زاخۆ، یوسف موسـا:
ژ بەر کو ھەلویستێ وان ئەوقافا زاخۆ چار مەلا ژ کارێ گۆتارخواندنێ دوورخستن، پتری ١٥٠ مزگەفتان ژی کێماسیێن میلاکی ھەنە و ئەوێن ل شوونا وان کار دکەن د ئاستێ پێدڤی دا نینن.
مەلا سەعید عەبدۆلرەحمان، رێڤەبەرێ ئەوقاف و کارۆبارێن ئایینی ل زاخۆ بۆ رۆژناما ئەڤرۆ دیارکر، ژ بەر کو ھەلویستێ چار مەلایێن گۆتارخوون یێ زەلال نەبوو، و د گەل ئەڤرۆ نە دگونجین، لەو بۆ دەمەکی ژ کارێ گۆتارخواندنێ ھاتنە دوورخستن و گۆت: “چ مەلایێن ئەوقافا زاخۆ ب فەرمی نەچووینە د ناڤ رێزێن داعشێ دا”.
خویا ژی کر، نەبوونا مەلایێن بسپۆر کێشان بۆ وان دروست دکەن، کو نھۆ ل ٥٠ مزگەفتێن زاخۆ کادرێ ئەوقافێ وەکو میلاک نینە، لەو نەچار دبن پەنایێ بۆ خەلکێ خوەبەخش ببەن و ل شوونا وان ل وان مزگەفتان ب دانن و ب رێڤە ببەن، کو ھندەک ژ وان د ئاستێ پێدڤی دا نینن و گۆت: “٧٩ گۆتارخوون ژ میلاکێ مە دکێمن و ١٥٠ ئیمام ژی مە ڤالاھی ھەنە”.
ئاماژە ب وێ چەندێ ژی کر، نوکە ١٨٧ مزگەفت ل زاخۆ ھەنە و ٢٢ مزگەفت ژی یێ دھێنە دروستکرن، کو ١٨ ژ وان ژ لایێ خێرخوازان ڤەنە د گەل ھەموو پێدڤیێن وان.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
شه‌مه‌نده‌فرا TNT كرى يا داعش كه‌ته ده‌ستێ پێشمه‌رگه‌ى
ئه‌ڤرۆ نيوز:
كه‌مال كه‌ركووكى به‌رپرسێ ميحوه‌رێ رۆژئاڤا كه‌ركوكێ بۆ باسنيوز دياركر كو دوهى ل ده‌مێ شه‌ر و پێكدادانێن د ناڤبه‌را هێزێن پێشمه‌رگه‌ى و چه‌كدارێن داعش ل گوندێ (سه‌ید خلف)، ژ ئاليێ هێزێن پێشمه‌رگێ ل هه‌واهاتنێ ل سنورێ ميحوه‌رێ رۆژئاڤا كه‌ركوكێ و باژێروكێ دوبز، ئاميره‌كێ مه‌زن يێ گوله‌نه‌بر و بۆمبرێژكرى و به‌رهه‌ڤكرى بۆ په‌قاندنێ ده‌ست ب سه‌ردا هاته گرتن و پاشان ب هاريكاريا فرۆكێن هه‌ڤپه‌يمان هاته ژناڤبرن.
سوبه دێ په‌رده ل سه‌ر په‌یكه‌رێ شه‌هید هوجام هێته راكرن
ئه‌ڤرو نیوز،بارزان مزوورى
به‌رپرسێ راگه‌هاندنا قایمقامیا قه‌زا به‌رده‌ره‌ش، صالح عیسا، بۆ ئه‌ڤرو نیوز دیار كر كو دهێته سپێده‌یا روژا ئێك شه‌مبى ده‌مژمێر 10 سپێدێ 3/15 د رێورسمه‌كێ دا، ب ئاماده‌بوونا قایمقامێ قه‌زا به‌رده‌ره‌ش، سردار یه‌حیا و مالباتا شه‌هید هوجام و خه‌لكێ ده‌ڤه‌رێ ، دێ په‌رده ل سه‌ر په‌یكه‌رێ شه‌هید هوجام هێته راكرن.
ناڤبرى دیار كر كو ئه‌ڤ په‌یكه‌ره به‌رامبه‌ر ئاڤاهیێ ناحیا روڤیا هاتیه دانان.
ئیرانێ رێکخراوەک وەکو داعشێ دروست کر
ئەڤرۆ نیۆز، ھۆشەنگ تاجر:
ل گۆر راپۆرتەکا رۆژناما یێنی شەفەق یا تورکیا پشتی کو باژارێ مووسل ژ ئالیێ رێکخراوا تیرۆرستی یا داعشێ ڤە ھاتە کۆنترۆل کرن و مەترسی ل سەر بەغدا و باژارێن دی یێن شیعان دروست بوویی بەرپرسێن ئیرانێ بلەز رێکخراوا خراسان ئاڤا کرن و د ناڤ ٩ مەھان دا ب ھزاران چەکدارێن شیعە گەھشتنە وێ رێکخراوێ و وەک داعشێ ب چەکێن گران ڤە ھاتیە ب ھێز کرن.
د دووماھیا راپۆرتێ دا ئاماژە ب ڤێ یەکێ ھاتیە کرن کو رێکخراوا خراسان ژی وەک داعشێ ھشکباوەرە و چەکدارێن وێ وەک داعشێ درندەنە و ل سووریێ و عیراقێ ھەتا نھا چەندین چالاکی ئەنجام داینە و بەری مەھەکێ ژی ناڤێ خوە گوھۆرینە و خوە وەک دەولەتا ئیسلامی ل ئیران و شامێ ددەنە نیاسین.
ناکۆکیێن ھەدەپێ و حوکمەتا تورکیا دژوارتر لێ هاتن
ئەڤرۆ نیۆز، ھۆشەنگ تاجر:
سەلاحەدین دەمیرتاش ھەڤسەرۆکێ ھەدەپێ دوھی د پرێس کۆنفرانسەکێ دا راگەھاند کو حوکمەتا تورکیا نەڤێت پرسا کوردی چارە بکەت و ھەکە رەوش وەسا بەردەوام بیت چو تشتەک چارە نابیت و پەکەکە ژی دەستان ژ چەکی بەرنادەت.
ل ھەمبەر داخۆیانیێن دەمیرتاشی یالچین ئاکدۆگان جێگرێ سەرۆک وەزیرێن تورکیا دیار کر کو دەمیرتاش ھەر ل دەستپێکێ ھەتا نھا نەڤێت ئاشتی ل تورکیا دروست بیت و ئەم چاڤەرێ دکەین کو ل نەورۆزێ پێنگاڤێن باش بۆ ئاشتیێ بھێنە ئاڤێتن و دڤێت چەک ب تەمامی بھێنە بێدەنگ کرن و گۆت: (ھەتا چەک بێدەنگ نەبن حوکمەتا مە ژی نەشێت چو پێنگاڤان بھاڤێژیت و ئەم چو دەستکاریێ د قانوونا ناڤخوەیی دا کو بەری نھا ل پەرلەمانی ھاتبوو پەسەند کرن ژی ناکەین).
دۆلارێ سه‌خته هاتیه دهۆك و ئاكرێ
ئه‌ڤرۆ نیۆز، قائید میرۆ
هێزێن پۆلیسان چار كه‌س ب تۆمه‌تا سه‌خته‌كرنا دۆلارێ ئه‌مریكی ده‌سته‌سه‌ركرن په‌یڤدارێ پۆلیسان ژی ئاشكرا كر، ئه‌ف پارێ سه‌خته كه‌فتیه بازاڕێن هه‌ولێر و دهۆكێ و دبیت وه‌لاتی هشیاربن.
رائید كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” هێزێن پۆلیسان ب هه‌ڤكاری دگه‌ل ئاژانسا ئاسایشا هه‌رێما كوردستانێ شیان چوار كه‌سان ب تۆمه‌تا سه‌خته‌كرنا دۆلارێ ئه‌مریكی ده‌سته‌سه‌ربكه‌ن، ئه‌وژی پشتی كۆمكرنا زانیاریێن هویر ل دۆر ئه‌ڤێ باندا سه‌خته‌كرنێ.
كاروانی گۆت ژی” ئه‌ڤان چوار تۆمه‌تبارا ل وه‌لاته‌كێ جیران دۆلارێ ئه‌مریكی سه‌خته‌كریه و ئینایه ناڤا هه‌رێما كوردستانێ دا و كڕین و فرۆتن بڤی پارێ سه‌خته‌كریه و نوكه ئه‌ف پارێ سه‌خته لبازاڕێن هه‌ولێر و دهۆك و ئاكرێ و سۆران هه‌یه و داخوازێ ژ وه‌لاتیان دكه‌ین دده‌مێ دیتنا ئه‌ڤی پاره‌ی مامه‌لێ نه‌كه‌ن و نه‌هێلانا گونه‌هباریان ئاگه‌هداربكه‌ن.
وێنه و به‌لگه‌یان ببینن: داعش ماده‌كێ كیمیاوی دژی پێشمه‌رگه بكارئینایه
ئه‌ڤرۆ نیۆز: ڤه‌ده‌ر ره‌شاڤایی:
جڤاتا ئاساییشا هه‌رێما كوردستانێ د به‌ییاننامه‌كێ دا ئاشكرا دكه‌ت كو تیرۆرستێن داعش ماده‌كێ كیمیاوی كو گازا ژه‌هراوی یا كلۆرینه دهێرشێن خوه دا دژی هێزێن پێشمه‌رگه بكارئینایه.
ل 23 كانوونا دویێ یا 2015 ێ داعش دهێرشه‌كا خوه دا كلۆرین بكارئینابوو دژی پێشمه‌رگه‌ى، پێشمه‌رگه چه‌ند نموونه‌ك ژ ئاخا هێرش لسه‌ر چێبووی كۆم كربوون و دابوونه ده‌ستێ وه‌لاته‌كێ ئورۆپی یێ هه‌ڤپه‌یمانییا دژی داعش بۆ پشكنینێ، پشتی شرۆڤه و پشكنینان گازا كلۆرین تێدا دیاربوو كو دناڤ چه‌ك و ته‌قه‌مه‌نییان دا هاتبوو بكارئینان.
ئه‌ڤه ئێكه‌مین جاره بفه‌رمی و پشكنینڤه دهێته راگه‌هاندن كو داعش گازا كلۆرین بكاردئینیت، جڤاتا ئاساییشا هه‌ریما كوردستانێ ژی زێده‌باری ئیدانه‌كرنا ڤی كارێ داعش، خویاكر كو ئه‌ڤ یه‌كه وه‌سا دگه‌هینیت كو داعش پشتی شكه‌ستنێن خوه یێن به‌رده‌وام هه‌ر چ تشتێ ژ ده‌ستی هێت دێ كه‌ت.
ل گه‌ل هلاتنا تیرۆژكێن رۆژا 15 ئادارێ سێمێل ب تمامى هاته رزگاركرن
ئه‌ڤرۆ نیوز:
ل سپێده‌هیا رۆژا 14/3/1991 په‌یامێ رزگاركرنا باژێرێ دهۆكێ هاته راگه‌هاندن و سه‌رهلدانێ ده‌سپێكر، ب ڤى ئاوایی كوردپه‌روه‌رێن سێمێلێ ژى هه‌مى كۆمبوون و وێنێ سه‌رۆك مه‌سعود بارزانى بلندكرن و رێپیڤانا بێ دووماهى ژ چه‌ند كه‌سه‌كان و ژ تاخه‌كێ هه‌ژارن ب درووشمێن پارتی و كوردایه‌تی و تلیلیێن دایكان ده‌ستپێكر و كه‌تنه جادێ و ب رێ كه‌تن و ل گه‌ل هلاتنا تیرۆژكێن رۆژا 15/3/1991 باژێرێ سێمێلێ ب خوینا گه‌شا شه‌ش شه‌هیدێن قه‌هره‌مان و چه‌ند برینداران، ژ داگیركه‌ران ب تمامى هاته رزگاركرن و زولما داگیركه‌ران راكر و به‌رپه‌ره‌ك نوو ل به‌ر خه‌لكێ ده‌ڤه‌رێ ڤه‌كر.
سه‌رهلداى جارا ئێكێ گه‌هشتنه باره‌گه‌هێ به‌عسیان ل نیڤا مسیریكێ و شه‌هید (حه‌بیب بابیر لاوه‌ند) گولا ئێكى به‌ردایێ و خۆرتێن سه‌رهلداى ب دووڤدا ئاگر به‌ردانێ، پاشان به‌ر ب باژێرێ سێمێلێ كه‌تنه ڕێ و هێدى هێدى خه‌لك گه‌هشتنه رێپیڤانێ و هه‌ژمارا وان زێده‌بوو.
ده‌مێ سه‌رهلداى گه‌هشتینه سێمێلێ بوونه دو گرۆپ، ئێك ل بنی د ناڤ قه‌سرێن زه‌ر ڕا چوو، یا دى ژى ل سه‌رى د سه‌ر پانزینخانا كه‌ڤن ڕا كو هه‌ردو ل بنگه‌هێ پۆلیسان بگه‌هنه ئێكدو، هه‌تا خالا ده‌ستنیشان كرى چو ئاریشه نه‌بوون و ل ده‌سپێكێ هه‌ڤالێن سه‌رى باره‌گه‌هێ ئه‌منێ ستاند و ئاگر به‌ردایێ و گه‌هشتنه بنگه‌هێ پۆلیسان یێن دى ژى گه‌هشتنه بن جادێ به‌رانبه‌رى بنگه‌هى و خه‌لكێ سێمێلێ ژى ب هه‌ژماره‌كا بۆش ته‌ڤلى بوو، ئه‌ڤه هه‌مى هاته‌كرن و چو به‌هنگاریه‌كا وه‌سا نه‌بوو، رێڤه‌به‌رێ پۆلیسان خوه راده‌ستى سه‌رهلدایان كر و دووماهى بنگه‌ه باره‌گه‌هێ (ره‌فیق)ێن به‌عسیان بوو، كو شه‌ره‌كى دژوار دكرن، وان هه‌مى جۆرێن چه‌كى هه‌بوون و یێن سه‌رهلدایان ب تنێ تفه‌نگ بوون. هه‌ڤال (ره‌شید عه‌بدى خالد) بزاڤ كر، ئالایێ زه‌ر ل سه‌ربانى پۆلیسان بچكلینت كو ل به‌رانبه‌ر باره‌گه‌هێ ره‌فیقان بوو كو د ناڤ باره‌گه‌هێ وان دا بیكه‌یسیه‌ك دانا بوو، رێ نه‌ددا كه‌سێ، ده‌مێ وان ره‌شید دیتی ئێكسه‌ر ته‌قه لێكر و د جهدا شه‌هید كر، هه‌ر د بنگه‌هێ پۆلیسان ڤه (سه‌برى حامد) ژى شه‌هید بوو، ل ئالیێ خوارێ د بن جادا به‌رانبه‌رى بنگه‌هێ به‌عسیان و ل سه‌ر بانه‌كى (ته‌ته‌ر حه‌بیب) شه‌ره‌كى دژوار دژى دژمنی دكر، لێ گولێن ژ ئالیێن ره‌فیقان ڤه دهاتن ئه‌و ژى شه‌هید كر و ب چه‌ند متره‌كان ژ وى وێڤه‌تر، گه‌نجه‌كى دى یێ خوینگه‌رم ب ناڤێ (جه‌میل محه‌مه‌د سه‌رحان) ئه‌و ژى شه‌هید بوو، ل سه‌ر جادا سه‌ره‌كیا نیڤا باژێرى ده‌مێ سه‌رهلداى ژۆردا دهاتن به‌ر ب باره‌گه‌هێ (ره‌فیق)ێن به‌عسیان ڤه (حه‌جى یه‌حیا خه‌مۆ) و (محه‌مه‌د یوسف) ئه‌و هه‌ردو ژى ل وێ ناڤێ شه‌هید كه‌تن. پشتى كه‌تنا ڤان شه‌هیدێن قه‌هره‌مان و لاوازیا چه‌كى و نه‌بوونا هاریكاریێ، چه‌نده‌كێ ره‌وش ئالۆز بوو و سه‌رهلدایێن ژ مسیریكى هاتین كۆمبوون و خوه دانه هه‌ڤ، هه‌تا بوویه دانێ ئێڤارى و (حازم حاجى ئاغا) ده‌بابه‌ك ب ده‌ست خوه خستی و بریه سه‌رێ گرێ سێمێلێ و ژ وێرێ گولله به‌رداینه باره‌گه‌هێ به‌عسیان و ب سه‌رئێكدا ئینایه خوارێ، ب ڤى ئاوایی جاره‌كا دى روح ب جانێ سه‌رهلدایان دا هاته خوارێ و رێزێن خوه دانه هه‌ڤ و هیڤیا ئازادیێ جاردى د دلێ واندا گه‌شبووڤه.
شه‌ر به‌رده‌وام بوو هه‌تا بوویه شه‌ڤ، به‌رهنگاریا ژ باره‌گه‌هى ره‌فیقان دهات هه‌ر دژوار ما، هه‌مى سه‌رهلداى ل تاخێ كۆچه‌ران كۆمبوون و چه‌ند جه ل دۆرێن باره‌گه‌هێ به‌عسیان هاتنه ده‌ستنیشان كرن كو دڤێت زێره‌ڤانیه‌كا باش لێ بێته‌گرتن، هه‌تا كو دبته سحار، ب ڤى ئاوایی كار هاتنه به‌لاڤكرن و هه‌ر ئێك چوو جهێ خوه، (هنده‌ك هه‌ڤالان ڤیا ب شه‌ڤێ هێرشی باره‌گه‌هى بكن، لێ ژ به‌ر تاریاتیێ و نه‌زانینا هێزا دژمنى باره‌گه‌هى ڤه پاشخستنه رۆژا دى).
ل سپێدێ گۆتن هێرشه و ژ چه‌ند ئالیان ڤه خه‌لك چوونه د باره‌گه‌هێ به‌عسیان ڤه، به‌لێ ده‌مێ چووینه ژوور كه‌س نه‌مابوو، هه‌مى ره‌فیق دره‌نگى شه‌ڤێ ره‌ڤى بوون و خوه خلاس كربوون، ب تنێ ته‌رمێ ره‌فیقه‌كى عه‌ره‌ب ل وێرێ مابوو.
ل گه‌ل هلاتنا تیرۆژكێن رۆژا 15/3/1991 باژێرێ سێمێلێ ب خوینا گه‌شا شه‌ش شه‌هیدێن قه‌هره‌مان و چه‌ند برینداران، ژ داگیركه‌ران ب تمامى هاته رزگاركرن و به‌رپه‌ره‌ك نوو ل به‌ر خه‌لكێ ده‌ڤه‌را مه ڤه‌بوو.
هونه‌رمه‌ندێ ئه‌مریكی چاوا به‌حسێ كوردستانێ كر؟
ئه‌ڤرۆ نیوز: ڤه‌ده‌ر ره‌شاڤایی:
هونه‌رمه‌ندێ ناڤدارێ ئه‌مریكی و خودانێ خه‌لاتێ گرامی (نێلی) كونسێرته‌ك ل باژێرێ هه‌ولێرێ گێرا كو ژ ئالیێ رێكخراوا خێرخازییا روانگه هاتبوو رێكخستن كو لدووڤ گۆتنا رێكخراوێ داهاتێ وێ بۆ یێن د ده‌ستێ داعش رزگار بووین و ئاوارانه.
پشتی كونسێرتێ نێلی د ئاخڤتنه‌كێ دا بۆ كه‌نالێ سكای نیوز یێ بریتانی دبێژیت: بۆ من شه‌ره‌فه‌كا مه‌زنه كو وه‌لاتێ كوردستانێ پیته بمن دای، جوانترین مێڤانداری من ژ كوردا دیت، ئه‌ڤجا بڤی ره‌نگی هه‌ر كه‌سێ بیت دێ حه‌ز كه‌ت دوباره و سێباره سه‌را ڤی وه‌لاتی بده‌ته‌ڤه.”
ژ ئالێ خوه‌ڤه میدیایێن جیهانی بتایبه‌ت یێن ئه‌مریكی په‌سنا هونه‌رمه‌ند نیلی كر كو كونسێرت سازكری بۆ هاریكاریكرنا ئاواره و قوربانیێن ده‌ستێ تیرۆرستێن داعش، ل وه‌لاته‌كی كو د به‌رهنگاریه‌كا توندا تیرۆرستێن داعش دانه.
به‌هرا پتر ژ كه‌ل و په‌لێن سه‌ربازى، به‌غدا بۆ خوه رادكه‌ت
ئه‌ڤرۆ نیوز:
فه‌لاح مسته‌فا به‌رپرسێ فه‌رمانگه‌ها په‌یوه‌ندیێن ده‌رڤه یێ حوكمه‌تا هه‌رێما كوردستانێ بۆ رۆژناما گاردیان یا بریتانى راگه‌هاند: ئه‌و چه‌ك و كه‌ل و په‌لێن سه‌ربازى یێن ب رێیا به‌غدا دهێنه هنارتن، رێژه‌كا كێم دگه‌هته ده‌ستێ هه‌رێما كوردستانێ، و پرانیا وان به‌غدا بۆ خوه رادكه‌ت.
فه‌لاح مسته‌فا دیسا دیاركریه: هه‌رێما كوردستانێ پێدڤی ب چه‌كێ گران و كه‌ل و په‌لێن سه‌ربازى یێن زێده‌تره بۆ روى ب روى بوونا داعش، هه‌رێمێ داخوازا هێزا سه‌ربازى نه‌كریه، به‌لێ پێدڤى ب چه‌كێ گران هه‌یه.
نيشاندان
WP Facebook Auto Publish Powered By : XYZScripts.com