ئه‌ڤرۆ نيوز:
دادگه‌ها تاوانێن قاهيره، ئه‌وا ل ئه‌كاديميا پۆليسان ب سه‌رۆكاتيا دادوه‌ر ئه‌حمه‌د سه‌برى يوسف هاتيه برێڤه‌برن، محه‌مه‌د مورسى سه‌رۆكێ به‌رێ يێ مسرىب 20 سالان هاته زيندانكرن.
ل دۆر ڤێ چه‌ندێ لژنا قانوونى يا ئيخوانان ژى راگه‌هاند كو ئه‌و دێ تانێ ل ڤێ بڕيارا دادگه‌هێ ده‌ن ئه‌وا ل دژى محه‌مه‌د مورسى سه‌رۆك كۆمارێ به‌رێ يێ مسرى هاتيه دان.
ئەڤرۆ نیۆز، سالار دۆسکی:
جێگرێ ئێکەتیا مامۆستایێن کوردستانێ، ئاشکرا کر کو بەرھەڤیێ دھێنەکرن بۆ گێرانا کونگرێ مامۆستایێن کوردستانێ و نوکە ناسنامە بۆ مامۆستا یێ دھێنە چێکرن ب مەرەما پشکداریکرنا پتریا مامۆستان د ھەلبژارتنان دا، دیسان نێزیکی کونفرانسێ پەروەردێ دھێتە ئەنجامدان ل سەر ئاستێ کوردستانێ.
ئەحمەد گەرمیانی جێگرێ سەرۆکێ ئێکەتیا مامۆستایێن کوردستانێ بۆ ئەڤرۆ نیوز گۆت: “دووماھیا ھەیڤا ١١ دێ دووماھی ب خولا مە ھێتەکرن و ژ روویێ قانوونی دڤێت ھەلبژارتن و کۆنگرە بھێتەکرن، ھەکە کاودانێن کوردستانێ د ھاریکار بن ژ روویێ ئێمناھیێ و دارایی ڤە”.
ھێشتا ژی گۆت: “چەندین پرۆژه مە ھەنە، لێ ژ بەر کاودانێن دارایی و کاودانێن شەرێ ل سەر مللەتێ کورد ھاتیە سەپاندن، دیسان بەرھەڤی دھێنەکرن کو چەندین سمینار و وورک شوپ بۆ مامۆستا بھێنەگێران ب مەرەما گەشەکرنا ئاستێ زانستی و رەوشەنبیری ل جەم مامۆستان”.
ئەحمەد گەرمیانی، ئەو چەندە ژی ئاشکرا کر کو کونتاک ل گەلەک چەندین کومپانیان ھەنە بۆ خزمەتا مامۆستا برنا مامۆستان بۆ دەرڤە ب بھایەکێ ئەرزان و دیسان ئاڤاکرنا یەکێن ئاکنجیبوونێ.
ئه‌ڤرۆ نيوز:
سه‌رۆكێ سوريا، به‌شار ئه‌سه‌د، وه‌لاتێ ئه‌مريكا ب وێ چه‌ندێ تاوانبار كر كو ئه‌وان داعش يا ئينايه به‌رهه‌م.
سه‌رۆكێ رژێما سوريا د ديداره‌كا رۆژنامه‌ڤانى دا راگه‌هاند كو داعش ل سالا 2006 ل سوريا ل ژێر سه‌رپه‌رشتيا ئه‌مريكا هاتيه دامه‌زراندن.
زێده‌تر گۆت: “ئه‌ز نه ل عيراقێ مه و چو جاران ژى ل عيراقێ نه‌بوويمه. من حوكم ژى ل عيراقێ نه‌كريه، ئه‌مريكى نه ده‌ست دانايه سه‌ر عيراقێ و داعش ژى ژ عيراقێ هاتيه سوريا بۆ چێكرنا ڤێ تێكدانێ”.
به‌شار ئه‌سه‌د ئاماژه ب وێ چه‌ندێ ژى كر كو هه‌كه هات و تێكدان ل وه‌لاته‌كێ هه‌ڤسۆ هه‌بيت دڤێت هزرا هندێ بهێته كرن كو دێ هێته د ناڤ وه‌لاتێ مرۆڤى ژى دا.
ئەڤرو نیوز ،بارزان مزووری:
مقدم جەلال جێگری فەوجا دو يا لیوا ھەشت ل میحوەرێ زۆمار بۆ ئەڤرۆ نیوز ئاشکرا کر کو ئه‌ڤرۆ 21ى نيسانا 2015ێ دەمژمێر پێنجى سپێدێ چەکدارێن تیرورستێن داعش ژ سێ لایان ڤە ھێرش کرە سەر ھێزێن پێشمەرگەيی ل دۆریانا حەردان و گوندێ تلشورێ، پێشمەرگەيی ژى ب چەکێ گران بەرسڤا ھێرشێن وان دا.
گۆتژى: “د ڤى شه‌رێ زێده‌ترى سێ ده‌مژمێران ڤه‌كێشايى دا، هێزێن پێشمه‌رگێ كوردستانێ زيانێن گيانى يێن مه‌زن گه‌هاندنه چه‌كدارێن داعش و دو پێشمه‌رگه ژى ب سڤكى بريندار بوون”.
جێگری فەوجا دو يا لیوا ھەشت ئاماژه ب وێ چه‌ندێ ژى كر كو د وی شەری دا داعش ھێزێن پیادە و ستێرکڤانێن قەناسێ بکار ئینا بوون ب پیان ڤە به‌ر ب وان دچوون و گۆت: “به‌لێ نەشیان خوه نێزیکى ھێزێن پێشمەرگەی بکەن”.
نه‌ڤه‌شارت ژى كو ل گه‌ل به‌رسينگگرتنا وان ژ لايێ پێشمه‌رگه‌يى ڤه، فرۆكێن شه‌رى يێن هه‌ڤپه‌يمانان بۆردومانا وان كرن و هژماره‌كا مه‌زن يا كه‌له‌خێن وان ل مه‌يدانا شه‌رى ماينه.
ئەڤرۆ نیوز, رەزوان رۆژبەیانی:
د روودانه‌كێ دا ل سه‌ر رێيا گشتى يا ناحيا رۆڤيا و قه‌زا ئاكرێ دوهى پێشه‌مه‌رگه‌كى گيانێ خوه ژ ده‌ست دا و سێ ژى ب گرانى بريندار بوون.
کۆمیسەر حازم محمد ژ راگەھاندنا ھاتنوچوونا قەزا بەردەرەش بۆ ئەڤرۆ نیوز خویاکر کو ل رێکەفتێ 20ى نيسانا 2015ێ و ل دەمژمێر 6:00 مه‌غره‌ب ل سەر رێیا گشتيا ناحیا روڤیا بۆ قەزا ئاکرێ ترۆمپێلەک ژ جۆرێ تيوتا له‌ندوگرۆز ژ ئەگەرێ پەقینا تایرێن وی وەرگەريا و د ئەنجام دا پێشمەرگەیەکى گيانێ خوە ژ دەست دا و سێ پێشمەرگەیێن دی ژی ب دژواری بریندار بوون و گۆت ژی بریندار ھاتنە روەانە کرن بۆ نەخوشخانا تەنگاڤیا ل ئاکرێ.
ئه‌ڤرۆ نيوز، له‌زگين جۆقى:
به‌رپرسێ نڤيسينگه‌ها ره‌ڤانديان ل دهۆكێ بۆ ئه‌ڤرۆ نيوز راگه‌هاند كو ئه‌ڤرۆ ژى هژماره‌كا دى يا ره‌ڤانديێن ده‌ستێ داعش رزگار بوون.
حسێن كورۆ ئيبراهيم، به‌رپرسێ نڤيسينگه‌ها ره‌ڤانديان ل دهۆكێ، گۆت: “ئه‌ڤرۆ ژى 30 كه‌سێن دى ژ ده‌ستێ داعش رزگار بوون كو 23 زارۆ و چار ژن و سێ زه‌لامن”.
به‌رپرسێ نڤيسينگه‌ها ره‌ڤانديان ل دهۆكێ ئاماژه ب وێ چه‌ندێ ژى كر كو ئه‌ڤه يێن خه‌لكێ حه‌ردان و گرزه‌رك و دهۆلانه.
ئاماژه ب وێ چه‌ندێ ژى كريه كو ئه‌ڤ كه‌سه دێ بۆ نه‌خۆشخانا ئازادى ل دهۆكێ هێنه ره‌وانه كرن دا كو پشكنينێن ساخله‌ميێ بۆ بهێنه كرن و ل سه‌ر ره‌وشا ساخله‌ميا وان پشت راست بن.
ئه‌ڤرۆ نيوز:
بڕياره ئه‌ڤرۆ په‌رله‌مانێ كوردستانێ دانوستاندنێ ل سه‌ر دو پرۆژێن قانوونان كه‌ت و خواندنا ئێكێ ژى بۆ حه‌فت پرۆژێن قانوونا كه‌ت و رۆژا جينوسايدا شنگال دێ هێته دياركرن.
په‌رله‌مانێ كوردستانێ د راگه‌هاندنه‌كێ دا ئاماژه ب وێ چه‌ندێ كريه كو سوبه‌هى په‌رله‌مانێ كوردستانێ دێ كۆمبوونا خوه يا ئاسايى يا نه‌هێ ژ وه‌رزێ بهايێ ئه‌نجام ده‌ت و ب گۆره‌يى به‌رنامێ كارى، كۆمبوون ژ سێ ته‌وه‌ران پێك دهێت؛ دانوستاندن ل سه‌ر پرۆژێ قانوونا پێكهاتێن ئاينى و نه‌ته‌وى وتيرێن ئياينى و دانوستاندن ل سه‌ر بڕگا راستڤه‌كرنا قانوونا ده‌سته‌يا ده‌سپاكيێ ژ به‌ر كو سه‌رۆكێ هه‌رێمێ ڤه‌گه‌رانديه په‌رله‌مانى و په‌سه‌ند نه‌كريه.
د ته‌وه‌رێ سيێ ژى دا، خواندنا ئێكێ دێ بۆ چه‌ند پرۆژێن قانوونان و بڕيارهكێ بيت ژ وان ژى پرۆژێ قانوونا به‌ركاربرنێ و راستڤه‌كرنا قانوونا هژماره 9 يا سالا 2006ێ و ئينان و فرۆتنا به‌رهه‌مێن په‌ترۆلێ ل گه‌ل پرۆژێ قانوونا كۆمپانيا كوردستانێ بۆ پارزنينا په‌ترۆلێ و به‌رهه‌مێن وێ و پرۆژێ بڕيارا دياركرنا 8ى ته‌باخا 2014ێ وه‌كو رۆژا جينوسايدا شنگال.
ئه‌ڤرۆ نيوز:
ب گۆره‌يى راگه‌هاندنا رێڤه‌به‌ريا په‌يوه‌ندى و راگه‌هاندێ ل وه‌زاره‌تا دارايى و ئابوورى ل حوكمه‌تا هه‌رێما كوردستانێ ئه‌ڤرۆ رۆژا سێشه‌مبى 21ى نيسانا 2015ێ دێ ئه‌ڤ جهێن ل خوارێ مووچه‌يى وه‌رگرن:
1- وه‌زاره‌تا شه‌هيد و ئه‌نفالكريان ل گه‌ل خێزانێن شه‌هيدان و ئه‌نفالكريان و زيندانيێن سياسى.
2- وه‌زارتا ئه‌وقاف و كاروبارێن ئاينى
3- وه‌زاره‌تا خواندنا بلند و ڤه‌كۆلينێن زانستى
4- وه‌زاره‌تا چاندنێ
ئه‌ڤرۆ نیۆز، قائید میرۆ
په‌یڤدارێ حوكمه‌تا هه‌رێما كوردستانێ دیاركر، پارێ ل توركیا هاتیه قه‌ركرن گه‌هشتیه هه‌رێما كوردستانێ و كار بۆ پارێ وه‌به‌رهینانێ دهێته‌كرن و ب پارێ ل توركیا گه‌هشى دێ مووچێ فه‌رمانبه‌ران پێ هێته دان.
سه‌فین دزه‌یی، په‌یڤدارێ حوكمه‌تا هه‌رێما كوردستانێ دداخویانیه‌كێ بۆ ده‌زگه‌هێن راگه‌هاندنێ كو رۆژناما ئه‌ڤرۆ تێدا به‌رهه‌ڤبوو گۆت” نوكه حومه‌تا هه‌رێما كوردستانی یا كار دكه‌ت بۆ په‌یداكرنا پاره‌یێ وه‌به‌رهێنانێ و به‌لێنده‌را و ئه‌وله‌ویه‌تا كارێ حوكمه‌تێ د ده‌مێ نوكه‌دا، تنێ مه‌زاختنا موچێ فه‌رمانبه‌رانه و بزاڤێن تێنه‌كرن پاره بۆ پڕۆژه‌یێن دیژی بهێته په‌یداكرن.
سه‌فینی گۆتژی” حوكمه‌ت هه‌موو بزاڤێن خوه یا كار بۆ موچێ فه‌رمانبه‌ران دكه‌ت و ئه‌و 500 ملیۆن دۆلارێن توركیا ب قه‌ڕ داینه هه‌رێمێ یێ گه‌هشتیه هه‌رێما كوردستانێ.
نيشاندان