ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا گشتيا ساخله‌ميا پارێزگه‌ها دهۆكێ ئامارێن رۆژانێن نه‌ورۆزێ راگه‌هاند و دا زانين كو 421 زارۆ ل رۆژانێن نه‌ورۆزێ ژ دايكبووينه‌ و 12 كه‌سان جانێ خو ژ دەست دایە، دو ب روودانێن ترۆمبێلان بووينه.

حه‌مزه‌ ره‌زيكى، به‌رپرسێ راگه‌هاندنێ ل رێڤه‌به‌ريا گشتيا ساخله‌ميا پارێزگه‌ها دهۆكێ د كۆنگره‌كێ رۆژنامه‌ڤانى دا راگه‌هاند كو ئه‌وان پلانێن تايبه‌ت بۆ رۆژانێن نه‌ورۆزێ هه‌بوون و گۆت: “ل سه‌يرانێن بنگه‌هێن ساخله‌ميا نوبه‌دار هه‌بوون و تێمێن هه‌وارهاتنا ده‌سپێكى ژى 122 د خزمه‌تا وه‌لاتيان دا بوون”.

زێده‌تر گۆت: “پلانا رێڤەبەریا گشتی ساخلەمییا پارێزگەھا دھۆکێ ل رۆژانێن چەژنا نەورۆزێ پێکھاتی بوو ژ دو لایەنا؛ پلانەک ل سەر ئاستێ چارەسەریێ بوو، دیسان ل سەر ئاستێ خۆپاراستنێ ژى”، ئاماژه‌ ب وێ چه‌ندێ ژى كر: ھەموو پشکێن تەنگاڤیا و نەخۆشخانێن مە یێن گشتی ل سەرانسەری پارێزگەھا دھۆکێ ٢٤ دەمژمێران د خزمەتا نەخوشان دابوون، ژ وان یێن سەرەدانا پشکا تەنگاڤیا کرین ھژمارەکا زۆر يا روودانا ھاتیە تۆمارکرن و گەلەک نشتەرگەری ژی ھاتینە تومارکرن , 217 نشتەرگەری ھاتینە تومارکرن ل رۆژانێن جەژنا نەورۆزێ 421 زارۆ ھاتینە سەر دونیایی ژ وان 209 کوڕ بووینە، 212 ژى کچ”.

دەربارەی ئامارێن روودانێن سۆتنێ ژى ره‌زيكى دبێژیت: “63 نەخۆشان سەرەدانا نەخۆشخانا سۆتن و نشتەرگەريێن جوانکاریێ کرینە ژ وان حه‌فت نەخۆش ھاتینە نڤاندن کو رەوشا وان یا باش نەبوویە، 21 روودانێن ترۆمبێلا ھاتینە تۆمارکرن ل سنورێ دھوکێ ژ ئەگەرێ ڤان روودانان دو کەسان گیانێ خوه‌ ژ دەست دایە،, ١٢ کەس ل سنورێ پارێزگەھا دھۆکێ جانێ خو ژ دەست دایە، دو کەس ژ ئەگەرێ سۆتنێ بووینە، دو کەس ژی ژ ئەگەرێ روودانێن ترۆمبێلا، چار کەس ژی ژ ئەگەرێ جەلتا مێشکی بووینە”.

به‌رپرسێ راگه‌هاندێ ل رێڤه‌به‌ريا گشتيا ساخله‌ميا دهۆكێ دا زانين ژى كو خزمەتا 122 کو 24 دەمژمێرا د خزمەتا وەلاتیان دا بوویە 25 کەسا ل جھێ سەیرانا پەیوەندی پێ کریە و پێراگەھشتنێن دەستپێکی بۆ ھاتیە کرن بەری بگەھنە نەخوشخانا.

رەزیکی دەربارەی پلانا خوپاراستنێ گۆت: “حه‌فت تیمێن زێرەڤانیا ساخلەمیێ ھاتبوونە پێکئینان کو سەرەدانا وان جھا کریە کو سەیرانیا قەست کربوویێ پتر ژ 100 جھا سەرەدانا وان کریە چ سەرپێچی نەھاتیە تومارکرن و نە ھاتنە سزادان، ھەوەرسا پێنج کەمپینە ھاتبونە پێکئینان”.

ئه‌ڤرۆ نيوز، نيوار محه‌مه‌د سه‌ليم:

به‌رپرسێ راگه‌هاندنێ ل رێڤه‌به‌ريا پۆليسێن دهۆكێ ئه‌نجامێن پلانا رۆژانێن نه‌ورۆز و ئێڤارا نه‌ورۆزێ راگه‌هاند.

رائيد هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن دهۆكێ، بۆ ئه‌ڤرۆ نيوز گۆت: “رێڤه‌به‌ريا پۆليسێن دهۆكێ بۆ ئێڤارايا نه‌ورۆز و رۆژانێن نه‌ورۆزێ پلانه‌ك بۆ پاراستنا گيان و سه‌روه‌ت و سامانێ وه‌لاتيان دارێتبوو، د ڤێ پلانێ دا هه‌موو پشكێن سه‌ر ب رێڤه‌به‌ريا پۆليسێن پارێزگه‌ها دهۆكێ و هێزێن ئێمناهيێ ژ هه‌موو پشكان پشكدارى تێدا كربوو”.

زێده‌تر گۆت: “پشتى بۆرينا رۆژانێن نه‌ورۆزێ ژ لايێ ئێمناهيێ ڤه‌ چو روودانێن دلته‌زين يان ژى يێن دزيێ يان هه‌ر ره‌نگه‌كێ دى نه‌هاتينه‌ تۆماركرنن ب ڤێ چه‌ندێ ژى پلان ب رێژا 100% يا سه‌ركه‌فتى بوو”.

به‌رپرسێ راگه‌هاندنێ ل رێڤه‌به‌ريا پۆليسێن دهۆكێ سۆپاسيا پۆليس و هێزێن ئێمناهيێ و هاريكاريا خه‌لكێ دهۆكێ كر كو پێكڤه‌ بووينه‌ ئه‌گه‌ر بۆ سه‌ركه‌فتنا ڤێ پلانا وان دانايى.

سۆز ژى دا كو ئه‌و دێ مل ب ملێ برايێن پێشمه‌رگه‌ سه‌نگه‌رێن ناڤخۆ يێن پارێزگه‌ها دهۆكێ پارێزن دا كو يا پاراستى بيت ژ هه‌ر ره‌نگه‌ تاوانه‌كێ.