ئه‌ڤرۆ نيوز:
ئه‌ڤرۆ ل ده‌مژمێر 9:00 سپێدێ هه‌لبژارتنێن كانتۆنا جزيرێ بێى پارتێن د ناڤا ENKS ێ دا كو 12 پارتن ب رێڤه چوو، بڕياره ل 12 باژێرڤانيان ژبلى تل ته‌مه‌ر بهێنه ئه‌نجام دان و بۆ ڤێ مه‌ره‌مێ ژى 12 ناڤه‌ندێن هه‌لبژارتنان و 160 سندوقێن هه‌لبژارتنان داناينه.
ئه‌ڤ هه‌لبژارتنه ژ لايێ كۆمسيۆنا بلندا سه‌به‌خۆيا هه‌لبژارتنان ل كانتۆنا جزيرێ كو ژ لايێ حزبێن ده‌رڤه‌يى ته‌ڤده‌م دهێته ب رێڤه‌برن كو ده‌زگه‌هه‌كێ حزبى يه سه‌ر ب پارتيا ئێكه‌تيا ديموكرات ڤه PYD ێ.
جڤاتا نشتيمانى يا كوردى ل سوريا د راگه‌هاندنه‌كێ دا، پشكداريا خوه د لێڤه‌گه‌را سياسى دا هه‌لپه‌سارد.
جڤاتا نشتيمانى يا كوردى ل سوريا، ENKS، د راگه‌هاندنه‌ك به‌لاڤكر و تێدا ئه‌ندامه‌تيا خوه د لێڤه‌گه‌را سياسى هه‌لپه‌سارد ژ ئه‌نجامێ پێداگريا ته‌ڤگه‌را جڤاكا ديموكرات TEV-DEM بۆ ئه‌نجامدانا هه‌لبژارتنێن باژێرڤانيێن كانتۆنا جزيرێ.
د پشكه‌كا دى يا راگه‌هاندنێ دا هاتيه: “د پێناڤى پاندبوونێ ب رێكه‌فتناما دهۆك بۆ ئه‌نجامدانا كارێ هه‌ڤپشك مه گه‌له‌ك بزاڤ كرن دا كو هه‌لبژارتنێن كانتۆنا جزيرێ بهێنه پاشخستن، ئه‌ڤا بڕيار بوو 13-3-2015 بهێنه ئه‌نجام دان، چونكو ئه‌ڤ هه‌لبژارتنه سه‌قايه‌كێ باش بۆ رێكه‌فتنا دهۆك ده‌سته‌به‌ر ناكه‌ت و د هه‌مان ده‌م دا زيانێ ب هه‌ڤپشكيێ دگه‌هينيت”.
ل دووماهيێ ژى د راگه‌هاندنا ڤاتا نشتيمانى يا كوردى ل سوريا دا كو ژ 12 پارتێن كوردى پێكهاتيه و ل ژ ده‌رڤه‌يى ئيدارا كانتۆنێن رۆژئاڤايێ كوردستانێ يه، هاتيه: “بۆ هه‌موو لايه‌كى رادگه‌هينين كو مه ئه‌ندامه‌تيا خوه ژ لڤه‌گه‌را سياسى هه‌لپسارديه، پشتى كۆمبوونا 5-3-2015ێ”.
مێ ژى
نيشاندان
