ئه‌ڤرۆ نیوز:

سه‌رۆك كومارێ توركیا ره‌جه‌ب ته‌یب ئه‌ردوگان سه‌رۆك كومارێ توركیا به‌حسێ هه‌لویستێ وه‌لاتێ خوه‌ دكه‌ت ل دۆر كارتێكرنا ئیرانێ ل ناڤ عیراقێ و دڤى بیاڤى دا دبێژیت: نابیت ئیران جهێ داعش ل مووسل بگریت.

هه‌ڤده‌م سه‌باره‌ت روى ب روى بوونا رێكخراوا داعش، ره‌جه‌ب ته‌یب ئه‌ردوگان ئاماژه‌ ب وێ یه‌كێ كر كو هێرشێن پیاده‌ د گرنگن بۆ ژناڤبرنا داعش و هه‌تا ئه‌ڤ چه‌نده‌ نه‌هێته‌ كرن، گه‌هشتن ب ئه‌نجامان یا ب زه‌حمه‌ته‌.

ئه‌ڤرۆ نيوز:

وه‌زيرێ ده‌رڤه‌ يێ كۆمارا ئيرانى، محه‌مه‌د جه‌واد زه‌ريف، داخواز ژ سعوديێ كر كو ب ده‌مه‌كێ گه‌له‌ك نێزيك هێرشێن خوه‌ بۆ سه‌ر يه‌مه‌ن ب راوه‌ستينيت.

زه‌ريف بۆ كه‌نالێ “عالم” يێ ئيرانى ب زمانێ عه‌ره‌بى گۆت: “داخواز ژ سعودى دكه‌ين ب له‌ز هێرشێن خوه‌ بۆ سه‌ر يه‌مه‌ن ب راوه‌ستينيت”.

ئاماژه‌ ب وێ چه‌ندێ ژى كريه‌ كو هێرشێن له‌شكرى بۆ سه‌ر يه‌مه‌ن سه‌روه‌ريا وه‌لاتى تێكدده‌ن و گۆت: “ئه‌ڤه‌ خوين رێتنێ راناوه‌ستينيت”.

وه‌زيرێ ده‌رڤه‌ يێ كۆمارا ئيرانى دا زانين ژى كو ئه‌و دێ هه‌موو بزاڤان كه‌ن دا كو ئه‌و كێشا نوكه‌ ل يه‌مه‌ن هه‌يى ب دووماهى بينن.

ئه‌ڤرۆ ده‌مژمێر 2:00 سپێدێ، 10 وه‌لاتان ب سه‌ركێشيا سعودى و ل ژێر ناڤێ گه‌رده‌لۆلا ب هێز هێرش كريه‌ سه‌ر وه‌لاتێ يه‌مه‌ن بۆ لێدانا حوسيان ئه‌وێن كوده‌ته‌يا له‌شكرى ل وى وه‌لاتى راگه‌هاندى و چه‌ندين كه‌سێن پله‌ بلند ژى ژ حوسيان كرينه‌ ئارمانج.

وه‌لاتێ ئه‌مريكا ژى پشته‌ڤانيا خوه‌ بۆ ڤان ره‌نگه‌ هێرشان دايه‌ دياركرن و وه‌زيرێ ده‌رڤه‌ يێ يه‌مه‌ن ژى دبێژيت: “هێرشێن سه‌ر يه‌مه‌ن بۆ وێ چه‌ندێ نه‌، يه‌مه‌ن نه‌كه‌ڤيته‌ ده‌ست ئيرانێ”.