ئەڤرۆ نیۆز، قائید میرۆ:
پەیڤدارێ پۆلیسێن ھەولێرێ دیارکر، فەرماندەکێ خانەنشینێ پێشمەرگەيی د ژيێ ٦٤سالیێ دا، دوھی ب گولەیه‌كێ دووماھی ب ژیانا خوە ئینایە و خوە کوشتیە.
رائید کاروان عەبدولکەریم، پەیڤدارێ پۆلیسێن پارێزگەھا ھەولێرێ بۆ ئەڤرۆ نیۆز راگەھاند: “ئێڤاریا دوھی ل تاخێ ئەفسەران یێ باژێڕێ ھەولێرێ، فەرماندەکێ خانەنشینێ پێشمەرگەيی ب چەکێ دەمانچێ دووماھی ب ژیانا ئینایە و گیانێ خوە ژ دەستدایە”.
ب گورەيی زانیاریێن ئەڤرۆ دەستپێکێ ئەف فەرماندێ پێشمەرگەيی برینداربوویە و پشتی گەھاندنا وی بۆ نەخۆشخانێ گیانێ خوە ژ دەستدایە و ھەڤژینا ئەڤی فەرماندێ خوە کوشتی، بەری نوکە وەزیرا حوکمەتا ھەرێمێ بوویە”.
ئه‌ڤرۆ نيوز:
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ راگه‌هاند كو ل شوونا دانانا قانوونا، فراكسيۆنا ئێكه‌تيا نشتيمانى كوردستان يا بنپێكرنا قانوونان دكه‌ت.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ ل سه‌ر په‌يجێ تايبه‌ت يێ خوه ل تۆڕا جڤاكسيا فه‌يسبۆكى نڤيسيه: “ل دەستپێکێ، ژ بەر نەبوونا هیچ پەیوەندیەکی دناڤبەرا کارێ پەرلەمانی و گرتنا حەیدەر شەشۆ، مە خۆ ژ داخوەیانی و لێدوانان لسەر ڤێ کەیسێ پاراست، لێ پشتی فراکسیۆنا کەسک ب بەیاننامە هاتینە دەنگ، ئەڤ سێ پرسیارێن لخوارێ لجەم مە پەیدا بوون”.
زێده‌تر هاتيه: “ئایا فراکسیۆنا کەسک و ئۆرگانێن ئێکەتیا نیشتمانی هەتا کەنگی شیانێن بەرگریێ ژ کەیسەکێ نەیاسایی هەیە، ئایا کارێ سەرەکیێ فراکسیۆنەکا پەرلەمانی یاسادانانە، یانژی پشتگیریکرنە ژ پێشێلکرنا یاسایێ، ئایا (ی.ن.ک) پشتگیریا لاوازکرنا پێگەهێ یاسایی، سەروەری و دامەزراوەیی یێ هەرێمێ دکەت؟”.
ئه‌ڤ گۆتنێن په‌يڤدارێ پارتى ل په‌رله‌مانێ كوردستانێ د ده‌مه‌كى دا هاتن كو سه‌رۆكاتيا هه‌رێما كوردستانێ راگه‌هاندى حه‌يده‌ر شه‌شۆ ئه‌ندامێ جڤاتا ناڤه‌نديا ئێكه‌تيێ و به‌رپرسێ هێزن پاراستنا شنگال و هه‌ڤالێن وى ژ به‌ر كارێ وان يێ نه‌قانوونى هاتينه ده‌سته‌سه‌ركرن و ل هه‌مبه‌ر وێ ژى فراكسيۆنا ئێكه‌تيێ ل په‌رله‌مانێ كوردستانێ به‌ياننامه‌كا نه‌رازيبوونێ و پشته‌ڤانيكرنا حه‌يده‌ر شه‌شۆيى ده‌ركرى.
ئه‌ڤرۆ نيوز:
پشتى ب دووماهى هاتنا كۆمبوونا سه‌رۆكاتياپ په‌رله‌مانێ كوردستانێ و رێكخبه‌رێ بزاڤا گۆران، نه‌وشيروان مسته‌فا و يوسف محه‌مه‌د كۆنگره‌كێ رۆژنامه‌ڤانيێ هه‌ڤپشك گرێدا.
د گۆنگره‌يى دا، نه‌وشيروان مسته‌فا، رێكخه‌رێ گشتيێ بزاڤا گۆران گۆت: “مه بيرۆبۆچووێن بۆ سه‌رۆكاتيا په‌رله‌مانى راگه‌هاندن و وه‌سا دبينين كو گۆنجايترين سيسته‌مێ سياسى ل هه‌رێما كوردستانێ په‌رله‌مانى يه وه‌كو يێ عيراقێ”.
ژێده‌ر: KNN
ئه‌ڤرۆ نيوز:
ل باژێرێ ره‌وانسه‌ر و ورمێ دو گه‌نجێن كورد يێن تووشبووى ب مادێن هۆشبه‌ر گيانێ خوه ژ ده‌ست دا كو ئێك 18 ساله و يێ دژى خێزانداره.
ب گۆره‌يى نوچه‌يه‌كێ كۆردپا، ل رێكه‌فتى 9ى نيسانا 2015ێ گه‌نجه‌كێ باژێرێ ره‌وانسه‌ر ژ ئه‌گه‌رێ ب كارئينانا مادێن ده‌ستكرد يێن هۆشبه‌ر ل ئێك ژ چيايێن ده‌وروبه‌رێن وى باژێرى دووماهى ب ژانا خوه ئيايه.
په‌يامنێرێ كۆردپا مرنا ڤى گه‌نجێ 18 سالى يێ ب ناڤێ وه‌فا گۆلمحه‌مه‌دى راگه‌هاند كو ژ ئه‌گه‌رێ ب كارئينانا ده‌رزيێ ل چيايێ “پشت قوله” گيانێ خوه ژ ده‌ست دايه.
ب گۆره‌يى ئامارێن ناڤه‌ندێن به‌رهنگاريكرنا مادێن بێهۆش زێده‌تر ژ مليۆنه‌ك و 400 هزار راهاتيێن مادێن هۆشبه‌ر ل ئيرانێ هه‌نه و ئامارێن نه‌فه‌رمى ژى تووشبوونا زێده‌تر ژى چار مليۆن كه‌سان رادگه‌هينن.
نوشداريا دادوه‌ريا ئيرانێ راگه‌هاند كو ب ره‌نگه‌كێ ناڤنجى رۆژانه ل ئيرانێ زێده‌ترى 10 كه‌سێن تووشبووى ب مادێن هۆشبه‌ر گيانێ خوه ژ ده‌ست دده‌ن.
په‌يامنێرێ كۆردپا ل ورمێ ژى راگه‌هاند كو وه‌لاتيه‌كێ دژى يێ خه‌لكێ ده‌ڤه‌را ته‌رگه‌وه‌ر ژ ئه‌نجامێ ب كارئينانا مادێن هۆشبه‌ر گيانێ خوه ژ ده‌ست دايه.
ئه‌ڤرۆ نيوز:
جڤاتا پيرێن فره‌نسى د راپۆرته‌كێ دا ئاشكه‌را كر كو نێزيكى 1500 فره‌نسيان وه‌لاتێ خوه ب جهـ هێلايه و چووينه سوريا و عيراقێ و گه‌هشتنه رێكخراوا تيرۆرستى يا داعش.
هه‌ر ب گۆره‌يى ڤێ راپۆرتێ نێزێكى نيڤا چه‌كدارێن داعش يێن بيانى ئۆروپى نه و گۆت: “413 فره‌نسى شه‌رى ژ بوو داعش ل عيراق و سوريا دكه‌ت”.
ئه‌ڤرۆ نيوز:
جێكرێ سه‌رۆك كۆمارێ عيراقێ ئاشكه‌را دكه‌ت كو هژمارا چه‌كدارێن داعش ل نه‌ينه‌وا د نوكه دا نابيته پێنج هزار چه‌كدار و كێمتر ژ 3% ژ خۆجهيێن پارێزگه‌هێ ل گه‌ل داعشن.
ئۆسامه نوجێفى، جێگرێ سه‌رۆك كۆمارێ عيراقێ د ديداره‌كێ دا ل گه‌ل كه‌نالێ سۆمه‌ريه نيوز راگه‌هاند كو ئه‌و هێزێن دێ پشكداريێ د ئازادكرنا نه‌ينه‌وا دا كه‌ن سۆپايێ عيراقێ و پۆليسێن فيدرال و پۆليسێن ناڤخۆ نه كو هژمارا وان دگه‌هيته 15 هزار چه‌كداران و حه‌شه‌د شه‌عبى كو هژمارا وان شه‌ش هزار چه‌كداره و هێزێن پێشمه‌رگه‌يى و هه‌ڤپه‌يمانيێن نێڤده‌وله‌تى نه.
ئاماژه ب وێ چه‌ندێ ژى دكه‌ت كو نوكه هژمارا چه‌كدارێن داعش ل ناڤ نه‌ينه‌وا پێنج هزار چه‌كداره و ژ وێ رێژێ ژى 45% هه‌لگرێن ره‌گه‌زنامێن ئۆرۆپى و سورى و ئاسياوى نه و گۆت: “ب تنێ 3% خۆجهيێن پارێزگه‌ها نه‌ينه‌وا سه‌ر ب داعشن”.
ئه‌ڤرۆ نيوز:
سه‌رۆكاتيا په‌رله‌مانێ كوردستانێ ده‌رباره‌يى پرسا دستوورى و ويلايه‌تا سه‌رۆكێ هه‌رێمێ دێ ل گه‌ل نه‌وشيروان مسته‌فا رێكخه‌رێ گشتيێ بزاڤا گۆڕان كۆم بيت.
د درێژاهيا سه‌ره‌دانێن شاندێ سه‌رۆكاتيا په‌رله‌مانێ كوردستانێ دا، بۆ لايێ لايه‌نێن سياسى ل دۆر پرسا دستوور و ويلايه‌تا سه‌رۆكێ هه‌رێمێ به‌رى نيڤرۆيا ئه‌ڤرۆ سه‌رۆك و جێگر و سكرتێرێ په‌رله‌مانێ كوردستانێ دێ سه‌ره‌دانا بزاڤا گۆڕان كه‌ن و ل سلێمانيێ ل گه‌ل نه‌وشيروان مسته‌فا رێكخه‌رێ گشتێ بزاڤا گۆڕان كۆم بن.
هه‌ڤده‌م بڕيار بوو ئه‌ڤرۆ شاندێ سه‌رۆكاتيا په‌رله‌مانى ل گه‌ل ئێكه‌تيا نشتيمانيا كوردستانێ كۆم بيت، به‌لێ ژ به‌ر ده‌ركه‌فتنا هه‌ردو جێگرێن سكرتێرێ گشتيێ ئێكه‌تيێ، كۆمبوون بۆ رۆژا شه‌مبى هاته پاشخستن.
شارەزایەکێ ئابووری ل زانکۆیا سەلاحەدین بۆ ئەڤرۆ نیۆز دیارکر کو پێشبینی یا بلند بوونا دۆلاری يا بەردەوامه و دبيت بگەھیتە 145 ھزار دیناران و دبيت ئه‌ڤ ساله هه‌موويێ ژ ڤى ره‌نگى بيت.
د. تەلعەت شارەزا د بیاڤێ ئابووری دا و مامۆستایێ زانکۆیێ گۆت: “ژ بەر نزمبوونا بھایێ پەترۆلێ و داھاتێ عیراقێ ل سەر پەترۆلێ یە، بھایێ دۆلاری بلند بوویە و ئەڤە هندى قه‌يرانا دارايى ل هه‌رێمێ و عيراقێ هه‌بيت دێ يا به‌رده‌وام بيت”.
د. تەلعەت ئاشکرا کر ژی کو دێ بھایێ دۆلاری ھێشتا گران بیت و دبيت 100$ بگه‌هنه 145 هزار دينارێن عيراقێ و ب ڤێ چه‌ندێ ژى وه‌لاتى دێ گه‌له‌ك زه‌ره‌ر مه‌ند بن.
ئه‌ڤرۆ نيوز:
بڕيار بوو ئه‌ڤرۆ په‌رله‌مانێ كوردستانێ ل گه‌ل ئێكه‌تيا نشتيمانى كوردستان ب روونيت، به‌لێ ژ به‌ر ئاماده‌نه‌بوونا هه‌ردو جێگرێن سكرتێرێ گشتيێ ئێكه‌تيا نشتيمانى كوردستان ئه‌ڤ سه‌ره‌دانه بۆ رۆژا شه‌مبى هاته پاشخستن.
ب گۆره‌يى پێزانينان كوسره‌ت ره‌سۆل يێ ل نه‌جه‌ف ژ بوو پشكداريكرن د رێوره‌سمێن ڤه‌شارتنا كه‌ساتيێ ديارێ شيعى محه‌مه‌د به‌حرئه‌لعلۆم و د. به‌رهه‌م سالح ژى يێ ل ژ ده‌رڤه‌يى وه‌لاتى.
نيشاندان