ئه‌ڤرۆ نيوز:
نێزيكى 16 هزار سه‌ربازان دووماهى ب راهێنانێن خوه ئينايه كو د كه‌مپه‌كا مه‌شق و راهێنانا سه‌ربازى دا هاتينه به‌رهه‌ڤكرن بۆ كونترولكرنا مووسل.
ئەسیل نوجيفی پارێزگارێ مووسل دياركر ڤێ ژمارا سه‌ربازان راهێنانێن كولان ب كولان يێن كرين، هه‌روه‌سا رژدى ل سه‌ر پشكداريكرنا هێزا پێشمه‌رگه‌ى د شه‌رێ ئازادكرنا باژێرێ مووسل دا كر.
ئەسیل نوجيفی پارێزگارێ مووسل ئاماژه ب وێ چه‌ندێ ژى دا كو نوكه 8 هزار سه‌ربازێن دى مه‌شق يێ پێ دهێته كرن كو 3 هزار ل قه‌زا مه‌خمون و 5 هزارێن دى ل قه‌زا شێخانن.
ئه‌ڤرۆنیۆز، سالار دۆسكى:
رێڤه‌به‌رێ كۆمپانیا ئاهێن خوارنێ ل پارێزگه‌ها دهۆكێ دیاركر كو ئێدى ئاوارێن پارێزگه‌ها دهۆك دێ ب رێكا بریكارێن ئاهێن خوارنێ شێن ئه‌رزاقى وه‌ك وه‌لاتیێن پارێزگه‌هێ وه‌رگرن.
ئه‌حمه‌د تاها رێڤه‌به‌رێ كۆمپانیا ئاهێن خوارنێ بۆ مالپه‌رێ ئه‌ڤرۆ گۆت: ئارێ هه‌یڤا ئادارێ ل سه‌ر ئاواران هاتیه به‌لاڤكرن، نوكه دێ ئه‌رزاقێ هه‌یڤا ئادارێ ژى ل سه‌ر ئاواران هێته به‌لاڤكرن، بڤى ره‌نگى هه‌موو ئاواره ب شێوه‌كێ دا دپه‌روه‌رانه ب ئه‌رزاق كه‌ڤن.
تاهاى گۆت: به‌رى نوكه ئه‌رزاق ب رێكا رێكخراوان دهاته به‌لاڤكرن نوكه لدووڤ بریاره‌كا به‌غدا ب رێكا بریكارێن ئاهێن خوارنێ دێ هێته به‌لاڤه‌كرن، هه‌ر چه‌ند ئاواره ل پارێزگه‌ها دهۆكێ بن دێ مفاداربن ژ بریارێ و هه‌ر وه‌لاتیه‌كێ دهۆكێ چ وه‌ربگریت، ئاواره ژى دێ هه‌مان مادێ ئه‌رزاقى وه‌رگریت و هه‌تا 600 هزار ئاواران دێ مفا دارێ بریارێ بیت.
رێڤه‌به‌رێ كۆمپانیێن ئاهێن خوارنێ گۆتژى: په‌نابه‌رێن توركى ژى ئه‌وێن نوكه ل پارێزگه‌هێ و پێشتر ناڤێ خوه تۆماركر بیت ئه‌وژى دێ ئه‌رزاقى وه‌ردگرن.
ئه‌ڤرۆ نيوز:
هشيار زێبارى وه‌زيرێ داراييێ عيراقێ بۆ ئاژانسا رويته‌رز راگاهاندى يه هه‌ر چه‌ند قه‌يرانا دارايى يا به‌رده‌وام بيت، به‌لێ رێككه‌فتنا هه‌ولێر و به‌غدا دێ يا به‌رده‌وام بيت و ل نێزيك دێ كوژمه‌كێ دى يێ پاران بۆ هه‌رێما كوردستانێ هنێرن.
هشيار زێبارى وه‌زيرێ داراييێ عيراقێ دياركر ل نێزيك دێ خوله‌كا دى يا دانوستاندنان د ناڤبه‌را هه‌رێما كوردستانێ و عيراقێ ل دۆر رێككه‌فتنا د ناڤبه‌را وان دا ئه‌نجام ده‌ن بۆ وێ يه‌كێ ل سه‌ر رێككه‌فتنا د ناڤبه‌را وان دا هاتيه كرن، بمينن.
ل 2/12/2014 هه‌ولێر و به‌غدا ل سه‌ر هنارتنا 250 به‌رميلێن رۆژانه ژ ئاليێ هه‌رێما كوردستانێ و هنارتنا 300 به‌رميلێن كه‌ركووكێ رێككه‌فتيوون كو د به‌رامبه‌ر دا، حوكمه‌تا عيراقێ دێ بودجێ هه‌رێمێ هنێريت.
ئه‌ڤرۆ نیوز، هه‌ژار مه‌عروف:
سه‌روكێ یانه‌یا زاخۆ عه‌بدولوهاب محه‌مه‌د عیسا بۆ مالپه‌رێ ئه‌ڤرۆ نیوز دیاركر ل وه‌رزێ ئه‌ڤ ساله پشته‌ڤانێن یانێن به‌غدا و ژوریا به‌غدا دژاتیا یانێن هه‌رێما كوردستانێ دكه‌ن ئه‌وێن پشكدار دخولا عیراقێ دا ب تایبه‌ت ل یاریێن جه‌ماوه‌رى دا كو په‌یڤێن دور ژ وه‌رزشى و ره‌گه‌ز په‌رستى دژى یانێن كوردستانى د بێژین و ماوه‌كێ درێژه ئه‌ڤ گوتنه دهێنه گوتن.
هه‌ردیسان ناڤبرى دیاركر ئێكه‌تیا ته‌پا پێى یا عیراقێ به‌رامبه‌ر ئه‌ڤێ چه‌ندێ یا گونه‌هباره ژبه‌ركو هه‌تانوكه چ یانه نه سزاداینه هه‌كه یانه‌یه‌ك بهێته سزاكرن باوه‌رم دووباره نابیت پێدڤى یه زووترین ده‌م ئه‌ڤ چه‌نده بهێته چاره‌سه‌ركرن هه‌كه دێ ئاریشه‌یێن مه‌زنتر دناڤبه‌را یانێن كوردستانى و عیراقى دا رووده‌ن.
ناڤبرى زێده‌تر گوت: ژلایێ دادڤانان ڤه زولمه‌كا مه‌زن ل یانێن دهۆك و زاخۆ دهێته‌كرن، ب كه‌یڤا خوه دادڤانان ددانن و ل وه‌رزێ ئه‌ڤ ساله یانا مه گه‌له‌ك جاران بوویه قوربانا فیركا دادڤانى .
زێده‌تر ناڤبرى دیاركر ژ نه‌چارى ئه‌و پشكداریێ دخولا عیراقێ دا دكه‌ن ژبه‌ركو ژ هه‌مى لایه‌كى ڤه یانێن به‌غدا و ژوریا عیراقى دژاتیا یانێن كوردستانێ دكه‌ن ب تایبه‌ت ئه‌ندامێن ئێكه‌تیا عیراقێ.
ئه‌ڤرۆ نیۆز، سالار دۆسكى:
د ناڤا چه‌ندین په‌یچێن فێسبووكى دا، چه‌ندین كه‌ساتیێن سه‌ر ب ئێكه‌تى نشتیمانى كوردستان ڤه ل دهۆكێ دیاركرینه كو ئێكه‌تیێ پوست ل پارێزگه‌ها دهۆك وه‌رگرتینه، جێگرێ به‌رپه‌رسێ مه‌لبه‌ندێ 4 ێ ئێكه‌تیێ ژى ل دهۆكێ بۆ ئه‌ڤرۆ نیۆز ل سه‌ر بابه‌تى دهێته ده‌نگ.
عه‌لى مسته‌فا ئوره‌مارى جێگرێ به‌رپرسێ مه‌لبه‌ندێ 4 ێ ئێكه‌تی نشتیمانى كوردستان ل دهۆكێ بۆ ئه‌ڤرۆ نیۆز گۆت: هه‌تا ئه‌ڤرۆ چو دانوستان ل سه‌ر پوستێن پارێزگه‌ها دهۆكێ نه‌هاتینه‌كرن، هه‌ر تشته‌كێ هه‌بیت، بۆچوونێن كه‌سوكى نه، ئه‌ڤان به‌لاڤه‌كرنا چو په‌یوه‌ندى نه ژنێزیك و نه ژدوور ب مه‌ڤه نینه و چ بنیات نینه و سه‌ر و بن پرۆپاكنده‌نه، پارتى نه‌یا به‌رهه‌ڤه دانوستاندنا بكه‌ت.
ئوره‌مارى گۆتژى: پارتى نه‌ڤێت ل پارێزگه‌هێن سلێمانیێ و هه‌له‌بجه رێكه‌فتن چێ ببیت، دا ل دهۆك و هه‌ولێرێ چ پوستان ب لایه‌نان نه‌ده‌ن و بڤى ره‌نگى ئه‌و مفاداره، پارتى ل دهۆك چ ده‌ست پێشخه‌رى بۆ دانوستاندنا نینه.
ئه‌ڤرۆنیۆز، سالار دۆسكى:
ب هه‌لكه‌فتا هاتنا نه‌ورۆزێ و سه‌رێ سالا كوردى، رێڤه‌به‌ریا گشتى یا ره‌وشه‌نبیرى و هونه‌رى دیاركر كو چوو به‌رنامێن فه‌رمى نین بۆ گێرانا ئاهه‌نگان یان ساخكرنا ڤێ بیره‌وه‌ریا نه‌ته‌وه‌یى.
حه‌سه‌ن عارف به‌رپرسێ راگه‌هاندنا رێڤه‌به‌ریا گشتى یا ره‌وشه‌نبیرى و هونه‌رى، بۆ مالپه‌رێ ئه‌ڤرۆ نیۆز گۆت: ژ به‌ر كاودانێن نوكه كوردستان تێدا دبوریت، شه‌رێ ل سه‌ر ملله‌تێ مه هاتیه سه‌پاندن، چوو به‌رنامه و ئاهه‌نگ بڤێ هه‌لكه‌فتێ نابن.
هه‌ڤده‌م، ئدریس هه‌ركى، بریارده‌رێ ئه‌نجوومه‌نێ پارێزگه‌ها دهۆك گۆت: هه‌كه ئاهه‌نگ و ستران و دیلان نه‌بن باشتره، چونكه نوكه د قوناغه‌كێ دا ده‌رباز دبین رۆژانه شه‌هید و بریندار هه‌نه و ملله‌تێ مه د كاودانێن شه‌رى دا دبوریت، بتنێ هه‌كه بۆ ساخكرنا بیره‌وه‌ریێ ئاگر بهێته‌هه‌لكرن.
ئه‌ڤرۆ نیوز، هه‌ژار مه‌عروف
به‌رى ده‌مه‌كێ كورت كومبوونا ده‌ست نیشانكرنا سه‌رۆكێ یانه‌یا دهۆك یێ نوو ب دووماهى هات كو ژلایێ به‌رپرسێن وه‌رزشى ڤه هاتبو كرن دڤێ كومبوونێ دا رێڤه‌به‌رێ گشتى یێ وه‌رزشى ل كوردستانێ د. شاكر ئه‌حمه‌د سمو ئاماده‌ببوو.
د ڤێ كومبوونێ دا بژار ئیسماعیل وه‌كو سه‌رۆكێ یانه‌یا دهۆك یێ به‌روه‌خت هاته ده‌ست نیشانكرن هه‌تا ده‌مێ هه‌لبژارتنا و فه‌رمان یوسف وه‌كو سكرتێرێ یانێ و عه‌مه‌ر ره‌شید ئه‌ندامێ نوو یێ یانه‌یا دهۆك هاتنه ده‌ست نیشانكرن.
هه‌ژى گوتنێ یه بژار ئیسماعیل ئێك ژ به‌رنیاسترین یاریكه‌رانه لسه‌ر ئاستێ پارێزگه‌ها دهۆكێ و زێده‌تر ده‌ه سالان وه‌كو كابتنێ یانه‌یا دهۆك بوو دخولا عیراقێ دا.
ئه‌ڤرۆ نيوز:
فاتح مه‌وله‌وى په‌يڤدارێ وه‌زاره‌تا په‌روه‌ردێ راگه‌هاند كو رۆژا 5 شه‌مبى كو سالڤه‌گه‌را سه‌رهلدانا كوردستانێ يه، دێ بيته بهێنڤه‌دان بۆ په‌روه‌ردێ ژى وه‌كو هه‌موو وه‌زاره‌تێن دى يێن حوكمه‌تا هه‌رێما كوردستانێ و گۆت: بهێنڤه‌دانا پێنجشه‌مبيێ ناڤه‌ندێن خواندنێ ييێن پارێزگه‌ها دهۆك ڤه‌ناگريت، ژبه‌ر گيروبوونا خواندنێ ل وێ پارێزگه‌هێ.
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل محیوه‌رێ خازر دیاركر، ره‌وشا چه‌كدارێن داعش زۆر خراب بوویه و لسه‌ر دیوارێن باژێرێ مووسل كه‌سێن نه‌نیاس گه‌فان ل چه‌كدارێن داعش دكه‌ن. سه‌ید هه‌ژار، جێگرێ فه‌رماندێ فه‌رمانده‌یا زێره‌ڤانی ب مالپه‌ڕێ ئه‌ڤرۆ نیۆز راگه‌هاند” ئه‌ف هێرشێن ڤێ دووماهیێ داعش دكه‌ته سه‌ر هێزێن پێشمه‌رگه چو كاریگه‌ری لسه‌ر ره‌وشا پێشمه‌رگه‌ی نه‌بوویه و د هه‌موو هێرشاندا چه‌كدارێن داعش شكه‌ستن ئینایه و ب ده‌هان كه‌س هاتینه كوشتن. سه‌ید هه‌ژاری گۆتژی” نوكه زانیاریێن دروست مه لسه‌ر ره‌وشا ناڤا باژێڕێ مووسڵ هه‌نه و گه‌فێن زۆر ل چه‌كدارێن داعش دهێنه‌كرن و داعش هه‌ست بڤێ مه‌ترسیێ كریه و لسه‌ر دیوارێن باژێڕی گه‌ف ل داعش دهێنه‌كرن و ژبه‌رڤێ چه‌ندێ داعش د ره‌وشه‌كا خراپدایه.
ئه‌ڤرۆ نيوز:
ب مه‌ره‌ما ئاماده‌كاريان بۆ رزگاركرنا مووسل، سوبه‌هى رۆژا چارشه‌مبى رێكه‌فتى 4\3\2015 وه‌زيرێ به‌ره‌ڤانيا توركيا، عسمه‌ت به‌لماز دێ سه‌ره‌دانا عيراقێ و هه‌رێما كوردستانێ كه‌ت.
مه‌ره‌م ژ سه‌ره‌دانا وه‌زيرێ به‌ره‌ڤانيا توركيا نيشادانا ئه‌ماده‌يا وه‌لاتێ وى يه بۆ پشكداريكرن د ئۆپه‌راسيۆنێن دژى داعش دا ژ بوو رزگاركرنا باژێرێ مووسل.
عسمه‌ت يه‌لماز د كۆنگره‌كێ رۆژنامه‌ڤانى دا ل ناڤ په‌رله‌مانێ توركيا گۆت: “دێ ل گه‌ل سه‌رۆكێ وه‌زيران و وه‌زيرێ به‌ره‌ڤانيێ و سه‌رۆكێ ده‌سته‌يا ئه‌ركانێن سۆپايێ عيراقێ و سه‌ركرداتيا هه‌رێما كوردستانێ كۆم بم”.
گۆتژى: “كۆمبوونێن من ل به‌غدا و هه‌ولێر دێ ل دۆر هه‌ڤكاريا پرۆسا رزگاركرنا مووسل بن، ته‌كست كر كو توركيا پشته‌ڤانيا وێ هه‌ڤپه‌يمانيێ دكه‌ت ئه‌وا ب سه‌ركرداتيا ئه‌مريكا بۆ ژ ناڤبرنا داعش هاتيه پێكئينان”.
نيشاندان