ئه‌ڤرۆ نیوز:
ئیلهامى ئیشك كو ل میدیا توركیا ب “باڵکجی” یێ به‌رنیاسه، ئێكه ژ گرنگترین ئه‌و ناڤێن كو د ناڤبه‌را ئیمرالى و ده‌وله‌تا توركى نێڤبه‌رى كرى، ئاماژه ب وێ یه‌كێ دكه‌ت كو ئوپه‌راسیونا كونترۆلكرنا مووسل ل دووماهیا هه‌یڤا 4 دێ هێته ئه‌نجامدان، و توركیا ب چالاكانه دێ پشكداریێ تێدا كه‌ت .
ئیلهامى ئیشك ئاماژه ب وێ یه‌كێ دكه‌ت كو پێشمه‌رگه و گه‌ریلایێن په‌كه‌كێ و هێزێن سوونى دێ پشكداریێ د ڤى شه‌رى دا كه‌ن.
ئه‌ڤرۆ نیۆز، قائید میرۆ
ئه‌ڤرۆ ژ ئه‌گه‌رێ په‌قینا TNT داعش ل میحوه‌رێ گوێڕ چوار پێشمه‌رگه‌یێن كوردستانێ برینداربوون و فه‌رمانده‌كێ پێشمه‌رگه‌ی ژی دبێژیت ره‌وشا برینداران یا باشه.
رائید پیرۆ ره‌شید، فه‌رماندێ پێشمه‌رگه‌ی ل میحوه‌رێ گوێڕ ب ئه‌ڤرۆ نیۆز راگه‌هاند” ئه‌ڤرۆ پشتی ترۆمبێله‌كا هێزێن پێشمه‌رگه‌ی چوویه ناڤا گوندێ تلڕیم ل میحوه‌رێ گوێڕ، TNT پێڤه په‌قی و د ئه‌نجامدا چوار پێشمه‌رگه برینداربوون.
رائید پیرۆی گۆتژی” ره‌وشا بریندارێن پێشمه‌رگه‌ی یا باشه و تنێ برینا ئێك ژوان یا گرانه، به‌لێ نوكه داعش ل ده‌ڤه‌رێ زۆر لاوازبوویه و شیانێن هێرشكرنێ نه‌ماینه ل سنورێ مه‌خموور و گوێڕ تنێ جار جار ته‌قه‌یێن دوور ل هێزێن پێشمه‌رگه‌ی دكه‌ن.
ئه‌ڤرۆ نیوز: ڤه‌ده‌ر ره‌شاڤایی:
ژێده‌ره‌كی ژ به‌ره‌یێ توركمانی ل هه‌رێما كوردستانێ راگه‌هاند كو توركیا لبه‌ره كونسلخانا خوه ل سلێمانیێ ڤه‌كه‌ت كو دێ بیته دووه‌م كونسلخانا توركی ل هه‌رێما كوردستانێ پشتی كونسلخانا هه‌ولێرێ.
ئایدن مه‌عرۆف سه‌رۆكێ به‌ره‌یێ توركمانی خویاكر: توركیا نیه‌ت هه‌یه د سه‌ره‌دانا خوه یا داهاتی دا ژ ئالیێ وه‌زیرێ ده‌رڤه و وه‌زیرێ ئابۆری یێ توركیا بۆ به‌غدا و هه‌رێما كوردستانێ كونسلخانه‌كێ ل باژێرێ سلێمانێ ڤه‌كه‌ت .
لدووڤ گۆتنا شرۆڤه‌كارێن سیاسی سلێمانیێ گرنگیا خوه بۆ توركیا هه‌یه ژبه‌ر هه‌بوونا ئیرانێ وه‌ك هێزه‌كا هه‌ڤرك بۆ توركیا ل هه‌رێمێ كو ته‌ركیزا خوه كریه سه‌ر سلێمانێ زێده‌باری هه‌ولێرێ، له‌ورا توركیا دڤێت په‌یوه‌ندیێن بهێزدگه‌ل هه‌رێما كوردستانێ بشێوه‌كێ گشتی هه‌بن.
ئه‌ڤرۆ نیوز:
سه‌رۆكێ فره‌نسا ل كومبوونا ل گه‌ل وه‌زیرێ پێشمه‌رگه‌ى راگه‌هاند: ل نێزیك دێ چه‌ند چه‌ك و كه‌رستێن دى یێن سه‌ربازى بۆ پێشمه‌رگه‌ى هنێرین.
شانده‌كێ وه‌زاره‌تا پێشمه‌رگه‌ى ل كوشكا ئلیزێ ژ ئالیێ فرانسو ئولاند سه‌رۆك كومارێ فره‌نسا ئه‌ڤرۆ پێشوازى لێ هاته كرن ، د كومبوونه‌كێ دا كو ده‌مژمێره‌كێ ڤه‌كێشاى به‌حسێ شه‌رێ پێشمه‌رگه‌ى ل دژى چه‌كدارێن داعش و هه‌ڤكاریا زێده‌تر یا پێشمه‌رگه‌ى هاته كرن، ژ ئالیێ خوه‌ڤه، سه‌رۆكێ فره‌نسا راگه‌هاند كو ل نێزیك ئه‌و دێ چه‌ند چه‌ك و كه‌رستێن دى یێن سه‌ربازى بۆ پێشمه‌رگه‌ى هنێرن.
ئه‌ڤرۆ نیوز: ڤه‌ده‌ر ره‌شاڤايی:
وه‌زیرێ كۆچ و كۆچبه‌ران یێ حكومه‌تا ئیراقێ جاسم موحه‌مه‌د جاف راگه‌هاند كو نه‌ته‌وێن ئێكگرتی 800 ملیۆن دۆلار پێشكێشی ئیراقێ كرنه لێ ئیراق بچه‌ند جاركی پێدڤی پتره ژ ڤی كوژمی.
د به‌یاننامه‌كێ دا جاف دبێژیت: ئه‌ڤ كۆژمێ پاره‌ی گه‌هشتیه ده‌ستێ ئیراقێ و به‌هرا وێ یه و د حسابه‌كا نه‌ته‌وێن ئێكگرتی دا هاتیه دانان و برێیا رێكخراوێن نێڤده‌وله‌تی دێ هێته مه‌زاختن بۆ هاریكاریكرنا ئیراقێ د قه‌یرانا وێ دا به‌رامبه‌ر ئاواره و په‌نابه‌ران دا، لێ داخازا ئیراقێ پتره.
نها ئیراق ب رێژا 65% كورتهێنان هه‌یه د ڤی بیاڤی دا ژبه‌ر ژمارا زێده یا ئاواران.
ئه‌ڤرۆ نیوز:
سه‌رۆك بارزانى د چوارچوڤێ پێشوازیكرنا ل شانده‌كێ ئه‌مریكى خوه‌شحالیا خوه ب سه‌ركه‌فتنا هێزێن عیراقێ ل باژارێ تكریتێ به‌رامبه‌ر تیرورستێن داعش نیشادا .
ئه‌ڤرۆ سه‌رۆك بارزانى ل هه‌ولێرێ پێشوازیا سیناتور میچ مەككۆنێڵ سه‌رۆكێ كوتلا زورینه یا كوماریخوازان ل جڤاتا پیرێن ئه‌مریكا و شاندێ ل گه‌ل دا كر.
شاندێ مێهڤان په‌سنا رۆل و قوربانیدانا هێزێن پێشمه‌رگێ كوردستانێ كر د شكه‌ستن پێ ئینانا تیرورستێن داعش و هه‌روه‌سا سه‌ركه‌فتنێن ڤێ دووماهیێ یێن هێزێن عیراقێ ل شه‌رێ دژى تیرورستان ب بلند نرخاند.
ئه‌ڤرۆ نیوز:
وه‌زاره‌تا سامانێن سروشتى یا حوكمه‌تا هه‌رێما كوردستانێ ل دووڤ خشته‌یه‌كێ هنارتنا نه‌فتێ بۆ كۆمپانیا سومو ب رێیا به‌غدا، دێ ئه‌ڤرۆ 1/4/2015 هنارتنا نه‌فتا خوه گه‌هینته 450 هزار به‌رمیلان د رۆژه‌كێ دا و 15 هه‌یڤێ دێ بیته 500 هزار و هه‌تا دووماهیا هه‌یڤێ دێ ب وى ره‌نگى بیت، هه‌روه‌سا هه‌تا دووماهیا ئه‌ڤ ساله دێ 625 هزار به‌رمیلان هنێریت و دێ قه‌ره‌بوونا هه‌یڤا 1 و دو ژى كه‌ت كو ل هه‌یڤا ئێك هه‌رێمێ 150 هزار به‌رمیل دهنارتن و هه‌یڤا 2 ژى 275 دهنارتن، و ب ڤێ چه‌ندێ و ل دووڤ رێككه‌فتنێ، هه‌رێما كوردستانێ دێ 100% پابه‌ندى رێككه‌فتنێ بیت و دێ به‌غدا نه‌چار بیت هه‌یڤانه ترلیونه‌ك و 200 ملیار دیناران بۆ هه‌رێمێ هنێریت هه‌روه‌كى د بودجێ عیراقێ دا هاتیه په‌سه‌ندكرن و دێ دووماهى ب قه‌یرانا بێ مووچه‌ییێ هێت .
ئه‌ڤرۆ نیوز:
وه‌زاره‌تا نه‌فتا عیراقێ رادگه‌هینیت : سه‌باره‌ت ڤه‌گوهاستنا نه‌فتا كوردستانێ، ئه‌و ل گه‌ل كۆمپانیا Marine Management Service و چه‌ند لایه‌نێن په‌یوه‌ندیدار گه‌هشتنه رێككه‌فتێ و وه‌زاره‌تا نه‌فتا عیراقێ دێ سكالایێن خوه ڤه‌كێشیت كو ل دادگه‌هێن یونانى توماركرین.
به‌رى نوكه رێ ل كومپانیا Marine Management Services دهاته گرتن كو نه‌فتا هه‌رێما كوردستانێ ڤه‌گوهێزیت ئه‌گه‌ر سومو رێ پێ نه‌دابا، به‌لێ نوكه ل گۆر رێككه‌فتنێ، ژ ئه‌ڤرۆ پێدا كومپانیا دشێت نه‌فتا هنارتنا هه‌رێمێ ڤه‌گوهێزیت.
ئه‌ڤرۆ نيوز:
به‌رى ده‌مه‌كێ كێم پرۆژێ قانوونا سندوقا كوردستان بۆ داهاتێن نه‌فت و گازێ هاته په‌سه‌ندكرن.
په‌رله‌مانێ كوردستانێ ل سه‌ر مالپه‌رێ خوه يێ فه‌رمى راگه‌هاند كو پرۆژێ قانوونا سندوقا كوردستان بۆ داهاتێن نه‌فت و گازێ هاته په‌سه‌ندكرن.
سندوقا داهاتێن نه‌فتى ئێكسه‌ر دێ ب جڤاتا وه‌زيران ڤه هێته گرێدان و ب گۆره‌يى قانوونێ هه‌موو به‌رهه‌مێن نه‌فتى يێن هه‌رێمێ دێ چنه د ناڤا وێ سندوقێ دا.
شرين حوسنى ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ب گۆره‌يى ڤێ قانوونێ، هه‌ر قه‌زايه‌كا په‌ترۆل لێ ده‌ركه‌ڤيت دێ بۆ هه‌ر به‌رميلێ دو دۆلا هێنه مه‌زاختن”.
سندوقا داهێن نه‌فتێ ژ 16 ماده و شه‌ش پشكان پێك دهات و ماده‌ك ل سه‌ر هاته زێده‌كرن.
ئه‌ڤرۆ نيوز:
حوكمه‌تا رۆمانيا ژى ئه‌ڤرۆ رۆژا چارشه‌مبى رێكه‌فتى 1\4\2015 راگه‌هاند كو ئه‌و يا ئاماده‌يه هاريكاريا بريندارێن هه‌رێمێ يێن هێزێن پێشمه‌رگه‌يى بكه‌ت ئه‌وێن د شه‌رێ دژى داعش دا بريندار بووين.
د به‌ياننامه‌كا حوكمه‌تا هه‌رێما كوردستانێ دا يا په‌يوه‌نديێن ژ ده‌رڤه ل هه‌رێما كوردستانێ كوردستانێ هاتيه كو ل ده‌مێ مێڤانكرنا شاندێ بالێوزخانا رۆمانيا ل هه‌ولێر ته‌كست ل سه‌ر وێ چه‌ندێ هاتيه كرن كو رۆمانيا ئاماده‌يا خوه ده‌ربڕى يه هاريكاريا هه‌رێما كوردستانێ بكه‌ت د چاره‌كرنا بريندارێن وێ يێن هێزێن پێشمه‌رگه‌يى ئه‌وێن د شه‌رێ دژى تيرۆرێ دا بريندار دبن.
نيشاندان