ئه‌ڤرۆ نيوز:
ده‌ستهه‌لاتدارێن ئوكرانيا رادگه‌هينن كو ئه‌بوبه‌كر به‌غدادى، خه‌ليفێ رێكخراوا داعش يێ ل ئوكرانيا و نوكه يێ ل دووڤ دگه‌رن.
د به‌ياننامه‌كێ دا وه‌زاره‌تا نافخو يا ئوكرانيا ئه‌ڤرۆ راگه‌هاند: نوكه ده‌ستهه‌لاتدارێن ئوكرانيا يێ ل دووڤ جهێ ئه‌بوبه‌كربه‌غدادى دگه‌رن، پشتى به‌لاڤبوونا ده‌نگويێ چوونا وى بۆ پارێزگه‌ها ئوديسا ل باشوورێ ئوكرانيا.
ئه‌ڤرۆ نیوز:
سه‌باره‌ت كومبوونا ئه‌ڤرۆ یا سه‌رۆك بارزانى ل گه‌ل لایه‌نێن سیاسیێن كوردستانێ، فازل میرانى سكرتێرێ مه‌كته‌با سیاسى یا پارتى دیموكراتى كوردستان بۆ knn گۆت: سه‌رۆك بارزانى گوتیه لایه‌نان، ئه‌گه‌ر ماوێ من ب دووماهى هات، دێ نامه‌یه‌كێ بۆ په‌رله‌مان و لایه‌نێن سیاسى هنێرم و دێ بێژم، ئه‌گه‌ر وه پێدڤى بمن نه‌بیت، ئه‌وه هوون و په‌رله‌مان بگه‌هنه رێككه‌فتنێ.
ئه‌ڤرۆ نیوز:
د. ڕێكەوت حەمە ڕەشید وه‌زیرێ ساخله‌میێ یێ حوكمه‌تا هه‌رێما كوردستانێ مزگینیێ دده‌ته كارمه‌ندێن ب گرێبه‌ست.
د. ڕێكەوت حەمە ڕەشید وه‌زیرێ ساخله‌میێ یێ حوكمه‌تا هه‌رێما كوردستانێ د په‌یجێ خوه یێ فێسبوكێ دا مزگینیه‌كێ دده‌ته كارمه‌ندێن گرێبه‌ست یێن سه‌ر ب رێكخراوا ساخله‌میا جیهانى كو بریاره ل نێزیك مووچێ سێ هه‌یڤا وه‌رگرن.
ئه‌ڤرۆ نیوز:
ئه‌ڤرۆ ب سه‌رپه‌رشتیا سه‌رۆك بارزانى كومبوونا ل گه‌ل پشكه‌كا نوونه‌ر و سه‌رۆكێن لایه‌نێن سیاسى یێن كوردستانى هاته ئه‌نجامدان و ل دووڤ راگه‌هاندنا سه‌رۆكایه‌تیا هه‌رێمێ د كومبوونێ دا به‌حسێ پرسێن نوكه یێن كوردستانێ و ده‌ڤه‌رێ هاتيه كرن.
لایه‌نێن پشكدارێن كومبوونێ گه‌هشتنه ڤان ئه‌نجامان:
1- پشته‌ڤانیكرنا به‌دره‌وان یا هێزێن پێشمه‌رگه‌ى و یه‌كخستن و بهێزكرنا شیانێن وان یێن سه‌ربازى.
2-پاراستنا ئێكرێزیا هێزێن لایه‌نێن سیاسى ل كوردستانێ و ل پال ڤێ چه‌ندێ بزاڤێن خوه رژتر لێ بكه‌ن بۆ چاكسازى و نه‌هێلانا كێماسیان.
3-به‌رده‌وامبوونا دانوستاندنان و باشتركرنا په‌یوه‌ندیان و بجهئینانا رێككه‌فتنا د ناڤبه‌را هه‌رێم و به‌غدا.
4- پشته‌ڤانیكرنا سه‌رۆكێ هه‌رێمێ و شاندێ ل گه‌ل دا بۆ ئه‌مریكا
5-پاراستنا سیاده و ئێكپارچه‌ییا هه‌رێما كوردستانێ و كاركرن بۆ سه‌رخستنا پرۆسا ئێكخستنا هێزێن چه‌كدار ل بن سیبه‌را وه‌زاره‌تا پێشمه‌رگه‌ى
6-سه‌باره‌ت ب پرسا دستورى و سه‌رۆكایه‌تیا هه‌رێمێ، هه‌موو لایه‌نان رژدى ل سه‌ر وێ یه‌كێ كرن كو دستوور و سه‌رۆكایه‌تیا هه‌رێمێ پرسه‌كا نیشتمانى یه و پێدڤیه هه‌موو لایه‌ن ب نه‌فه‌سه‌كا نیشتمانى و دوور ژ ئالوزى و موزایدێن سیاسى و ئیعلامى ره‌فتارێ ل گه‌ل بكه‌ن.
لایه‌نێن پشكدار د كومبوونێ دا ئه‌ڤه بوون:
پارتی دیموكراتی كوردستان
یەكێتیی نیشتیمانیی كوردستان
بزووتنەوەی گۆڕان
یەكگرتووی ئیسلامیی كوردستان
كۆمەڵی ئیسلامی
حزبی سوسیالیستی كوردستان
بزووتنەوەیئیسلامییكوردستان
حزبی شیوعی كوردستان
حزبی زەحمەتكێشان
نوێنەری كوتلە توركمانییەكانی پارلەمانی كوردستان
نوێنەری كوتلە مەسیحییەكانی كوردستان
ئه‌ڤرۆ نیوز:
جڤاتا ئاسایشا هه‌رێما كوردستانێ ئه‌نجامده‌رێ سه‌ره‌كى یێ ته‌قینا هه‌ولێرێ ئاشكرا كر و راگه‌هاندیه كو شه‌ڤا چوویى شیاینه ئه‌نجامده‌رێ سه‌ره‌كى ل عه‌ینكاوه بگرن.
رژدى ل سه‌ر وێ یه‌كێ كریه كو : ڤه‌كولین د روودانێ دا یا به‌رده‌وامه و دێ وه‌لاتیان ژ هویرده‌كاریان ئاگه‌هداركه‌ن.
د ئه‌نجامێ ته‌قینا عه‌ینكاوه یا تیرورستى دا ، دو وه‌لاتیێن باكوورێ كوردستانێ شه‌هید بوون و ل گه‌ل هژماره‌كا وه‌لاتیان.
ئه‌ڤرۆ نيوز:
بڕياره سوبه‌هى په‌رله‌مانێ كوردستانێ دانوستاندنێ ل سه‌ر دو پرۆژێن قانوونان كه‌ت و خواندنا ئێكێ ژى بۆ حه‌فت پرۆژێن قانوونا كه‌ت و رۆژا جينوسايدا شنگال دێ هێته دياركرن.
په‌رله‌مانێ كوردستانێ د راگه‌هاندنه‌كێ دا ئاماژه ب وێ چه‌ندێ كريه كو سوبه‌هى په‌رله‌مانێ كوردستانێ دێ كۆمبوونا خوه يا ئاسايى يا نه‌هێ ژ وه‌رزێ بهايێ ئه‌نجام ده‌ت و ب گۆره‌يى به‌رنامێ كارى، كۆمبوون ژ سێ ته‌وه‌ران پێك دهێت؛ دانوستاندن ل سه‌ر پرۆژێ قانوونا پێكهاتێن ئاينى و نه‌ته‌وى وتيرێن ئياينى و دانوستاندن ل سه‌ر بڕگا راستڤه‌كرنا قانوونا ده‌سته‌يا ده‌سپاكيێ ژ به‌ر كو سه‌رۆكێ هه‌رێمێ ڤه‌گه‌رانديه په‌رله‌مانى و په‌سه‌ند نه‌كريه.
د ته‌وه‌رێ سيێ ژى دا، خواندنا ئێكێ دێ بۆ چه‌ند پرۆژێن قانوونان و بڕيارهكێ بيت ژ وان ژى پرۆژێ قانوونا به‌ركاربرنێ و راستڤه‌كرنا قانوونا هژماره 9 يا سالا 2006ێ و ئينان و فرۆتنا به‌رهه‌مێن په‌ترۆلێ ل گه‌ل پرۆژێ قانوونا كۆمپانيا كوردستانێ بۆ پارزنينا په‌ترۆلێ و به‌رهه‌مێن وێ و پرۆژێ بڕيارا دياركرنا 8ى ته‌باخا 2014ێ وه‌كو رۆژا جينوسايدا شنگال.
ئه‌ڤرۆ نيوز:
به‌رى ماوه‌كى مه‌سعود بارزانى، سه‌رۆكێ هه‌رێما كوردستانێ، ل پيرمام ل گه‌ل لايه‌نێن سياسى يێن پشكدار د حوكمه‌تا هه‌رێما كوردستانێ دا كۆمبوو و هێشتا ژى ئه‌ڤ كۆمبوونه يا به‌رده‌وامه.
ب گۆره‌يى ئه‌و پێزانينێن ب ده‌ست ئه‌ڤرۆ نيوز كه‌فتين ماوێ سه‌رۆكاتيا هه‌رێمێ و دستوورێ هه‌رێمێ ته‌وه‌رێ، سه‌ره‌كى يێن كۆمبوونێ نه ل گه‌ل دانوستاندنێ ل به‌رنامێ چوونا سه‌رۆكێ هه‌رێما كوردستانێ بۆ ئه‌مريكا.
بڕياره رۆژا سێشه‌مبى ژى 21ى نيسانا 2015 سه‌رۆكێ هه‌رێما كوردستانێ ب سه‌ره‌دانه‌كا فه‌رمى به‌ر ب وه‌لاتێ ئه‌مريكا ب رێ ب كه‌ڤيت ژ بۆ دانوستاندنێ ل سه‌ر چه‌ند پرسێن گرێدايى عيراقێ و كوردستانێ و شه‌رێ داعش.
ئه‌ڤرۆ نيوز:
د ده‌مه‌كى دا كو هێزێن پێشمه‌رگه‌يى و هێزێن ئه‌منى يێن عيراقى بۆ هێرشا ئێكلاكه‌ر ل سه‌ر مووسل و ئازادكرنا وى باژێرێ ژ ده‌ستێ داعش ئاماده‌كاريان دكه‌ن، مه‌سعود بارزانى سه‌رۆكێ هه‌رێما كوردستانێ راگه‌هاند كو ئيران پشكداريێ د شه‌رێ ئازادكرنا وى باژێرى دا ناكه‌ت.
باسنيوز به‌لاڤكريه كو مه‌سعود بارزانى د ديداره‌كێ دا ل پشكا فارسى يا راديۆيا ده‌نگێ ئه‌مريكا ئاماژه ب به‌رنامێ كارێ هه‌ڤپشكێ هێزێن پێشمه‌رگه‌يى و هێزێن ئه‌منى يێن عيراقێ بۆ ئازادكرنا باژێرێ مووسل ژ چه‌كدارێن داعش كر و گۆت: “وه‌كو ل گه‌ل عيراقێ رێكه‌فتين، ئيران پشكدارى شه‌رێ رزگاركرنا مووسل نابيت”.
د هه‌يڤێن بۆرى دا ب ره‌نگه‌كێ ئاشكه‌را چه‌كدارێن ئيرانى ب ره‌نگه‌كێ ئاشكه‌را ل گه‌ل ميليشياتێن شيعه پشكدارى د شه‌رێ دژى چه‌كدارێن داعش دا ل پارێزگه‌ها ئه‌نبار و سه‌لاحه‌دين كريه.
بارزانى ئاماژه ب وێ چه‌ندێ ژى كريه كو ئيران دشێت وه‌كو وه‌لاته‌كێ هه‌ڤسۆ هاريكاريا عيراقێ بكه‌ت و ب مه‌رجه‌كى شێوازێ هه‌ڤسه‌نگيا هه‌ڤسۆيێن خوه ب پارێزيت.
ئه‌ڤرۆ نيوز:
ب گۆره‌يى پێزانينێن رۆژناما سه‌باح جه‌ديد يا عيراقى رێكخراوا تيرۆرستى يا داعش هه‌موو بيرێن بيستانێن په‌ترۆلا نه‌جمه ل ده‌ڤه‌را عين جحش يا سه‌ر ب ناحيا گه‌ياره ل باشوورێ مووسل مينرێژكرينه و بۆ ته‌قاندنێ ئاماده‌كرينه.
ب گۆره‌يى ئه‌وى ژێده‌رێ رۆژنامێ پشت به‌ستن ل سه‌ر كرى و ناڤێ خوه ئاشكه‌را نه‌كرى مه‌ره‌ما داعش ژ ڤێ كرياريێ ئه‌وه كو پشتى ژ وى باژێرى دچيت ژێرخانا ئابوورى يا وان ژ ناڤ ببه‌ت و به‌رى نوكه هه‌موو ئاڤاهيێن گه‌ياره يێن حكومى ژى ته‌قاندينه و نوكه فرۆكخانه ژى هه‌موو يا مينرێژكرى.
ئەڤرۆ:
شیرەتکارێ وەزیرێ کار و کاروبارێن کۆمەلایەتی بۆ چاکسازیان سەرکەفتە رەش بۆ رۆژناما ئەڤرۆ دیارکر نوکە ل چاکسازیێن ھەرێما کوردستانێ پتری 100 کەسان حوکمێ سێدارێ بۆ دەرچوویە، بەلێ ھاتیە راگرتن چونکو بجە ئینانا سزایێ سێدارێ ب تنێ د دەستھەلاتا سەرۆکێ ھەرێمێ دایە و ئەڤە چەند سالە نەھاتیە بجە ئینان و سەرۆک ئیمزا ناکەت.
سەرکەفتە رەش گۆت ژی بۆ چارەنڤیسێ ڤان کەسان ب تنێ دو رێ ھەنە یان سەرۆکاتیا ھەرێمێ یان پەرلەمانێ کوردستانێ چارەنڤیسێ وان دیار بکەت، چونکو چو قانوون نینن نوکە بۆ راگرتنا سزادانا وان، پەیوەندیا وەزارەتا کار و کاروبارێن کۆمەلایەتی ل گەل وان ب تنێ ئەڤ کەسە د ناڤ چاکسازیێن وان دانە.
سەرکەفتە رەش ھەروەسا گۆت وەزارەتێ ھەموو رێکخستینە و ل ھەرسێ چاکسازیێن ھەولێر و دھۆک و سلێمانیێ ئەڤ کەسێن سزایێ سێدارێ بۆ دەرچووی ژ کەسێن دی یێن گرتی ھاتینە جودا کرن و تێکھەلی ئێک نابن، ھەروەسا گورەی قانوونێ و مافێن مرۆڤی سەرەدەری ل گەل دھێتە کرن و ھەموو مافێن وان وەکو مرۆڤ دپاراستینە.
نيشاندان