۆ نيوز:
بهرى دهمهكێ كێم كۆمبوونا مهكتهبا سياسى يا ئێكهتى نشتيمانى كوردستان ب سهرپهرشتيا كوسرهت رهسۆل جێگرێ ئێكێ يێ ئێكهتيێ و بهرههم ئهحمهد سالح جێگرێ دويێ و ئهندامێن مهكتهبا سياسى دهسپێكر.
ب گۆرهيى دهزگههێن راگههاندنێ يێن سهر ب ئێكهتيێ ڤه بهرى دهمهكێ كێم ل بارهگايێ مهكتهيا سياسى يا ئێكهتى نشتيمانى كوردستان ل سلێمانيێ مهكتهبا سياسى يا وێ حزبێ كۆمبوو و ب تنێ سهعدى ئهحمهد پيره ئاماده نهبوويه و ئاماژه ب وێ چهندێ كريه كو ئهو يێ ل ژ دهرڤهيى وهلاتى.
ئهڤرۆ نيوز:
وهزيرێ دارايێ عيراقێ تهكست ل سهر وێ چهندێ دكهت كو ئهو د بهردهوامن ژ بوو دياركرنا پشكا بودجا ههرێمێ بۆ ههيڤا گۆلانێ.
هشيار زێبارى، وهزيرێ دارايى يێ عيراقێ د داخۆيانيهكێ دا بۆ تۆڕا دهنگوباسێن سلێمانيێ راگههاند: بۆ ههيڤا گۆلانێ بهغدا پارهيى بۆ ههرێما كوردستانێ رهوانه كهن ب گۆرهيى وێ رێژا پهترۆلا رهوانه كرى.
وهزيرێ دارايى يێ عيراقێ گۆت: “ههتا نوكه كۆژمێ پارهيى و دهمێ هنارتنا وى پارهيى ديار ئێكلا نهبوويه، نوكه مژوولى داتايانه و دانوستاندنێ دا كو پشكا ههرێما كوردستانێ دابين بكهن”.
دوهى وهزيرێ دارايى ل حوكمهتا ههرێما كوردستانێ ل پهرلهمانێ كوردستانێ گۆت: “بزاڤ يا ههيى كو ڤێ ههيڤێ ژى وهكو ههيڤا بۆرى پشكا ههرێما كوردستانێ ژ بودجێ ب دروستى رهوانه نهكهن”.
ئهڤرۆ نيوز:
وهلاتێن ئێكگرتى يێن ئهمريكا سۆز دا وان سێ ليوايێن نوو دێ هێنه دامهزراندن پڕچهك بكهت ئهوێن بڕياره وهزارهتا پێشمهرگهيى پێك بينيت.
شاندهكێ ئاسايشا ئهمريكا ب سهرۆكاتيا ژهنرال پێدنارێك بهرپرسێ نڤيسنگهها ئاسايشا ئهمريكا، ل باژێرێ ههولێرێ ل گهل مستهفايێ سهيد قادر، وهزيرێ پێشمهرگهيى ل حوكمهتا ههرێما كوردستانێ و شاندهكێ وهزارهتێ كۆم بوون و تێدا ناڤبرى سۆز دا كو ئهو سێ ليوايێن نوو يێن پێشمهرگهيى ئهوێن بڕياره بهێنه دامهزراندن پڕچهك بكهن و ئهو ب خوه مهشقا لهشكرى پێ بكهن.
نيشاندان