ئەڤرۆ نیوز:
بەری دەمەکێ کێم پشکێشانا ھەردو قارەمانیێن شامپیۆن لیگ و ئورۆپا لیگ ھاتە کێشان.
شامپیۆن لیگ:
بەرشەلۆنا و بايرن ميونخ
يوڤانتۆس و ریال مەدرید
ئورۆپا لیگ:
ناپۆلی و دینیرۆ
سیڤیلیا و ڤیۆرینتینا
پشککێشانا شامپیۆن لیگ و ئورۆپا لیگ ھاتە کێشان
نووترين نووچه
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
- مالكی و فراكسیۆنا پارتی: پێدڤییە كێشەیێن هەلاویستی ل سەر بنەمایێ دەستووری و قانوونێ بهێنە چارەسەركرن
- بێدەنگییا دەزگەهێن فەرمی یێن ئیراقی بەرانبەر هێرشێن ل سەر هەرێما كوردستانێ جهێ حێبەتیێ یە
- هندەك ژ هێرشێن ل سەر هەرێما كوردستانێ ژ نەینەوا دهێنە ئاراستەكرن
- حوكمەتا ئیراقێ بودجەیا گرۆپێن هێرشان ل سەر كوردان دكەن دابین دكەت
- چاڤدێرەكێ سیاسی: گرۆپێن چەكدار نەچارن خوە ژ نەینەوا ڤەكێشن
- نابیت هێرشێن ل سەر بارەگەهێن پێشمەرگەی و شەڕ فرۆشتن ب هەرێما كوردستانێ بەردەوام بیت
- ئافرەتێن كوردستانێ هەردەم پشكەكا سەرەكی یا خەباتا گەلێ مە بوون
سهرهكى نووترين نووچه
كۆربهندێ گهشتيارى يێ ههرێمێ و ئيرانێ دێ هێته گێران
ئەڤرۆ نیۆز، قائید میرۆ:
سوبە رۆژا شەمبی رێكهفتى 25ى نيسانا 2015ێ دەستەیا گشتیا گەشتوگوزارا ھەرێمێ دێ کۆربەندێ د ناڤبەرا کۆمپانیێن ھەرێمێ و ئیرانێ دا ل تەھرانا پایتەختی ئیرانێ گێڕیت.
نادر رۆستی، پەیڤدارێ دەستەیا گشتیا گەشتوگوزارا ھەرێمێ بۆ ئەڤرۆ نیۆز گۆت: “بڕیارە سوبە ب مەرەما ئینانا كەشتیاران ژ ئیرانێ بۆ ھەرێما کوردستانێ، کۆڕبەندەک ل ئیرانێ بھێتە گێڕان”.
رۆستی گۆتژی: “گرێدانا ئەڤی کۆڕبەندی ب ھەڤکاریا قونسۆلخانەیا ئیرانێ یە ل ھەولێرێ و کۆمپانیێن کەرتێ تایبەت ل ھەرێمێ و ئیرانێ دێ تێدا پشکدار بن ل دۆر چاوانیا ئینانا گەشتیاران بۆ ھەرێمێ”.
نهقشهبهندى: ب هێز و تهكنۆلۆژيا لهشكرى تيرۆر ژناڤ ناچيت
ئهڤرۆ نيوز:
ل مهريوان نهقشهبهندى، ئاخفتنكهرێ ب ناڤێ وهزارهتا ئهوقاف و كاروبارێن ئاينى حوكمهتا ههرێما كوردستانێ د داخۆيانيهكێ دا بۆ كهنالێ FOX NEWS يێ ئهمريكى راگههاند: ههكه ئهمريكا 100 جار هندى نوكه هێز و تهكنۆلۆژيا لهشكرى ل دژى گرۆپێن تۆندرهوێن ئيسلامى ل جيهانا ئيسلامى بكار بينيت نهشێت فكر و ژێدهرێ تيرۆرێ ب تهمامى هشك بكهت.
ئاماژێ ب وێ چهندێ ژى دكهت كو باشتر رێ پشتهڤانيا ئهمريكا و كۆمهلگهها نێڤدهولهتى يه بۆ هێز و نهتهوێن ئازاديخواز و ئاشتيخواز ل ناڤ جيهانا ئيسلامى و بێ موسلمانێن مينارهو توندرهويا ئيسلامى ب دووماهى ناهێت.
YPG: داعش دڤێت ب ههر رهنگهكى خوه بگههينيته حهسهكه
ئهڤرۆ نيوز:
ئاخفتنكهرێ ب ناڤێ يهكينهيێن پاراستنا گهل “يهپهگه” ل رۆژئاڤايێ كوردستانێ راگههاند كو د هێرشێن ئهسمانى يێن ههڤپهيمانان بۆ سهر داعش ل رۆژئاڤا وهكو دهسپێكێ كارتێكرن نهمايه و تيرۆرست د رێيێن دى بۆ ڤهگوهاستنا چهك و تهقهمهنيان ب كار دئينن.
رێدوور خهليل، ئاخفتنكهرێ ب ناڤێ يهكينهيێن پاراستنا گهل “يهپهگه” گۆتژى: “تيرۆرستێن داعش نوكه چاڤێ خوه خستيه سهر پارێزگهها حهسهكه ب ههر رهنگهكێ ههبيت دهڤهرا تل تهمهر كۆنترۆل بكهن و ژ بهر هندێ ژى ئهو دهڤهر بۆ وان يا گرنگه”.
ناڤهندا چاپهمهنيا يهپهگێ ژى راگههاند كو دوهى د شهروپێكدادانێن خوه دا ل گهل چهكدارێن تيرۆرستى يێن داعش ل دهڤهرا جزيرێ 16 چهكدارێن داعش كوشتينه.
حهفت كهس ژ ئێك خێزان بريندار بوون
ئهڤرۆ نيوز، بارزان مزوورى:
بهرپرسێ پشكا هاتنوچوونا قهزا شێخان راگههاند كو دوهى ژ ئهنجامێ لێكدانا دو ترۆمبێلان ل سهر رێيا خهنس بۆ قهسرۆكێ حهفت ئهندامێن ئێك خێزان بريندار بوون و برينێن هندهك ژ وان ژى د گرانن.
بهرپرسێ پشكا هاتنوچوونا قهزا شێخان، پێشهنگێ هاتنوچوونێ، بهدرخان محهمهد سهليم بۆ ئهڤرۆ نيوز گۆت: “شهڤا بۆرى دهمژمێر 7:40 دهقيقه ل سهر رێيا سهرهكى يا خهنس بۆ قهسرۆك ل نێزيك گۆندێ مرێبا روودانهك د ناڤبهرا ترۆمبێلهكا پيكئاپ نيسان و تراكتورهك ژ جورێ فۆرگيسن روودا و د ئهنجام دا حهفت كهس ژ ئهندامێن ئێك خێزان ب دژوارى بريندار بوون”.
زێدهتر گۆت: “ئهڤ حهفت برينداره بۆ نهخۆشخانا شێخان هاتنه ڤهگوهاستن، بهلێ ژ بهر دژواريا برينێن وان بۆ نهخۆشخانا تهنگاڤيا ل دهۆكێ هاتنه ڤهگوهاستن كو هندهك ژ وان برينداران دهست و پێ و حهوزا وان شكهستينه”.
دا زانين ژى كو ئهو ترۆمبێلا ژ قهسرۆكێ دهات دا چيته گوندێ ميتكێ و مالا وان ل وى گوندى بوو، بهلێ خوه ل تانكهرێ تراكتورێ دايه و زيانێن مهزن گههشتينێ”.
دادگههێ حوكمێ دو سالا زيندان بۆ فهرماندێ لهشكرێ ئهمريكا ل عيراقێ دهركر
ئهڤرۆ نيوز:
جهنرال دايڤێد پاتريۆس فهرماندێ بهرێ يێ لهشكرێ ئهمريكا ل عيراقێ ب دو سال زيندان و غهرامهكرن ب 100 هزار دۆلاران هاته سزادان.
دوهى 24ى نيسانا 2015ێ سزايێ زيندانيكرن ب دو سالان و غهرامهكرن ب 100 هزار دۆلاران ل دژى جهنرال دايڤێد پاتريۆس سهركردێ هێزێن ئهمريكى ل عيراقێ و رێڤهبهرێ بهرێ يێ دهزگههێ ههوالگهريا ناڤهندى يا ئهمريكا دهرچوو.
ئهڤ سزايه بۆ ڤى فهرماندهيى دهرچوو ژ ئهگهرێ پێدانا هندهك پێزانينێن نهێنى ب كچهكا نڤيسهر كو مژوولى نڤيسينا ژيانناما وى بوو.
بهرى دو ههيڤان پاتريۆس دانپێدان ب وان تاوانێن دادگههێ خستينه پشت كر كو چهند نهێنى ڤهگوهاستينه و پێدڤى بوو ئهو نهێنى نههاتبانه ئاشكهرا كرن.
ل دهسپێكێ دادگههێ داخوازكر بوو كو دو سالان ل بن چاڤدێريێ بيت و 40 هزار دۆلاران بهێته غهرامه كرن، بهلێ دادوهر ب وێ پێشنيازێ رازى نهبوو، كره زيندان بۆ ماوێ دو سالان و 100 هزار دۆلار ژى غهرامه.
پاولا برودويل ئهو نڤيسهرا يا چيرۆكا ژيانا دايڤێد پاتريۆس دنڤيسيت كو ل گهل هندێ ههڤژين ژى يێ ههيى، بهلێ دهزگرا وى يه ژى.
ل سالا 2011 ل دهمێ مژوولى نڤيسينا ژيانناما خوه، رابوويه ب رادهستكرنا ههشت بهرگێن ماددێن نهێنى يێن ژيانا لهشكرى ل ئهمريكا ل دهمێ ل ئهفغانسان كو نهدبوو ئهو نهێنى هاتبانه ئاشكهرا كرن ژ لايێ لهشكرى ڤه.
د پرتووكا رهش دا، ناڤێ سيخورێن نهێنى يێن ئهمريكا، ستراتيژيهتا شهرێ ههڤپهيمانان، كۆنڤيسێ ديدارێن پهترايۆس ل گهل سهرۆك ئۆباما هاتينه ئاشكهرا كرن.
ل سالا 2013 نڤيسينگهها ڤهكۆلينێن فيدرالى ل ئهمريكا ژ ئهنجامێ پشكنينا مالا پاتريۆس دا ئهو پرتووك ديت بووين يێن وى ل سهردابا مالا خوه ل ويلايهتا ڤيرجينيا ڤهشارتبوون.
ژڤانێ بهلاڤكرنا مووچێ ماموستایێن گرێبهست هاته دیاركرن
ئهڤرۆ نیوز:
عهلى حهمه سالح ئهندامێ لژنا دارایى ل پهرلهمانێ كوردستانێ د پهیجێ خوهیێ فێسبوكێ دا ئاماژه ب وێ یهكێ كریه كو وان سهرهدانا وهزارهتا دارایى و ئابوورى كریه و پشتى ل گهل وهزیرێ دارایى كێشا نهدانا مووچێن ماموستایێن گرێبهست بهحس كرى، وهزیرێ دارایى راگههاند كو وان خوه یێ بهرههڤ كرى و ل نێزیك دێ مووچێ وان هێته مهزاختن.
ل دووڤ پێزانینێن شار پرێس بریاره حهفتیا بهێت مووچێ ماموستایێن گرێبهست بهێته بهلاڤكرن.
ژبهر ڤى ئهگهرى فهرشێ سوور بۆ فوئاد مهعسووم نههاته رائێخستن
ئهڤرۆ نیوز:
رێورهسمهكا مهزن ل كوچكا نوو یا ئهردوگان بۆ پێشوازیكرنێ ل د.فوئاد مهعسووم هاتبوو رێكخستن، بهلێ ل شوونا فهرشێ سوور، فهرشى شین بۆ هاتبوو رائێخستن.
میدیایێن توركیا ئهگهرێ ڤێ گوهۆرینێ ئانكو رائێخستنا فهرشێ شین ل شوونا یێ سوور ڤهدگهرینن بۆ ههستیارا رهجهب تهیب ئهردوگان كو وى دهمى سهرۆك وهزیر بوو، ئهردوگان ژبهر كو سوور رهنگێ ئالایێ توركیا بوویه، لهوما رازى نهبوویه فهرشێ سوور بهێته رائێخستن د پێشوازیكرن ل ههر سهركرده و مێهڤانهكێ قهستا كوچكا وى بكهت.
میدیایێن توركیا ئاماژه ب وێ یهكێ دكهن كو ل 19-11-2013 ئهنجومهنێ وهزیرێن توركیا بریارهك ل سهر فهرشێ پێشوازییێ دهركر كو رهنگێ سوور بهێته گوهۆرین بۆ رهنگهكێ شينى ئهسمانى.
نهمسا توركیا تووش كر
ئهڤرۆ نیوز:
توركیا بالیوزێ وهلاتێ خوه ل نهمسا داخواز دكهت پشتى كو حزبێن وى وهلاتى كو نوونهراتى ل پهرلهمانى ههیه، بهیاننامهك ئیمزاكرى كو تێدا كوشتارا چهرخهكێ بهرى نوكه ل دژى ئهرمهنان ل توركیا هاتیه ئهنجام دان، ب جینوساید دایه نیاسین.
وهزارهتا دهرڤهیا توركیا حهسهن گوێژ بالیوزێ توركیا ل نهمسا داخوازى وهلاتى كریه و ههروهسا بالیوزێ نهمسا ل توركیا داخواز كریه ههتا كو نهرازیبوونا توركیا بگههینیتێ.
وهزارهتا دهرڤهیا توركیا دیاركریه: پهرلهمانێ نهمسا مافێ وێ یهكێ نینه، گهلێ تورك تومهتبار دكهت كو بهروڤاژى قانوون و راستیێن دیرۆكى یه.
كۆژمێ پهترۆلا عيراقێ يا هاتيه هنارتن و بهايێ وێ ل ههيڤا ئادارێ ب ڤى رهنگى بوويه
ئهڤرۆ نيوز:
عاسم جيهاد، ئاخفتنكهرێ ب ناڤێ وهزارهتا پهترۆلا عيراقێ راگههاند د ههيڤا ئادارا بۆرى دا رێژا هنارتنا پهترۆلا عيراقێ باشترين ئاست تۆماركريه و گههشتيه 92 مليۆن و 400 هزار بهرميلان.
عاسم جيهاد، د راگههاندنهكا رۆژنامهڤانى دا راگههاند: ئهو رێژا پهترۆلێ د ههيڤا ئادارا بۆرى دا د رێيا كۆمپانيا سۆمۆ ڤه رهوانهيى بازارێن جيهانێ كرى، د ماوێ چارێكا ئهڤ ساله دا بلندترين ئاست ب خوه ڤه گرتيه.
گۆتژى: “رێژا هنارتنا پهترۆلێ ل بهسرا بوويه 84 مليۆن و 100 هزار بهرميلێن پهترۆلێ و داهاتێ وێ چار مليار و 60 هزار دۆرلا بووينه”.
دهربارهيى پهترۆلا كهركووك ژى ئهوا د رێيا كۆمپانيا سۆمۆ ڤه هاتيه فرۆتن، جيهاد گۆتى: “فرۆتيێ پهترۆلا كهركووك گههشتيه ههشت مليۆن و 300 هزار بهرميلان و داهاتێ وێ ژى 417 مليۆن دۆلاره”.
ئاخفتنكهرێ ب ناڤێ وهزارهتا پهترۆلێ ئاماژه ب وێ چهندێ كريه كو ههر بهرميلهكا پهترۆلا عيراقێ ل بازارێن جيهانێ ب 48 دۆلار و 45 سهنتێن ئهمريكى هاتيه فرۆتن.
پێشتر وهزارهتا پهترۆلا عيراقێ سهبارهت ب قهبارێ پهترۆلا خاڤ يا هاتيه هنارتن يا عيراقێ و كهركووك د ههيڤا شواتا بۆرى دا راگههاندبوو پهترۆلا خاڤا هنارتيا عيراق و كهركووك گههشتيه زێدهتر ژ 72 مليۆن بهرميلێن پهترۆلێ و داهاتێ وێ سێ مليار و 449 و 355 هزار دۆلار بوو.
نيشاندان
WP Facebook Auto Publish Powered By : XYZScripts.com